|
|
|
|
 |
 |
 |
 |
 |
|
 |
 |
 |
 |
 |
|
 |
 |
|
 |
17-07-2003, 06:42 AM
|
رقم المشاركه : 1 |
|
سعيدان المساطيل
|
دعلوج في الشانزلزيه يدوج...
اليوم قصتي تختلف عن غيرها واتمنى تجوز لكم مع اني داري انها ماصله ويمكن تغيب شمسي عقبها  بس ان معد رديت فكل واحد يحللني تكفون وعلمو اهلي اني سارق مارس من بقاله ابو السنيدي القصه لاتبت للواقع بصله <<< امش درعمو للسالفه ولايكثر[ALIGN=CENTER]رؤس الاقلاام:-[/ALIGN][ALIGN=CENTER]1- نفيع...(( مويه تجتمع في البانيو اذا سبحت))<< بلى والله من الوصخ [/ALIGN][ALIGN=CENTER]2-الشانزليزيه..((منطقه متاكد اني ابفطس ورجلي ماطبتها الا تسان للعلاج))<< وعلى حساب شيخ بعد[/ALIGN][ALIGN=CENTER]3- قمّام...((اعظم مهنه في الوجود))<<< بلاها شغلتك يالسفيه[/ALIGN][ALIGN=CENTER]4- ريالين..((فلوس)) <<< كل تبن تكف [/ALIGN][ALIGN=CENTER]5- دعلج..((اكله ايطاليه لكثره الاسئله عن معنى الاسم))<< ايه هين[/ALIGN][ALIGN=CENTER]القصه:-[/ALIGN] [ALIGN=CENTER]((مقيميط ووجع جب النفيع تحت في المصباح انا عند البقره)) <<كل يوم وفي نفس الوقت الساعه 6 المغرب في ولايه سدير اسمع هالجمله من امي نوره ترددها ومليت منها وكنت اشيل النفيع في سطل (النفيع هو تشكيله بواقي الاكل اليومي من قشور فواكه ان وجد وتول شاهي وقراطيس وعبس تمر وغسال القدور ومرق طماط وحب جح وما لذ وطاب من الخمام)[/ALIGN][ALIGN=CENTER]وانزل به مع الدرّج ويتكبكب على ثوبي من تحت وصايرن هالك الثوب كنه بلاكاشه من الوصخ واصابع رجليني متناشبه من 10 سنين واذا شفت ماطات رجلي تلقى بين الاصابع دود ..مرت الايام وكالعاده جسّرت البقره (يعني ودها بثور يونسها )  وطمرت اجيب الثور من شايب(ن) يعرفه ابوي وادق سلف بهاك الهايلكس اللي موديله صفر وبدون بيبان(صاير(ن)كنه غماره هليكوبتر حقت رش الجراد) واجي ابحمل الثور الله لايعيده من يوم ويوم رفعت يدينه فوق الصندوق وباقي رجلينه تحت جيت من ورى عشان ازمّه(ارفعه) على فوق عشان يركب ويوم خميته مع ورى وسقطت رجلينه بين فخوذي وحظنته عشان ارفعه وهو اللي يفهم غلط ويحسبني قاعد اقل أدبي عليه واخر شي اذكره انه التفت ثم سمعت صمخه قويه:l6[/ALIGN][ALIGN=CENTER]والتفت واشوف مصيول واحد(ن)من عيال سدير وتوقعته هو اللي صمخني وكان هو الوحيد ذاك الوقت اللي عنده ثوب ابوغزالين ومسفطه اذا جو أهل الرياض لسدير يقعد يتميلح به وقال هلا دعلوج ! قلت هاا اخلص منيب فاضي لك..قال طلبتك هاذي اخر مرهقلت وشو ؟؟لاتقول ان منيره بتجي؟؟