الاقرع في دبي

23-07-2003, 06:03 AM

مساء النعناع على المساطيل كلهم

هذي الله يسلمني وياكم قصة رحلتي الأخيرة إلى دبي ( يا شيخ انطم تراه أول مرة يتعدى دار أبو سلمان:o ) ، وطبعا يا وجدكم تعرفون سواليفي هناك كلها ، بس لأني مشغول ( مهوب بطالة ) باقول ثلاث قصص سريعة ، المهم نخش على السالفة .
بحكم أني رجال عاطل ، ومهنتي في الحياة أني انغف ( الله يحوم تسبدك ) من يوم تخرجت ، طبعا الوظايف وااااااجدة بس ما هنا نفس ، واخوياي ملوا من مقابل وجهي ، كلما هذا طمرت عليهم في قهوة ولا استراحة أنا وثوب ذا النوم اللي تقول ستارة ، واهلي أنواع المعاناة كل يوم مشغلهم في البيت ، أمشي على الجدران الضحى ، وتالي الليل اتكمبس عند الدرجة ، وافدغ ما اعرف بلوت ولا لي في البنات ، مرة حبيت ارقم ، اقنعني أبو حسين هو وضروسه بالترقيم ، واقعد اهوجس وين بالقى بنات عشان ارقمهن ( ماقد دخل سوق ) ، يوم جت عندنا عزيمة واروح ارقم بنت عمي ، لا ومعطيها رقم بيتنا وأنا ساكنين عندهم :l4.

الشاهد العالم ملت مني وتقاطوا عشان أسافر على حسابهم دبي ، وقالوا هناك بتروح وتستناس يالاقرع وتفلها ، واهوجس وانغف ، واقول أي والله ورى ما أروح ، ويجيب لي اخوي تذكرة وكلش ، ونروح للمطار .
يوم قعدت عند البوابة ويجي رجال كبييييير:l6 كنه جدار يمشي ، ومعه زوجته واخته كاشفة وجهها ، ومعهم بزر صغير ، من ذا اللي توه يتعلم المشي ، وكل هواياته يزق ويطرش ، ولا ركز معك قام يسعبل .
المهم قعدوا قبالي ، واناظر أخته ولينها شق واتمقل فيها ، وكلما ناظرتني اطالع البزر ، والله ويقولون يالله اركبوا ، وندخل الطيارة وانصى الكرسي ( طبعا في السياحية ) واجلس عند الشباك ، لأني دايم أحب الشباك ، حتى في حجرتنا أنا وإخواني مطرحتي جنب الشباك .
يوم دريت ويجي مضيف سعودي ( حجوز ) ويقول يالاقرع قم هادا مكان راكب تاني ، ويجلسني على الممر ، ويجي الثاني ولينه فلبيني من ذا اللي تحفر في وجهه يالله تلقى خشمه ، المهم ويقعد الرجال ، وأثره مكفخته الدنيا ، من قعد صك الشباك وطقها شخرة لين قال سلام يا دبي .
واقعد اطالع الأغاني ، وجايبين كليب حق نونة ( الليالي ) وأنا أنواع الخثرة :l5، هو صح الوجه وجهها والصوت شخير الفلبيني ، لكن العوض ولا القطيعة ( ما شبك السماعة ) ، المهم وكلما خذت شوي ولين الشغالة شايلة البزر وركض للحمام ، ويجيبون الغدا واقلط ، وانغز الفلبيني ابيه يتغدا الضعيف ، ويقوم يا جماعة ويعطس هاك العطسة ( وش غطى على ابوي ) يوم حسيت أن خشمه طاح في صحني :mad:، وأنا اللي تحوم تسبدي وتعورني حالتي النفسية ، وانقز للحمام ابغسل ، يوم أقبلت ولا هذي هي البنت اللي في المطار ، ومع الحماس واقول : هلا بك .. ويقوم وجهها يلعب أنواع الألوان ، والتفت واصقع في جداااار:l6 ، وأثره اخوها ، عاد الباقي معروف ، المهم يوم حزموا وجهي بالشاش ويرجعوني لكرسيي ، واللي غبني ثنتين ، الاولة أني رجعت ولقيت الفلبيني على شخيره ، والثانية أني يوم نتطاق أنا واخوها ( قصدك يومه يفرشك ) طاحت غترتي وشافت البنت قرعتي وما عاد لي أمل :b2.

