|
|
|
|
 |
 |
 |
 |
 |
|
 |
 |
 |
 |
 |
|
 |
 |
|
 |
20-08-2003, 08:43 AM
|
رقم المشاركه : 1 |
|
مسـيّر
|
تنّوحي : ليتني ما قلت أبشتري سيّاره ..!!
 فجر أو مساء الخير للجميع << واثق انكم ماتشوفون الشمس مثله أبد والله ما فيه الا سلامتكم .. بس شفنا المنتدى كله غاط في سٌباتٍ عميق قلنا خلنا نطرح موضوع من ذكرياتنا وطموحاتنا وأحلامنا وأملنا وخلود وهتان .. والبقيه تأتي نحاول أن نحرك به الوسط المادي والمعنوي والرياضي والثقافي والاجتماعي والعزوبي للمنتدى << يقولون : من كثرت قرقته .. قلت نفعته << من قدكم .. خويكم طلع راعي أمثال المهم ولايكثر الهرج .. نطب في الموضوع << ليش حفره :l6 زبدة الموضوع ومعها القشطه ..!! (( تنّوح )) ابن بار بوالديه وبخواله وعمامه .. حتى بجيرانه الله لايضره مزعج أهله ومقلقهم " أبي سياره ** أشتروا لي سياره " .. وهم " ساحبين " عليه لاهم اللي ردوا عليه ولاهم اللي رسوه على بر وميناء << اقعد .. مالها شغل الولد (( تنّوحي )) قفلت معه وطرطع .. قال لأبوه والله لأستقعد لكم ولا أنجح من ثالث الا ومفتاح السياره معي .. الوالد نشب به وقال انجح ومالك الا يشتريها لك ولسانه من هناك يقول " جعلهم يفصلونك مره وحده ونرتاح :mad: " (( تنّوح )) شد همته في دراسته وتخرج بنسبه (( ,,, % )) << ماتنقال بس اشوى انه ماطلع الأخير في الفصل << الأخير بايعها وراسب الشهاده .. هي طلعت ولا ماطلعت .. الله لايوريكم .. مافيه الا تفحييييط بالسيكل في سور البيت << على باله انه يودعه لعيون السياره أخونا في الله جاب الشهاده الصبح .. بعد الظهر لبس الثوب الجديد ومر على الوالد وهو واقف " بابا .. يالله لانتأخر " الوالد: وين يالشيخ ؟؟ .. " أبد قريب .. بنوصل الوكاله ونرجع " الوالد : أي وكاله ؟؟ " هماك ذاك اليوم تقول لي انجح واشتري لك سياره .. لاتنصّب :mad: << يمووووون " الوالد : يا ابني ذا الطفاقه من وين جايبها ( أكيد من برا  ..)؟؟ اركد ترى الركاده منيحه ماتسمع الأولين وش يقولون .. يقولون " إن في العجلة الندامه " << يسمع بالأولين وبعدين .. السياره اللي تبغاها وش نوعها ؟؟ رد عليه تنوحي " بعدين أقولك .. خليها مفاجأه " << متفاااائل مرت أيام ليست بالكثيره ولكنها بالكاد قليله حتى من قلتها تستطيع عدها بأصابع الرجلين فقط ..!! (( أرسل الحل واتصل على : 700999 تحويله : صفرين )) المهم .. الرجال قام يفكر ويهوجس ويشاور أخوياه عن السياره اللي بيشتريها وحط في باله كم من سياره .. يعني احتياط .. ان صابت والا طاحت من فوق المهم .. راح لابوه في الملحق يبغى يفاتحه في الموضوع لقاه يتابع قناة الجزيره هو وابوه اللي فوقه .. يعني برتبة " جد " << ترى ماحطوا الجزيره الا بعد ماخل الملحق .. يعني قبلها كانوا حاطين محطه ثانيه .. أنا أقول : أكيد يا هي العربيه أو المنار ..!!!!!! :p:pالمهم.. هو دخل الملحق ولا مادخل .. خذ أخلاق .. خذ ذوق .. خذ ابتسامات تعلو محياه خذ وخل  .... يجلس ويصب الشاي ويتبسم في وجه جدّه ويناظر معهم الجزيره و على طوووول يمسكها خط تنااااااحه في التلفاز ..وجدّه يناظره ويقول " صح اني تنح  بس الحمد لله اني لقيت واحد أتنح مني !! " المهم .. طولت جلست " تنّوحي " وقال مابدهاش لابد من الدخول في العنوان << مايفرق بين الموضوع والعنوان قام يتنحنح وقال : بابا .. ويلتفت عليه .. يرجع بالابتسامه ويقول : صدّء(ق) بالله .. والله اني احبك من يوم كنت صغير .. الا الان .. وحبك معشش في قلبي << معشش .. وين مكيف صحراوي وقال له : بابا .. وش صار في موضوعي اللي كلمتك عنه قبل كم يوم ؟؟الوالد : " أبد والله .. كلمت واحد في جامعة الملك سعود ويقول مالك هم .. ان شاء الله يدخل قسم الآثار والمتاحف " ..!!!!!!!!!! يلعنبوا المخرج :o:o.. ولده يكلمه في الدائري الشرقي .. وابوه يطلع له مولع " فليشر " مع طريق الحجاز ..!!! :p:p أكبر تصريفه مرت على تارخ الشرق الأوسط كله .. صررررفه تصريفه بنت يهووود << من هي ذي ؟؟ :l4 باين عليها مملوحه تنّوح : أي جامعه وأي آثار .. وينّا فيه.. في مدائن صالح ؟؟ << قالك على باله يستخف دمه عند ابوه يابوي الله يخليك لك أنا وهو أنا اللي متخرج مافكرت لا بجامعه ولا بمعهد .. تجي تقول لي جامعه .. يا انك تمزح اونك مخربها معي وجالس تستهبل .. خلنا نشتري السياره أول أهم شي والجامعه لاحقين عليها وبعدين يقولون انها ماتطير << القبول الفوري في جيبه ..الوالد : ايه السياره ايه ايه .. وش فيها ؟؟ << على باله مايدري .!  تنوح : متى أشتريها ؟؟ الوالد : قريب .. قريب ..!! تنوح : وش اللي قريب قريب .. تبغى تزحلقني انت مثل المره اللي راحت .. بدري عليك تراني فاهم تصريفاتك :mad:.. تصريفاتك هذي خلها على ذا اللي جنبك .. أبوك مدري جدتك مدري وش يصير لجماعتكم ..!! السياره شاريها ذا الاسبوع شاريها .. الله لايعوق بشر .!الوالد : طيب لايكثر .. تراك فشلتني عند أبوي .. اسكت وباشتري لك تنوح : لا ماعليك .. ابوك " متنّح .! " مع مذيعة الجزيرة .. قصدي مع الأخبار .. الوالد : طيب وش قررت تشتري .؟؟ << في البدايه يسأل تنوح خذ فرصته في الكلام : والله يا والدي العزيز الصراحه محتار بين كم سياره .. مره أقول بأشتري هذي ومره أقول هذيك ..!! الوالد : لايكثر .. اخلص علي !! :mad: تنوح : اححح .. بابا : انا أول سياره حطيت عيني عليها بصراحه " الفياقرا " ..!! << الولد دااااعس وما يدري شوي الا جدّه قالط معهم في محور الحديث لهذه الليله .. ويقول : كأني سمعت قبلشوي واحد يناديني :l4 ؟؟ << يتلكّك الوالد : أبد يا بوي الله يحييك .. الولد بيشتري له سياره .. تنوح : ايه ياجدي .. بأشتري " فياقرا " .. وش رايك ياجدي .؟؟ الجد : وشو ؟؟ :b4 :b4 :b4 وش فياقراه ؟؟ وشذا الكلام اللي مهوب حلو ؟؟ وبعدين وشلون يشتري فياقرا وهو ما بعد تزوج ؟؟.. وبعدين وشو له أصلا .. توه شباب ما يبي له " فياقرا " .. لا لا .. لايشتريها..!! << كلٍ على همه مشى الوالد : يابوي اسكت لاتفضح بنا .. الله ياخذك ما ينقال لك شي انت؟؟ :mad: تنوح : هي هي هي .. تحسبوني ما أفهم ..!! تراني فاهم فاهم وعارف كل شي << مسوي نفسه مستقعد لهم .. وبعدين ياجدي يالتنح .. وش أبغى بالفياقرا حقتكم .. ياجدي السياره اللي بأشتريها يسمونها " فياقرا " ..! الجد : ايه .. وأكيد يبيعونها في الصيدليه :p تنوح : جدي .. ورا ماتروح ترقد .. مهو بأصرف لك :mad: الوالد : طيب كم سعرها ؟؟ تنّوح : مدري .. بس يقولون لازم تشد على جيبك شوي ؟؟!! الوالد : وش تقول .. معاد الا هي .. أها بس .. من وين أجيب فلوسها جعلك تموت ..!! :mad: تنوح : وانت وش بيضرك .. " ما انتَ كانز .. ادفع " .. بأعرف تخزن ذا الفلوس عشان ايش ؟؟ بيت وعندك .. عيال وموجودين .. زواج ومتزوج .. ولا يالملعون ناوي تاخذ ثانيه << مترصد له الوالد : أقول مالك دخل .. وعض عليه .. " الفياقرا " شطب عليها ..!! :a7 الجد : أفاااا .. وش فيكم على " الفياقرا " ..!! << ذا الجد ماعنده نيه ينثبر .. فكوني عليه تكفون ..!! :mad: تنوح : خلاص ما ابي " فياقرا " بأخليها لجدي :p .. طيب بابا .. وش رايك في " الفولكس واجن " ..!! << يلعن ابو التحول .. من " فياقرا " ل " فولكس واجن " << ترى مابينها فرق أبد الوالد : لاتقولي انها ذيك الخنفسانه ؟؟ تنوح : هي ما غيرها .. صغيره وحليوه وكشخه << أمحقها من كشخه :p الوالد : وش رايك أشتري لك دباب بدالها مهوب أصرف :l6 .. لعنبوك انت تبي تشتري سياره ولا تبي تلعب سيارات تصادم ..!!:l4 << ذكريات بزر انت تشتري لك ذا السياره .! :mad:........(( الا على طاري سيارات التصادم .. لعبتها يوم كنت صغير وانا اللي أدور بها ومالقيت أحد أصدمه .. وألقى ذيك البنت :b4 .. ياهي أم 18 أو 19 : .. قلت مالك الا تطيرها << ترى البزران مهوب سهلين فيهم لكاعه انما إيه .!  وانا اللي أجيك من بعيد أمشي 180 وما أمداها تلتفت الا وانا اللي مدخل كبوت سيارتي في بابها اللي على اليسار .. والاهي تناظرني بعيونها:mad: وش فيك انت ؟؟ ماتعرف تسوق ؟؟ عمى يعميك ؟؟:mad: وانا اللي أبعد عنها .. وأكرّ عليها ضحك .. واحمد ربي عليها .. واقول في نفسي عشان ماتسمعني : الظاهر اسمها " سيارات تصادم " مهوب تدورين بها وتكشخين على بالك في التحليه .. ))تنوح : يعني لاهذي ولاذي .. وش أشتري طيب ؟؟ بيجو ولا كرسيدا ..!! خلاص مالي الا اللاندكروزر الوالد : جيب ؟؟ عسى مهيب تطول وش قالوا لك الرياض غابات وتلال عشان تشتريه ..؟؟ وبعدين الكرسيدا وش فيها :p:p أحلى من الكرسيدا مافيه .. خاصة اذا صارت " بوقس " ومظلله تنوح : نعم نعم .. أشوفك تلمح على الكرسيدا .. معاد الا هي أركب كرسيدا << وش عنده طال عمره الا وتطرق الباب " أم تنّوح " << وش عندها مؤدبه .. والله لاهي اللي طرقت ولاهي اللي استاذنت .. الا والله نسفت بالباب الى تشعر الجدار اللي وراه ..وتقول : وش تسولفون عنه ؟؟ ليش .. ووشلون .. وشو له .. انا اقول لا ومليووون لا .. وأرفض مطلقا ماتتكلمون عنه ..!! << وش عندها قلبت على الجليله اخت جسّاس الوالد : أقول وش فيك انتي نطيتي في حلوقنا ..؟ دخلتي في الموضوع بالارتفاع ( عرض و طول ) وانتي من الأساس ماتدرين وش السالفه ..؟الوالده : أقول .. انت وش دخلك .؟ من اللي كلمك انت ..أنا أكلم ولدي .! زحلقتها على الولدتنّوح : ألحين انتي وياه .. أبغى أعرف شي واحد بس .. ليش تسوون أنفسكم تتطاقون قدامنا وكل يوم صجه ولجه :a4 ومسوين فيها ان كل واحد مايطيق الثاني .. واذا دخلتوا غرفتكم ماسمعنا لكم لا حس ولاخبر :l6:l6 ..اذا دخلتوا الغرفه مانسمع الا السكينة والوقار .. بس أنا أقول انكم أكيد تصيرون تعبانين وتنومون على طووول؟؟:l5الوالد : صح عليك ياولدي .. تعرف يعني نصير تعبانين << غبي .. مايعرف يصرف .. المهم تقول لي تبي " الفولكس واجن " ولا " اللاندكروزر "؟؟ << تراه مايسكته أبد الوالده : بتشترون سياره .. ياحظكم .. خذوا بي دوره ؟؟ الوالد : دوره ولا أولمبياد ؟ :l6 << الحمد لله .. هذا كبره ومسوي راعي تنكيت الوالده : وش بتشترون ؟ ترى بزارينا واجد وربعنا واجد يعني يبي لنا سياره تظفنا تنّوح : ماما .. وش جابك فيذا الله يرحم والديك فكينا .. والا أقولك .. شوفي جارتنا " ام محمد " تطق الباب .. روحي افتحي لها الباب قبل لاتروح :mad: << ما وزعها الوالده : هيه هيه .. أم محمد .. أم محمد .... الوالد : لقيتها .. تنوح : من هي ؟ :l6 .. " أم محمد " ؟؟؟؟ << الدلخ يقول الكذبه ويصدقها .!!! الوالد : أول مره تقول أمك شي زين .. مالك الا " فان " عشان نرتاح منك ونرتاح من أهلك اللي كل يوم والثاني " ودونا ،، ردونا " والله اني ذيب بألزّقها في ظهر ذا التنح عشان ثاني مره يعرف يتفلسف .. ( وأضرب عصفورين بحجر ) << مسوي نفسه في مسلسل ويمثل مع عبدالمنعم مدبولي يالله قم قم مشينا ؟؟ تنوح : وين ؟ الوالد : أقولك وين ؟ تنوح : ايوه يابويا .! الوالد : خليها بعدين ؟ تنوح : لاتقول الوكاله ؟؟؟!! << ما انا عرفت المكان الوالد : والله انك فطين الجد سمع طاري الطلعه وقال على طوول : أبخاويكم اصبروا لي شوي ! << ترى والله لو ما تنطق وتسكت مهوب أصرف لك :mad::mad: .. ماله داعي يقولون تصفق تالي عمره << قهرني ذا الشايب .!! :mad: تنّوح .. ياحبيبي مابيدك حيله .. ذا الأم طبت عليكم وعفست كل مخططاتك لشراء سيارة العمر .. بس أزيدك من الشعر بيت .. تراها متوعدتك بعد ما تطلع من الملحق عشان تخليك تشوف " أم محمد " صدق ..! يعني .. وانت رايح تشتري سياره ما تبغاها .. فوق كذا .. تلفخك أمك وتزيد الطين حليب بس أقول : لاتنسى تاخذ من ابوك فلوس البنزين وانت طالع من الوكاله تراهم مايعطونك بنزين هديه يابو وكاله .. سلاااام لأحلى سيّاره مالت عليك وعلى حظك
آخر تعديل تنـّوح
في 09:23 PM.
|
|
20-08-2003, 11:03 PM
|
رقم المشاركه : 2 | |||||
|
من شيوخ الحاره
|
ههههههههههههههههههه ههههههههههههههههههه مشكلني حبك ياقلبي مشكلني <--------- هذا اللي يرد ويسمع اغاني قسم بالله مزعت قلبي من الضحك وجنوبي تحولت لطحالب في البحر تركض تقول ارفق علينا يالقنفذ:l4 انت منسم <------ قل قسم وبشر امك مرة وحده مايمنع نقتبس ياقلبي انت :l5 اقتباس:
<----- وش يبي زيد المولداقتباس:
اقتباس:
اتصلت على هالرقم رد علي واحد يقول وش حلك انت وخشتك ماتستحي تتصل على بيوت عوائل في نص الليل(( الثور داق الساعة 4.30صباحا )) <----- توقع انه بترد بنيهاقتباس:
هههههههههههههه ههههههههههههه ليه الشياب طايحين بالجزيرة ان كانوا بلحالهم وان دخلت تنحوا وقالوا والله الاخبار السنعه اقتباس:
قسم بالله لو اقتبس الموضوع كله ماوفيتك حقك كاتب كبير جاي بسرعة صاروخ مضيع طريق الحبشة ياخال مميز بكتاباتك وطلعاتك وذباتك على جدك بس تكفى لاتقاطع وننتظر جديدك تحياتي [/ALIGN]
|
|||||
|
21-08-2003, 02:06 AM
|
رقم المشاركه : 3 | ||
|
من شيوخ الحاره
|
انا جيييييييييييت -----> بشري امتس هههههههههههههههههههههههههههههههههههههههههههههههههه هه هههههههههههههههههههههههههههههههههههههههههههههههههه هههههههه الله يرجك براطمي نضجن من زود الضحك ااااه يا ظهري تعفط اما عليك حتسي مب طبيعي .. ما يمنع اننا نقتبس ونغمسه مع شوية دبس ----> يا ملغي اقتباس:
هههههههههههههههههههههههههههههههههههههههههههههههههه ههههههههههه من جد جدك ذا مهوي ذا حال الشيبان اوقسيم انه جدك سعودي بدون هويه جاااااب العيد اقتباس:
تسديده قويه ثنين صفر :a6 هههههههههههههههههههههههههههههههههههههههههههههههههه هههههههههههه امحق من شد العود على القعود وخخخخخخخخخخخخخخخخخخخخخخخر بس وعسى نشوف دايم التميز[/ALIGN]
آخر تعديل داجتن بقريييييح
في 10:33 PM.
|
||
|
21-08-2003, 05:22 PM
|
رقم المشاركه : 4 | ||||||
|
من شيوخ الحارة
|
هههههههههههههههههههههههههههههههههه حسبي الله على شيطانك يالهيس الاربد ... قسم بالله تمزّعت من الضحك ... والله تسنك تحكي معاناه كل متنّح داج مافي راس أمه دراسة .. ويبي يشري سياره ... كلامك موزون وأسلوبك رائع والافكار واضحة والشخصيات مضبوطة ... بالاختصار مبدع ... وكلامي اللي فوق ما يمنعني أني أقتبس شوي وأعلق عليك (( شايفك شمّاعه )) اقتباس:
هههههههههههههه تدري عقب ما قريت موضوعك صرّفت الاعضاء عشان تشوف المنتدى يغط بسبات مرّتن ثانيه (( وجه واحد ما يعرف يقول نزّل موضوع ثاني )) ... بس ماحركت شيّ بالعزوبي (( متنّح )) اقتباس:
ههههههههههههههههههههههههههههههههههه حسبي الله عليك يالخبل ... خطمه مالها دخل ... متنّح ويقول منيحه ... من وين لك ذولاك يتنّحون ((راحوا وطي )) .... اقتباس:
هههههههههههههه طوّلت على من ... الجدّ وابوه .. والا على الولد .... اقتباس:
ومن هناك ما يعرف الا .... هههههههههههههههههههههههاقتباس:
ههههههههههههههههههههههههههههههههههه هههههههههههههههههههههههههههههههههههه حسبي الله على من علمك تطقطق على الكيبورد ياخبل ... والله يا انا تمزّعت من الضحك على هالمقطع ... وماهوب حسوفه والله اللي يقراه أكثر من مرّه ... (( نسخه لكل بنت في المنتدى ))اقتباس:
هههههههههه اجل اللي بيجي الملّحق ما يطق جداره (( حركاتنا )) ... تلقاه يطل من وسط الشق اللي في الجدار ... والله مهما اقتبست ... ومهما قلت مااعطي المووضوع حقّه ... مبدع ... وحياك الله ياقلبي ... ولاتبعد واجد ... الموضوع مثبّت .. ثم ينقل الى سطل المواضيع المتميزه بعد اكتمال الردود .... تحياتي لك ياقلبي ... حاذفكووووووو [/ALIGN]
|
||||||
|
22-08-2003, 09:57 AM
|
رقم المشاركه : 5 | ||||
|
مشرفه
|
هههههههههههههههههههههههههههههههههههههههههههههه ههههههههههههههههههههههههههههههههههههههههههههه خبل X خبل X خبل X خبل X خبل X خبل مسطل ماااااشي ملييييييييييون ضرب ملييييييييييون خخخخخخخخخخخخخخخخ مشهد كومدي على حبكة دراميه .. وكل شي قلته بكفه و جدك ذا السطل بكفه ثاااانيه هههههههههههههه اقتباس:
اجل خلها على ذا اللي جنبك ... ههههههههههههه وربي انك منسم اقتباس:
اجل يشتريها من الصيدليه .. قل له تراهم يبيعونها بالبوفيه << خذ ذا الكمخه الثانيه اقتباس:
ههههههههههههههههههههههههوالله لو اجيب عشرين عيار ما كتبوا ذا اللي كتبته انت اجل تعبانين لا انا اعلمك هم زعلانين ويلعبون مع بعض اللي يتكلم هو حمااار هههههههههههههههههههههههههههههههههتستاهل التميز بقووووه يا متننننح .. موضوع ولا احلى ... و عجل لنا بجديدك ... برايفت حاذف اقتباس:
<< اللي على راسه بطحه .. .. اكيد انت اللي صادمني يوم اني جالسه افر بالسياره الحمراء وكسرت ذرعاني اشوه ان برقعي فيه تقنية اير باق ولا كان خشمي غدا مكانه خفس [/ALIGN]
|
||||
|
22-08-2003, 11:58 AM
|
رقم المشاركه : 6 | |
|
سعيدان المساطيل
|
ههههههههههههههههههههههههههههههههههه هههههههههههههههههههههههههههههههههههه الله يرجك ثم يرجك ثم يرجك موضوع قوووووي ومميز وبدايه قووويه يا تنّوح اقتباس:
[ALIGN=CENTER]هههههههههههههههههههههههههههههههههه انت تقوله والله اني اذكر وانا بزر امد حلاو قطن((قديم )) لوحده جنبي واذا قطعت بيدها اقطع من نفس مكان يدها من شي(ن) فيني[/ALIGN][ALIGN=CENTER]موضوع مميز يا تنّوح ويعطيك الف عافيه ولاتبطي علينا بالجديد واتوقع لك مستقبل قوي لانك متميز با اسلوبك وطريقه طرحك <<< طرحك ولا خيارتك <<< انطم وطس[/ALIGN]
آخر تعديل دعلج
في 12:02 PM.
|
|
|
03-10-2003, 11:35 PM
|
رقم المشاركه : 7 |
|
من شيوخ الحارة
|
...
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
