حارة المساطيل - عرض مشاركة واحدة

06-04-2007, 01:59 PM

أولاُ / لاهنت على التغطية يا باش إعلامي ( أخاف أقول مهندس تحذف الموضوع من البطره ) !!

ثانياً / الحلقة لا باس فيها بغضّ النظر عن الجفاف الطاغي على أجوائها .. لكن هذا شيّ متوقّع على أساس بزور وكذا .. وصدّقني لو ربّي هادي نكهة ومشارك كان صار في الحلقة روح وحماس بعيد عن الجفاف اللّي شفناه .. ياخي أقلّها إنّ بيصير فيه مزوح وعياره وبنكتشف إنّ الأطفال عندهم إمكانيّة في السخريّة والذبّ .. أنا متأكّد لو إنّ نكهة مشارك إنّة بيقعد على الكرسي أقصد بيوقّف على الكرسي ! ( على أساس المايك بيصير بعيد علية إذا قعد ) وبيلقي قصيدتة والبزور إللي في (الميلس) يشّرون بأصابعهم على الشاشة ويضحكون .. يابعد روحي يانكهة .. بكلّ المقاييس مصخره .. عموماً الله يوفّقة وعلى كلامة هو يقول إذا سوّو حقّ أطفال السنة الجايّة بيشارك إنشالله على أساس يكون قد طول شويّ !! .. لإنّة يقول صعبة تشوفني روضة على المسرح وتحسبني سماعتها ولا المايك حقّها !! .. ولا أخلّي تاج يشيلني مالها سنع .. واللّه يعين وراعين خلق اللّه على طفاقتك وبثرتك ياحبّك لتوصيخ الهدوم وياثقل دمّك يا نكهوه !!

ثالثاً / بالنسبة لسؤالك عن أبو حسن .. والمليون حقّ نكهة .. أنا أشوف إنّكم بالغتو بصعوبة السؤال .. ياخي غيّرو السؤال ولا حطّو لنا إختيارات ( من جدّ إبن ساقان فدائي .. الله العالم إنّة من قحاطين النجف ولا الفلّوجة .. ماخلاّ أحد ما فداه بروحة الله يجزاه خير هو وروحة ) !!

رابعاً / جعل إبوك في الجنّة وعساك للقوّه والعافية .. ولاهنت .. وتدوم ياربّي .. وإسمحلنا على المداخلات الإستظرافيّة إللي دبلنا تسبودكم بها .. مير وش تسوّي .. اللّه المستعان .. لا عدمتك يا كابتن

---
--
-

ب/ الغنامي : ما تاخذني سبير في شنطة الرنج ؟! ولك منّي هديّة .. أبربط نكهة الديزل بخيط وبعلّقة في المراية إللي قدام (بالوسط) وبخلية يفتح أباطة وببخّ عليهم طيب وأنت وجّة المكيّف عليه وبيبخّر الرنج بطيب أباطة .. شقلت ؟ <-- إقضب الباب أنت وجبهتك توّك مسوّي أخلاق وإسمحلنا على الإستظراف ومدري وشهو وترجع تميصل يامال الزبيريّة إللي تمحط عينك !!