السالفة الثانية ، دق علي ابوحسين هو وضروسه وقام يسعبل ويوصف لي قرية البوم وان فيها سفينة العالم يتعشون فيها ، وانغف شوي أقول هو صادق ورى مااروح معهم .
والله واطمر للقرية ، واللي وداني سواق تاكسي هندي ( لا ياشيخ تراك في ديرتهم ) ، والرجال شكله جديد والاقرع طاق قميص وبنطلون ( على باله داخل السايكلون ) ومنور الشاشة ، المهم وهو يسولف معي بالانجليزي ، واخوكم طبعا علاقته بالانجليزي مثل علاقته بالشامبو ، والرجال كلما طق عود حصاة يقول ياسنيور ، أثره يحسب الاقرع ايطالي !!
الشاهد وصلنا واركب السفينة ولا الدعوة خاربة ، وش كنك رايح تحج في سفينة جاية من دلهي أنواع الهنود ، ويقعدوني على طرف حيثي جاي بلحالي – هالجملة تذكرني بعمتي - ، وراي شايب أمريكي وعجوزه والله العالم أنهم من سنة روزفلت ، وقدامي سعودي مع زوجته ، عرسان جدد ، الرجال طايح فيها غزل ، بس وش غزل موديل صفر ، يقول في كاميرة الفيديو اليوم 16 وهذا قمر 15 وهو يجيب صورتها ، بغيت أقول له أنت تغازل ولا تطرش:a1 ، بس خفت انفرش ، الرجال متعافي ، لا وحرمته ماركة حمامة :l4، والباقين أبو هنود .
المهم ابحرنا – حلوة ابحرنا يمديكم – ويجيبون هاك العشا الله يكرم النعمه ما جاز لي ، وأنا اللي أرقى فوق في الدور الثاني ، حيث الهواء والمناظر الطبيعة والحر والرطوبة ، وتجي بنتين هنديات ، من امهات 17 ، وحدة متحجبة الله يجزاها خير :b3، والثانية سافرة يالبى قليبها ، وأنا أناظر الثانية واشخلها من رأسها لرجيلها ، وتقوم وتقرقر مع أم حجاب وابشركم راحت ، وأبقى أنا والسافرة ، وهي تقرب ولا بقي بيننا إلا طاولة ، كلنا نناظر البحر ، والتفت عليها ونظرة قصيرة ، وتردها بمثلها ، ونظرة في نظرة ، لين ركزت فيها وهي اللي تصفقني ابتسامة انتهاء :a7، ووالله ولا زليت عليكم اني باغي اطمر في البحر ( ما قد عطاه أي كائن وجه ) ، وتوني باسولف معها إلا وهالنزغة جايه :mad:، ووراها شايبهم وعجيزهم واقعدوا الأربعة على الطاولة واجلس قبالهم ، اقزقز في البنيه ، وهي مقززة ( يمديكم على الجناس ، أو موب هذا اسمه ) ، والعالم اللي تحت كلهم رقوا وخذوا الطاولات لين امتلت ، وأنا على طاولتي لحالي ، يوم خذت والا هاك السرا ثلاث عجز هنديات ويقرقرون مع بعض ويشرون علي ، ويجون ويقعدون معي واخيس ( بفعل الرائحة ، لا ياشيخ ) واقوم واوقف جنب اللي يسوق قدام ، وبعد حين وصلنا ونزلت الهندية ( ايهم ، طبعا السافرة ) وانكسر قلبي على شاطئ قرية البوم :b4.

السالفة الثالثة أني رحت اتعشا في فندق ( *** ) وادخل مطعم لبناني ، واثر عند بابه وحدة تقلط العالم ، بس وش قطعة ، جرح ، شق ، نهاية .. وأنا اللي افك معها :a8، وكلما مريت من عندها رايح اغسل ولا راجع رميت عليها كلمة ( أنواع التميلح ) .. وتدخل عقب شوي للمطعم تقلط ناس ، يوم مرت عند طاولتي وتصفقني بابتسامة ضياع .... المهم جيت ابامشي ، ومثل ما يقول الاسير " ما يفضح العاشق إلا آخر اللحظات " ، وادق على أبو حسين واسأله ، ويطقني بكم سعبولة ، ويقول اسمع يالاقرع البنت تبيك ( سعبولة ) وخل عنك الخجل اللي ذابحك ( سعبولة ) واطمر عليها ورقمها ( سعبولتين ) ، وأنا اللي أروح لها واسلم وامسي ، واسالها عن اسمها وتقول ( منيب معلمكم باسمها ، انتبه يا راشد ) وانها مغربية ، واقول هلا بك من كل قلبي ، وامد رقمي اللي كاتبه على طاقية ، لأني كنت لابس بدلة وحاط الطاقية محل المنديل ، ووافقت طلعة مدير المطعم ، واحد لبناني ، وتمسكه نوبة الشرف ، يا الله يا الله شو هالدنى لك شو عم تعمل يا ائرع يا حيوان :mad:، والله وسيل عرق على قرعة اخوكم ، ويزهم على الأمن ويقشوني لبرا الفندق

لكن يا جماعة ترى طاقيتي ما خذتها ، ظنكم بتزهم المغربية ولا لا ؟؟ :b4، صار لهالكلام أكثر من شهر وكلما مريت راعي البقالة يقول صديق كلوه كلم انتا تمساح ما فيه بنت .

