|
|
|
|
 |
 |
 |
 |
 |
|
 |
 |
 |
 |
 |
|
 |
 |
|
 |
24-03-2003, 01:54 AM
|
رقم المشاركه : 1 |
|
مسـيّر
|
سعيد يانحسه وروحته لفرنسه
في سطح من سطوح بيوت الرياض كان يعيش انسان وحيد ولا يعرف احد فقير وطيب وعلى نياته واسمه سعيد وكان سعيد طيب لابعد الحدود الى درجه ان حارته ماعرفوه الا يوم رحل عنهم الى باريس...... باريس هي النهايه ولاكن البدايه وشي؟؟؟؟ تعالو نعرف القصه كلها من طقطق الى السلام عليكم ------------------------------------ في يوم الاثنين الموافق عشرين من الشهر الي راح كان سعيد نايم فوق غرفته الي بالسطح وكان تحديدا نايم جمب أريل التلفزيون <<<<<<مسوي ابو الشباب يبي يشوف الحلم صافي.....وكان في هاذه اللحضه حلمان حلم مرعب....حلمان انه يسوي بوجهه حركت ايوه(يعني يحرك راسه عكس حركت لا) وكان سعيد وجهه طويل فكلما سوى حركت ايه بوجهه دقنه صفق بسره والمسكين جالس يعاني باللحلم من هالحركه.....ولاكن جا الشي الي يبي يعكنن نومه عليه ويخرب عليه الحلم...زززززززززز وكمان ززززززززز ولعيون الكل زززززززززز ذبانه من هالذبان جايه مسرعه من الجو وهي دايخه مره وطاحت على جبهت سعيد لانها تحسبه مدرج من كبر جبهت خوينا اللهم لا حسد.... وعند سقوط الذبانه علىجبهت سعيد قام سعيد وهو مرتاع من نومه وقال ..بسم الله وش ذاا ... وقام وهو مفزوع وعند قيامه من نومه سقطت الذبانه بالارض...ونضر سعيد الى الارض ولقا ذبانه مغمى عليها .... ....ويوم رفع راسه للسما لقاا صقر مقلع بكل سرعته وجاي من السماا وهو فااتح منقاره واللهب يخرج من الخشم >>>بالله عليك ياهرول الصقر له خشم هاللحين.......وعلى طول سعيد يوم شاف هالصقر الي مقبل..قام بحركه مفاجئه و شال زبيريته الي كان متوسدها تحت راسه وصفق الصقر مع علبته (علبته=مقفاه)...وطاح الصقر وقام عقبها وهو يقول لو سمحت زبيريتك لا عاد تطق فيها ...وعقبها الصقر طار وهو دايخ وكل شوي ياانه يصفق بدش جيران سعيد ولا يصفق بجدار بيت من هالبيوت الزبده ان الصقر يقولون انه صفق بكيبل كهرب ومات وهو متكهرب... المهم جا خوينا سعيد للذبانه المغمى عليها وقرب لها يديه الناعمتين المغطات بالشعر الخشن والكثيف وشال هالذبانه المسيكينه ودخلها غرفته وهي للحين مغمى عليها ...وسدحها سعيد على سريره وراح يركض يجيب فحل بصل عشان يصحي هالذبانه المسكينه..وجاب البصل وحطه عند خشمها وهي من شمت هالخيسه قامت وهي تقول وين انا وش ذا ...ورد عليها سعيد وقال لها لا تخافين انتي معاي ..وطارت الذبانه على طول وحطت على المروحه وناضرته وقالت...شكرا لانك ساعدتني يابطل ....وحمرت خدود خوينا لانه اول مره تجيه مدحه..وقال وش دعوه ترا الجود بالماجود...<<<خوينا من زود الربكه ماعرف يرد قدرو شعوره تراه اول مره يكلم نثيه حتى لو كانت ذبانه.. ناضرته الذبانه وهي فاردتن كشرتها وقالت ماتعرفنا ....رد عليها خوينا وقال انا اسمي سعيد والناس تسميني ابو شحاطه...ويوم سمعت هالذبانه اسم الشحاطه اغمى عليها مره ثانيه...<<قدرو شعور الذبان تلقا هالعجز ماغير ملاحق هالذبان بالشحاطات...والضاهر الشحاطه ذي هي العقده النفسيه الي عند الذبانه...ونقز سعيد وصحاها مره ثانيه بريحت فمه وقال هاااه هاااه..وهي الي تقوم..<<اخينا بالله وهو يكلم الذبانه قبل شوي .. جلس يعرط من هالبصل الي بيده...وقامت الذبانه وهي تقول لا عاد تقول اسمك واكتفي باسم سعيد وبس...رد عليها ابو الشباب خلاص عادي ...وانتي وش اسمك ياذبانه..ردت عليه وقالت تنكت انت يعني اسمي ذبانه وش راح يصير يعني اسمي غير ذبانه...ورد عليها سعيد وقال اهق اهق اهق اهق وش فيك زعلتي تراي امزح ورما عليها الزبيريه ..مسوي يبي يطيح الميانه من اولتها ...بس اشوه الزبيريه شطفت الذبانه وصفقت بالجدار..ولا كان ماتت من مزح ذا الدرج.... ناضرها سعيد وقال لها انتي من وين ..ردت عليه الذبانه وقالت مدري ولا تقول لي اي شي لاني فقدت الذاكره من قبل شوي والسبه ذا الصقر الي يطارد فيني من سوق لسوق وهو ماسكن معروضه يعني حنا ياذبانات الرياض مو سهلات ترانا ثقيلات وذا الصقر خفيف الا يرقم ولا ياكلني ...ورد عليها سعيد وقال ..لا ابشرك الصقر راح في خبر كان ومات... بس فقدان الذاكره ذي هي زي الزكمه يعني ...<<<اقول يازينك ساكت.. الزبده الذبانه اكتفت بالسكوت وسعيد اكتفا بوضع اصبع يده في خشمه <<<يبي يفكر لا تقلقونه... وسألها انتي وين راح تناامين ... ردت عليه وقالت بالشارع..ورد عليها سعيد ..افا ياذا العلم تنامين برى وانا في ذا ..والله ماتطلعين... النومه هنيه وانا ابو شط شط ..>>>يدلع شحاطه مراعات لمشاعر الذبانه وقالت الذبانه وش دعوه لا وين ماقدر انت ذكر وانا انثى عيب ترى وش يقولون عني الذبان لو درو... وفي هذه اللحضه قالت الذبانه طيب وين انام....رد عليها سعيد وقال سهله.. ونقز للبقاله وشرا علبت كبريت ورما الكباريت الي فيها وحط في العلبه منديل صغير ..(منديل صغير = شرشف للذبانه)..وحط قطنه [صغيره..(قطنه=مخده للذبانه)وجاب منديل ثاني وسواه على شكل بطانيه...واستانست الذبانه ونامت لانها تعبانه مره من يومها الصعيب ... واستمرت العلاقه الاخويه لمدت اسبوع الا ان اتى اليوم الذي سوف تتغير هذه العلاقه من الاخويه الىىىى... وش رايكم نشوف وش يصير.....في يوم الاربعاء الموافق سبعه وعشرين من الشهر الي راح ..قام سعيد من نومه على صوت صراخ الذبانه وعلى طول نقز الشهم سعيد للذبانه يشوف وش فيها وهو ماسك سيفه...سيفه = زبيريته وانتو بكرامه .....ويوم وصل لها وفتح علبت الكبريت الي منبطحه فيه ..لقا يدها على بطنها وتقول اي بطني وترجع واي بطني وترجع...وعلى هالحاله نص ساعه....سعيد خاف عليها مره لانها صارت بالنسبه له اعز مايملك.........ونقز وشالها ووداها للمستشفى.....وبسرعت البرق وصل للمستشفى وعلى طول دخلها من بوابت الطوارئ..ودخلها عند الطبيب ..وكشف عليها الطبيب...وسعيد ينتضر برى وهو خايف وقلقان....وطلع له الطبيب وقال مبروك اصل البنت حامل .......سعيد باللحضه ذي تغير لون وجهه وقال وشو لا هاه وشو لا ...رد عليه الدكتور وش فيه ...وقال سعيد خيانه خيانه اقرب الناس لي خان ...ودخل على الذبانه وهو معصب وقال لها من مين..... قولي من مين...ردت عليه الذبانه وقالت خدعني ..وسعيد صرخ عليها وقال قولييييي من ميييين...خافت الذبانه وقالت من القطو الي نايم بسطحك وعدني بالزواج بس خدعني ......سعيد باللحضه ذي انقلب الا حيوان جارح وصار كاالقط المفترس الي حاجرينه ثلاثت مبزره بملحق وماغير تصفيق فيه...ونقز لبيته وهو شايل من الحقد والكراهيه بصدره ماتهد من الجبال والردميات...ودخل للبيت الي فيه ونقز للسطح وناضر القطو الي جالس يمشي فوق سور سطحه وهو يقردن له جراده...وطب عليه سعيد ومسكه من ذيله وفره وفره وفره وفره وفره وفره ورماااه من فوق السطح اللين سمع صوت ..بق الذي ارتجت له ارجاء الحاره من قوت هذا البق ...ومات القطو ونقز سعيد للغرفه حقته وضف عفشه ...<<<وش لون يعيش بحارته وشرف ذبانته راح قدرو شعوره......وطلع من البيت وهو يبكي ذكرياته يبي يتركها غرفته والاريل الي كل يوم ينام جمبه على امل انه يشوف اليسا وهي تغني عيشا لك بالسعوديه واحد..<<<اجل انطر ياحمار لين يجيك الربيع.........وطلع وهو مهوم ومقهور ...وطلع من حارته ومن حييه حي الغبيره........وصار يمشي وحيد وراح للمستشفى.....عشان يشوف الذبانه ويتطمن عليها ....ولاكن تأتي الرياح بما لا تشتهي السفن......لقا الدكتور وقال له وش لون الذبانه..رد عليه الدكتور وقال عضم الله اجرك الذبانه ماتت وهي تسقط حملها ......لا لا لا لا ..هالكلمات هي الي قالها سعيد .....وحدته رجعت له الي عانا منها كثير كثير كثير.......راح يرجع لحياته؟؟؟لا طبعا ....حارته تركها..وحدته رجعت له..يعني حياته تغيرت للاسوء.... وصار يمشي وهو يهذري ويهذري ويهذري بشوارع الرياض....ودخل حاره ضلمه وجلس يمشي فيها وهو يكلم عمره.....وفجأه من غير شعور ولا حساب للموقف....توقف سعيد وهو مذهول على صوت صراخ ........ انقذوووووووووونييييييييييييييييييييييييييييييييييي وطمر الشهم سعيد وهو متجه للصوت وهو يركض بكل قوته ...ويوم وصل عند الصوت......تدرون وش لقااا.. شي مخيف شي صعب عليه شي فوق طاقت الانسان...لقاا عجووز تصايح...وخروف منحجر بالزاويه..ولي حاجره تدرون منهو ..هو العدو اللدود للخروف الي اذانه طوال ويعيش بالجبال ....والي عنده انياب وشطولها...طبعا مايبي لها كلام..هو الارنب........ونقز سعيد بحركه لا شعوريه وصفق الارنب كوع وطاح الارنب على ضهره..وعلى طول شال بطلنا المغوار هالعجوز وحطها على كتفه اليسار والخروف حطه على كتفه اليمين...ومايبي لها تفكير ..العطه يابطه..وركض وركض وركض وسعيد يركض........والعجوز تقول له اسرع اسرع ترى الارنب ورانا...والارنب وراهم يركض وسعابيل الجوع طالعه من فكه المفترس وعيونه حمر اللهم ياكافي...ولاكن سعيد خايف واكيد الخايف ركضته سريعه حتى لو كان دب.....وسبق الارنب .......وفجأه الارنب سدح اذانيه وسفطهن اذن سدحها على اليمين واذن سدحها على اليسار ..وصارت اذانيه كنهن جناحات طياره..وذنبه صار يفر ويفر..وفجأه ارتفع من الارض وطار الارنب ..وصار اسرع من سعيد ...وقرب من سعيد وسعيد يحس براس الارنب يلمس بضهره..وفكر سعيد وش يسوي ..قال مالي الا ارمي العجوز<<<<بيني وبينكم العجوز وش الفايده منها على الاقل الخروف ناكله..ورمى سعيد هالعجييز..وصارت تتدربا بالارض مثل البرميل الي يتدربا بالشارع..وطلع سروالها الازرق المخطط باللون الوردي وكان سروال ماركه قويه وهي ماركة منفوحه..والماركه مكتوبه بخط اليد طبعا.....وطلعت بلاويها ..وسكر عيونك انت وياها وش تبون بالبلاوي ..صزز انكم شعب مراهق........ولاكن رميت العجوز ماجابت فايده لسعيد ....وعقبها بدون تردد رما الخروف .. وصارت سرعت سعيد اسرع من اول .....الى درجه من زود سرعته طااار سعيد بالسمااا..والارنب لا زال يلحقه وطارو بالسما وحلقوو اخونا بالله سعيد والارنب الي يخوف... ومطاردات بالسماا....ومطاردات بالسما..وسعيد يزبن بغيمه بس الارنب يطب عليه وهو يقول انا وراك وراك والزمن طويل.... ويتخبى سعيد ورا سرب طيور والارنب ماش مهوب مخليه ..وراه وراه ....وبعد رحلت هرب من سعيد وملاحق من الارنب واستمرت هذي الرحله لمدت يومين وشوي....ومادرو عن عمرهم الا هم .واصلين لباريس.....وهم طايرين والتعب اخذ منهم الشي الكثير...وقربو من برج ايفل وقربو وقربو الا ان صار عدد خطوات بين سعيد وبرج ايفل وعلى طول بحركت تمويه قام فيها سعيد ووخر عن البرج بحركه سريعه ومفاجئه للارنب وصدم الارنب بالبرج .. صدمه قويه من قوتها ايربقات الارنب ماطلعن .. ..وطاح الارنب من برج ايفل وسمع سعيد صوت ..بق ارتجت فييها ارجاء باريس من قوت البق ذي وبيني وبينكم سعيد عانا كثير بالرحله ذي رحلت البقاء على قيد الحياء..وقد اخذ منه التعب الشي الكثير... وقرر سعيد التخييم فوق برج ايفل بما ان الجو براد والامور زينه فوق البرج..بس كان الجو برد مره ...مره برد..لدرجه ماتتصورونها....وطلع العفش الي شايله سعيد.....(العفش=فروه+سروال+فنيله+ثوب دفه+ثوب نوم) ولبس ثوب الدفه اخينا بالله ولبس الفروه يبي يتدفا......ولاكن عند حلول الليل ومع الليل جا البرد الصدقي ومن قوت هذا البرد الشديد تجمد خوينا سعيد فوق برج ايفل....ومر يومين ولاحد داري عنه...وبعد يومين اكتشفه واحد راعي اثار ...ويوم شاف ذا الرجل الجليدي ....وقف وهو مذهول وقال اووه ماااي قارد...ترى عالم الاثار ذا امريكي يعني لاحد يقول فرنسا وشلون يقولون اوه ماي قارد.........وجاب سطحه ابو الشباب وشال هالضعيف المتجمد بفروته ووداه للمتحف وعرضه على العالم عشان يشوفون اثار شعب الخليج ..... وجت الناس تصور وصارت زحمه على هالمسكين المتجمد وهو يناضرهم بعينه ويقول نعنبو ابوكم وش تبون ...بس يشوفهم بعينه ويدينه وجسمه كله متجمد...وحطو جمبه بعير وربطوه..... وجت هالعالم الي ملت المتحف تصور مع هالضعيف وصار عليه طلب للتصوير ومن زود الطلب على التصوير مع سعيد ...فكرو هالاجانب حيين القلب..وشلون يطلعون دراهم من هالسالفه..وخلو التصوير بفلوس....ومرت سنه ..وطلع لهم سعيد من مباالغ التصوير عشرين مليون فرنك........وهالمسيكين متجمد للحين ...وفي يوم من الايام والناس نهار طفت الكهربه وهالاجانب تارسين ذا المتحف وصافين سرا على هالضعيف..... يوم طفت الكهربه طلعو الناس يعنني طوارئ.... ومع طفيت الكهربه طفا الفريزر الي كان موضوع فيه سعيد عشان يحافض الفريزر على درجت تجمده و نص ساعه ولا خوينا بالله طايح بالارض وكل الجليد الي عليه ...راح..... وقام وهو حاقدن عليهم ويقول لهم سنه ياعيال التسلب وانتو حاطيني بذا المتحف بالنهار وبالليل تشيلوني وتحطوني بفريزر ثاني مع هالسمك والدجاج .. ونقز لم الامريكي الي اخذه من فوق البرج ومسك لوح خشبي فيه مسمارين وصكه بين كتوف هالامريكي ...وتوفى الامريكي من قوت هالضربه ......وعلى طول حضرو رجال الامن وشقلوه وودوه للسجن....ومر زمن وحكمو عليه بالسجن المؤبد ولاكن بعد مده طلعوه لانه مسوي عليهم زحمه ...سعيد ماخذ زنزانتين زنزانه له وزنزانه لجبهته ونضرا لقلة الزنزانات بالسجن طلعوه وقالو له لا عاد تتعودها...وطلع خوينا من السجن ورحلوه لديرته الرياض على ددسن موديل 66 وبعد سفر لمدت سنه وشوي وصل سعيد للرياض وهو مستانس وفرحان .... <<<يعني الي يجي من السفر للرياض يبي يصير مستانس والله كثر لي منها يشيخ .. .......واول ماوصل للرياض وقف تكسي وراح للغبيره ....واتجه للغبيره وهو راكب التكسي وكان راعي التكسي يحب السرعه وكان طاير راعي التكسي وهو ماسك الدايري وطاير بالتكسي ...مر على الدايري بعير واول مامر راعي التكسي رعص على الفرامل ولاكن.....حدث حادث شنيع وتوفى من اثره بطل القصه سعيد...ودفناه بالقبر لاكن المشكله خشمه كلما جينا ندفن خشمه يطلع خشمه برى نرمي تراب ماش خشمه للحين طالع برا ونرمي تراب يقوم لنا ميت ويقول اقول جيبو ترابي لاتوطى في بطنك انت وياه وبالاخير بعد التشاور على مشكلت سعيد وخشمه...قررنا نكتب على خشمه وهذا بعد معهم..ومشينا وخليناه... والسلام عليكم ورحمت الله وبركاته [/ALIGN] |
|
|
26-03-2003, 07:19 PM
|
رقم المشاركه : 2 |
|
कंट्रोलर जनरल
|
مايلام سعيد هالضييعيف تلقاها طاقتن كحل وهالروج و هازيين واستخف مع هالذبانه  يعطيك العافيه اخووي هرول وننتظر جديدك ومواضيعك افضل وأكثر ابداع  تسلم وتسلم يمينك
|
|
|
|
26-03-2003, 07:47 PM
|
رقم المشاركه : 3 |
|
مشرفه
|
ههههههههههههههههههههههههههههههههههههههههه تعبت والله .. كله طقاق في طقاق بس يا ان هالصقر فله زين سوا فيه سعيد يوم يصفقه بالزبيريه ذكرتني بواحد عنده دجاج و كل يوم يجيب لهم اكل .. وفيه دجاجه مغروره تبي هي اللي تاكل و الباقي لا و طول الوقت تنقد عيون الدجيجات << جمع دجاجه ويوم درا فيها صاحبنا جاك كافخ و بالزبيريه على عيونها .. ومن يومها لا جابوا الاكل تلاقي الدجاج ياكلون و هي تنقد من جهه ثانيه << مضيعه هههههههههههههههه تسلم يا هرول موزوع خفيف على المعده |
|
|
|
27-03-2003, 04:44 PM
|
رقم المشاركه : 4 |
|
محاور سنع
|
 <<<<< مضيع :pخخخخخخخخخخخخ هههههههههه موضوع حلو يا هرول وبانتظار ابداعك 
|
|
|
|
29-03-2003, 08:54 PM
|
رقم المشاركه : 5 |
|
توه ساكن
|
مايبي الذبانه يبي الذهب الي على الذبانه ااااه يالخسيس طلعت ثعلب اتصدق عاد الله يعطيك الف عافيه ياخويي على الموضوع الروعه صراحه مره ثانيه علم خوييك سعيد لا يتعامل مع الجنس الناعم بالزبيريه وانتو بكرامه ياخي في اختراع اسمه كلينكس على العموم الحمد الله على كل حال هع هع |
|
|
|
30-03-2003, 08:11 PM
|
رقم المشاركه : 6 |
|
مسـيّر
|
يخي عليك موضوع من قريته وانا حاسة اني فلم كرتون هندي ولا هالارنب الذيب الي مخلية بطل انت وسعيد بو جبهه تبعك والله عليك موضوع يقول للمساطيل فزوا واقروني مع توكس وشاني ههههههههههههههاع ولا الذبانة الي خقيت عليها يالدب والله شكلها ذبانة شقرا وجنحانها مشجرة غير ذبابين خلق الله بس تستاهل هذا جزاة المشي البطال >>> مصدقة يسمنووووووووو اناملك اكثر من هالتخفة الي هم فيها على هالموضوع المضيع |
|
|
|
30-03-2003, 11:16 PM
|
رقم المشاركه : 7 |
|
توه ساكن
|
يا طولها طولالالالالالالالالالالالالالالالالالالالالالالالا لالالالالاه بس ذالذبانه عاش معاها سعيد قصة عاطفيه بس الله يرحمها واهو يوم راح برج ايفل ليه مانزل وش مقعده بالسسسسطح من البياااض يبي يتشمس والله يرحمه وخسمه اكثر ما كثر الله المقصات جيبو لكم من وزارة الزراعه منشار وقصوه<أهنيك على الذكاء |
|
|
|
31-03-2003, 09:07 PM
|
رقم المشاركه : 8 |
|
توه ساكن
|
هع |
|
|
|
14-04-2003, 08:22 AM
|
رقم المشاركه : 9 |
|
مسـيّر
|
----------------------------------------------------------- عمر ابو راس والله انك حليل..............لو هالذبانه طاقه الكحل على قولتك ومتزينه رضيت اني اتعب واكتب القصه واخلي البطل سعيد ويرز وجهه مع هالذبانه القمر.............هاهاهاهاهاي تقولها صااز.............اشونه بدوون تفكير تلقا البطل هرول........... ================================== سنيوره تعبتي؟؟يعني اقوم من الكرسي حقي عشان تجلسين عليه@@والله امي قايلتن لي هرول لاتخلي احد يجلس بكرسيك @@ يعني اسمحي لي..............إلا ان كان تبين تجلسين على راسي هذا شي ثاني========>مايعرف يسولف مع البنات كخخخخخخخخخخ وعن هالدجاجه المغروره وين محلها====>مو سهل يحب يروض العنيدات===>أيه بلاها دجاجه وتبي تخف بعقلها بخيشت شعير يالقروي................... ================================== المفلوق دوم هالضحكه ومن زين هالإبداعات الي احطها يشيخ اشونها خنبقه في خنبقه+++>رحم الله امرئن عرف قدر نفسه @@ومشكور على المرور اخو أالبي =================================== كلاشنكوف @@ تخيل اني سبيتك اللحين وشلون ترد علي======>نذل هاهاهاهاي..ماعاش الي يفكر يسبك يالغالي.........وأنشالله فتره وتعدي هالكلبشات.............. وعن الذهب الي تتكلم عنه هاهاهاهاهاي يرجال اشونه فالصو وين القا منتج يجيب لنا ذهب...والله كان اخذ الذهب وأجحدهم......................وعن الكلينكس........بيني وبينك فكرت انا بالشي ذا.........بس لجمهور يبي دم يبي أكشن بالقصص والزبيريه كفيله بالشي ذا يالغالي.................. ================================== القتاله.............فزو واقروني وانتو تاكلون شاني وتشربون توكس............التوكس ذا هو مشروب كحولي؟؟؟@@=========>ياسطل التوكس مهوب شي نشربه هذا شي نلبسه يعني ماركت توكس@@وبيني وبينك شكلك راعيت ذبابين انتي هاهاهاهاهاهاهاي وش دراك انه فيه ذبانه جنحانها مشجره؟؟؟؟+++++>الناس تربي قطاوه أرانب وذا يربي ذبان بغرفته................... ================================== المفهيه هههههههههه بيني وبينك جبتيها والله .............انشالله بسويها مع ولد جيرانا بعد هو خشمه كبير ========>السطل يفاول على ولد جيرانهم @@ وبيني وبينك هو مهوب ناوي يتشمس فوق البرج لا..........كان الجو غيم وبريدات وتخبرين انتي العريبيه من يشوفون الجو غيم وبريدات جابو حصيرهم وفرشو بأي مكان ومددو رجيلاتهم.........والله يرحمه سعيد كان شهم وشجاع............... ================================== كلاشنكوف هع هع |
|
|
|
14-04-2003, 09:02 AM
|
رقم المشاركه : 10 |
|
من شيوخ الحاره
|
بس هالمره من جد هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههه نعن ابو حيك .. انت راضعن من محششه !! ولا لابسن صروال واحد سكران واثر عليك ؟!! شف كلها كوووم وذي كوووم ((وفي هذه اللحضه قالت الذبانه طيب وين انام....رد عليها سعيد وقال سهله.. ونقز للبقاله وشرا علبت كبريت ورما الكباريت الي فيها وحط في العلبه منديل صغير ..(منديل صغير = شرشف للذبانه)..وحط قطنه [صغيره..(قطنه=مخده للذبانه)وجاب منديل ثاني وسواه على شكل بطانيه )) متأثر بالقطو والفار ...صح !  واللله والله مية ميييييييييييية !! هه وهاااااااااااااذي نجمة |
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
أخترنا لك
|
||||
| الموضوع | كاتب الموضوع | المنتدى | مشاركات | آخر مشاركة |
| قصـة كــوميدية واقـــعية | مستشار ابليس | قراشيع الحارة | 1 | 03-03-2006 04:29 AM |
| يابو سعد عطني مفاتيح السياره | حويل الحاره | شلة الحارة | 14 | 11-09-2005 12:50 AM |
| اعتقال ابن الشيخ سعيد بن زعير !! | المــجــد | دكة الحوار | 16 | 23-05-2004 10:25 PM |
