|
|
|
|
 |
 |
 |
 |
 |
|
 |
 |
 |
 |
 |
|
 |
 |
|
 |
01-08-2003, 09:14 AM
|
رقم المشاركه : 1 |
|
مشرف الدكة
|
اقتراح اضافة منتدى
معليش ابصير رسمي شوي  عندي اقتراح لهالمنتدى أتمنى انه يساعد على تطويره مثل ماتعرفون منتدى المساطيل الحين صار منتدى معروف وله الكثير من الأعضاء وحقق نجاح كبير وشهرة واسعة في فترة قصيرة المنتدى متميز بشهادة الجميع له وأعتقد ان المنتدى الحين صار شبه متكامل فيه منتدى عام ومنتدى عيارة ومنتدى رياضي ومنتدى رسومات ومنتدى انترنت وش بقى ؟ انا اقول انه باقي عشان يصير المنتدى متكامل اكثر منتدى مختص بالمواضيع الجادة هذا رأيي انه يصير فيه منتدى مختص بالمواضيع الجادة بكافة أنواعها يعني المواضيع الأسرية والمواضيع الدينية والمواضيع الاجتماعية أو اي مواضيع ثانية او قضايا جادة لأني أشوف الحين بعض المواضيع الجادة تنزل بالمنتدى العام وما تاخذ حقها وخصوصاً ان بعض الأعضاء ينزل موضوع جاد ومايبي الردود تكون بطريقة استهزائية او طريقة عيارة واذا نزل الموضوع بالعام اكيد راح تكون فيه ردود استهزائية لأن العضو مادخل الموضوع عشان يقرا موضوع جاد دخل عشان يوسع صدره واذا صار فيه منتدى مختص بالمواضيع الجادة راح يشمل اشياء كثيرة مثل المواضيع الاسرية والاجتماعية يعني نختصر اكثر من منتدى بمنتدى واحد مختص بهالمواضيع وطبعاً مانبي المنتدى يصير مثل بعض المنتديات الجادة الثانية يعني نحافظ عليه من البداية عشان مايدحدر مثل غيره من المنتديات الجادة اللي دحدرت بسبب نوعية مواضيعها يعني برايي الشخصي اذا اضفنا هالمنتدى بتصير منتديات المساطيل متكاملة تقريباً هذا مجرد اقتراح واتمنى انكم تفكرون فيه وإذا رفضتم هالاقتراح انتم أبخص بمصلحة المنتدى تحياتي
آخر تعديل A.M.S.B
في 09:18 AM.
|
|
|
01-08-2003, 01:42 PM
|
رقم المشاركه : 2 |
|
من شيوخ الحاره
|
والله يا A.M.S.B اتوقع هالاشياء تونا عليها لان حنا يالله نكفي المنتديات الثانيه لاكن نبي نشوف طلبك انشالله <---- مراقب متلطم خخخخخخخخخخخخ |
|
|
|
02-08-2003, 11:31 AM
|
رقم المشاركه : 3 |
|
العدوان الغاشم
|
طيب ما اختلفنا ... والقضايا الجاده لها سوقها وجمهورها ومتابعينها بس وش رآيك بالاطار العام للمنتدى ؟.. مثلك خابر ان السياسه ان دخلت في الشي تحوقه حوق  هذا اولا ..ثانيا ..الفكر الحالي و ثقافة الاختلاف .. تحتم علينا نحترم الرآي الآخر مهما كان ..طبعا وفق ضوابط معينه .. اللي مخالف هالضوابط يُحذف موضوعه .. الى هنا وحنا متفاهمين .. السؤال المهم .. وش الضوابط اللي تراها صحيحه وتعتقد انها بتخلي المنتدى ماشي في السليم ؟ والسؤال الأهم .. وش تعريفك للسليم من وجهة نظرك؟ وهل غيرك يتفق معك في هالتعريف ؟ واذا اختلفت انت وغيرك في هالتعريف او في غيره ... هل بتختلفون على اساس منطقي وعقلاني او على اساس " انت اصلا ما تفهم " ؟؟ ما اقصدك بهالكلام .. لكن اقصد طريقة النقاش في هالمنتدى هل بتكون كذا .. ؟ اقتراحك سليم .. لكن قصدي من هالاسئله هو اعطاء الاقتراح ابعاد ثانيه وعشان نشوف وش الرآي الجماعي .. يمكن واحدن من هالساكتين يرزح لنا برآي معد ندوّر غيره على ما قالوا .. ألف شكر لك .. [/ALIGN]
|
|
|
|
02-08-2003, 01:03 PM
|
رقم المشاركه : 4 |
|
مشرف الدكة
|
اول شي خلنا نكون صريحين انا وانت وغيرنا من الأعضاء حاطين منتديات الحوار العربيه بروسنا كتجربة ماودنا نكررها في المساطيل صحيح ان المساطيل منتدى مستقل عن غيره بس مانقدر ننكر ان اغلب حديثنا فهالموضوع يتكلم عن أشياء صارت في هالمنتديات ومانبيها تصير في المساطيل (( مثلك خابر ان السياسه ان دخلت في الشي تحوقه حوق )) موب شرط تدخل السياسة في المنتدى يعني نبي المنتدى يكون أسري واجتماعي اسلامي ويتكلم عن القضايا الجادة بشكل عام أما السياسة يعني نتكلم فيها من بعيد لبعيد موب نتعمق فيها يعني المنتدى يكون عن المواضيع اللي يتناقشون فيها الناس في مجالسهم (( وش الضوابط اللي تراها صحيحه وتعتقد انها بتخلي المنتدى ماشي في السليم ؟ )) انا بقول رايي في الظوابط بصفتي عضو بس هذي ظوابط مقترحة كرايي الشخصي اول شي يكون فيه مشرف متمكن وعنده خبرة يتحكم فبعض المواقف لأن المنتدى بتكون مواضيعه حساسة وشي طبيعي يصير فيه اختلاف بين الأعضاء المفروض يكون المشرف يقدر يتصرف ويوقف الخلافات وازين لو يكون فيه اكثر من مشرف عشان هالنوعية من المنتديات الاشراف فيها موب سهل ثانياً : التلفظ بالأوصاف والاتهامات بين الأعضاء لازم يكون فيها تشديد شوي يعني اكيد فيه اختلاف بين الأعضاء والمفروض نحافظ على هالاختلاف في صلب الموضوع ويكون اختلاف في النقاش يعني مانبي الاختلاف بين الأعضاء يتحول الى خلاف شخصي وكل عضو يحاول يتشفى من الثاني ويبرد حرته فيه ويطلق عليه اوصاف مثل علماني ولا غوغائي ولا غيرها ثالثاً : نوعية المواضيع يعني المواضيع تكون على منهج أهل السنة والجماعة ومانتطرق الى بعض المواضيع مثل سب العلماء او التشكيك في الأحاديث وهذي اهم نقطة وهي ان نوعية المواضيع تكون على منهج الوسطية بدون تشدد وغلو وبدون تساهل وميل نحو العلمانية يعني نكون في الوسط رابعاً : اللي نشوفه يبدا يخربط نشيله من البداية يعني واحد من الأعضاء شفنا انه قام يخالف الشروط مانتساهل معه نحذره وان مانفع معه نوقف اليوزر او نشطبه لاننا إذا تركناه بيطلع واحد ثاني مثله ويبدؤون يتكاثرون في المنتدى بعدين صعب اننا نشيلهم فالأفضل اننا نقطع الشر من البداية مثل ماقلتلك المنتدى راح يكون منتدى شامل لعدة مواضيع والشروط راح تكون كثيرة ولازم نظبط المنتدى من البداية عشان يمشي صح موب إذا خرب وكثر فيه الدود جينا نبي نعدله ونعيد تصليحه عندي شروط كثيرة براسي ودي اقترحها عليكم يالمراقبين بس وش الفايدة اقترح عليكم شروط قبل مايصير هالمنتدى مثل اللي يفكر باسم المنتدى وهو موب متأكد انه بيسويه فإذا صار قرار أكيد ان المنتدى بيكون موجود ابقولكم بقية الاقتراحات وانتم اصلاً ماتحتاجون لهالاقتراحات لأنها شي معروف عندكم وكل اللي بقوله يعتبر شي عارفينه وفاهمينه انتم من قبل مااقولكم هالاقتراحات (( وش تعريفك للسليم من وجهة نظرك؟ وهل غيرك يتفق معك في هالتعريف ؟ )) انا ماقلت اقتراح اضافة هالمنتدى الا وانا اعرف المراقبين العامين من قبل... أنا ماقلت هالاقتراح الا وانا اعرف المنهج اللي راح يمشي عليه مراقبين هالمنتدى واعرف ان المراقبين العاميين في المساطيل معروفين بمنهجهم الصحيح وتوقعت انهم اكيد راح يحافظون عالمنتدى ويمشونه عالطريق الصحيح وكنت متطمن للمراقبين العاميين قبل مااقترح هالاقتراح انهم مابيتركون المنتدى يدحدر ويصير مستنقع ذبان مثل غيره فانت يوم سألتني : وش تعريفك للسليم من وجهة نظرك؟ فأقول السليم معروف وهو اتباع منهج اهل السنة والجماعة بدون تشدد او علمنة يعني نكون في الوسط بالنسبة للجزء الثاني من السؤال : وهل غيرك يتفق معك في هالتعريف ؟ اقول اني متأكد ان كل مراقبين المساطيل يتفقون معي فهالشي ولو ماكنت متأكد من هالشي ماكان اقترحت اضافه هالمنتدى مثل ماقلت قبل شوي اما الأعضاء فالشي اللي يبيه المراقبين هو اللي راح يصير حتى لو كان فيه أعضاء معارضين اللي أحب اقوله عن المراقبين العاميين انهم هم الكل بالكل في المنتدى والمنتدى راح يمشي على كيفهم فإذا كان المشرف علماني اكيد انه مايرضى انه يصير المنتدى فيه تشدد او وسطية وبيحاول على قد مايقدر انه يخلي المنتدى فيه انفتاح وليبرالية ويحاول انه يشطب الأعضاء اللي يعارضون طريقه وإذا صار المشرف متشدد اكيد ان اي عضو يطرح فكرة ليبرالية او تعارض منهجه انه ييوقفه ومايسمح بالمواضيع اللي تخالف منهجه والمراقبين هنا في المساطيل بما انهم على المنهج الوسط اكيد يقدرون يمشون المنتدى على المنهج الوسط واي عضو يحاول انه يخالف هالشي نقدر نمنعه بأي طريقة وآخر طريقة هي الشطب إذا مانفعت معه بقية الطرق (( واذا اختلفت انت وغيرك في هالتعريف او في غيره ... هل بتختلفون على اساس منطقي وعقلاني او على اساس " انت اصلا ما تفهم " ؟؟ )) مو مهم التعريف لأن التعريف مجرد كلام لكن المهم طريقة التنفيذ للتعريف والمساطيل يحتوي على كمية كبيرة من الأعضاء موب معقول ان كل هالأعضاء بيكونون على نفس المنهج اكيد فيه بينهم أعضاء يميلون الى الانفتاح او يميلون الى التشدد مثله مثل غيره من المنتديات لكن المهم هو منهج المراقبين لأنهم يقدرون يمشون المنهج اللي يبونه غصباً عن كل الأعضاء وبما اني متطمن لصحة منهج المراقبين فأنا متطمن ان هالمنتدى راح يمشي صح لكن هذا موب يعني ان المنتدى يرفض اي فكرة غريبة يعني مثلاً قيادة المرأة للسيارة ممكن البعض يشوف انها فكرة فيها انفتاح لكنها فكرة منتشرة في جرايدنا والناس يتناقشون حولها مافي مانع اننا نتناقش فيها مثلاً تفجيرات الرياض ممكن يكون فيه عضو مؤيد لها ماهي مشكلة نتناقش فهالشي وطبعاً النقاش يكون بدون هواش وسب وهالأشياء ماهي مشكلة نترك المجال مفتوح لأي موضوع للنقاش حتى لو فيه بعض الانفتاح او بعض التشدد لكن المشكلة بتكون في زيادة الجرعة او تخطي الحدود يعني يجينا عضو يستهزأ بفتوى لعالم معروف او يسب العلماء او يحلل ويحرم على كيفه ويجيب أفكار غريبة هذا هو اللي المفروض مانتركله مجال في المنتدى او يجينا عضو يسمي لجنة كبار العلماء علماء السلاطين او يتعمق في السياسة فهذي كلها أشياء المفروض اننا مانعطيها فرصة في المنتدى ونشدد على الأعضاء اللي ينزلون هالأفكار الغريبة ونحذرهم وإذا لزم الأمر نوقفهم او نشطبهم واهم شي مصلحة المنتدى ومابيتضرر المنتدى بشطب عضو يطرح هالأفكار يعني نترك حرية الرأي في حدود المعقول ولا ندخل في قضايا وأفكار غريبة تضر بالمنتدى اكثر من انها تنفعه وفي النهاية هذا مجرد اقتراح وكل ماقلته في ردي وفي الموضوع أراء شخصية ممكن توافقوني في بعضها وتعارضوني في بعضها والكلمة الاولى فأي منتدى هي كلمة المراقبين وانتم ادرى بمصلحة المنتدى والله يكتب اللي فيه خير للمنتدى وأعضائه تحياتي
آخر تعديل نكهة الديزل
في 01:57 PM.
|
|
|
|
08-08-2003, 12:24 AM
|
رقم المشاركه : 5 |
|
يفت كورة
|
8 8 والله يا ردك طويل يبيله منتدى كامل
|
|
|
|
11-08-2003, 01:34 AM
|
رقم المشاركه : 6 |
|
توه ساكن
|
بس الخوف مثل ماقلت انه يصير مثل بعض المنتديات الي انقلب قسم الجادة عندهم لقسم مبزرة فمان الله
|
|
|
|
21-08-2003, 02:17 AM
|
رقم المشاركه : 7 |
|
من شيوخ الحاره
|
 رد ميقااااالو في محلوه ----> تعبتي نفستس خخخخ
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
