|
|
|
|
 |
 |
 |
 |
 |
|
 |
 |
 |
 |
 |
|
 |
 |
|
 |
22-08-2005, 09:55 AM
|
رقم المشاركه : 1 |
|
أخت رجال
|
نورة,, تتسائل..!
 الاسلوب يمكن مايرقى ل ذائقتكم لكن انا مبتدئه واعذروني على اسلوبي لكن الجود من الموجود , وعلى فكره الموضوع مسرود بطريقة قصه .. ماحبيت احكي عنه بشكل نقاط *** ( 1 ) نورة بنت سعودية.. من سكان الرياض.. تدرس بكلية الأمير سلطان.. مملوحة بالمرة.. أهلها حالتهم متوسطة مثل غيرهم من أهل الرياض..  *** ( 2 ) ك عادتها نورة ما تسجل صيفي.. لأن أهلها يوعدونها بسفرة [ جنان ] خارج المملكة.. ولأنها اشتهت هالسنة باريس.. قطع ابوها ال Ticket [ الرياض باريس ] ذهاب وعودة.. .. *** ( 3 ) اتصلت نورة على [ خويها ] مساعد وقالت له إنها مسافرة بعد أسبوع.. طلب منها تشوفه وفعلا تقابلوا.. دعى لها توصل بالسلامة وقال لها [ قد إيش بشتاق لك نورة ] *** ( 4 ) ركبت نورة السيارة بعد ما تركت مساعد.. وكان حاز بخاطرها مرة ان أهلها معطينها كل [ هالثقة ] وهي تخونهم.. وفكرت وش ممكن يصير لو درى أبوها..؟ هزت راسها بسرعة وشالت هالتفكير.. وهي تقول في بالها.. [ معي علم إن اللي بيني وبين مساعد بينتهي.. وأدري ان ولد الحلال ما وعدني بشي.. بس أنا برضو ماخذة الدعوى For Fun مو أكثر.. وهو نفس الحاجة.. ماله مصلحة يإذيني..] *** ( 5 ) كملت مشوارها عادي.. دخلت البيت.. باست ابوها.. رتبت باقي الأغراض.. وصارت الشنطة جاهزة.. *** ( 6 ) الله أكبر.. الله أكبر.. الله أكبر.. سبحان الذي سخر لنا هذا وما كنا له مقرنين.. وإنا إلا ربنا لمنقلبون.. قالتها نورة.. ونااامت.. وقامت على صوت المضيف وهو يعلن وصول الطيارة ل [ باريس ].. جدعت عباتها.. صلحت شعرها.. عشان تستعد للوصول..  *** ( 7 ) ك عادتهم في باريس يسكنون في ماريوت الشانزلزيه.. وعلى قولة المصري اللي بالرسبشن.. غرفتهم [ باصة ] على الشانز.. وكانوا يقابلون أنواع الناس من مختلف الجنسيات جاية تصيف في باريس.. *** ( 8 ) قامت الصبح.. تحممت.. لبست.. سشورت الغرة.. وحطت ميك أب صباح.. نزلت للوبي وراحت تفطر.. لقت خالد اخوها الصغير والشغالة.. دارت بالبوفيه وقعدت معهم على نفس الطاولة.. *** ( 9 ) دق عليها أبوها يطلب منها تجلس في الأوتيل.. لأنه محظر لها مفاجأة.. تحمست نورة مررررررة.. وقالت له سم بابا.. أنا جالسة تحت أحتريك.. قالها زين.. يمكن أبطي عليك نوارة.. عندي كم اتصال.. احتريني.. ..*** ( 10 ) وبينما هي باللوبي.. تشرب لها كوفي.. وتقلب ب Cosmo Girl.. إلا جتها وحدة وجلست معها.. نورة : ..مريم : ههههههههه.. هلا حبيبتي.. سوري خرعتج.. بس شفتج وكنت أبي أقولج شي من أول.. نورة : لا عادي تفضلي حبيبتي.. أجل كنتي بتقولين لي شغلة.. مريم : إيه والله.. وأنا قاعدة [ أتريق ] اليوم ويا أهلي.. شفتج تاكلين الكرواسون.. وكان السواد والحراق موجود من تحت.. تعرفينه اللي يصير العادة أسود تحت الخبز.. شكلج ما انتبهتي له.. مو جذي..؟ نورة : هههههههههههههههههه.. لا والله ما انتبهت له.. خبرك حنا مع الشفحة ما نشوف وش ناكل..  ..!مريم : ههههههههههههههههههه لا ما يخالف ما عليج.. بس انتبهي صج والله.. يقولون وايد خطر..؟! سمعت شي جذي.. نورة : ابشري يالغالية.. .. من وين الاخت..؟مريم : من [ .....] بالخليج.. وانتي؟ نورة : من السعودية.. مريم : أوووووه.. يا هلا والله بأهل السعودية كلهم.. حياج.. نورة : الله يحييك.. مريم : اسمج نورة مو..؟ نورة : هههههههههههههههههههههه.. ايه.. انتي وش دراك..؟ مريم : سمعت اخوج الصغيرون يناديج نورة..  ..نورة : طيب ما تشرفنا..؟ اسمك انتي..؟ مريم : اسمي مريم.. ..نورة : عاشت الأسامي.. مريم : عاشت أيامج.. .. هممممم.. معليه عندي سؤال فيه شوي لقافة.. بس ما يخالف تحملي خويتج.. ههههههه.. نورة : لا هاو وش دعوى يا قلبي.. تفضلي..؟ مريم : انتي من وين بالسعودية..؟ نورة : من الرياض.. ..مريم : يوووووووه.. الله يعينج..  .. نورة باستنكار.. : يعين الجميع.. بس على وشو..؟ مريم : سوري والله مو قصدي.. بس مثلج عارفة الرياض شلون حكارة.. شي مو طبيعي يقولون.. نورة هنا انقهرت من البنت مريم مرة.. ولأنها وحدة غيورة على ديرتها.. قررت تدافع.. : معليه حبيبتي مين قايل لك حكارة..؟ لا حكارة ولا يحزنون..؟ مريم : ههههههههههههه.. تقصين على روحج ولا تقصين علي..؟ الحين انتي تطلعين في الشارع عندكم في الرياض سفور جذي..؟ نورة يوم شان وجهها : لأ ماني سفور.. مريم : بس عيل.. ههههههههههه.. انتي تناقضين روحج.. لو ما كان فيه اللي [ يفترون ] عندكم جان صرتي سفور... مو جذي..؟ نورة : مين اللي [ يفترون ] ..؟ مريم : المطاوعة حقينكم..؟! نورة : أهاااااا.. الهيئة..! مريم : هههههههههههههه.. عيل اسمهم هيئة.. خوش اسم والله.. مع انه انا ما أشوف لهم دااااااعي في الحياة.. نورة : وليه ان شاء الله مالهم [ داااااعي في الحياة ]..؟ مريم : بدون ليه..؟ نورة كبري عقلج الله يهداج.. مثلج شايفة السعوديين هني مفرعين.. يلعبون ويسرحون مثل ما يبون.. يعني ما نفعتهم هيأتهم.. نورة : إيه بس انتي بكذا تقولين ان مالهم خانة.. مريم : شنو يعني [ خانة ]..؟ نورة : يعني يا قلبي [ فايدة ].. مريم : إيه وانا صاجة والله.. مالهم فايدة.. مدام الناس اللي ينصحونهم بالسعودية مخربينها بيناتهم.. ولا اهتموا لهم.. مجرد عبايات وشكليات.. ف بالتالي أشوف مالهم داعي.. غير ان الناس اللي ينصحونهم هم نفسهم اللي برى يدشرون.. صاجة أنا بكلامي ولا..؟ نورة : بس ولو مريم.. اسمحي لي.. وجودهم بالحياة مهم مع ان فيه أخطاء من بعضهم.. مريم : لا والله.. [ الأغلبية ] وانتي صاجة مو بعهضهم.. عيل انتي شفتي منهم [ لو مرة وحدة ] فايدة..؟ انتي ياللي تدافعين عنهم.. شوفي شكلج سفور ولا هامج.. نورة : ....... مريم : آسفة اختي.. بس صج اللي تقولونه يالسعوديين شي.. واللي تسوونه شي [ ثاااااني ].. نورة : ....... مريم : يعني أنا أقولج مثلا.. السفور في [..... ] سفور.. واللي تبي تلبس عباة تلبس.. واللي تبي تحجب تحجب.. إحنا مو مثلكم..؟ بالسعودية شي وبرى شي ثااااااني..؟!!! ولا شرايج..؟!! لأن [ الله ] سبحانه وتعالي في كل مكان.. نورة : ص ا دقة..؟ مريم : وسوري يعني.. بس تلقين البنت تحاجي صبيان.. والصبيان هم مثل.. وبالأخير الكل يتزوج اللي [ يختاره الأهل ] هنا نورة سكتت وقرصها قلبها.. أكيد قصدها على العلاقات بين العيال والبنات.. مريم : يعني الصبيان والبنات يلعبون ما أقولج ملائكة عندنا.. بس [ سبل الزواج ] غير عنكم مرة.. أنتم يالبنات في دوركم يعني بيوتكم.. تنتظرون الولد اللي يبي ييكم ويطق بابكم.. ومن وين بالضبط ياي..؟ ما تدرون.. صايرين يالبنيات وا عليا مجرد منيكان في فترينة.. تشوف الأم العيوز المنظر.. وتخطب لولدها.. ويتم كل شي سريع سريع.. نورة : معليه مريم..؟ سووري والله بس وش قصدتي؟ تبيننا مثلا [ نكون علاقات ]؟ معك علم ان هالشي حرام.. وحنا ولله الحمد نسأل عن الولد وننشد عن أطباعه.. ( ونورة بقلبها تقول والله لأنهي علاقتي ب مساعد ).. مريم : ههههههههههههههههههههههه.. يا حبيبة أمج وأبوج.. مو شرط [ علاقة محرمة ].. أضرب لج مثال.. ..شاب يقابل شابة بالجامعة ويعجب فيها ويتزوجها.. أو ممكن عن طريق العمل.. أو صداقات عائلية.. كلها طرق المرأة والرجل عندنا في ديرتنا ممكن يختارون بعض فيها من دون الخوض والدخول بالمحرمات.. علاقة تكون [ عفيفة وبريئة ].. ليش انتي تفسرين كل علاقة بين الرجال والحريم.. بال [ حرااام ]..؟؟ أصلا بذمتج.. سمعتي عن صحابي أيام الرسول صلى الله عليه وسلم.. وصى أمه تخطب له.. كلهم يختارون شريكة الحياة من [ التعامل ] [ أوحسن السيرة ].. ويكون هالشي [ باختيار الريال ] مو [ أمه ]..!! وبالنسبة للسؤال ف ما فيه شك بكل الحالتين.. سواء عرفتيه قبل الارتباط به أو عقب.. بس ولو حسن المعاملة ما تبين الا [ بالعشرة ].. وانتي متى عاشرتيه.. وهو طاق عليج بابج ما تدرين منين ياي..؟ نورة : ...... بهالوقت اللي سكتت فيه نورة.. رن موبايلها..! نورة : عن إذنك حبيبتي.. ..أكيد لنا نقاش وسواليف وقت ثاني..مريم : أكيد عيوني.. إذنج معاج..   *** ( 11 ) مساعد : هلااااا وغلا حبيبتي.. نورة : هلا بك مساعد.. هلا والله.. مساعد : ولا تكلمين تقولين حبيبي تراي وصلت..؟ ولا مسج يا كافي..؟ ولا يعني ما نستاهل  ..؟نورة : لا والله وش دعوى.. بس مثلك عارف الواحد ياصل تعبان وما فيه.. وينسى أشياء مهمة مرة لزوم يسويها.. مساعد : يعني أنا مهم.. ..؟نورة : معليه مساعد فيه Waiting من بابا.. أكلمك بعدين.. مساعد : اوكي يا غلاي.. انتبهي على نفسك.. نورة : من عيوني.. باي.. مساعد : باي.. *** ( 12 ) نورة : هلا بابا.. أبو نورة : هلا حبيبتي.. يالله دقايق وأنا نازل.. خليك جاهزة.. نورة : ابشر.. أبو نورة : يالله مع السلامة.. *** ( 13 ) ركبت نورة السيارة مع أبوها.. وقال لها إن المفاجآة Ticket لحفلة محمد عبده.. وانه ناوي يروح يشريه معها.. عشان تختار المكان للي تبيه مع ابوها.. قابلته نورة بابتسامة باردة.. على عكس ما توقعه الأبو من نورة تماما.. لأنه معه علم قد ايش نورة تحب أغاني محمد.. بس قال في خاطره يمكن بنيتي تعيبانه عقب الرحلة.. *** ( 14 ) بهالوقت كانت نورة تهوجس بالكلام اللي قالته لها مريم باللوبي.. يا ربيه هالبنت صادقة بكل اللي قالته.. ليه أنا سفور برى المملكة.. وجوى الرياض متغطية..؟ يوم إني أكلم مساعد..؟ هو أنا ماخذة الدعوى لعب ووناسة؟.. ولا لأنه مو مسموح لي أكون علاقات بريئة بالرياض..؟ دورت على [ هالخمال ] على ما قالوا الناس..؟ أكيد بيجي اليوم اللي أعرس فيه.. وما احتريت من مساعد شي.. معي علم ان الدعوى [ سعة صدر ] لي وله.. يعني أكيد الدعوى تب تصير [ منكان ]..!! مثل ما قالت مريم.. يا ربيه إن أفحمتني البنت بالجدال هاك الوقت.. .. وش أقول لها.. والله معها حق باللي تقوله....*** ظنكم وش المفروض ترد نورة على مريم لين شافتها ثاني.. ..؟وأنتم.. [ مع ] أو [ ضد ] مريم باللي قالته..؟ *** P.S - الموضوع ما يبين فكرتي.. لكن هي قضية حبيت أطرحها.. *** بانتظار مشاركتكم.. ..جحيحة..![/align] |
|
|
22-08-2005, 11:34 AM
|
رقم المشاركه : 2 |
|
من شيوخ الحارة
|
انا وان جينا للحق .. مع مريم في غالب كلامها .. و نوره .. ماتقدر ترد على مريم .. الا بنقطه وحده .. سالفه ان الهيئه مالهم لازمه .. دام الدعوى صكه بالسعوديه وسفور برى اول شي هالكلام مايتعمم على الكل ... انا غالبيه الي اعرفهم ويسافرون .. يتحجبون ان ماكانو يتغطون هناك .. ثاني شي الهيئه ككيان .. مش موجوده بس لفرض لباس .. ولا فرض شكل اجتماعي ..للمجتمع ... بالعكس هي لها وظايف.. واعمال اهم .. ياما انقذت شرف بنات واجد .. من شباب كانو بيلعبون فيهم .. وياما حمت عيال واجد من ضياع ودرب بيوديهم للمحرقه وياما سوت رعب وحطت حد .. للدعاة الفساد وكل ماهو (محرم ) .. ولايمنع ان في تقبل بعض الناس لاعمال الهيئه (شكليات ) .. بس مهوب الكل وبعدين موضوع الغطا هنا والدجه هناك ... هذي اشياء تعتمد على القناعات الداخليه الي يؤمن فيها كل شخص يعني انا عندي قناعه حقيقيه بالحجاب .. بتحجب هنا وهناك ... واذا ماعندي قناعه بالحجاب نفسه .. بتغطى هنا .. (احتراما لواقع اجتماعي وعادات وتقاليد ) .. وباسوي الي يريح قناعتي هناك لكن باحترام .. وهالحالتين كلهم انا احترمهم .. واحترم فكرهم .. خصوصا لاصار هالفكر خالي من اي ادعاء .. ومناقضه نفس اما الي قالبن الدعوى ميلودي ..ونادي تعري .. ومسابقات جمال .. برى السعوديه .. وجواتها متكرتنيين ..فذولا .. ناس ..مافيهم ذره احترام (لنفسهم ) قبل لايكون الاحترام (لدينهم ) و(مجتمعهم) بالغالب ناس فارغه داخليا ...ماعندهم .. اي قناعات .. او اشياء يحترمونها ويوقفون عندها .. وبالغالب مليانيين عقد نفسيه ومحاولات تعويض كبت .. بكل الطرق الممكنه والغير ممكنه طبعا .. ماننكر فضل اهلهم .. في هالي هم فيه من .. فكر (فاضي) وتناقض وبالنسبه لعالاقات احبتس وتحبيني .. الي بس for fun استسخفها واعتبرها من جد شي يضحك .. يعني نقص على مين لو سمحتو روادها ناس تافهه .. ولاهوب عذر كون انه مافي علاقات بريئه بشكل واسع بالسعوديه .. عشان انزل (فكري) واحترامي له لهالتفاهه كلها وقسم ان البلاي ستيشن اوسع صدر من مقابل هالمصاله ومن شان هيك ... ماعتبر روحي الشخص المثالي الي بيعطي الحل ولا بيقول الجواب الشافي للمحروسه نوره .. بهالخصوص قوليلها تدور غيري <<ومن ناداتس انتي واذا جيت لسالفه الملكان ... فهو (اجتماعيا) شرن لابد منه ... ولا هو انا اركض ورا اني اهج من السعوديه من شوي سلمت يدينك ياقلبي .. اسلوبك شدني .. وعرضك للموضوع حمسني ارد على ان النوم كان ماكل من راسي حتت
آخر تعديل صيتة عتريس
في 05:12 PM.
|
|
|
|
22-08-2005, 02:22 PM
|
رقم المشاركه : 3 | ||
|
من شيوخ الحارة
|
اقتباس:
اقتباس:
ومع هذا أهلها حالتهم متوسطة مثل غيرهم من أهل الرياض يا حرام .. فعلاً أهل الرياض حالتهم متوسطة .. ! حجم هذا الإفتتاح غرر بي لعدم إبراح الموضوع دون تلويح .. ! حيّاك الله |
||
|
|
|
22-08-2005, 04:44 PM
|
رقم المشاركه : 4 |
|
من شيوخ الحارة
|
هذا اللي نوره حاولت تسويه مع مريم بس بنفس الوقت مالقت لها مخرج ..مريم حجرت لها تحجير لأن موقفها اقوى.. السعوديين يجيبون الشك لأنفسهم بتناقضهم وهذا سبب كافي يسلط الاضواء عليهم من كل الدول وخاصه دولة مريم اللي يدورون علينا الزله <<<< مسويه فيها كافشه مريم نسيت اقول يعطيك العافيه طرح ولا اروع وسرد حوار ممتع وواقعي ..
آخر تعديل ماهمني
في 05:00 PM.
|
|
|
|
22-08-2005, 09:33 PM
|
رقم المشاركه : 5 |
|
مسطول يمون
|
اسلوبج حلو ولا يهمج ماعرف شو اقولج في سالفه مثل هاذي انا ماقدر اقول الا انج تسمعين قلبج و لا تتهورين و تكبرين علاقه انتي ما تعرفين نهايتها والله يوفقج عمري |
|
|
|
22-08-2005, 09:57 PM
|
رقم المشاركه : 6 |
|
وسيعة صدر
|
أنا مع صيته في اللي قالته 100% أكيد موقف مريم أقوى في مسألة القناعات الشخصية و الالتزامات المشكلة انكم في السعودية ما تعطون الوحدة فرصة انها تقتنع بالحجاب كل شي عندكم بالغصب ..يعني كم وحدة ياتها أمها أو أي وحدة وكلمتها عن الحجاب وأهميته والحكمة من الستر قبل لا تلبس الحجاب ؟؟؟؟ ونحن ما نحب ان احد يفرضنا علينا شي .. امثال نورة اشوفهم كل يوم في المولات بدبي مرة شفت وحدة فاصخة الشيلة وفالة الشعر ولابسة عباة مطرز عليها من ورا الشعار السعودي (النخلة والسيفين) وما فهمت هالحركة السخيفة لشو سوتها ؟ يعني لازم تشهر انها سعودية |
|
|
|
22-08-2005, 10:34 PM
|
رقم المشاركه : 7 |
|
توه ساكن
|
انا مع اختي صيته عتريس في كل الي قالته خصوصا مقابل البلاي ستيشن هذا شي الشي الثاني..!! Cornelia مدري خيتو كلامك صح بس بالنسبه لمسألة الاقناع هذي ...لا غلط لو ان البنت من صغرها تعودت وتربت على لبس العباية ما اعتقد انها بتتخلى عنها لما تكبر سواء برا او داخل بلدها يعني ما لازم ان اهلها يخيرونها .. مدري كانت وجهة نظر لاتزعلين منها مشكورة اخت جحيحة على هالطرح الجميل السلام عليكم |
|
|
|
22-08-2005, 11:04 PM
|
رقم المشاركه : 8 |
|
من شيوخ الحارة
|
اسلوبتس في طرح الفكرة جدا ممتع ويفتح مجالات ونقاط واسعه للنقاش بالنسبة لنوره وانها ماقدرت ترد على مريم .. فهذا يدل على عدم قناعتها بالي تسويه لأنها على قولتهم " مع الخيل ياشقرا ! " عاشت بالسعودية ولبست لبسهم .. طلعت برا وشافت عالم ثاني وصارت تسوي مثلهم ! .. يعني اذا هي شخصيا ماعندها فكرة واضحة للي هي تسويه وشلون تبينها تدافع عن بلد ..!؟ الهيئة ماهيب مسؤولة عن افعال الناس خارج السعودية .. وكون الناس تناقض نفسها بنفسها فهذا مايلغي دور الهيئة اذا مع وجودهم ومطاردهم لهالعالم شوفي وش كثر القصص الي قاعدين نسمعها .. تعتقدين لو الغيناهم وش راح يصير ؟؟ .. مااقول الا الله يستر بس ! الهيئة موجوده لحماية ناس " ركب فوقها الشيطان " والدفاع عن ناس فعلا تخاف ربها وتدور الستر . وجودهم من باب الأمر بالمعروف والنهي عن المنكر والنصيحه ولا يحتاج اذكر الاحاديث الي " تأمر " بهالشي لأنها معروفه .. ومحاولة ضبط الأمور داخل السعودية على الأقل واذا راحوا برا هي مهيب مسؤوله عنهم تقعد تلاحقهم .. ماهيب موجوده عشان تقوم سلوك الناس " على ان هذا احد الأشياء الي تسعى له من خلال المحاضرات الي في كل مكان " اقلها تكون الامور فيها شوي من السيطرة واحترام المكان الي هم موجودين فيه خاصة انها بلاد الحرمين ومولد الاسلام .. اتوقع طهارة المكان تحتم وجودهم ..عدا انهم يقومون بأعمال ثانية مثل ماقالت " صيتة " .. ودام ان مريم عارفه ان رب العالمين موجود بكل مكان ورا ماتحجبت واحترمت وجود رب العالمين فوقها ! " حتى مريم تناقض نفسها " .. اقلها نوره تناقض نفسها بفترة الصيف بس وموب مثل سوسة النخل " مريم " عايشة في تناقض طول عمرها ! أو يمكن وصل لحد " التمرد والعصيان " وعيني عينك .. مجاهرة بالباطل .. ! وتفاخر فيه بعد ..! طبعا انا مانيب مخولة اني ارد بلسان نوره او اعلمها وش تقول .. لكن قلت الي انا بقولة لو اني مكانها .. واشوا اني مانيب مكانها كان الدعوه صار فيها شوش على فكرة فيه محاور كثيره حبيت اني اتطرق لها بس ماله داعي الرد يصير اطول من الموضوع [/align]
|
|
|
|
23-08-2005, 12:11 AM
|
رقم المشاركه : 9 | |
|
من شيوخ الحارة
|
اقتباس:
راجاءا لاتحكمين على شي ولاتقدرين وتقيمين شعب من مجرد حثالة هالشعب نفسه ! وهاللي تشوفينهم في دبي سفور هم مجرد حثاله لنا .. واسألي نفسك ليش حثالتنا مالقوا مكان يجوز لهم قد ديرتكم ؟ عندها بتعرفين ان كل شعب بالعالم وله حثاله وكل حثاله ماتجوزلها تخالط الا اللي مثلها ؟ واذا كنتي حاطه في بالك ان البنت السعوديه مكرهه على الحجاب لعلمك كان ماشفتي احد لابسه ..البنت السعوديه والاغلبيه منهم تدس الحجاب منهجيا وتربويا وبكل اصناف التعليم الموجوده والاغلبيه تتقبله لأنها متربيه في بيئه تساعدها على كذا اما البقيه المتبقيه هي اللي ترفض الحجاب وتفرغ طاقاتها المكبوته عند ناس يناسبونها ويواكبون افكارها شكلاً . |
|
|
|
|
23-08-2005, 12:28 AM
|
رقم المشاركه : 10 |
|
من شيوخ الحاره
|
الصراحة بقد ما شدني الموضوع .. بقد ما نرفزني لدرجة بغيت أدخل يدي وأصقع راس نويّر براس مريّم وأرتاح منهم ثنتينهم الخاويات التافهات  كل الثنتين على باطل .. وكل الثنتين موقفهم ضعيف .. ولا فيه موقف لوحده أقوى من الثانية الا من حيث سكوت نويّر وثرثرة مريّم ..وما عمر السكوت علامة ضعف .. ولا كثر الثرثرة قوة وحجّة ..! ولو انها مقابلتي كان علّمتها السنع وخليتها تمضغ لسانها أبرك لها مليون مرّة من استشهادها بتصرفات الصحابة لتسويق باطلها طويلة اللسان قليلة الحيا !! نورة ما تمثّل صورة البنت السعودية .. عشان ينقاس عليها .. وكل اللي أعرفهن طالعوا برّا بكامل الحجاب .. أنا ما أقول ان صنف نورة مو موجود ..أنا قلت انو مش مثال ينقاس عليه وفيه فرق ترااااا ..! وكمان هاللي قالته مريم عن الشعب السعودي .. كله كلام مغلوط .. يعني غرضه التشويه والتشويت .  . فقط ..! وفي هذي .. كلن يقدر يشوّت ع الثاني .. يعني لا تعايرني ولا أعايرك .. الهم طايلني وطايلك فكلامها عن الهيئة غلط × غلط يدل على أنّها ما تدري أصلاً وش انت يالهيئة ووش هدفهم من عملهم فكيف تسنح لنفسها بالحديث فيما لم تؤت منه شيء من علم ... كلامها عن الزواج غلط × غلط ... وإباحتها - في المقابل - لعلاقات الزمالة في الجامعة والعمل وخلافة وجعلها معبر للزواج .. مب غلط الا من الطوام الكبرى ..! وكله كوم .. وسالفة الصحابة الكرام رضوان الله عليهم .. واستشهادها بهم كوم .. ! لا يدلل إلا على ضحالة الأفهام وتفاهة العقول وسطحية العلم !! والا كان عرفت انو حتى مقاييس الصحابة كان غير عن مقاييس الآن .. بالإضافة إلى ان الصحابة كلهم عارفين بعضهم البعض كان مجتمع صغير جداً .. ما يُقاس بالمجتمع الآن ومدى تشعّبه .. إلى شعوب وقبائل لكن قاتل الله الجهل .. فكيف إذا تغطّى بالعمى ..! نجي لسالفة الحجاب والقناعة به عفواً .. مين اللي قالك انو لازم تقتنعين بكل شيء  انتِ مسلمة والا لا ؟؟ طيب هل انتِ مقتنعة بالإسلام كدين ..! اسألي نفسك هالسؤال وبعده إذا كان كذلك { فما كان لمؤمن ولا مؤمنة إذا قضى الله ورسوله أمراً أن يكون لهم الخيرة من أمرهم } وش فرق الحجاب عن الصلاة والصوم .. إذا ما عرفنا انها كلها تستضل ب [ الفروض الدينية ] هاه ؟؟؟ ومن البجاحة .. تجي وتقول لي .. ربي في كل مكان .. لتدلل على صحّة سفورها وقلة حياها ... وما تدري ان { كل أمتي معافا الا المجاهرين } اللهم لكَ الحمد كله ولك الشكر كله ولك الثناء لحسن ما أقول الا .. إتلمّ المتعوس على خايب الرجا ..! وحده متسنّده على الهوى .. والثانية على بليس ..! يالله لا تبلانا كل الثنتين .... لا شيء في مقياس المباديء والقيم .. فهما لا شيء حقيقة ..!! ما كنتُ أحسبُ أن أعيش لكي أرى ................................. بنتَ الجزيرة بالمباديء تسخرُ ..! استغفر الله العظيم بس .! >>> لا عمرك تردين وانتِ معصبة  <<< أقول اطلعي منها وهي تزيد  [/align]
|
|
|
|
23-08-2005, 12:47 AM
|
رقم المشاركه : 11 |
|
محاور سنع
|
هنيئاً لك بهذا الاسلوب الشيق الذي قل من يجيده ! : نجي للموضوع تناقض كبير جدااا ... وبالتاكيد هو نوع من عدم الثقة بالنفس ! الواثق من نفسه لايهمه احد .. ما اجمل المرأه المتمسكه بمبادئها في أي مكان واي زمان .. تشعر عندما تراها بالفخر .. ليس لانها متدينه فقط بل لانها ذات شخصية واثقة .. وليست إمعه تخجل من افعالها على حسب المكان الموجوده فيه !!!!! اليوم رأيت ثلاث نساء من بلدي .. يرتدين الحجاب الكامل .. ويسيرون بكل احترام في وسط ذلك المجتمع ! اقسم لك أني فرحت بهن .. ودعوت لهن بظهر الغيب أن لايحرمهن ثواب هذا الثبات ! واليوم كذلك .. بل على مدى أسبوع تقريباً .. أرى اخوات متبرجات ويسكنون في نفس المكان .. شبهتهم ذات حديث مع صديق لي بعارضات الازياء .. كل يوم وكل ساعة يخرجون بكامل زينتهم ولسان حالهم يقول نحن الناقصات فأغيثونا بنظراتكم ! مأساه ... عندما يكون التبرج بهدف إظهار الجمال ورغبة في أن يعاكسهم الشباب .. منتهى الانهزاميه ! والمشكلة ان والدهم يبدوا عليه الفرح بهن .. والله لم أستطع نسيان ابتسامته العريضه كلما جاءوا اليه <--- مفقوع قلبه .. وكنت أتسائل وش من اب ذا ؟؟ وين الغيره بسولكن لما رأيته البارحه وفي يده الكاس ... عرفت ان البيعه كلها مرقه عموما ماذكرتيه في موضوعك .. حاله متكرره بكثره .. ومشاهده على مدى سنوات كثيره مضت .. واصبحت مع تكرارها حاله طبيعيه لحالة ناس ماعندهم القدره على الثبات على نهج واحد .. ومبدأ ثابت ! أنصح نورة أن تقول لمريم ... كلامك صحيح نحن مالنا شخصية .. احس اني خربطت كثير وماني قادر اركز على نقطة ولكن موضوعك شدني وماحبيت اخرج منه بدون تعليق ولو بسيط <----- قال بسيط قال تحياتي لاسلوبك الشيق جدااا . |
|
|