لغير الناطقين باللغة النجدية :
انطم : كلمة تقال لزجر المتكلم .
دار أبو سلمان : مملكة البحرين الشقيقة .
يا وجدكم : يالهف انفسكم .
اتكمبس : أقوم بحركات بهلوانية ذات صفة مخصوصة .
افدغ : يعاني من قصور في المهارات العقلية .
ابوحسين : تقدم ذكره في موضوعي السابق ( الاقرع والشاورما ) .
تقاطوا : قاموا بحملة تبرعات لدعم مشروع السفر .
شق : صفة تطلق على المرأة جميلة الوجه .
مطرحة : سليب هاي واطيته تريله .
حجوز : ينتمي إلى اقليم الحجاز .
نونة : الفنانة الشحرورة الامورة العصفورة السنيورة نوال الزغبي .
الخثرة : حالة نفسية تصيب السعوديين عند توافر الجنس الآخر .
السايكلون : ( مقهى ) في دبي ... اجل مقهى اجل .
روزفلت : الرئيس الاسبق للبحرين .
ماركة حمامة : صفة تطلق على المرأة ذات الصوت الشبيه بصوت الحمامة .
النزغة : نسيها المؤلف .
اقزقز : القز والقزقزة تعني النظر مع التركيز الشديد .
قطعة ، جرح ، شق ، نهاية : صفات تدل على الإعجاب البالغ بالمرأة المقصودة .

طبعا فيه قصص ثانية ، بس محذوفة رقابياً :a8، اللي حريص يزهم على الجوال 0144907898709
رقم بقالتنا ، ويقوله أنا مسطول وابي الاقرع .

طبعا باصم برجلي انه موضوع مااااااااااصل ، بس ما يمنع الله الله بالمدح :l5

23-07-2003, 01:38 PM

[ALIGN=CENTER]ههههههههههههههههههههههههههههههههههههههههههههه
ههههههههههههههههههههههههههههههههههههههههههههه
هههههههههههههههههههههههههههههههههههههههههههههه

حسبي الله عليك يا اقرع قريح .. موضوع خبل ( سعبوله ) .. واسلوب أخبل ( سعبولة )
وابتجالد انا واياك هالحين ( دمعه ) .. اعنبوك وين هالحتسي من اول !!

هههههههههههههههههههههههه قسم بالله يحدّوني اهلي من طرف اغرفه يبوّني ارجع من قوّه الضحك !!
زين اللي ماطسّيت المغرب ... بذاتها .. عشان ما تجيّنا تكوح غبره .. من كثر السعابيل !!

اقتباس:

واقعد اهوجس وين بالقى بنات عشان ارقمهن ( ماقد دخل سوق ) ، يوم جت عندنا عزيمة واروح ارقم بنت عمي ، لا ومعطيها رقم بيتنا وأنا ساكنين عندهم

ههههههههههههههههههههههه ذكرتني باللي مواعد خويته بيدخل بيتها .. ودخل بيت جيرانهم :p ... (( والباقي سيّر على موضوعن قريب تلقى باقي التفاصيل ))

اقتباس:

من ذا اللي توه يتعلم المشي ، وكل هواياته يزق ويطرش ، ولا ركز معك قام يسعبل .

ههههههههههههههههههههههههههههههه من متى وانت تعرف مغاااااط !!

اقتباس:

وتجي بنتين هنديات ، من امهات 17 ، وحدة متحجبة الله يجزاها خير ، والثانية سافرة يالبى قليبها ، وأنا أناظر الثانية واشخلها من رأسها لرجيلها

ههههههههههههههههههههههههههه حسبي الله عليك .. من كثر السعابيل .. احس اني انا شخلتها ..
بس ابنشدك .. شلون العيون :p .؟؟؟؟

اقتباس:

، وامد رقمي اللي كاتبه على طاقية ، لأني كنت لابس بدلة وحاط الطاقية محل المنديل ، ووافقت طلعة مدير المطعم ، واحد لبناني ، وتمسكه نوبة الشرف

افااااا .. حتى انت طلعت راعي طواقي .. هههههههههههههههههههههههههههههههههههه
ولبناني معصب كان دهنت سيره ب **** ...

موضوع مهوب صاحي .. وسواليفن متعوب عليها .. والله يعافي هالنعناع اللي بأول الموضوع اللي خلاك تجيب الاول والتالي مثل كذا ..

مثبّت تم يمزّع الى المميزه بعد اكتمال الردود ...