<<< امحق أسم لعنبو خيركم طلعت أسامي وش زينها ودك تجرع راعيتها والله يابعضهن احسبه اسم اكله من زينه قال الا بتجي وتقول خله يطس ((للمعلوميه منيره هاذي يحبها مصيول مووت وهي ماتواطن خشتي في سدير ولاتواديني ابد وتقول خله ينقلع ولا رحت وامرحت عند اخواليوبالعاده تجي بالاعياد وتقعد اسبوع واقدر اصرف نفسي اروح للرياض او المجمعه الين تطس بس هالمره بتقعد الصيف كله:l6) قلت يامصيول ياتراااب تراك اشغلت امي انت وخويتك هاللي من شافها قال زينب العسكري ولا تفيده ابو الدويش <<< الثانيه ما اعرفها بس شكلها زينه [/ALIGN][ALIGN=CENTER]قال المهم اطلع للرياض وانص المطار واركب اول طياره عشان احلف لها انك سافرت وخذ هذي الفلوس منها مجمعتن فسحتها عشان الصيفيه ماتشوفك :l6 لعنبو خامسها تقول قاعد(ن) اراقبها ولاشغال في الهيئه واتصيد عليها شي قلت في نفسي ياولد وش بيضرك سافر على حساب هالدبشه هو والقرده اللي معه(المشكله ياليتهم يتقابلون تسان مايخالف البلااا لايشوفها ولاتشوفه بس بالتلفون ويجي يطق الجدار من الحياله اللي جنب بيتهم وترد عليه بطقات جدار ثم يسولفون في التلفون بطقطقه الجدران اسبوع(يارب لك الحمد والشكر وينهم يشوفوني يوم تعرفت على وحده ورحت اقابلها وقالت ابزدم الباب وادخل في الملحق وابجيك ويوم جيت في الحاره وادف الباب وادخل بشويش في الملحق ولا ولعت النور وجلست واحس بشي يابس تحتي :l6 واتلمس وشو؟؟ وصار خالهم جاي من الديره وممرح في البيت ومجالد انا واياه الين بان النور واذكر اني طلعت في سياره مسدوح فيها بس مدري هي جمس ولا اسعاف لا ومن الغبنه صرت داخل(ن)بيت جيرانهم )[/ALIGN][ALIGN=CENTER]نرجع للموضوع ..واركب الطريق وعلى الرياض وللمطار سيده وبنفس الثوب حق النفيع (اذا فصخته ما اعلقه احطه حط على الارض ويبتل واقف) واقص لي تذكره ومدري وين متجهة له واعطي العسكري جوازي ويختمه وهو يضحك وقلت خير؟؟ :l6(اكتشفت انه ميت ضحك على جوازي عشاني مجلده مثل الدفاتر من الفرحه وحاط الماده :-جواز واسم الطالب:- محمد ال..<< بلاش يالوح )دخلت الطياره وباقي في مخباتي 188 ريال وقلت انشاء الله بتكفي((لاني وزنتها على جيات الرياض كنت اطلع ب 50 ريال واصرف خمسه ريال بس في اسبوع)<<< بلاااك ماتاكل الا نفيع ياوضيع << تحسون اني حاقد على عمري نزلت واركب اول تكسي وقلت ودني للتخصصي حقكم ويوديني للشنزلزيه ((قسم بالله اني عجزت احفظ اسمه)) وانزل فيه بذاك الثوب وقامو يصورون البزران معي يحسبوني مهرّج وجاي متنكر ومحطوط عند حدى المطعم دعايه...