|
|
|
|
 |
 |
 |
 |
 |
|
 |
 |
 |
 |
 |
|
 |
 |
|
 |
23-07-2005, 06:18 AM
|
رقم المشاركه : 1 |
|
راعية سوالف
|
عقلتس براستس تعرفين خلاصتس
سالفه صغيره ذاك اليوم واحنا بالطريق للجامعه قاعدين نسولف انا وابوي عن العروس والزواجات وهو طبعا حايمتن كبده مني احسه يقول بقلبه ابوتس ابو ابوتس الى الحين ما اعرستي وفكيتيني من مشوار الجامعه اللي ذابحني المهم قال لي : شفتي ال فلان يوم جاء الرجال يخطب بنتهم وعرفوا انه رجال سنع << ماتجي رجال وسنع المهم انه زين وينشرى على قولتهم قاله ابو البنت : احنا نشتري رجال وما نبي المهر ماراح اقصر على بنتي بشي رديت على ابوي وانا متحمسه:لاااااااااااااااااااااااااااااااااااااااااا ااااااااا طبعا اشوا انه ابوي كان يسوق ولا كان اكلت ذاك المخمس اللي على كيف كيفي لا يبه ما بقا الا المهر عااااااااااد حيدفع يعني حيدفع مالي شغل قال لي : انا اتكلم عن بنت الفلان مو عنتس بس والله اعجبتني الفكره بعدين انا منيب مقصر بادفع لتس الدبل ان ما كان اكثر.. قلت : ولو لازم من المهر.. قال لي : انا ما قلت لا تاخذين المهر بس راح يكون اقل من العاده انا وانا ابوتس اقدر عليكم لكن ان جاتس ولد الحلال وش بيصير المسيكين اكيد شاب و موظف يعني عشان يقدر على تكاليف الزواج بدل ماتتزوجينه وهو بالعشرينات راح يكون بالثلاثينات.. وعددلي من الاسباب الكثير طبعا زي العاده اقتنعت..... ابوي ذا يخوف يقنع بلد ... [line] الحين خلينا نخش بالموضوع .. ايه نعم كل هذيك السالفه كانت مقدمه عزيزتي وحبيبتي يالبنيه صجونا بسالفه المهور وغلاها وطبعا زي ماتعرفون تختلف التسعيره ( ايه والله صارت تسعيره) من منطقه لاخرى مثلا: بنات الشمال لهم رقم معين وبنات الجنوب والبدويات لهم رقم (وقد سمعت انهم الاغلى) والحجازيات والشرقاويات لهم رقم والنجديات يابعد عمري سمعت انهم الارخص مهورا المهم والنعم فينا كلنا اتحدى احد يلقا مثلنا طبعا بتقولون لا تتكلمين عننا كذا واحنا مو بضاعه عشان تصير لنا تسعيره لكن ارد واقول للاسف هذا اللي صاير الحين [line] نرجع للسالفه الصغيره وصلت للجامعه وانا مقتنعه بكلام ابوي سلمت على الشله وفتحنا الموضوع ردت وضحى ( وضحى بنيه الله يقطعها عليها سوق يعني من عرفتها وهي ما غير تنخطب ) طبعا وضحى من البنات اللي لها تسعيره خاصه يعني ذاك اليوم قالت لي انا مهري لا يمكن يكون اقل من ...وحطت الرقم انصدمت لانه كانت اول مره اشوف بنت تحط التسعيره لنفسها قالت:لا ياعيوني وش الله حادني انا العالم طوابير عند باب بيتنا طبعا وبنظرات حاقده قلت في نفسي وش عليتس اذا كنت ترفضين الرجال عشان اسمه شين.. انتي حاله شاذه اذلفي لا بارك الله فيتس (طبعا كل ذا في نفسي) اما منيير ( منيير من البنات اللي الامهات يحبونها يعني عليها سوق مش بطال ) قالت : خليه يدفع ليش اوفر عليه لانه بينكد علي طول العمر خليه احسن.. اما نوير ( نوير مخطوبه حاليا ) قالت : حبيبتي اذا ما دفعتيه ما راح يحس بغلاتك ابد... اما سوير ( سوير يابعد عمري كساااااااد.. تهش ذبان) تقول: لا يمكن ارضى بهالشي الحين اانا مو اقل من اخواتي ابدا.. استغربت من ردودهم اجل غلاوتك عنده بكم دفع عليك اللي غلاتي عنده بكم دفع علي الله لا يرده وما ابيه [line] والله مسكين الرجال شوفوا معي وش لازم يسوي اول شي خلونا نقول انه راتبه مثلا 5000 ( من اللي سمعته انه متوسط دخل الموظف السعودي ) وافترضنا انه ابوه راح يساعده المهر , الشبكه , الشقه , الهديه اللي يعطيكي اياه في الصباح نسيت وش اسمها , ولا تنسين لازم يجيب هديه صغيره لامك , والعفش , وسفره شهر العسل يعني ما تجي ليله الدخله الا وهو تافلن العافيه وكارهتس لا محاله مسيكين مديون وحالته حاله يعني بشهر العسل بس يفكر بديونه ويقعد يحسبها ويقول في نفسه يعني انا الى الحين كم خسرت ؟؟؟ بدال ما يقول يالله والله اني كسبتكي.. هو كذا كذا بيتكلف فلما تخففين عليه المهر اكيد راح يساعده في الاشياء الثانيه يعني انتي وش رايك يدفع المهر كامل ولا يسكنك في شقه محترمه مب جحر ضبان المهم لا تحسبون اني متحامله ضدكم يالبنيات اصلن انا وحده مثلكم لكن انا ادافع عن اخوي واخوك وعمي وعمك وخالي وخالك وولد عمي وولد عمك>> خلاص فهموا الفكره لا تقولين انا مو اقل من فلانه والخرابيط هذي كوني انتي سباقه وخليك مثال لغيرك وقال عمر بن الخطاب رضي الله عنه "لا تغلو صدق النساء فانها لو كانت مكرمه في الدنيا او تقوى في الاخره كان اولاكم بها النبي صلى الله عليه وسلم" معليش طولت عليكم شوي بس الله الله بالردود ودي اشوف ارائكم واختمها بكلام سيد البشرعليه الصلاه والسلام "اعظم النساء بركه ايسرهن مئونه" "خير الصداق ايسره" "ابركهن ايسرهن مهورا" وسلامتكم [/align] |
|
|
23-07-2005, 12:26 PM
|
رقم المشاركه : 2 |
|
مسـيّر
|
اول شي بالنسبه للمهور انا 07 على قولتك اهل الجنوب بس ترى على فكره احلى مافينا بناتنا اوكيييييه و اتسعيرتنا على قولتك احلى واحلى يعني حدنا 20000 بيننا وبين بعض لكن من برى الله يعين وبعدين المساله يوم انك تقولين اخوي وعمي وخالي وولدي ومدري وشو ليه ناسية نفسك لنك اهم شي الولد يقدر يسافر ويروح يصقع له ذيك اليونانيه والا المغربيه والا اللبنانيه ولا بنص اللي يفك فيه راس وحده من هنا واخرتها انتوا اللي تعنسوا حاولي انك تفهميها كذا لنه ابوتس موب قايلن لتس روحي سافري دوري لتس على زوج وبعدين فكرة المهر ... فيه بنات راكبات روسهن وما تبي اقل من قصر وجمسين وفياقرا و250 الف و وبيبي جاهز هذولي ما تدرين وش السوات فيهن وصح بيردون عليكي بنات يقولون صادقه انتي لكن من جواتهن يقولون من جدها ذي خبله تقول نقلل مهرنا .. انا اللي بيني ياخذني بمهري والا جعله ما اخذني غيره الف وبالاخير الاخت تعنس ويطلع هذا اللي فيه غيره الف .. لاقي الف بنت ازين منتس على العموم معليه على الواقع المر لكن هذي الصراحه ولازم تنقال ومعليه مره ثانيه تلقفت عندكم هع هع والله فله سوالف الحريم الحين يوم اطلع شف الحش بس سلامز |
|
|
|
23-07-2005, 01:54 PM
|
رقم المشاركه : 3 | |
|
راعية سوالف
|
اخوي الله يرضى عليك لا تقلب كلامي الله يخليك بنات الجنوب ما فيه احلا منهم واغلب صديقاتي جنوبيات واحبهم واعزهم << الكلام ينطبق على الحجازيات اللي مافيه اطيب منهم والبدويات اللي معروفات بجمالهم والشرقاويات اللي ما فيه اخف من دمهم والشماليات اللي يهبلون ما فيه احد ازين من احد كلهم صديقاتي وربعي ونسايبي وكلهم بنات ديرتي الله لا يخليني واما عن حكايه المهرهذا الكلام اخذته من مجموعه من صديقاتي الجنوبيات و البدويات انه الزواج عندهم يكلف مررره واذا كانت المعلومه هذي غلط فيا ويلهم مني فشلوني اما مساله الولد يروح يسافر برا وانو مفروض اني اانا اللي اخاف من شبح العنوسه بالنسبه لي واتكلم عن نفسي تراني مب ميته على الزواج عشان اخاف ... وعمره ما كان هاجسي يوم من الايام من زين اللي نسمعه والقصص اللي تعقد بلد عشان احرص عليه عشان كذا ما جت هذي الفكره ببالي وانا اختك شكلك ما فهمتني انا اللي اقصده بموضوعي تسعيره المهر اللي اصلا الحين محطوطه والعالم يتداولونها مب البنات اللي يتشرطون عااد اللي يتشرطون هذولا شي ثاني الله لا يبلانا وبالنسبه انه الولد راح يسافر برا ويتزوج الله يعينه يروح يتزوج من برا اخواتي السوريات والمغربيات ما فيهم شي ينعاب ابد اناعندي صديقات امهاتهم اجانب وما فيه ازين منهم واسنع منهم واادب منهم لكن مو كل العوايل يرضون بهالزواج ومو كل الشباب متخلين عن بنات بلدهم وبعدين اذا المهور غاليه ماراح يهجون برا الشباب اللي بيصير انه بدال ما يتزوجون وهم بالعشرينات بيتزوجون وهم بالثلاثينات وهذا اللي انا ضده التاخر بالزواج اقتباس:
والبنات مايصدقون على الله يلقون لهم موضه وحياك الله اخوي [/align] |
|
|
|
|
23-07-2005, 08:01 PM
|
رقم المشاركه : 4 |
|
محاور سنع
|
بالعكس ! كل ما دفع اكثر كل ماشعر انها سبب تعاسته .. عندما يقوم بسداد ديون الزفاف لمدة خمس او عشر سنوات كيف سيحبها ! .. بالتاكيد سيكره اليوم الذي ارتبط بها وسيظهر هذا عند اول خلاف ! وليس الحل .. ان تكون البنت بلا مهر او مهر تافه لانه عندها سيشعر بان الموضوع بسيط .. وكذلك عند اول خلاف سيرمي بها لأهلها ! من واقع مررت به .. الامر يتعلق بوالد الفتاه .. كلما كان عاقل ولايطلب الكثير .. يكون هذا محرج نوعا ما للزوج احد الاباء وهو ميسور الحال .. يرفض ان يأخذ مهر لبنته عند عقد القران اكثر من ( مئتين ريال ) ويقول للزوج انا اشتري رجل كل بناته الان يعيشون مع ازواج يقدرون هذا الجميل للاب .. ويخشون ان يكون عليهم قاصر يشعرون بالجميل ويحاولون رده طبعا ليس كل الازواج هكذا .. ولكل قاعدة شواذ اطلت عليك بالرد .. ولكن الموضوع يستحق النقاش لأهميته دمت بخير . |
|
|
|
24-07-2005, 06:22 PM
|
رقم المشاركه : 5 | |||
|
راعية سوالف
|
اقتباس:
اقتباس:
لانه اكيد بتحتاج ما تجهز به نفسها اقتباس:
مشكور اخوي على مشاركتك القيمه[/align] |
|||
|
|
|
24-07-2005, 09:37 PM
|
رقم المشاركه : 6 |
|
وسيعة صدر
|
أقلهن مهراً ..أكثرهن بركة
آآآآآآآه ثمن آآآآآآآآآآآآآآآآآآآآآآآه <== هذي انا تحسر ..مب أم كلثوم تغني  يا خويتي بسبوسة الأبهات (جمع أب ) مسويين بناتهم سلع يزوجونهم (والأصح يبيعونهم )للي يدفع اكثر وكل واحد حاط لبناته تسعيرة في منطقتا اذا الواحد يبي يعرس يدفع 120 أو 140ألف درهم يابس لأهلها (يابس = المهر + الزهبة ) هذا غير تكاليف الهدايا اللي يعطيها لعروستة وامها (اشدخل أمها بالنص ما أدري  ) و الشدادية و الصالونات و الحفلة يعني بالنهاية يخسر الولد حوالي 200 ألف اذا مب أكثر أنا أخوي (عمره 25 ) يوم طلعت له فلوس مالت الجيش ما ادري شو يسمونها قام وشرى سيارة رينج روفر وقال لأمي (الي تحن عليه علشلن يتزوج ) : اشتري سيارة توديني وتيبني ..احسن من اني اتزوج حرمة تنكد لي سنيني <== حكمة مسكين أخوي عزف عن الزواج (عنس ) والسبة المهور ..بس فيه أبهات الله يخليهم ويكثر من أمثالهم زوجوا بناتهم بمهور قليلة (100 درهم ، 500 درهم ) لأنهم فضلو الاخلاق على المال |
|
|
|
25-07-2005, 02:32 AM
|
رقم المشاركه : 7 |
|
رئيسة الاقسام الاسريه والاجتماعيه
|
[align=center] يا ناس وش كثر أمخمخ على سوالف العرس و المهر .. وشلون عاد لا صار اللي طراه بسبوسة  شوفي يا بعدي .. خلينا أول نتكلم عن مستوى معيشة الجنسين .. راح تشوفين إن نسبة الرفاهية بالنسبة للبنات خصوصا من عمر ال 20 و فوووق أزين من الولد و لو بشيء نسبي  .. هذا طبعا يرجع لعدة أسباب منها : ان البنت - بعض الأحيان إن لم يكن أغلبها - في هالفتره تكون متكية بيت أهلها أو متوظفة و تتنعم بالخيرات .. فيما الولد غالبا بعد هالفترة يبدا – ان كان من الفالحين – يدوّر له على شغله .. و يبدأ يأسس و يعتمد على نفسه .. لذلك تلقينه أحيانا يتصرف و كأنه زيدي نجي للبنات .. والله الله يا بعض البنات .. مرفهة في بيت أهلها و إلى منها بغت أي شي يب يجاب لها .. ما يقصر عليها شي(ن) أبد .. لذلك دايم لا طرا في بالها العرس .. تتوقع إنه راح يكون مشابه لمعيشة بيت أهلها أو أعلى منه مستوى .. معي ؟؟طيب وش المشكلة ؟؟ المشكلة يا بعدي لا صار نصيبها معرس مقحط و مخباته لو تنبشينها إلى باتسر ما فيها الا الضعوى .. و هي تكمل الناقص بعد و تنقلب دبشه ما غير تبي ذا و تبي ذا و تبي تسافر و تبي تشتري .... إلخ.. و باتسر لا أعرسوا بالسلامة ما غير يقزها بنص عين لا طلع أو دخل ..و يصير شايلن ديونه على ظهره إلى ما يدفنونه تحت الأرض !! و بدل ما تعيش حياتها في راحة بال .. تنتقل لها عدوى و ضيقة صدر رجلها .. و كوابيس الدين و زجة السجون في حالة الاعسار !!لو تبين رأيي .. أنا أشوف إن المهر شي ما يستغنى عنه أبد أبد يكفي إن فيه دليل صريح .. و تكريم للمرأة لأجل يحس بقيمتها الرجل .. هذا غير ان بعض البنيّات حالة أهلها على قدهم ويالله تسد رغباتهم الأساسية .. ما تقولون لي ان شاء الله باتسر لامنه انخطبت وملكت من وين تب تجيب تكاليف تجهيزها و أغراضها ؟؟ .. من مصروف الفسحة ولا من مصروف الفسحة ؟؟؟؟ ما أقول إني أتشرط تسعيرة خاصة لي .. لكن لا يلغون مهري لأجل سناعة الرجل .. و بنفس الوقت يكون بنفس مستوى المهور المعروفة اجتماعيا .. على الأقل في مستوى عائلتي مالي دخل بأهل المناطق الثانية و سالفة الرجال هالأيام على قد حالهم .. إن ما لقوا بنت الحلال عادي يصبرون كم سنة .. و بهالوقت يجمعون لهم فلس على فلس ولا يرهقون أنفسهم و يطيرون بالعرس تقل ملحوقين .. و عاد اللي يكتبه الله لهم خير و بركه .. و ما فيها شي يتزوجون وهم قرب الثلاثين على الأقل معتمدين على أنفسهم و يخففون هالديون .. أصلا بنات هاليومين طايحاتن يعرسن بأصحاب الثلاثينات مووضه .. برايفت بسبوسة / يعطيتس ألف عافيه .. و قولي آمين عساتس تنخطبين الخميس الجاي .. و تملكين الخميس اللي عقبه .. و العرس عقب شهرين .. و عساه يجي واحدن سنع و ابوتس ماياخذ منه ولا قرش منوّره السوالف يا قمر .. لا يطوّل غيابتس - مثبّت - [/align] |
|
|
|
25-07-2005, 02:52 AM
|
رقم المشاركه : 8 |
|
مسطول يمون
|
موضوع جدا مهم وحساس وصح لسانك ولايهونون الاخوان بداية اختيارك للموضوع رهيب جدا لان الناس الي تبي الستر وتبي لبناتها ازواج يحطونهن في عيونهم تسوي كذا يعني يطلبون مهر ميسر وعلى حسب الحاله الماديه للزوج وبصراحه صدقيني ان المهر لابد يكون سهل وميسر على شان الكل يقدر على الزواج ونتخلص من مشكلة العنوسه عند البنات والعزوف عند الشباب والغريبه ان الي يطلب مهر عالي نادرا ماتستقر علاقتهم واحيانا توصل للطلاق الي يكافينا اياه<<<الاكثريه وللاسف وين من يسمع ويطبق هالكلام كان ماصار حالنا كذا ولا انتشرت المشاكل في مجتمعنا وشكرا عزيزتي على اثارة هذا الموضوع المهم وخصوصا في هذا الوقت.......... |
|
|
|
25-07-2005, 03:53 AM
|
رقم المشاركه : 9 | |
|
من شيوخ الحارة
|
 بسم الله اقتباس:
ولعلمك ربع الشباب على بنت الاجور وربع ثاني موظفين بالقطاع الخاص يعني ممكن ينشات مع الباب في اي لحظه وبدون ادنى سبب لظعف النظام الوظيفي ------------------------------------------------------------- والله سالفة العرس سالفه واغلب الشباب ودهم يعرسون بدري لاكن بنظرة للمخبات هنا يحق للواحد يتنحنح ويضيق صدره شوي انا ابتكلم وادري انه بيجين صجه ولجه ومماعط شوش وبلاوي متلتله ابتكلم عن عدة نقاط اول شي تسعيرة المهر زي ما قلتو المفروض ما يقل ولا يكثر كل شي بحدود نقول ان شاب بيعرس وراتبه زي ما افترضت بسبوسه خمس الاف يصرف منها النصف ويجمع النصف بانتظام وبلا انقطاع ولا يمكن ان تسول له نفسه بسحب مية ريال من التحويشه 2500X12X5=150000 2500 المبلغ المقطوع 12 عدد شهور السنه 5 عدد السنوات مية وخمسين الف ماتخليه يعرس ولا على بنقالية ليه؟لان المهر نقول 40الف ويالله يكفي مع مساعدة ابو البنت لبنته طبعا يعط عليه اربعين ثانيه توصل لثمانين قصر الافراح يكلف بالمتوسط 35 الف+ذبايح للرجال وبوفيه مفتوح للنساء ب30=60(مع مراعاة اننا ما حسبنا ان كان فيه احدى الفرق الخاصه بالطق والردح )عشرين الف فستان والنثريات الثانيه مشاغل للعروسه وامها وخواتها وذهب جاهم خصم 100% خلصنا من البنت نجي للولد ثوب وشماغ وكماليات واطلق حلاق ب500ريال مع البقشيش نجي للشقة باقي من المبلغ الاصلي 110 يدفع حق سنه اللي هو 15 يبقى 95 تروح موكيت للشقة مطبخ غرفة نوم مجالس وخلافه ويزبط سيارته من الى بخمس الاف بحكم انه اكيد قرنبع (الا ان كانه الالماني حقة المنطعج فهذا كاش)وسفريه للطايف ويجلسون عند كرتون رمان  وبعد هذا يقسط سيارة لمدة اربع سنوات لان السيارة الاولانية THE END وبتقول المدام ياخي دامك مو قد مصاريف العرس اجل ليه تزوج قلت لك ابي ساعة جيفنشي يعني ابيها ولا تبي اقول لابوي يشتريها؟ ------ يعني لاحظو خمس سنين متواصله يجمع شي موب سهل ابد طبعا لو كان ابوه ميسور الحال ساعده بنصف القيمة واختصر الوقت واب البنت متدخل لامحاله انا ما حملت احد مسؤولية ولا قلت ليه زواج بقصر مع ان فيه ناس يقولون ليه يتزوجون بقصر بينما الغالبيه يصرون عليها خلاصة القول ان كان البنت غير مستعدة انها تصبر اول الامر فتجلس عند ابوها ولا تزوج واحد كبر ابوها عشان يصير مستواها المعيشي نفس بيت اهلها
آخر تعديل ابوطاقية
في 03:56 AM.
|
|
|
|
|
25-07-2005, 04:08 AM
|
رقم المشاركه : 10 | ||||
|
راعية سوالف
|
اقتباس:
اقتباس:
يعني بعض الابوان الله يهديهم حكرين شوي وزي ما قلتي المسائله عندهم بيع وشراء والمشكله بناتهم هم الضحيه والرسول عليه الصلاه والسلام قال:"إذا خطب إليكم من ترضون دينه وخلقه فزوجوه إلا تفعلوا تكن فتنة في الأرض وفسادعريض " يعني حرام على الاب انه يرفض صاحب الدين والخلق ويفضل عليه صاحب المال الاوفر اقتباس:
يا حليلوه اخوتس سلميلي عليه وقوليله اعرس يا جعلك الصلاح الرنج كلها كم سنه ويخرب لكن الحرمه يا بعدي تقعد وتستحمل سنين والله مير يحيتس المهوية ياهلاوغلا انا مير عقب ذاك الدعاء كله مقدر اخالفتس واقولتس لا <<<< هماتس مب ميته على العرسانا معاتس انه البنت مرفهه اكثر لكن انا اشجع انه كلن يمد رجولوه على قد الحافوه يعني مايجيتس واحد مقحط ياخذ بنت عز .. اقتباس:
لكن الله اكبر وش ذا الجهاز ترا كلها خلاقين ما تسوا مئات الألوف لو اننا زي المصاريه الحرمه عليها العفش كان قلنا معليش يختي على الاقل تشارك بشي في بيتها على الاقل المواعين عليها يا حبيلتس مشكوووووووووره على التثبيت وابشري هماه هرج اختس اكبر هذاره الله يعينتس علي انا من شفت انه عندكم سواليف وانا مسنتره عندكم وحيدة ابوها والله كلامك عقلاني وانا معاتس 100% ويعطيتس العافيه ومشكوره على ردك الحلو[/align]
آخر تعديل بسبوسه
في 04:58 AM.
|
||||
|
|
|
25-07-2005, 04:26 AM
|
رقم المشاركه : 11 |
|
مسطول يمون
|
 إلا وش الطاري على المهور بصراحه صديقاتك ما عندهم ما عند جدتي مستوى تفكيرهم جداً سطحي مره مره وتاااافه وأسمحي لي أقول تافه << أقصد عقولهم وتفكيرهم نجي للكلام إللي ملحه فيه أذكرلكم من واقع الحدث إللي عشته في إجازه الحج .. كانت ملكة بنت عمتي ومهرها وربي إنه 100 ريال وتوها قبل أسبوع حضرت زوجها .. يعني ما ماتت يوم ملكت على 100 ريال وربي إنه زوجها أكرمها وطلع رجاااال من ظهر رجاااال << إيه علشانه ولد عمتس بصراحه إذا أبو البنت ميسور حاله وعنده إستعداد يجهز بنته لا يبالغ بالمهور وبعدين بأي حق صار المجتمع يحدد التسعيره على قولتكم المهر شيء يدفعه الزوج لزوجته ليثبت قدرته على تحمل مسؤليات الحياه وإثبات إنه رجال << وربي حافظه هالجمله من فقه ثالث ما ادري ثاني ثانوي يعني مو من حق الأبو إنه يتشرط ويحدد المهر أنا بصراحه راضيه يجيب لي عنز ونجلس نتعلم نحلبها ونفور حليبها ونطلع زبدها ونسوي رظيفه وسمن << أمحق من مهر وإذا واحد جخه راضيه بمزرعة عوووود في بلاد إللي ماتتسماش وأبيع لكم الأوقيه بعشره ريال << وجه فقر المجتمع للأسف صار كلن يقول الزود عندي وكل منطقه أخيس من الثانيه ولا يفوتكم قد سمعتوا بشيء أسمه مهر الدوله ولا مهر الحكومه ههههههههههههههه هذا يعني إللي حددته الدوله وهو 40,000 ألف ريال وصايرين يطبقونه بنات الديره يحسبونه موضه وفوق مهر الدوله على قولتهم يتشرطون بجانبه ذهب الله يأخذ بليسهم ويليت أي ذهب شيء من إللي وزنه فيه وعليه القيمه يعني لا يقل عن أربعين ألف أخرى أحسبوها مهر 40 +40 ذهب = 80 ألف ريال وطبعاً لا تنسون بعد 20,000 التكاليف الباقيه إللي مال أمها داعي .. يعني الحسبه كلها 100,000 ريال ويمكن زود بعد وسمعت بعد إنه فيه بعض القبايل لزوم عشرة أمها ليه يعطي أمها ما ادري .. وبعد يقولون مهر الدوله وماتشرطنا .. وبعد الزواج يبدأ المسلسل المعتاد يبيع ذهبها ويسدد ديونه وهلم جرى من المشاكل والطقاق والله يستر على حال بناتنا وشبابنا وبصراحه لا تلومون الرجاجيل يوم هجوا برى يتزوجون سوريات ومصاريه وربي ما ألومهم الله يوفق الجميع يارب لمار[/align] |
|
|
|
25-07-2005, 04:43 AM
|
رقم المشاركه : 12 | ||||||||
|
راعية سوالف
|
اقتباس:
لا تفرح مره الله يعينكم على الجاي اقتباس:
اقتباس:
اقتباس:
بس انا احس انه ماله داعي العرس بقصر افراح لانه ماراح ترضين احد ولا تقولين ليله عمري والخرابيط ذي لانتس بتقعدين 5 ساعات تتزينين وتتزبرقين وهات يا تمعيط الشوش وفي النهايه كله نص ساعه بالكوشه وخلصنا مهما سويتي مهما فعلتي ماراح يجيتس غير الحش يعني انا قد رحت لعرس ما قد صار في زيه بالسعوديه وفي النهايه وش قالوا الناس يوووووووووه ما يخافون ربهم ذولا وش ذا الفسقه وهاك ياحش سويلتس حفله صغيره فيها اهلتس اللي يحبونتس واهله اللي يحبونه صدقيني ترا عروس البيوت موضه ذي الايام وجيبيلتس مصوره سنعه وقولي لعيالتس انتس اعرستي باكشخ صاله ومحدن يدري اقتباس:
يعني مافيها شي اذا وداني لجده<<<<<<<< مدري هي بنت فقر ولا قعيطيه ولا وشو اقول وش رايتس تدفعين لوه عشان ياخذتس والله اني معاك في كل كلمه قلتها لانه عندي اخوان واشوف معاناتهم بالموضوع وشكلي انا اللي بتصفق مو انت ومشكووووووووور اخوي على الشاركه القيمه لمار اقتباس:
اقتباس:
وصدقيني انه ربي راح يطرح البركه في زواجهم اقتباس:
وصراحه اول مره اسمع بمهر الدوله لو فيهم خير كان خلوه اقل من كذا والله مشكوووره لمار |
