|
|
|
|
 |
 |
 |
 |
 |
|
 |
 |
 |
 |
 |
|
 |
 |
|
 |
18-10-2003, 01:38 PM
|
رقم المشاركه : 1 |
|
مشرف التطوير
|
فاطر ويقول صيام هالسنه مهنا تعب !!!
هلا والله وغلا كل ابوكم  اول شي مبارك عليكم الشهر المبارك .. الله يعيده علينا وعليكم بالصحه والعافيه يسرني ويشرفني اني اكتب لكم اول موضوع لي في هالمنتدى وهذا الموضوع راح يكون مناسب ويناقش مشكله اجتماعيه نشاهدها في شهر رمضان كل سنه ...... << يارجال مهنا فايده من ورى هالخشه قم بس  * الموضوع * ناس استقبلت رمضان بالصيام والقيام و بالدعاوي والعباده والطاعه والكثير من الامور الدينيه ... وناس سملق ( منيب منهم ) استقبلوها فله حجاج وسهر وقله حيا ولا يدرون عن رمضان انه دخل الا اذا جا بعد المغرب وشافوا طاش ماطاش يعرفون ذيك الساعه او يستوعبون ان رمضان دخل وهالدلوخ بعد طاش ماطاش ينسون انهم في رمضان ويكملون مسيرتهم في ( الفهاوه المطلقه ) الين اول مايسمعون صوت الامام يذّن الفجر .. تلقاهم كلهم يتسابقون على الثلاجه يجغمون من هالمويه ... الين تلقى الواحد من كثر مايشرب مويه طالعن مع خشمه من زود الشفاحه اللي يشوفه الحين يقول توه طالع من سباق ماراثون كل هالجغم وناس تلقاهم جالسين في مجلس ويدخل وقت الاذان وتلقاهم يسمعون صوت المؤذن وتلقا الواحد توه يولع زقارته (( يسمى هذا الفتى الخرمه ومنيب منهم )) وتلقون الأذان انتهى وبيقيمون الصلاه وهو شاب(ن) هالزقاره جعل يشب فمه واذا قلت له يافلان ليه يخوي ماطفيت زقارتك ؟ يقول يارجال خلاص ما امداني اخلص اخذتني السواليف ومن هالحتسي الفاضي وشكلي بفطر !!! وطبعا يفطر طول اليوم عادي ولا كأن شي صار واذا جا وقت الفطور تلقونه (مرتز) اول واحد ,,, وفي روايه أخرى ( جالس ) اول واحد على السفره ويقول والله ماشاء الله رمضان هالسنه مهنا تعب !! (((( وين تعب فيه جعلك الريح اللي ينفخ بطنك يالوح مفطر وجالس على التلفزيون والنت والمكيف شغال وكلش عندك وتقول تعب )))) pb036ويلاحظ في رمضان حركات شباب تسمى ( حركه النص كم ) تلقونه مضلل سيارته كلها ( طبعا منيب منهم ) وتلقونه اذا طلع للجامعه ولا المدرسه كن احد حالفن عليه مايحضر للدوام !! طبعا تلقون الرجال معبي بنزين فل وملبق عند محطه او بقاله ( ميد ) يدخل يشتري له همبرقر ولا هوت دوق ولا اي ساندوتش موجود وياخذ بعد حلويات وياخذ كم مشروب معه عشان يسلي نفسه وهو يدور ((( الله ابوك يابن اللذينا بتطلع تجاهد انت عشان تاخذ كل هالاكل ؟؟ اللي يشوفه يقول بيفطر عائله كامله على هالاكياس ))) ومسكين ياخذ هالاكياس ويطلع يتمشى في هالشوارع وفي هالقوايل والسياره مضلله ويدور في احد الشوارع يعرف بعضها ب( الدائري ) يعني در محد لمك << ياشين اللوح اذا فهم الشي غلط وبعد مايبلع كل هالاكل يدخل وسط الرياض في احد شوارع العليا او غيرها وهو واقف عند الاشاره في لحظه نسيان يفتح الشباك بيسولف مع خويه او بيرمي منديل ماتشوف الا عجعجه دخنه تطلع من السياره !! لدرجه مره من المرات وقفت جنبي سياره يوم فتح الرجال الشباك شفت دخنه تطلع نزلت بطفايه حريق مسوي ابساعدهم بس طبعا عادي دخان بالنسبه لهم وفي رمضان تكثر طلعات الاستراحات والبر ,,, ويلاحظ في البر العجب العجاب يعني تلقاك جالس الصبح في هالرمل تدربي راسك .. وماتدري الا جيب يمر جنبك ولا دتسن وتشوف سحابه وراهم تلحقهم (( دخاخينهم )) يعني ابي اعرف الدخان مايحلى الا في رمضان ؟؟ وفي جميع هالحالات السابقه كل واحد يرجع لبيتهم واذا أذن المغرب جلس اول واحد على السفره وقال (( والله رمضان هالسنه مهنا تعب الحمدلله )) واكثر شي يرفع الضغط اذا جلسوا هالمبزره مع بعض قام كل واحد يسأل الثاني كم مره فطرت وكم مره صمت ؟ (( وين يخوي بتلعب تنس انت على هالاسأله )) لا واللي بعد يرفع ضغط الواحد اذا اذن الفجر وخلاص الناس صامت يجي واحد يقول للثاني ياخي شكلي بفطر مالي خلق اصوم او يقول هاه تبي نفطر اليوم ولا نصوم !!!((( وانت يخوي بتلعب على ربك ؟ حرام والله )) الصيام لازم له نية موب خبط لزق الدعوااا لكن في النهايه ابي اذكر كل واحد قال هالجمله (( رمضان هالسنه مهنا تعب )) وهو مفطر .. ابي اقوله ليه تخاف ان اهلك يدرون انك مفطر ولا تخاف من ربك ؟؟ وابي اسالك هل تعرف ان الصوم ركن من اركان الاسلام !! (( قد يكون هالسؤال واضح عند البعض لكن عند البعض الاخر غير واضح )) ومن ضمنهم انا  [/ALIGN]
|
|
|
18-10-2003, 02:17 PM
|
رقم المشاركه : 2 |
|
من شيوخ الحاره |
والله كلام كبير ياكبير ... الموضوع طويل وتفصيله يبي له ردن اطول منه .. ما ازيد على قولك الا كم كلمه ... وهي ان رمضان شهر الشياطين فيه مربطه ولو حاول اي واحد انه يترك معصيه او يتوب من ذنب بيلقى الامر سهل بهالشهر .. جربوا و شوفوا ... والصيام امره عظيم ومايقوم الاسلام الا به ... يعني الواحد يطلع من الدين ويصير في حكم الكفار لو ثبت انه مايصوم رمضان او ترك ولو يوم واحد منه عامدا متعمدا من دون عذر ... وذا امرن ما ينلعب فيه حاله حال الصلاة ... وكل واحدن يعرف وين هو رايح .. وان بعض الامور ما ينتساهل فيها ابدا .. يعطيك العافيه ياعضو .. والموضوع رهيب مثلك .. << امحق مدح .. [/ALIGN]
|
|
|
|
18-10-2003, 03:27 PM
|
رقم المشاركه : 3 | |
|
مشرفه
|
اقتباس:
 الله يهديهم .. والله هاللي يجغمون الماء وقت الاذان ياكثرهم .. على مين يلعبون جعل البرص يعلب بخششهم .. ذكرتني يا عضو بقصه واحد كل يوم يتوزا بالمجلس و ياكل عسكريم و اذا قضى طلع عاد بيوم كبس عليه النوم و يوم جا ابوه وقت المغرب يناديه فز على صوته و قام متروع الا الملعقه ناشبه بشنبه ههههههههههههههههههههههههههههههههه يعطيك العافيه عضو .. موضوع حيوووووووي كتير ويحتاج وقفه الى الامام [/ALIGN]
|
|
|
|
|
20-10-2003, 09:12 PM
|
رقم المشاركه : 4 |
|
مشرف الدكة
|
يعني اما انهم بزران ولا ناس دينهم يعتبرونه آخر اهتماماتهم يعني اذا الواحد فيهم حتى الصلاة مايصلي وشلون تبيه يصوم ؟ ذول صيامهم من اصله غلط بس شف هاللي ماياكلون ولا يشربون وينقالهم صايمين ينامون بعد الفجر ومايقومون الا قبل اذا المغرب بعشر دقايق ويصلون الظهر والعصر مرة وحدة وينقرونها كنقر الغراب ثم يذن المغرب ويفطرون وين الصيام والتعب وهم طول فترة النهار نايمين وماحسوا لا بجوع ولا عطش ؟ صيامهم صحيح بس ضاع عليهم اجر كبير لانهم طول الصباح وهم نايمين وضيعوا صلاة الظهر والعصر وقاموا للفطور يعني رمضان صاير شهر الاكل ناس تستعد لهالشهر بالطاعات وناس تصف طابور عند اللي يبيع ورق سمبوسة والله حال كثير من الناس في غير رمضان أفضل من حالهم في رمضان قال الرسول صلى الله عليه وسلم: "ربَّ صائم حظه من صيامه الجوع والعطش، ورب قائم حظه من قيامه السهر" يعطيك العافية عضو على هالموضوع الرائع |
|
|
|
28-10-2003, 07:24 AM
|
رقم المشاركه : 5 |
|
कंट्रोलर जनरल
|
وبعض العلماء قال اذا كان جاحداً بأصل وجوبها فهو كافر ياجماعة الخير هذا شهر بين 12 شهر والله مهووب هم الصيام فيه الا والله يازينها اذا اذن تحس انك انبسطت و وتجي مدرعم للصاله تشوف السنبوسه واللقيمات ودك من الشفاحه تاخذ كل شي ولا تعطيهم الا تمر يعطيك العافيه يادب موضوع روعه
|
|
|
|
29-10-2003, 01:04 PM
|
رقم المشاركه : 6 |
|
توه ساكن
|
هههههههههههههههههههههههه ياحبي لك ياشيخ انا وانت مانصلح الا نتعير على خلق الله والحريم لاتعيرنا عليهن زعلن تشاو ياحلو ان شاء الله نبيض وجهك بالمواضيع <<< بيفتح عيادة نساء وولادة عندك بذا:a6 |
|
|
|
19-11-2003, 06:12 AM
|
رقم المشاركه : 7 |
|
توه ساكن
|
ويبون الامه ترقى وهذا حال بعض شبابها نسو حديث الرسول صلى الله عليه وسلم اللي بما معناه انه من فطر يوما في رمضان بلا عذر .....لم يجزه عنه صيام الدهر وان صامه من جد حال يبككككي |
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