[/ALIGN][ALIGN=CENTER]اثناء ماكنت اتمشى وكل شوي انزل المس الزفلت حقهم والقاه صاقع في عز الظهر واقول يالله براد الجنه شطف من جنبي فياقر لوحات سعوديه :l6<<< الله من زود الشلخه ويلبق عند البقاله وينزل منه ((الوليد بن طلال حفظه الله ورعاه))<<< تحسون اني خايف ويدخل البقاله وياخذ له غرض بقيمه ريالين وعطاهم خمس ميه وقال الهندي راعي البقاله مافيه فكه ورفض يبيعه لانه مايعرف الوليد <<<متاكد انك في فرنسا ولا الحبونيه اشوف حتسيك كله بالريلات جيت وطلّعت فكه من عندي وحاسبت عن الوليد ابن طلال وقلت خله ياطويل العمر الحساب عندي وقال لا والله ماتحاسب <<<<< احلام مهوب يقظه الا احلام ماتنحلم في الاحلام<<< وش يبي ذاا :l6 حاسبت وخلصنا وطلعت برى المحل انا وسيدي صاحب السمو الملكي الوليد ابن طلال وقام الله يطول بعمره وفتح الدرج وطلع دفتر الشيكات وكتب شيك بخمسين الف ومده لي وقال تفضل هذا عشان طيب اصلكقلت لا الله يطول بعمرك مشكور والله يخليك ويحفظك لعينن ترجيك انا ما اخذ شي بدون مقابل ما ارضاها لي <<<ايه هين قال بس هاذي هديه مني لكقلت اعذرني عندي مبدء وماودي اغيره واذا انت ملزم ففي ذمتك لي ريالين اذا رجعنا للسعوديه ضحك الوليد علي وقال وش اسمك؟؟ قلت دعلج..قال وطلعوك الجوازات وهذا اسمك؟؟؟ قال وهو يضحك خلااص يادعلج اذا رجعت للرياض كلمني وابعطيك الريالين <<< ضنكم ابتركها الوليد بن طلال الله يطول بعمره يحسبني امزح ويحسب اني ولد نعمه وان الموضوع كله مجرد نقاش عند بقاله مادرى انه باب انفتح عليه والله يعينه[/ALIGN][ALIGN=CENTER]رجعت للوطن بعد ما اشتغلت سنتين قمام في الشنزل ..الخ عشان اجمع فولس التذكره للعوده ونجحت في امتحان القبول في الوظيفه من يوم شافو ثوبي وارجع مطفر للرياض وباقي ادبر فلوس الرجعه لسدير ومافي راسي الا الريالين اللي سلفتهم الوليد <<< منتب عاقل قلت خلني اخذ المضمون ثم ابداء ادور لي شغلوانصى بيت الوليد وارن الجرس ويطلعون الخدم والحراس وقلت وين طويل العمر؟؟بيني وبينه موعد ((المشكله اني لابس نفس الثوب ولاااا خادم فيه سنه بعد شغل قمامه يعني ادبل الوصخ))ويلقطوني في خيشه ويربطوني ويذبوني في اخر بران النضيم عشان ما ادل الرجعه((مثل القطاوه)) واقعد من بعيد لبعيد ارقب البيت ابيه يطلع ومااش عجزت اقابلهوقلت كل ذااا عشان ريالين؟؟ اجل لوني مسلفه عشره وش بيسوي؟؟<<<< يلعن ام التفكير واطيح في جندي اول في زاويه القصر حارس وشرحت له الموضوع وقال اذا تبي تقابل الوليد رح لمشروعه الجديد حق عماره المملكه وبتلقاه هناك..[/ALIGN][ALIGN=CENTER]توجهت للمكان وكان المشروع توه جديد وفي بداياته واقعد ادور على رجليني واناظر القبو واهوجس وقلت ياولد وشوله تاخذ الريالين ثم يضيعن من مخباتك ورى ماتشارك الوليد فيهن بها المشروع تساد الله يفتحها بوجهك وانا قاعد اشاور نفسي لقيتني موافق وطبيت في القبو وقمت اشتغل مع العمال واشيل واحط تسني مؤظف معهمحتى هم انبسطو وماقالو شي قالو خلو هالسفيه يساعدنا وشوله نسئله ونخليه يهج<<<<< والله بعد قمه الثقه اللي قررت واشتغلت من نفسك يالثور وشوي ويجي نفس الفياقرا اللي في فرنسا واجيك طالع من القبو امشي مليون الين انبطحت على الكبوت لاينحاشون عني وينزل طويل العمر وقال من انت؟؟؟ قلت انا دعلج ماعرفتني؟قال من تبي انت؟؟ قلت انا اللي سلفتك ريالين في فرنسا ويمسك بطنه ويموت من الضحك وقال هلااا وغلاااا براعي الريالين <<< يحلفون مافيه امل يقولها لا لك ولا لهلك يالشيفه قام وقال عطوه ريالين وعطاني ظهره بيمشي وقلت ياطويل العمر انا طالبكوالتفت وهو يمسح دموعه من الضحك وقال سم !! امر !! قلت مابي الريالين ودي اشاركك في المشروع انا قلتها ولا ماقلتها معد شفتهم الا ميتين ضحك وكحكه :l6 وقعدو ربع ساعه وانا حافي ورجليني كلها ريغه وثوبي مايحتاج اوصفه لكمتوقع طويل العمر اني مهبول ولا ناقص(ن)عقلي وقال خلاص زي ماتبي انت شريكي يادعلج في المملكه ولاتزعل هو قالها ولا ماقالها جيت ابطمر المه بحكم الشراكه اللي بينا واخر شي اذكره ان مواطي رجليني جنب وجهي :l6 ((دفوني على قفاي وجيت مجاوب في القبو من على الخط)) [/ALIGN][ALIGN=CENTER]الوليد وافق بحسن نيه ومايدري انه توهق في بزر اهله حاطين خمس ذبايح يوم مر سنه ماجاء لهم يحسبونه ميت والله وابداء اشتغل با أمانه (تعرفون راعي الحلال يشتغل غير)) وكل ماجاء الوليد لقاني واقف عند العروبه وحاط يدي على خصري واعطي توجيهات للي يرفعون الصبات ويغمى عليه من الضحك وماعطى الموضع اي اهميه..جيت ودخلت عليه وقلت شف ياطويل العمر ترى انا لي في العماره زي مالكم ولازم بحكم اني شريك احظر الاجتماعات واعرف وش قاعد يدور في حلالي ويموت ضحك ثانيه وقال رح غير ملابسك واغسل وجهك ويكون خيرقلت عهد(ن)علي اني ما اشتري ثياب الا من اول اجار لعمارتنا << لايفوتكم الجمع قال طيب.. واصير احظر الاجتماعات واعطي ارائي وعقب اقتراح اقترحته معد حظرت عقب هاك اليوم ابد وكان الاقتراح يسولفون في الفتحه اللي فوق ويقولون ورى مانحط فيها ساعه!! :l6 قمت وقلت ياجماعه <<< في ملحق ابوك انت قلت اكثر ماكثر الله الساعات في يد كل واحد ساعه وفي الجوال ساعه وفي السياره ساعه وسمعت انه بيطلع ساعات للرجلين بعد عشان الواحد اذا جعّص يناظر الساعه بدون مايحرك يده قال الوليد بن طلال((حفظه الله)) اجل انت وشرايك يادعلج قلت بما انكم رسمتو الشكل النهائي وتوهقتو به فا انا اشوف اننا نقلب العماره ونخلي الفتحه على طريق الملك فهد وتصير كنها حرمة مفوحشه ويدخل(ن)السيارات من بين رجليها وهي رافعه فستانها و,,,طخخخخخ <<<< الطفايه وسحبوني ومع الدريشه بس الحمدلله كان الاجتماع في الدور الاول مابعد وصلنا فوق..[/ALIGN][ALIGN=CENTER]راحت الايام وبداء التأجير وبدت الغثاثه وصرت كل يوم ادق على الوليد واقول الحين محل الكنادر من انتم ماجرينه له؟؟ :l6 واللمبات اللي فوق وشوله تغيرون الوانها خلوها لون واحد عشان ماتصرف علينا<<< الله من الذهانه واشغلت الوليد في عمره وكل يوم جايب واحد ابيهم يأجرونه محل بيفتح مطبق من اهل سدير وقال الوليد يادعلج بيخّيس علينا العماره وانا اقول فيه شي اسمه هوايات استمر الوضع 4 شهور على هالحاله وازعاج الى ابعد الحدود وكل ماجاء يطردني قلت ماحللتك ياطويل العمر ويخاف من الله ويصبر ويوم جيت ليله وطقيت بابه ويطلع لي الحارس ويشغلون الكميره لطويل العمر وانا بثوبي على العتبه وقلت ياطويل العمر فيه نجف والع في الدور العشرين والعالم طالعه هالحزه من اللي مخليها والعه دق على الحارس يطفيها <<< مستاجر في الحاره واناظر القزاز كل ليله طلع الوليد معصب وقال ((الله ياخذك وياخذ يوم(ن)جمعني فيك يالشين انت وش تبي مني ياخوك انقلع عني ولعد اشووف وجهك والعماره معد ابيها ولو تبي بيتي عطيتك اياه بس فكني الله ياخذك انت وريالينك اللي صجيتنا فيها ويطلع ورقه ويتنازل عن العماره كلها وقال ان شفتك في شارعي او دقيت علي ورب النعمه لا امسح شمسك يالماصل يالشين واخذ الورقه واطلع لعمارتي وافصل العدادات كلها من تحت وصارت المملكه لي لحالي وكل محلاتها اللي تحت اجرتها محلات مطبق وخضار <<< هذي شغلات اهل سدير ورقيت لمكتبي في الدور العاشر وتحظنت الاوراق على المكتب وغمضت عيوني وقمت اخمخم حلاليومع الهواء البارد غفت عيوني وانشقت السماء علي مويه دااافيه وفيها ريحه :l6 وافتح عيوني واثر راسي بين رجلين الثور ((اللي صار اني يوم خميت الثور مع ورى ابرفعه وشك اني قاعد اسوي حركات وصخه عليه عطاني دبل كيك خلفي بين رجليني وارتفعت 3 متر وصمخ راسي في الهنقلين حق الونيت وطحت بين رجلينه مغمى عليودخلت في غيبوبه وابحرت في عالم الملايين والمويه الدافيه عرفتو من وين هي اكيد)) قمت واخذ عسيب وامحط الثور مع ظهره الين ماوقف من الحروره على التنده وارجع بكل خيبه امل حتى الريالين مهيب في مخباتي [/ALIGN][ALIGN=CENTER]مايستفاد من كلامي:-[/ALIGN][ALIGN=CENTER]1-خل في مخباتك فكه من الريال الى الخمسه تسودك تطيح مثلي وتزبط معك [/ALIGN][ALIGN=CENTER]2- تصدقون ان اللي ماعنده فلوس مرتاح :l6 لاني اذكر اني بلشت في حلالي ولعد ادري وش اشتري<<< اقول الفقها وانت اول عمرك تلحس ثلاجه العسكريم مامعك ريال تشتري به[/ALIGN][ALIGN=CENTER]3- ان البقره اذا جسرت يجاب لها ثور وان اللي مثلي يشطب اسمه اصرف ويفتكون الاعضاء من مصالته[/ALIGN][ALIGN=CENTER]4- شوفت وجيهكم تسوى الموضوع كله وقسم بالله انكم كلكم في قلبي <<< بداء في اللواقه[/ALIGN][ALIGN=CENTER]سؤال مهم؟؟ رفست الثور جت في منطقه حساسه وش ظنكم ؟؟ممكن يأثر على انجابي واجيب سناجب بدال الدعالجه ولا انشاء الله مابه الا العافيه [/ALIGN]
آخر تعديل دعلج
في 05:41 PM.
|
|
17-07-2003, 12:47 PM
|
رقم المشاركه : 2 | ||||||
|
من شيوخ الحارة
|
ههههههههههههههههه غبروا به
ههههههههههههههههههههههههههههههه هههههههههههههههههههههههههههه ههههههههههههههههههههههههه حسبي الله عليك يادعلج على ذا الموضوع هههههههههههه منسّم من جد ما ادري انت رايح اي شانزل... الخ ههههههههههههههههههههههههههه مخاوي الوليد انت وخشمك يالكوالا ,,, الله يعينك على الاقتباس اقتباس:
.. وتلقى بعد حصى وقوارير وشوي قزاز ... هههههههههههه صايرتن أحفوره رجلك ... اقتباس:
 .. اقتباس:
... اقتباس:
)) .. اقتباس:
... اقتباس:
بصراحه كتبت وابدعت ... وهالشي مهوب غريب عليك .. بس صراحه عليك حزّه تنزيل موضوع ما ادري وش تبي .. احس انك تتصيدهم .. ههههههههههههههه تحياتي لك ولأبداعك ... مثبت والى المميزه بعد اكتمال الردود حاذفكو [/ALIGN]
آخر تعديل حاذف ترم
في 01:14 PM.
|
||||||
|
17-07-2003, 04:35 PM
|
رقم المشاركه : 3 | |||||
|
مشرفه
|
هههههههههههههههههههههههههههههههههههههههههههههههههه ههههه هههههههههههههههههههههههههههههههههههههههههههههههههه ههههه هههههههههههههههههههههههههههههههههههههههههههههههههه هههه خبل .. خبل .. خبل .. خبل و منتهي و رايح فيها اجل مشاركن الوليد بن طلال في حلاله و مناشبه على لمبه ههههههههههههههههههههههههههههه وربي اني جالسه ورا الشاشه اشاهق من الضحك .. و اكاكي بعد اقتباس:
هههههههههههههههههههههههههههههههههههههههه الله يقطع شرك يا دعلوج حبكه دراميه ولا احلى .. قسم بالله قهر .. اجل داخل بيت جيرانهم .. وش هالقراده اقتباس:
اقتباس:
دعلج ... انت وش تاكل .. مجلد الجواز و كاتب اسم الماده جواز هههههههههههههههههههههيعني اسم الطالب اعديها اما اسم الماده ذي مدري وين اصرفها اقتباس:
اقتباس:
احس انك مناشبهم بالعزبه .. على وين المراكي .. و من جاب البساط .. و ليه تاركين الباب مفتوح والمروحه ترقل الله يرجك يا دعلج على موضوعك ..عساني ما احلم بالليل من موضوعك انت و الثوب ..لا جديد .. كاتب مبددع والله حتى مبدع ما توفي .. خلينا نقول شيخ المبدعين دعلج ...اذا كتب ابدع و اذا استرسل .. جاب العيد تسلم لا هنت[/ALIGN] |
|||||
|
17-07-2003, 07:09 PM
|
رقم المشاركه : 4 |
|
ينشد به الظهر
|
هههههههههههههههههههههههههههههههههه ههههههههههههههههههههههههههههه ههههههههههههههههههههههه ههههههههههههههه ههههههههه ههههه هه<----------ماتت من الضحك ماشاء الله لاقوة الا بالله والله مبدع يالدعلج واحلامك وصلت القمر عاد الوليد مره وحده(اقول ليته انا الحالمه) مبدع ومتميز ننتظر المزيد وحيده |
|
17-07-2003, 09:12 PM
|
رقم المشاركه : 5 | ||||
|
سعيدان المساطيل
|
[ALIGN=CENTER] اقتباس:
[ALIGN=CENTER]هههههههههه وحط في بالك بعد هذا وانا البس نعال في بعض الاحيان اجل وشلون لوني مزاعل النعله (والسامعين بكرامه )[/ALIGN][ALIGN=CENTER] اقتباس:
[ALIGN=CENTER]8 8[/ALIGN] [ALIGN=CENTER]تحمد الله وانا اخوك لايبلاك بولد(ن) مثلي <<<< مستسلم وبعدين سجل عندك باقي 2 سم واصير مشروع فيل مشكور يالغالي وتحياتي لك يابطل[/ALIGN][ALIGN=CENTER]------------------[/ALIGN] [ALIGN=CENTER]سنيوره[/ALIGN] [ALIGN=CENTER] اقتباس:
[ALIGN=CENTER]ليتس علقتي ودي اشوف وش بتذبين بس خلي عنتس لوه نظيف حطوه في فترينه محل خياطه مثل التماثيل وهذا من ناحيه شرعيه مهوب حرام لان مافيه صور واجسام اوادم بس الوصخ مخرب الدنيا[/ALIGN][ALIGN=CENTER] اقتباس:
[ALIGN=CENTER]تسنك تشوفين مانولع الا سراج والعب عليهم اقول اطعم تسنا في خيمه وكلهم قصو مرايات <<< معذورين انعدمت عيونهم ومن تالي صارو يجيبون اتاريك والحجار من حسابهم الشخصي [/ALIGN][ALIGN=CENTER]منوره ياسنيوره ويعطيك العافيه على الرد والطله [/ALIGN][ALIGN=CENTER]-----------------[/ALIGN] [ALIGN=CENTER]وحيده[/ALIGN] [ALIGN=CENTER]لامنتي وحيده وانا اخوتس انتي بين اخوانتس المساطيل <<<< امحق اخوه ونتشرف فيتس اخت بينا والله <<< انت بترد ولاترحب فيها وبعدين من رادتس لاتحلمين هوجسي قبل لاترقدين في ياسر عرفات وننتظر حلمك القادم شكلك بتنزلين الموضوع وانتي متلطمه بشماغه اللي كنه بساط عزبه زيود مشكوره وحيده على الرد وعلى تنويرك الموضوع ولاخلا ولا عدم اختي[/ALIGN]
آخر تعديل دعلج
في 09:24 PM.
|
||||
|
18-07-2003, 04:11 AM
|
رقم المشاركه : 6 |
|
عقلية كروية فذّة
|
خخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخ هههههههههههههههههههههههههههههههههههه هههههههههههههههههههههههههههههههههههه منسم وقاضي ورايح في خرايط ابو التحشيش يا والدي ,, اقسنب بالله ياللبثاره ,, انك لا مرء فيك لعانة وخياس وشفاحه ( وجه واحد فيه لعانه وخياس وشفاحه )هههههههههههههههههه ,, عليك افكار اجل تبيهم يقلبون العماره تصير تقل حرمه رافعه فستانها ؟؟ ,,, الله من واحدن بيحجز متر بذيك القطعه ,,, ولا التجار بيقلبون شارع الملك فهد مقاهي لزوم التكييف  ولا يوم كان الوليد يناظرك من الكاميرا هههههههههههههههههههههه اتخيل شكلك واحد له راس وماله جسم - دعلج..((اكله ايطاليه لكثره الاسئله عن معنى الاسم))<< ايه هين افا في احد سالك غيري بس يخوك شغل المطبق عندنااا مايشتغلون فيه سديراويه كلهم هنوووود <---- يبي طرااق يعدل دميجته تسلم ياشيخ المبدعين على هالابداع الكويس المره وتحياتي لك يالكبير يالضخم يالدب ياالوع يا المو حلو :b1 <---- مشكلة العرابجه لا منهم ودهم يتملحون بالمدح [/ALIGN]
|
|
18-07-2003, 02:27 PM
|
رقم المشاركه : 7 | |||||||
|
مسـيّر
|
ههههههههههههههههههههههههههههههه ههههههههههههههههههههههههه منتهي منتهي منتهي واللي يقول غير كذا يغالط نفسه اقتباس:
لو انا مكانك كان خليت هالمقطع فكرة موضوع بالحاله <<--- هذا انت مهوب دعلجاقتباس:
اقتباس:
اقتباس:
اقتباس:
<<---- خايييييييييساقتباس:
ههههههههههههههههههههههههههههههه ههههههههههههههههههههههههههه يلعن ام امه تشبيييييييييييييه اقتباس:
بس كله كوووووم وحطة يدك على خصرك كووم ثاني بس تدري والله مالك حل يا دعلووج.. الحل الوحيد انه يغمى علي زي ما سوى الوليد الله يعافيك يا خبل وجعل الله يرجك اكثر واكثر بس اقووووول من اي قرى سدير انت!!؟:l4 وتسلم يا بابا دعلووج :b1[/ALIGN] |
|||||||
|
18-07-2003, 02:43 PM
|
رقم المشاركه : 8 |
|
من شيوخ الحاره |
هههههههههههههههههههه خبل .. اجل لاتمت للواقع بصله!! ..ههههههههههههههه .. (1- نفيع...(( مويه تجتمع في البانيو اذا سبحت))<< بلى والله من الوصخ) انت لحالك مهوب كل الناس .. هههههههههههههههههههههههههههه .. (وهو اللي يفهم غلط ويحسبني قاعد اقل أدبي عليه واخر شي اذكره انه التفت ثم سمعت صمخه قويه) ههههههههههههههههههههههههههههههههههههههههه .. لاتعليق .. (وادخل بشويش في الملحق ولا ولعت النور وجلست واحس بشي يابس تحتي واتلمس وشو؟؟ وصار خالهم جاي من الديره وممرح في البيت) ههههههههههههههههههههههههههههههههه ..لاتعليق برضوا << مافي خاطره تعليقات اليوم .. (وقلت كل ذااا عشان ريالين؟؟ اجل لوني مسلفه عشره وش بيسوي؟؟<<<< يلعن ام التفكير) ههههههههههههههههههههههههههههههههههه .. بيثور فيك .. ))دفوني على قفاي وجيت مجاوب في القبو من على الخط (( ههههههههههههههههههههههههه يابعد قلبي .. )تعرفون راعي الحلال يشتغل غير(( هههههههههههههههههه اقعد .. راعي الحلال .. (من اول اجار لعمارتنا << لايفوتكم الجمع) .. هههههههههههههههههههههههههههههه .. اخس يالشريك .. (واللمبات اللي فوق وشوله تغيرون الوانها خلوها لون واحد عشان ماتصرف علينا<<< الله من الذهانه) ههههههههههههههههههههههههههه .. تصدق لوها لون واحد ازين .. (4- شوفت وجيهكم تسوى الموضوع كله وقسم بالله انكم كلكم في قلبي <<< بداء في اللواقه) هههههههههههههههههههه .. مابعد حطوا لك ايقونه .. مبدع يادعلووج قلبي .. و ياحظ الوليد اللي شارك لو في الحلم << راضع مع مصري .. ارفع غترتي تحيه لهذا الهبال المركز ..[/ALIGN] |
|
19-07-2003, 07:36 AM
|
رقم المشاركه : 9 |
|
من شيوخ الحاره
|
ههههههههههههههههههههههههههه ههههههههههههههههههههههههههه نعنبوك يالمنسم ماخليت للطفاقه شي ماهوب فيك بس بعذرك انك افغاني <------- يبي يطيح الميانه والله بقتبس بقتبس موضوعك كله والله لو دروا عنك شهار كان فتحوا قسم خاص انت رئيسة (( ياخي انت ماصل وامنا بالله لكن ردك مثل وجهك هذي يبيلها ماصله تضفك )) <-------- اكيد والله يادعلج مميز وانتظر جديدك بفارق الصبر <----------- قل قسم [/ALIGN]
|
|
21-07-2003, 05:22 AM
|
رقم المشاركه : 10 |
|
توه ساكن
|