تحياتي لك انت وصلعتك .. ولعد تبطي علينا

حاذفكوووو

[/ALIGN]

24-07-2003, 12:52 AM

هههههههه
يا راعي دبي انت

27-07-2003, 04:37 PM

[ALIGN=CENTER]ههههههههههههههههههههههه
ههههه صاحي انت يالاقرع ههههه
ههههههههههههههههههههههه

موضوعك تنسيييييييييييييم:p

اقتباس:

الشاهد العالم ملت مني وتقاطوا عشان أسافر على حسابهم دبي ، وقالوا هناك بتروح وتستناس يالاقرع وتفلها ، واهوجس وانغف ، واقول أي والله ورى ما أروح ، ويجيب لي اخوي تذكرة وكلش ، ونروح للمطار

لدرجة انهم يتقاطون عشان يسفرووونك:o
وش انت مسوي لهم .. اكيد انك ترمي نغافك على الارض <<--- يالله حوم تسبده هو وراعي الموضوع في يوم واحد:mad:

اقتباس:

يوم قعدت عند البوابة ويجي رجال كبييييير كنه جدار يمشي ، ومعه زوجته واخته كاشفة وجهها ، ومعهم بزر صغير ، من ذا اللي توه يتعلم المشي ، وكل هواياته يزق ويطرش ، ولا ركز معك قام يسعبل .

وصف في محله
بس الظاهر هذولا بزارينا يا السعوديين بس

اقتباس:

المهم وهو يسولف معي بالانجليزي ، واخوكم طبعا علاقته بالانجليزي مثل علاقته بالشامبو

الاقرع.. في شامبو نزل للسوق بريحة النعناااااع قوي وكاااايف قسم بالله امس قضيت نص اليوم اتسبح <<--- مسوي بيقهر الاقرع.. هو وجبهته

اقتباس:

وادق على أبو حسين واسأله ، ويطقني بكم سعبولة ، ويقول اسمع يالاقرع البنت تبيك ( سعبولة ) وخل عنك الخجل اللي ذابحك ( سعبولة ) واطمر عليها ورقمها ( سعبولتين ) ،

هههههههههههههه قوي المقطع
بس الى الحين ما خلصوا اللي يسعبلون.. من زمان عنهم

اقتباس:

طبعا فيه قصص ثانية ، بس محذوفة رقابياً ، اللي حريص يزهم على الجوال 0144907898709
رقم بقالتنا ، ويقوله أنا مسطول وابي الاقرع .

دقيت على الرقم يا الاقرع.. ورد علي هندي وقال.. ايووووه بمياعه:mad: .. الحق على مغربيتك لا يسدحها ابو هنود ويسحب عليك

موضووووووع رايق
وتستاهل عليه نجمه
وتكفى لا تطول علينا بهالمواضيع[/ALIGN]

27-07-2003, 05:19 PM

[ALIGN=CENTER]هههههههههههههههههههههااااااااااااااااااااااااي

التنسيم في محلة الظاهر التنكة عشان مافوقها شعرررررررررر ماخذه راحتها

تطلع على كيفها

اقتباس:

يوم جت عندنا عزيمة واروح ارقم بنت عمي ، لا ومعطيها رقم بيتنا وأنا ساكنين عندهم

هههههههههههههههههههه عسى دقت عليك بس ،، خخخخخخخخخخخخخخخخخخخ:a1

ولا جا عمك تجالد وياك ونمت ونغافتك بجنب عينك يحوووووووووووم جبدك :a3

اقتباس:

، ويجي الثاني ولينه فلبيني من ذا اللي تحفر في وجهه يالله تلقى خشمه

خخخخخخخخخخخخخ همك في الحياة الخشم ،،:p وش تبي بخشم الفلبيني تبي تنغفة بعد

اقتباس:

من ذا اللي توه يتعلم المشي ، وكل هواياته يزق ويطرش ، ولا ركز معك قام يسعبل

هوايته يزق ويطرش هههههههههااااااااااااااااااااااااااااي حلوة وربي

تصدق ان بزارينا كلهم نفس الماركة هوايات وحده يزقووون ويطرشوون لا ولا ركزوووووووو سعابيل جيبو لهم سطل واسقو زرع بيتكم من السعابيل

منسسسسسسسسم يا الاقرع ،، ويسلمووووو هالقرعة اللي طلعت كل هذا

تشااااااو أأرع[/ALIGN]

28-07-2003, 09:34 AM

هههههههههههههههههههههههههههههههههههه

عافاك الله .. موضوع في قمة التفهيه .. اكسنلط اكسلنط :h7

بادء ذي بدء ... ترا انا غرزت عند ذي (((لا وحرمته ماركة حمامة))) وعقب الشرح .. طلعت فراش وترمس شاهي وقعدت جنب الكفر ...

اشرح اذا ما فيها كلافه .. احس الذبه حلوه بس ابي اعرف معناها عشان أوظفها صح !!:b7

قسم بالله موضوع تحطه على يمناك .. لكن .. فيه مقطع .. رحت اصك الباب لا يسمعون اهلي ضحكي يوم قريته ...

(((والثانية سافرة يالبى قليبها))) ههههههههههههههههههههههه احس من قلب يا لبي قليبها هههههههههههههههههههه

يسلمو هيك نمل مدري انامل

28-07-2003, 10:01 AM

[ALIGN=CENTER]حاذف ترم [/ALIGN]

مشكور يا مشرفنا ( سعبولة ) على التشجيع الدايم ( سعبولة ) وان شاءالله دايم تكون قرعتي مرفوعة بين المساطيل ( سعبولة ) ... ( وزود سعبولة ) .

اقتباس:

زين اللي ماطسّيت المغرب ... بذاتها .. عشان ما تجيّنا تكوح غبره .. من كثر السعابيل !!

يالله على يديكم .. تطلعوني للمغرب على حساب المنتدى وابشروا مهوب بموضوع الا بكتاب

اقتباس:

ههههههههههههههههههههههههههه حسبي الله عليك .. من كثر السعابيل .. احس اني انا شخلتها ..
بس ابنشدك .. شلون العيون .؟؟؟؟

والله العيون يا حاذفكو شييييييييييييييء ... اعداااااااااااااااام :b2

ومشكور يا مشرفنا ، بس ليه ما يكون فيه جوائز للمواضيع مثل انكم تعطونني بريق نعناع على موضوعي

[ALIGN=CENTER]EIM[/ALIGN]

مشكور حبيبي على الرد ، بس وراك مستعجل :p

[ALIGN=CENTER]المجمعاوي [/ALIGN]

اقتباس:

الاقرع.. في شامبو نزل للسوق بريحة النعناااااع قوي وكاااايف قسم بالله امس قضيت نص اليوم اتسبح

يا شيخ لا اجيبه واشربه :a9 لا ومع باور هورس يا راعي الشاني .

مشكور يا ولد ديرتنا الله يفك سجنك

[ALIGN=CENTER]المصرقعة [/ALIGN]

اقتباس:

التنسيم في محلة الظاهر التنكة عشان مافوقها شعرررررررررر ماخذه راحتها

تطلع على كيفها

كنت بارد عليك رد يروع .. بس ماش يوم شفت صورتك غيرت رايي ، ومثل ما انتي شايفه ترى الاقرع راعي بنات

اقتباس:

منسسسسسسسسم يا الاقرع ،، ويسلمووووو هالقرعة اللي طلعت كل هذا

تشااااااو أأرع

تشاااااااااو مصرئعة

[ALIGN=CENTER]دايخه [/ALIGN]

مشكورة يا راعية البال توك على المشاركة الحلوة .

بالنسبة للسوال الله يحييتس ورى ما قريتي معاني الكلمات :mad: تلقينه فيها .

وكانك ما بعد عرفتي ، اجل شوفي الحريم اصواتهن متنوعة فيه اللي اصواتهن هلاك :a2 وهذولي انواع ، بس موب موضوعنا الحين ، وفيه اللي اصواتهن دمار ، ومنهن اللي صوتها ببغاء يعني لا جت تحتسي ولا كنها ببغاء :o ، ومنهن اللي صوتها حمامة .. توحي الله يعافيتس اي حمامة وهي تاكل تلقينها تمشي وتبرطم فيه بنت يصير صوتها شبه برطمة الحمامة .

اقتباس:

(((والثانية سافرة يالبى قليبها))) ههههههههههههههههههههههه احس من قلب يا لبي قليبها هههههههههههههههههههه

تقولينه صادقة والله

وتسلم عيونك وحواجبك يا الدايخة :a6

28-07-2003, 04:38 PM

طيب يوم انك قاري موضوع البالتوك وراك ما رديت علي والا عنادن لي يعني !! (وجه شايب يباحرك وهو معصب!!)

-----------> تحس الشياب وجيههم دايم معبره

28-07-2003, 06:35 PM

هههههههههههههههههههههههههههههههه

الا يالاقرع توّلم (( سعبوله )) .. ابرسلك للمغرب على حسابي(( سعبوله )) .. بس ابيك تاخذني معك (( سعبوله .. وبعدها سعبوله ))
<<< مشرف داج ...
هههههههههههههه انت بس شدّ حيلك .. وورنا همّتك .. وانا ابعطيك هديه بريق شاهي منعنع .. وبيالات بادريق من اللي ما تنكسر ...

يعطيك العافيه يابو صلعه .. ولا تبطي علينا ..

حاذفكووووووووووو

31-07-2003, 09:31 PM

مع تحياتي لصلعتك ولمعتها ... توّلم ابتلّك مع كراعينك والليله النومه بسوريا المساطيل (( المميزه )) ...

يعطيك العافيه ياقلبي ...

23-07-2003, 06:03 AM	رقم المشاركه : 1
الاقرع توه ساكن الملف الشخصي	الاقرع في دبي مساء النعناع على المساطيل كلهم هذي الله يسلمني وياكم قصة رحلتي الأخيرة إلى دبي ( يا شيخ انطم تراه أول مرة يتعدى دار أبو سلمان:o ) ، وطبعا يا وجدكم تعرفون سواليفي هناك كلها ، بس لأني مشغول ( مهوب بطالة ) باقول ثلاث قصص سريعة ، المهم نخش على السالفة . بحكم أني رجال عاطل ، ومهنتي في الحياة أني انغف ( الله يحوم تسبدك ) من يوم تخرجت ، طبعا الوظايف وااااااجدة بس ما هنا نفس ، واخوياي ملوا من مقابل وجهي ، كلما هذا طمرت عليهم في قهوة ولا استراحة أنا وثوب ذا النوم اللي تقول ستارة ، واهلي أنواع المعاناة كل يوم مشغلهم في البيت ، أمشي على الجدران الضحى ، وتالي الليل اتكمبس عند الدرجة ، وافدغ ما اعرف بلوت ولا لي في البنات ، مرة حبيت ارقم ، اقنعني أبو حسين هو وضروسه بالترقيم ، واقعد اهوجس وين بالقى بنات عشان ارقمهن ( ماقد دخل سوق ) ، يوم جت عندنا عزيمة واروح ارقم بنت عمي ، لا ومعطيها رقم بيتنا وأنا ساكنين عندهم :l4. الشاهد العالم ملت مني وتقاطوا عشان أسافر على حسابهم دبي ، وقالوا هناك بتروح وتستناس يالاقرع وتفلها ، واهوجس وانغف ، واقول أي والله ورى ما أروح ، ويجيب لي اخوي تذكرة وكلش ، ونروح للمطار . يوم قعدت عند البوابة ويجي رجال كبييييير:l6 كنه جدار يمشي ، ومعه زوجته واخته كاشفة وجهها ، ومعهم بزر صغير ، من ذا اللي توه يتعلم المشي ، وكل هواياته يزق ويطرش ، ولا ركز معك قام يسعبل . المهم قعدوا قبالي ، واناظر أخته ولينها شق واتمقل فيها ، وكلما ناظرتني اطالع البزر ، والله ويقولون يالله اركبوا ، وندخل الطيارة وانصى الكرسي ( طبعا في السياحية ) واجلس عند الشباك ، لأني دايم أحب الشباك ، حتى في حجرتنا أنا وإخواني مطرحتي جنب الشباك . يوم دريت ويجي مضيف سعودي ( حجوز ) ويقول يالاقرع قم هادا مكان راكب تاني ، ويجلسني على الممر ، ويجي الثاني ولينه فلبيني من ذا اللي تحفر في وجهه يالله تلقى خشمه ، المهم ويقعد الرجال ، وأثره مكفخته الدنيا ، من قعد صك الشباك وطقها شخرة لين قال سلام يا دبي . واقعد اطالع الأغاني ، وجايبين كليب حق نونة ( الليالي ) وأنا أنواع الخثرة :l5، هو صح الوجه وجهها والصوت شخير الفلبيني ، لكن العوض ولا القطيعة ( ما شبك السماعة ) ، المهم وكلما خذت شوي ولين الشغالة شايلة البزر وركض للحمام ، ويجيبون الغدا واقلط ، وانغز الفلبيني ابيه يتغدا الضعيف ، ويقوم يا جماعة ويعطس هاك العطسة ( وش غطى على ابوي ) يوم حسيت أن خشمه طاح في صحني :mad:، وأنا اللي تحوم تسبدي وتعورني حالتي النفسية ، وانقز للحمام ابغسل ، يوم أقبلت ولا هذي هي البنت اللي في المطار ، ومع الحماس واقول : هلا بك .. ويقوم وجهها يلعب أنواع الألوان ، والتفت واصقع في جداااار:l6 ، وأثره اخوها ، عاد الباقي معروف ، المهم يوم حزموا وجهي بالشاش ويرجعوني لكرسيي ، واللي غبني ثنتين ، الاولة أني رجعت ولقيت الفلبيني على شخيره ، والثانية أني يوم نتطاق أنا واخوها ( قصدك يومه يفرشك ) طاحت غترتي وشافت البنت قرعتي وما عاد لي أمل :b2. السالفة الثانية ، دق علي ابوحسين هو وضروسه وقام يسعبل ويوصف لي قرية البوم وان فيها سفينة العالم يتعشون فيها ، وانغف شوي أقول هو صادق ورى مااروح معهم . والله واطمر للقرية ، واللي وداني سواق تاكسي هندي ( لا ياشيخ تراك في ديرتهم ) ، والرجال شكله جديد والاقرع طاق قميص وبنطلون ( على باله داخل السايكلون ) ومنور الشاشة ، المهم وهو يسولف معي بالانجليزي ، واخوكم طبعا علاقته بالانجليزي مثل علاقته بالشامبو ، والرجال كلما طق عود حصاة يقول ياسنيور ، أثره يحسب الاقرع ايطالي !! الشاهد وصلنا واركب السفينة ولا الدعوة خاربة ، وش كنك رايح تحج في سفينة جاية من دلهي أنواع الهنود ، ويقعدوني على طرف حيثي جاي بلحالي – هالجملة تذكرني بعمتي - ، وراي شايب أمريكي وعجوزه والله العالم أنهم من سنة روزفلت ، وقدامي سعودي مع زوجته ، عرسان جدد ، الرجال طايح فيها غزل ، بس وش غزل موديل صفر ، يقول في كاميرة الفيديو اليوم 16 وهذا قمر 15 وهو يجيب صورتها ، بغيت أقول له أنت تغازل ولا تطرش:a1 ، بس خفت انفرش ، الرجال متعافي ، لا وحرمته ماركة حمامة :l4، والباقين أبو هنود . المهم ابحرنا – حلوة ابحرنا يمديكم – ويجيبون هاك العشا الله يكرم النعمه ما جاز لي ، وأنا اللي أرقى فوق في الدور الثاني ، حيث الهواء والمناظر الطبيعة والحر والرطوبة ، وتجي بنتين هنديات ، من امهات 17 ، وحدة متحجبة الله يجزاها خير :b3، والثانية سافرة يالبى قليبها ، وأنا أناظر الثانية واشخلها من رأسها لرجيلها ، وتقوم وتقرقر مع أم حجاب وابشركم راحت ، وأبقى أنا والسافرة ، وهي تقرب ولا بقي بيننا إلا طاولة ، كلنا نناظر البحر ، والتفت عليها ونظرة قصيرة ، وتردها بمثلها ، ونظرة في نظرة ، لين ركزت فيها وهي اللي تصفقني ابتسامة انتهاء :a7، ووالله ولا زليت عليكم اني باغي اطمر في البحر ( ما قد عطاه أي كائن وجه ) ، وتوني باسولف معها إلا وهالنزغة جايه :mad:، ووراها شايبهم وعجيزهم واقعدوا الأربعة على الطاولة واجلس قبالهم ، اقزقز في البنيه ، وهي مقززة ( يمديكم على الجناس ، أو موب هذا اسمه ) ، والعالم اللي تحت كلهم رقوا وخذوا الطاولات لين امتلت ، وأنا على طاولتي لحالي ، يوم خذت والا هاك السرا ثلاث عجز هنديات ويقرقرون مع بعض ويشرون علي ، ويجون ويقعدون معي واخيس ( بفعل الرائحة ، لا ياشيخ ) واقوم واوقف جنب اللي يسوق قدام ، وبعد حين وصلنا ونزلت الهندية ( ايهم ، طبعا السافرة ) وانكسر قلبي على شاطئ قرية البوم :b4. السالفة الثالثة أني رحت اتعشا في فندق ( * ) وادخل مطعم لبناني ، واثر عند بابه وحدة تقلط العالم ، بس وش قطعة ، جرح ، شق ، نهاية .. وأنا اللي افك معها :a8، وكلما مريت من عندها رايح اغسل ولا راجع رميت عليها كلمة ( أنواع التميلح ) .. وتدخل عقب شوي للمطعم تقلط ناس ، يوم مرت عند طاولتي وتصفقني بابتسامة ضياع .... المهم جيت ابامشي ، ومثل ما يقول الاسير " ما يفضح العاشق إلا آخر اللحظات " ، وادق على أبو حسين واسأله ، ويطقني بكم سعبولة ، ويقول اسمع يالاقرع البنت تبيك ( سعبولة ) وخل عنك الخجل اللي ذابحك ( سعبولة ) واطمر عليها ورقمها ( سعبولتين ) ، وأنا اللي أروح لها واسلم وامسي ، واسالها عن اسمها وتقول ( منيب معلمكم باسمها ، انتبه يا راشد ) وانها مغربية ، واقول هلا بك من كل قلبي ، وامد رقمي اللي كاتبه على طاقية ، لأني كنت لابس بدلة وحاط الطاقية محل المنديل ، ووافقت طلعة مدير المطعم ، واحد لبناني ، وتمسكه نوبة الشرف ، يا الله يا الله شو هالدنى لك شو عم تعمل يا ائرع يا حيوان :mad:، والله وسيل عرق على قرعة اخوكم ، ويزهم على الأمن ويقشوني لبرا الفندق لكن يا جماعة ترى طاقيتي ما خذتها ، ظنكم بتزهم المغربية ولا لا ؟؟ :b4، صار لهالكلام أكثر من شهر وكلما مريت راعي البقالة يقول صديق كلوه كلم انتا تمساح ما فيه بنت . لغير الناطقين باللغة النجدية : انطم : كلمة تقال لزجر المتكلم . دار أبو سلمان : مملكة البحرين الشقيقة . يا وجدكم : يالهف انفسكم . اتكمبس : أقوم بحركات بهلوانية ذات صفة مخصوصة . افدغ : يعاني من قصور في المهارات العقلية . ابوحسين : تقدم ذكره في موضوعي السابق ( الاقرع والشاورما ) . تقاطوا : قاموا بحملة تبرعات لدعم مشروع السفر . شق : صفة تطلق على المرأة جميلة الوجه . مطرحة : سليب هاي واطيته تريله . حجوز : ينتمي إلى اقليم الحجاز . نونة : الفنانة الشحرورة الامورة العصفورة السنيورة نوال الزغبي . الخثرة : حالة نفسية تصيب السعوديين عند توافر الجنس الآخر . السايكلون : ( مقهى ) في دبي ... اجل مقهى اجل . روزفلت : الرئيس الاسبق للبحرين . ماركة حمامة : صفة تطلق على المرأة ذات الصوت الشبيه بصوت الحمامة . النزغة : نسيها المؤلف . اقزقز : القز والقزقزة تعني النظر مع التركيز الشديد . قطعة ، جرح ، شق ، نهاية : صفات تدل على الإعجاب البالغ بالمرأة المقصودة . طبعا فيه قصص ثانية ، بس محذوفة رقابياً :a8، اللي حريص يزهم على الجوال 0144907898709 رقم بقالتنا ، ويقوله أنا مسطول وابي الاقرع . طبعا باصم برجلي انه موضوع مااااااااااصل ، بس ما يمنع الله الله بالمدح :l5 توقيع الاقرع**

28-07-2003, 09:34 AM	رقم المشاركه : 6
دايخه توه ساكن الملف الشخصي	هههههههههههههههههههههههههههههههههههه عافاك الله .. موضوع في قمة التفهيه .. اكسنلط اكسلنط :h7 بادء ذي بدء ... ترا انا غرزت عند ذي (((لا وحرمته ماركة حمامة))) وعقب الشرح .. طلعت فراش وترمس شاهي وقعدت جنب الكفر ... اشرح اذا ما فيها كلافه .. احس الذبه حلوه بس ابي اعرف معناها عشان أوظفها صح !!:b7 قسم بالله موضوع تحطه على يمناك .. لكن .. فيه مقطع .. رحت اصك الباب لا يسمعون اهلي ضحكي يوم قريته ... (((والثانية سافرة يالبى قليبها))) ههههههههههههههههههههههه احس من قلب يا لبي قليبها هههههههههههههههههههه يسلمو هيك نمل مدري انامل توقيع دايخه هاه !! .... وشو ؟؟

24-07-2003, 12:52 AM	رقم المشاركه : 3
EIM مسـيّر الملف الشخصي	هههههههه يا راعي دبي انت

28-07-2003, 04:38 PM	رقم المشاركه : 8
دايخه توه ساكن الملف الشخصي	طيب يوم انك قاري موضوع البالتوك وراك ما رديت علي والا عنادن لي يعني !! (وجه شايب يباحرك وهو معصب!!) -----------> تحس الشياب وجيههم دايم معبره

28-07-2003, 06:35 PM	رقم المشاركه : 9
حاذف ترم من شيوخ الحارة الملف الشخصي	هههههههههههههههههههههههههههههههه الا يالاقرع توّلم (( سعبوله )) .. ابرسلك للمغرب على حسابي(( سعبوله )) .. بس ابيك تاخذني معك (( سعبوله .. وبعدها سعبوله )) <<< مشرف داج ... هههههههههههههه انت بس شدّ حيلك .. وورنا همّتك .. وانا ابعطيك هديه بريق شاهي منعنع .. وبيالات بادريق من اللي ما تنكسر ... يعطيك العافيه يابو صلعه .. ولا تبطي علينا .. حاذفكووووووووووو

31-07-2003, 09:31 PM	رقم المشاركه : 10
حاذف ترم من شيوخ الحارة الملف الشخصي	مع تحياتي لصلعتك ولمعتها ... توّلم ابتلّك مع كراعينك والليله النومه بسوريا المساطيل (( المميزه )) ... يعطيك العافيه ياقلبي ...

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق