|
|
|
|
 |
 |
 |
 |
 |
|
 |
 |
 |
 |
 |
|
 |
 |
|
 |
02-08-2005, 09:19 AM
|
رقم المشاركه : 1 |
|
توه ساكن
|
سامحوني لو رحل جسمي وغاب
الله يخليك مافيني مكفيني.. حتى حبيبي زمان الحب ماجابه.. كان آخر انسان متصور انه يخليني.. يكفي انه ترك لي شي اشقابه.. دفتر قصيد وقلم مسجون بيديني.. أنا تعلمت الهوى تحت يمناك.. درست معنى العشق حسب اختياري.. مبغاك تعشقني ولكني أبغاك.. لاضاقت الدنيا تصير داري.. وابيك لامني تزاعلت وياك ترضي غروري قبل أجيب اعتذاري.. وابيك تدري لو أحاول بفرقاك إني بحاول قبلها بانتحاري..! لو تدري الشوق بعدك وين وداني.. مكان والله يمر البعد في بالك.. تبقى حبيبي ولو تزعل وتنساني تبقى بقلبي كبير ودايم لحالك.. الليل بعدك ظلامه طال وأشقاني والفجر نوره تعذر يطلب وصالك.. تعرف وش العذاب على أصوله..؟ العذاب انك تحب انسان مايعرف غلاتك؟؟ العذاب انك تحب انسان يتجاهل حدودك!! العذاب انك تعذب كل قلب يشوف قلبك..! العذاب تعيش بعالمك من دون حب!! العذاب يموت قلبك ولا احد يعرف بموته..! ناد الحبيب الي توده وتغليه.. مادمت حي ودام عينك تشوفه.. لوصد يشفع له حلو ماضيه وحقه عليك إنك تقدر ظروفه.. بإختصار شخص عطاني وده أبد مانيب ناسيه.. ومن شرى ودي.. أنا دايم الدوم شاريه مشتاق صدقني لعطفك وراجيك أرجوك لا تكسر عيوني بفرقاك رغبة طفل كلي يحبك ومغليك كنه حنان الأم والجنة إرضاك يا شيخ ما هو هين أنسى واخليك يلعن أبو العشره إذا القلب ينساك يا صاحبي مابي حياة بلياك ولولا وجودك ما بغيت الحياتي أنت الحبيب اللي مشى القلب برضاك وانته طبيب القلب وانته غناتي القلب عيا يا أريش العين ينساك وأذكرك لو إني بوقت الصلاتي سامحوني لو رحل جسمي وغاب سامحوني حتى في القبر استريح في حياتي مالقيت إلا العذاب عايش باحزان ومن همي طريح سامحوني ظنكم فيني سراب حظي لا شلته غصب عني يطيح والوصيه لا دفنتوه في التراب خلوا الغالي على قبري يصيح سلام يا اهل الجود والطيب والعز ياللي لكم بالصدر قدر ومعزه القلب من فرقى الأجاويد يهتز مثل الشجر يوم العوصف تهزه في قربكم كل المخاليق تعتز وعيني لكم تشتاق في كل حزه البحر ما كل من طبه يعوم والشموخ يطول الجيد صعد والشجاعه مالها غير القروم يالشجاع إبن الشجاع إبن الأسد أنت ساس المرجلة راع اللزوم ما يحيه الضيم من حطك سند يوم غيرك بالمراجل ما يدوم من يعرفك بالمراجل لك شهد من رافقك والله حشا ما يخليك لو عاشرك كل الدهر ما يملك انا اشهد اني حرت مدري شسميك كل الخصال النادره ينتمن لك الطيب كنه شابك ايديه في ايديك ان كان له صاحب فهو صاحبنلك طال البعاد ولوع القلب فرقاك ومن غيبتك صاب المولع مضره أسهر طوال الليل وأعيد ذكراك وأرجع الماضي وبالقلب حره يذكر زمان فات بالخير وياك الله يعيده لو بالأيام مره إن قلت أحطك داخل العين عييت خايف يحول الرمش بينك وبيني وإن قلت أحط داخل القلب لك بيت صعب علي أخفيك عن ناظريني ودي أشوفك كل ما أصبحت وامسيت ممساك في قلبي و صبحك بعيني أقضي مع الأفكار غربه وترحال ذكرى تفرحني وذكرى حزينه انت الفرح وانت السعاده والامال يامن بنى له في ضميري مدينه وانت (الوفي)اللي مع الوقت ما مال مثل البحر ياكم حمل من سفينه وصلت حدي بالغلا كيف ما أغليك كل الكلام