حارة المساطيل - عرض مشاركة واحدة - ديوانية المجلس للكتب( تحميل/ نقاش... مع كوب قهوة)

15-05-2008, 05:14 PM

اقتباس:

بس عندي استسفار لمن قرأ رواية ( مائة عام من العزلة ) وش رايه فيها ؟؟

غابرييل روائي خيالي .. يكفي انه حاز على جائزة نوبل .. ما قريت له نفس هالرواية .. بس اتذكر انه في سطر واحد انقلبت الرواية فوق تحت ..

الادب الامريكي اللاتيني ممتع .. عندي انه ازين من الانجليزي ..

:

اقتباس:

وبعد وش رايكم في كتاب السباعي ( هكذا علمتني الحياة ) ؟؟

عندي ( أيام من حياتي ) للدكتور / زهير أحمد السباعي .. ينفع ؟

هذا المفروض يدعسونه في شنطة اي مبتعث علشان يعرف وش معنى طلب العلم .. يكفي ان زوجته اعرست وهي ما معها الا شهادة رابع ابتدائي .. ساندته و تنقلت معه في كل مكان .. ويوم رجعوا واستقروا في البلد كملت و حصلت على البكالوريس في الأدب الانجليزي .. لله درتس يا شيخة ..

يستعرض في الكتاب ذكرياته .. نشأ في الحجاااز نشأة طيبة .. حيث العلم والحزم و الرائد .. <-يا ثقل طينتس .. المهم ساااافر لمصر .. و بعدين ألمانيا .. حيث الدعوة للطعام ما تتكرر .. يعني مافيه أحد يجي يلزّم عليك وتسوي نفسك ما تبي وانت مشتهي ..

( عدت ذات يوم مبكرا من عملي في المستشفى , سألني هانز هل تغديت ؟ قلت لا , قال : اذن لتشاركني غدائي , قلت : على الرحب والسعة .
علمتني الحياة في ألمانيا أني اذا دعيت إلى طعام فعلي اذا رغبت فيه أن اقول نعم . أما اذا اعتذرت فليس هناك مجال لتكرار الدعوة . والوقت من ذهب و تكرار الدعوة مضيعة للوقت و إهدار للطاقة )

هممممممن تخصص في الصحة العامة .. وراح يطبق و يجري بحوثه في ( تربة البقوم ) يسرد مواقفه هناااك .. الخ ..

من ضمن المنصب التي تبوأها <- يمديك انه صار استاذ مساعد في جامعة الملك سعود يوم كانت عبارة عن مباني مستاجرة في الملز ..

( انتهجت نمطاً في التدريس يرتكز على الحوار , أوجه طلابي إلى مصادر الموضوع الذي سنبحثه ليقرؤوه ثم أدير معهم حواراً أستعين به بوسائل الإيضاح . ثبت لي بالتجربة أن هذا النمط أدعى لتثبيت المعلومة و أكثر متعه واثارة .. وان استدعى جهدا اكبر من الطالب والاستاذ .. الخ )

و أنا اشهد .. عندنا دكتورة مصرية الحين مطبقه هالنظام .. محااااضرتها ممتعة .. صح انها مشتقه وكل ساعة تقول ( حأطع هدومي ) من القهرر .. لأننا نجي ما بحثنا .. بس المحاااااضرة ممتعة وكلها سواليف .. مهب تبربر لين تنتفخ روسنا ..

<- الظاهر انتس انتِ اللي نفختي روسهم .. يالله سلام ..

: