|
|
|
|
 |
 |
 |
 |
 |
|
 |
 |
 |
 |
 |
|
 |
 |
|
 |
19-08-2003, 05:54 AM
|
رقم المشاركه : 1 |
|
مسـيّر
|
علشان تصير هي عصفوره .. لازم تصير انت عصفور
ذهبت الى كوفي شوب المساء دائما انا هكذا مع نفسي اختلي معها احاورها وتحاورني .. كثيرا ما نختلف في وجهات النظر ولكن اختلاف الرأي لا يفسد للنفس قضيه جلست في الجلسات اللي برا المطله على شارع التحليه والرذاذ ينطق علي والجو منعش بعدا ما شربت لي جغمه من القهوه الامريكيه سمعت لي قرقعه تلفت يمين ويسار لقيته كعب حرمه تمشي وزوجها جنبها توهم طالعين من محل وقبل ما يوصلون السياره فتح الرجال الباب لحرمته ويوم ركبت صك الباب وبعدها ركب الاغراض في شنطة السياره ثم ركب هو وشغل ومشى بصراحه منظر عجيييييب :l6 معقوله فيه سعوديين يسوون كذا ماش شكلهم لبنانيين متجنسين تمنيت انه صك الباب على عباية حرمته عشان اجي اقول له البشت طالع يالاخو عشان اشوف هو يقول لي شكرا .. ولا متشكرين ينطيك الف العافيه كنهم جوز " كناري " ما شاء الله عليهم عاد بما اني دايم احاور نفسي هالمره بغيت اتهاوش معها وخطرت على بالي اشياء كثيره انصح كل واحد يسويها من اجل حياة هانئه 1/ في يوم من ايام العطله مثلا يوم "الخميس" يمكن انت تصحى الصبح مبكر قبل زوجتك قم عن السرير بشويش عشان ما تهبلها وتقوم وانزل صلح الفطور لك انت وياها ثم رقه فوق وحطه على السرير وقومها "وقل احلى فطور لاحلى زوجه في الدنيا" صدقني لو ما حطيت لها الا جبن وقشطه وبيض مقلي بيطلع في نظرها احسن من فطور فندق شيراتون 2/ حاول تمازحها في اغلب الاوقات يعني مثلا وانتم تفطرون قل اللي يخلص الاول هو اللي يضف الفطور صدقني بتاكل لقمتين وتقول خلاص شبعت  3/ في يوم من الايام في الليل اكيد هي بتقوم وتقول عن اذنك بروح ازين العشاء رد عليها وقل لالالا استريحي حبيبتي اليوم اشتغلتي كثير وشكلك تعبانه اختاري أي مطعم ونروح نتعشى فيه 4/ مره من المرات بترجع من الدوام تعبااان وجوعان بتدخل وتقول لها حطي الغدا وبعد ما تحط الكبسه على السفره ومن اول لقمه تذوقها تلقاه مالح مثلا قلها يااااااحلوها الكبسه اليوم زابطتها على الاخر غطيتي على امي الله لا يحرمنا من هاليد يارب 5/ يمكن تقوم في يوم من الايام الصبح بتروح للدوام تلقاها تعبانه وما تقوى تتحرك عقب ما تلبس وتشخص قدام المرايه حاول قبل ما تطلع تهددها تقول لها ياويلك لو قمتي من السرير وسويتي شي وترا ان رجعت من الدوام ولقيتك طابخه ولا مغسله ولا منظفه ياجلدك بالعقال 6/ اذا صخنت في يوم من الايام وعيالها صاجينها وما خلوها ترتاح خذهم طلعهم برا ولا ودهم لبيت اهلك كم يوم لين تتحسن حالتها 7/ وضفها عندك سكرتيره في البيت خلها ترد على مكالماتك وتترك لك اسماء المتصلين والمتصلات وتنظم مشاريعك وطلعاتك هذا يحسسها بالثقه وين ما رحت ووين ما جت 8/ اشتغل عندها سواق وين ماتبي ودها ايها اكشخ ؟ لو تروح لعرس مثلا وسالتها وحده وقالت متى بتمشيين ترد تقول والله متى مابغيت اتصلت على زوجي وجا ياخذني ؟ ولا السواق منطق عند الباب ؟ 7 7 7 7 7 7 7 7 7 7 كتفي يهتز العامل حق الكفي شوب يدززني مع ظهري يقول قم اطلع بنسكر طلعت ورجعت للبيت وحضت المخده ورقدت سامحوني على القصور هذي اول مره اكتب عن الارهاب الفكري بقلم المفكر الاسكندنافي المناضل والمحامي الأول لحقوق المرأه السيد زلطه :b1 [/ALIGN] |
|
|
19-08-2003, 07:50 AM
|
رقم المشاركه : 2 |
|
من شيوخ الحاره
|
سلمت هل اناااامل ييا زلطه موضوعك داااااااعم لموضوعي حويذف تعال شوف الكلام السنع الي يشرح القلباويلاه من ذا الحتسي والله وانا قاعده اقرى الكلام احس في شي يسوي لي كذا :l5 ^ ^ قاطه الاخت بقوه ههههههههههه رايك سديد ولو يسوون مثل هيك قليل ترى من جد ونااااسسسه مشكور وما قصرتلحظه ... :l4 في شي طالع من الموضوع مدري وشهو [/ALIGN] |
|
|
|
19-08-2003, 09:10 AM
|
رقم المشاركه : 3 | ||
|
توه ساكن
|
اقتباس:
)اقتباس:
الله يعطيك العافية يالمحامي سيد زلطه  [/ALIGN]
|
||
|
|
|
19-08-2003, 10:00 AM
|
رقم المشاركه : 4 |
|
مشرفه
|
بالنسبه لموضوعك ما اقدر ارد عليه .. لاني اشوف انه يجسد المثاليه في التعامل بين الازواج ... و بالنادر يصير .. و ان جاك زوج يسوي لحرمته كذا قالوا ساحرته بنت اللذين  او تكون هالحرمه استغلاليه و تستغله اربع و عشرين ساعه ... ما اقول الكل لكن البعض وتدري يا سيد زلطه ان حريمنا مهوب متعودات على هالشي .. يعني بكره تشوف رجلها يسوي كذا ان تقول وش فيك منتب صاحي اليوم ولا ناوي لك على نيه ثانيه وفي روايه كان ودك تعرس وصاير رومانسي ولفت نظري كيف تعامل الزوج مع زوجته اثناء ركوب السياره .... طيب هذا من ناحيه الزوج .. هل الزوجه تراعي هاللفته الرقيقه من زوجها ... يمكن اغلب اللي يقرون لمناقشاتي يشوفون اني اتحامل كثير على بني جنسي من بنات او حريم و دايم اوقف في صف الرجل ... و يمكن اللي بيقرا ذا الكلام بيقول ايه صح .. لكن انا اوقف مع الحق دوم ... اذا كان الرجل كذا ... لازم تكون زوجته تستاهل .. يعني مهوب عاد رجلك تعبان و توه جاي من الشغل و ماكل ( هوا ) و تقولين له عيالك صجوني يا تاخذهم لاهلك ولا تطبخ الغدا .. حرام هالدكتتوريه ... و برضوا الرجل مهوب يشوف حرمته تعبانه او ضايق صدرها من خبر و يجي يعلها بسوالفه اكوي ثوبي و صلحي لي شاي تدري لو رجلي يسوي كذا ان اخليه امير بس عاد ان جاني درج فالعوض على الله يعطيييييييييييييك الف عاااااافيه يا سيد زلطه .... موضوع بحق اثارني ..و من القله اشوف موضوع بالحبكه الدراميه هذي << ليتك ساكته لا تقااااطعنا و مميز دوم
|
|
|
|
19-08-2003, 01:19 PM
|
رقم المشاركه : 5 |
|
कंट्रोलर जनरल
|
عموماً موضوع رائع بأسلوب رائع يضمن حياة زوجية رائعه وسعيده مشكور يابو زلط ولا تطول علينا بجديدك
|
|
|
|
20-08-2003, 08:39 AM
|
رقم المشاركه : 6 | |
|
ينشد به الظهر
|
والله انك خطير يا مستر زلطه واسلوب ولا احلى وعلى كلامك ذا قسم الله انك بتسبب التكاثر في الرياض <<<<<<< وش دخل التكاثر بالموضوع اقتباس:
يوم وصلت عند كلمت بشويش قعدت اتامل وحست انك بتتوقف بس يوم كملت حسيت اني ظلمتك بس والله الاشياء اللي انت قلتها يمكن يسونها الشباب من اول اسبوع بعد شهر العسل واذا كثر خلها شهر وبعدين يقلب على زوجته وهي مالها دخل بس وش يسوي من كثر الهموم يعني لو حنا الحين بفرنسا ما صار كذا <<<<<<< قسم بالله بتنطق يعطيك الف الف عافيه ولا هنت سيد زلطه وننتظر جديدك [/ALIGN] :b3
|
|
|
|
|
20-08-2003, 04:41 PM
|
رقم المشاركه : 7 |
|
من شيوخ الحارة
|
 ماااااااااااااااااشاء الله تبارك الله ... مشروع اتب ناجح .. ناجح والله لو ما يحل الواجب طول السنة .. ويجيب حب .. ويقشم ويتفل على اللي بجنبه .. كاتب طرااااااز نادر .. يسمي العكسريمة ( ايس كريم ) <<--هذا تفكيرك يالبجعة .. ما شاء الله عليك .. اخوي ابو زلطة .. فنان .. كلمة مميز شوية في حقك !! صياغة ولا في الاحلام .. لسرد الموضوع (( اسمع : هذي بوسة على راسك بس لا تعلم )) <<--والله لو انها مع خشك !!مبدع .. ويا جعل الهندي اللي قومك وحرمنا من هالابداع .. للفصل جعلهم يرجعونه للهند على تاكسي اصفر .. يا حبي لك والله (( اقف خجلا لهالمقطع : في يوم من الايام في الليل اكيد هي بتقوم وتقول عن اذنك بروح ازين العشاء رد عليها وقل لالالا استريحي حبيبتي اليوم اشتغلتي كثير وشكلك تعبانه اختاري أي مطعم ونروح نتعشى فيه ينصر دينك يا شيخ ... تحياتي لك يا بطل .. الف شكر .. والموضوع شوية في حقه التثبيت .. ولو فيه جائزة لاحسن موضوع خذيتها انا <<--- :a6 <<-- تحسف الزلابة .. من أقوى المواضيع اللي في حارة المساطيل .. تحياتي لك يا بطل .. ولا تصيف علينا !![/ALIGN] |
|
|
|
20-08-2003, 04:51 PM
|
رقم المشاركه : 8 |
|
سعيدان المساطيل
|
لعنبو بليسك وش انت ماكل اليوم ؟؟ طالع صدقي وكلامك في الصميم وكلااااام كبار والله ثم والله لو كل شخص بيطبق بس النقاط الثمان اللي ذكرتها تسان معد نعرف شي اسمه طلاق للأسف عالم تشغلهم الدنيا وضغوط العمل تخليهم يصبون جميع ما انكبت على الضعيفه اللي قايمة(ن) بشغل البيت من تطلع الشمس الين ينام اخر بزر من عيالهاشف يا سيد زلطه كيف استغربت انت من الموقف وما الومك لوني محلك تسان طبيت قدام الموتر وقمتت اكركر واقول اخس يا عماد حمدي وهذاااا غلط واكبر غلط والمفروض ان الواحد يحط يده بيد حرمته وبكل قوة وجه يقابل العالم ويدلعها ومايهمه احد واللي خلاني اقول كذا اني مره قابلت واحد ماسك(ن) يد حرمته وباين انهم معاريس في الخارج يوم شافني ويترك يدها ويحمر وجهه:l6 ويبعد عنها نصف متر:l6 وش موقف هالحرمه ؟؟ الضعيفه عاروس وتبي حنان وش الغلط ؟؟ وش العيب فيها ؟؟؟ ياناس المراه مثل الطفل تحتاج لدلال وتدليع وكما قيل ((دلل تسعد))الله يعطيك العافيه يا سيد زلطه ومنور المنتدى وموضوع في الصميم وياليت العالم تجلس في مقاهي وتتناقش مع نفسها لو خمس دقايق كان بيعتدل احوال ناس وبتتغير مبادئ ناس
|
|
|
|
20-08-2003, 05:11 PM
|
رقم المشاركه : 9 |
|
من شيوخ الحارة
|
كان للفرفشة .. ولسعة الصدر .. وواحة نستظل بظلها كل ما حسينا بشمس التعب .. بقدر ما يفرح الواحد بالمواضيع المسطولية اللي مالها دخل في الكرة الارضية  بقدر ما يفرح اذا شاف مثل هالمواضيع اللي (( تخرق في عقولنا آفاق ونفقات )) بدون ما نحس أو ندري ... بس عاد وين اللي يطبع . [/ALIGN]
|
|
|
|
20-08-2003, 10:52 PM
|
رقم المشاركه : 10 |
|
عميد المشرفين
|
مهبول يازلطه
|
|
|
|
22-08-2003, 04:11 PM
|
رقم المشاركه : 11 | ||||||
|
من شيوخ الحارة
|
)) ..... بصراحه قريت لمحات من حيات السنيور والكونتيسة ... وقريت كلام فككت خشتي عنده .. مااقول الا سلمت يمناك يابو زلطه .... وبصراحه حتسيك هذا يبرد التسبد ... بس خلني اقول لك شي .. تعال معي تحت على الاقتباسات وخل نشوف المواقف اللي بتصير في البيت السعودي (( مااقصد المثالي ياداجتن بقريييييييح )) ...... اقتباس:
والله لو اسوي كذا لمرّتي (( السعوديه )) ان تقول لي : انتبة لرجلي ياعلّك الكسار !! :l4اقتباس:
والله لو اسوي تسذا .. ان تقول (( وججججججع وين الشغاااااااااااله .. وش عندك قايمن بدري اليوم !! )) اقتباس:
اول شي ياحبيبي وين ذا السعودية اللي بتاكل لقمتين وتقوم ... اذا ماسمعت طقطقة آذانها من الشبعة والله ما تقوم ... ان تغدي تسنها قربة ... وبعدين لو اقول لها هالحتسي .. ان تقول : والله ماقلت كذا الا انك شبعان عندها وجاي تكرفني !!  اقتباس:
والله ان تلتفت لي بنص عين :l4 وتقول : تتريق انت وخشمك !! :a9 اقتباس:
شف وانا اخوك خلنا نتكلم بصراحه شوي يعني وش فيها لا حطيتها بالعرس ... وقلت لها الساعه 2 ابجي آخذتس .. والا اقول لها متى ما خلصتي اتصلي علي !! كذا ابشغل نفسي ماادري متى بتتصل .... ولا اقدر احدد كم الوقت عندي ... يعني قصدي يمديني اروح اشيّش والا مايمديني .. او يمديني اروح للعيال بالثمامة والا ما يمديني ... بس لا قلت لها 2 ابمرّتس ... خلاص كذا اعرف وقتي ... واعرف جدولي .. وادق على العيال .. الوعد الدانة .... والشي الثاني ... الخبط اموري ... واكرف نفسي ... واشغل بالي ... كله عشان لو سألتها وحده ... ياخوي طيب واذا ماسألتها .. كل هالتعب والكرف ولعنه الخيّر على الفاضي (( هي خلقه على الفاضي )) ... حبيب قلبي أبو زلطة ... انت قلت وجبت الاشياء المثالية اللي يسويها الزوج المثالي لزوجتة المثالية (( يعني يابنات .. لو تبوّني روميو .. خلوكن جولييت )) .. وبعدين تسن ما عندي شغل الا مرّتي !! مع العلم ان التودد خاص بالحريم لرجالهن !! موب الرجال اللي يتودد لمرته !! وقالتها مشرفتنا سنيوره ... اقتباس:
أقصد التعامل في الاحترام المتبادل !! في حدود الواقعيه ... (( وهذا اللي تقصده سنيوره )) .... كلامك يابيه زلطه والله كان مغري ... واسلوب الرجال بالتعامل جداً برستيجي ... بس ما تدري وانا اخوك الحرمة وش تسوي له بالبيت .. عشان يعاملها مثل كذا بالشارع ... !! أختم كلامي بالاستنكار لوجود عامل هندي في مقهى المساء ... الظاهر انك دجّيت مع المنظر :p ... تحياتي لك يا أستاذنا الكبير زلطه بيه الافندي ... ودمت لنا مبدعاً ... اخوك .... حاذفكوووووووووو [/ALIGN] |
||||||
|
|
|
23-08-2003, 02:21 PM
|
رقم المشاركه : 12 |
|
ينشد به الظهر
|
وكلامي من كلامهم مبدع وانيق في طرحك وحلك للقضايا بطريقة سهلة وومزوجة بالمرونه و الابتسامة اهنيك واحييك على موضوعك القوي[/ALIGN] |
|
|
|
02-10-2003, 02:45 AM
|
رقم المشاركه : 13 |
|
من شيوخ |