مقصر لا يطولك من كثر ما أحبك ومن كثر ما أغليك أحب كل من حبك ومن كان حولك وأخذ غلا من حبني حيل وأعطيك حتى أكون بحجم حبك وقولك من قال فيني عيب والله ظلمنيي فيني ثمان عيوب والتاسع الطيب والعاشر إليا من رفيقي زهمني أسوق له عمري وأسوق المواجيب والصاحب اللي بالمراجل هزمني هذا الذي ها الحين يقرا المكاتيب هذي دروب الحب والحب سلطان يامر علي وكني أصغر إخوانه لا يا بعد كل الطوايف والأوطان أقطع وريدي لو نبض بالخيانه حبك ثبت في خافقي ساس وأركان عن حب غيرك كن عندي حصانه أتعبت قلبي من جفاك وتغليك وتاهت بي الشرهه ولا أحد ذكرها المشكله قلبي حلف مايخليك ومدري متى ظروفك توقف ضررها قلبي وعقلي والمشاعر تباريك روحي هوت روحك وحبك سحرها الذنب ذنب الحب ماهو بخافيك هذا خطاء نفسي وهذا قدرها شي غريب .. انك احساس و معاني .. غير كل الناس .. غيرهم حتى بزماني .. كلك عطا .. و قلبي كبير .. حتى في صدقك أمير .. أوصفك كني بخيل .. لأنه مالك مثيل .. هذا احساسي كتبته: << نقطه في بحر غزير >> يا عيون الكون .. لا تضايقت قلي .. عشان أحس بضيقتك .. و اتضايق .. يكفي تلمح لي و أنا أجيك كلي .. أضيق من شانك ولو كنت رايق .. حنا اتفقنا نشكي لبعض ياللي .. تخفي وري ضحكة عيونك حقايق .. يعود لخاطري طيفك و يهل الدمع من عيني على جلسة جلسناها و على ضحكه ضحكناها و على اليامنا الحلوه غدت ذكرى تبكينا و بنفس الوقت تروينا سقى الله وقت جمعنا .. و عسى الله لا يفرقنا .. تعبنا نرسم البسمه ولو فينا حزن وهموم و نضحك ضحكة التزييف و نكتم همنا فينا شكينا الهم و الحرمان لكن القدر مقسوم نصيح .. نحترق .. تنعب .. و لكن وش بأيادينا صبرنا و الشقا واضح بوجيهنا مرسوم و هالدنيا من اللوعات << نستنا أسامينا >> والله اني كنت الوم اللي (يضيق ان غاب خله) لين جربت المحبه و الفراق و قلت توبه .. لعنبو جد المفارق فيه هم و فيه ذله .. أثر كل الحب لذه .. و الفراق أكبر عيوبه .. ما عادت أيام العمر مثل ما هي .. ما عادوا أحبابي مثل أول أحباب .. ما عاد يلفت في الزحام انتباهي .. لا نظرة عيون ولا كلمة اعجاب .. أصرخ .. و صرخاتي مداها شفاهي .. و أبكي .. و دمعي على حد الاهداب .. يكفيني منك بسمتك .. و أغلى الهدايا ضحكتك .. مابي كثير .. حلمي أنا ماهو كبير .. البسمه تكفيني شعور .. و الضحكه ترضيني غرور .. مابيك تهديني .. عمر .. و مابيك تغريني .. بقمر .. يكفيني "مكانتي" بدنيتك .. مرتاح لو كنت الأخير .. من يقول أنساك في يوم و تهون .. من يقول أنساك يا عمري كذب .. في حياتي غير حبك ما يكون .. مسكنك ما بين جفني و الهدب .. لو يطول البعد قلبي ما يخون .. انتظر لقياك وأشواقي لهب .. لو يغيب الليل في كف الهجير .. ما تغيب بوسط روحي طلتك .. انت وحدك .. مالك بقلبي نظير .. لو يغيب الكون .. تبقى دنيتك .. مدري كيف العمر من دونك يصير .. كل يوم أسأل .. و أكلم صورتك .. عاشق تاهت به دروب المصير .. بين قربك .. و بين نار محبتك .. يا صاحبي .. لا مرك الشوق و أشتقت .. اذكر .. ترى صاحبك ميت بشوقه .. وده.. يسابق سير الأيام و الوقت .. و يحضن غلاك .. و يزرعه في عروقه .. في شوفتك .. فرحه .. تنسيني أحزاني .. ياللي أحبك كثر حب البشر كله .. حبك كبير .. و لا أدري وين وداني .. أروح .. و أرجع .. و أعود .. و أنا تحت ظله .. كاني نسيتك .. عساه العمر ينساني .. و ان ما درى خافقك .. عن حبي له .. قله .. (أشتقت له) .. عسى الردى يا "كاسب الطيب" .. يفداك .. ماهو كفو يفداك .. :: يفدا رجولك :: انت الذي في روس الأشراف مبداك .. والا .. الردى .. مهما تعب ما يطولك .. مدت يمينه ما تساوي عند يسراك .. و أغلى ثيابه .. ما تساوي " نعولك " .. أنا وياك .. تدرين لوين ..؟ لأخر لحظه أحياها .. معك باحساسي و قلبي .. يأغلى عيون أهواها .. أنا جيتك .. و تدرين منين ..؟ من أقصى الشوق .. و احلامي من احساس الوله في روح بعيد حيل ملفاها .. أنا " أحبك " .. تدرين شلون ..؟ << صعب أوصف لك معناها >> "نهلي بك" يا بعد دنيا غدت عقبك بدون الوان .. هلا بأطيب بشر بالكون .. هلا يا صافي النيه .. هلا يصرخ بها لساني .. بصوت منتهي .. و لهان .. يرددها بدون شعور .. " هلا " للمره الميه .. لا جيت أنادي غيرك .. أخطي وأناديك .. و أضحك و أنا حزن الدهر محتويني .. كم ليلة سامرت طيفك و طاريك .. كنك معي تلمس يمينك يديني .. عطني .. من أيام الفرح (يوم) .. وأعطيك .. (كل الحياة و ما بقى من سنيني) .. أكذب عليك ان قلت (بعدك) شي عادي .. أضحك .. و أنا من جور الأيام مجروح .. جرح توسط في حنايا فؤادي .. و ليت الجروح ضيوف يومين و تروح .. بعثر ورقنا هالزمان الرمادي .. و أصعب شي على الانسان (( غيبة الروح )) أخجلت شمس المحبه من هواك .. و القمر .. من كامل أوصافك خجول .. أطلب عيوني و أنا كلي فداك .. و أعتبر ما تطلبه عندك وصول .. لو يغار الورد الأحمر من شذاك .. من يلومه .. لو تهادي للذبول .. ما سكن بالقلب و عروقي سواك .. يا ربيع القلب .. و يا كل الفصول .. (( من طلب الغلا .. سهر الليالي .. )) ياهو مثل بين الحبايب .. و اللي يرد ال (غين) (عين) .. أكيد غايب ما حضر درس الحنين و ما فهم ملح السنين ما حفظ بوس اليدين و كيف الغرام سوى العجايب ..؟ و كيف الملام شرهة حبايب ..؟ و كيف الكلام مذنب و تايب ..؟ ان ضاق بك وقتك فأنا كل الأحباب و ان جيتني بالهم .. والله لأشيله .. ان قلت أحبك .. فلانيب كذاب .. وان قلت أنا ناسيك .. أكبر رذيله .. لا حدني وقتي على غير ما طاب .. أذكر .. وراي انسان يسوى قبيله .. أعترف لك .. ما بقى لك .. لا غرام .. ولا حنان .. ولا بقى بعيني دموع .. ولا بقى بعيني غلا .. حتى كلمة <حبيبي> ما لها بعمري مكان .. وكل جرح في حياتي .. قال للفرقا .. هلا .. |
|
|
02-08-2005, 09:40 AM
|
رقم المشاركه : 2 |
|
توه ساكن
|
وش فيك مدهرة مواضيع اليوم لو أنك جامعة المواضيع كلها بموضوع واحد أعتقد أفضل شكرا على الرسائل . أبودحيم ذات لقافه وفضاوة. |
|
|
|
02-08-2005, 11:40 AM
|
رقم المشاركه : 3 |
|
توه ساكن
|
والله فككم مني رحت اغسل الملابس والمواعين هههههههههههههههه  عساك بس لطشتلك كم مسج 
|
|
|
|
02-08-2005, 04:04 PM
|
رقم المشاركه : 4 |
|
من شيوخ الحارة
|
على المسجات الحلوة ويعطيك العافية .. ولا تحرمنا من جديدك .. |
|
|
|
02-08-2005, 08:31 PM
|
رقم المشاركه : 5 |
|
توه ساكن
|
المميز ماكنه اسم جوال ؟؟؟  لك تحياتي اقول مااشوف توقيعي عسى ماشر بس ؟؟ 
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
