|
|
|
|
 |
 |
 |
 |
 |
|
 |
 |
 |
 |
 |
|
 |
 |
|
 |
02-11-2003, 12:47 AM
|
رقم المشاركه : 1 |
|
من شيوخ الحاره
|
الاستراحه الثانيه " القنوات العربيه "
السلام عليكم ورحمة الله وبركاته,, مبارك عليكم الشهر وأعاننا الله على صيامه وقيامه <<----- بدري بعد ماراح اسبوع تجيء تبارك لهم !! استئنافا لما بدأته سنيوره في الاستراحه الاولى / التسول استغلال ام حاجه ملحه نكمل معكم الاستراحه الثانيه .. ***** البرامج الدينيه..!! من الطبيعي ان ترتفع نسبة البرامج الدينيه خلال شهر رمضان الفضيل لكن الوضع لم يتغير كثيرا عما كان عليه في بقية الاشهر !! لا ابالغ إن قلت أن نسبة البرامج الدينيه لا يتعدى اثنين بالميه من وقت البث في اغلب القنوات العربيه حيث نرى ان كل قناه خصصت برنامج ديني واحد قبل الافطار بربع ساعه !! انا تكلمت عن رمضان لانه المفترض تكون نسبة البرامج الدينيه هي الاعلى بين البرامج لكن لو تكلمنا عن بقية اشهر السنه ف الوضع حدث ولا حرج .. بث ل صلاة الجمعه والبعض من القنوات تعدى ذلك ب برنامج ديني بعد بث الصلاه ( فيهم الخير بصراحه ماودهم يجيبون صلاة الجمعه وبعده مسلسل او برنامج اغاني  ) إهمال كبير للجانب الديني من خلال قنواتنا العزيزات حتى وصل الاهمال ل شهر الرحمه واستبدل فيه ذكر الله بعرض المسلسلات والاغاني !! صراحه انا متشائم ل الوضع في السنوات المقبله واعتقد ان البرامج الدينيه ستمحى من قائمة البرامج حتى خلال شهر رمضان ..  ***** البرامج الحواريه.. !! هنا حدث ولا حرج .. برامجنا الحواريه توضح وبجلاء " مايمديكم " مقولة " اتفق العرب على الا يتفقوا " .. مشاكل وهواش تقول كأنهم طلاب متوسطه وكل واحد يحسب الاقناع والحوار والنقاش ب رفع الصوت !! يعني ينتهي البرنامج بلا فائده للمشاهد طبعنا لو نجيء ل المواضيع المطروحه في هذه البرامج نجدها للاثاره وجذب انتباه المشاهد.. قناة حواريه جديده وتريد الشهره فلم تجد سوى موضوع النقاش بين السنه والشيعه !! طبعا جميعنا نعرف المهازل التي صارت خلال هذه المناظرات والنقاشات  لكن هل نحن بحاجه ل توحيد الصفوف في الهجمه الشرسه ع العالم الاسلامي ام بث الفرقه؟!! طبعا الحين طايحين في برامج عن المملكه العربيه السعوديه في محاولة جديده لشد انتباه المشاهد السعودي ***** برامج المسابقات.. !! من عادتنا يالعرب اذا شفنا شيء ناجح رحنا نقلده.. ( لو نشوف فوال ماشي سوقه لقينا جنبه عشر محلات فوال !! ) قبل كذا سنه اشترت ام بي سي حقوق برنامج ( من سيربح المليون ) للمنطقه العربيه ونجح البرنامج في تلك السنه وتفاجأنا في السنه اللي بعدها عدد من القنوات اشترت حقوق برامج اجنبيه !! طيب ليش التقليد؟ ليش مافيه ابتكار لبرامج ومسابقات ..؟ طبعنا برنامج ( من سيربح المليون ) خفت نجمه بعد فتره من الزمن بسبب عدم التجديد والاستمرار على نفس النمط ومثله باقي البرامج.. ***** محاولة اعلامنا صد الهجمه الغربيه الشرسه على الاسلام بعد احداث 11 سبتمبر ..!! طبعا بعد احداث 11 سبتمبر واتهام القاعده كانت القنوات الامريكيه تطالب بضرب جماعة القاعده في افغانستان حتى تعدى الامر ل اتهام المسلمين في كل مكان ب مايسمى بالارهاب !! في حين ان قنواتنا لم تحرك ساكنا وبقيت صامته ترقب الفعل الامريكي وتحاول تغطية حربها ضد الارهاب !! لم توجه قنواتنا اي برنامج ل الغرب ومحاولة تحسين صورة الاسلام والمسلمين في أعينهم بعد تشويهها بسبب احداث 11 سبتمبر وكأن الامر لا يعنيها لم يحاول اعلامنا المرئي الدفاع عن ديننا والتعريف عنه بصورته الحسنه في وجه الهجمات الشرسه من قبل الاعلام الغربي على الاسلام وتعتبر هذه القاصمه في ظهر قنواتنا العربيه !! هل نعتبر ان اعلامنا المرئي واسطول القنوات العربيه الضخم .. لم ينجح احد؟ ***** اعذروني على ركاكة الاسلوب او اذا قصرت في جانب من جوانب الموضوع [/ALIGN]
|
|
02-11-2003, 01:08 AM
|
رقم المشاركه : 2 |
|
مشرفه
|
------ بااااك ..موضوع القنوات العربيه و سالفتها مع رمضان يجيب الحسره .. انا عن نفسي تركت التلفزيون من يجي سنه و شوي .. يعني اسيّر عليه على الماشي و بشكل خاطف احيانا << الله من البلاهه اما اقابله والله تنفقع كبدي منه ... ان حطوا لنا مسلسلات .. من اولها طقاق و بكا و تصفيق وان جينا للبرامج الحواريه او النقاشات .. تلاقي موضوعهم حلو بس مذيعهم حقنه و مايصلح الا يشتغل في نخل على ركاكة اسلوبه وان جيت للمسابقات .. اكبر نصب و احتيال والباقي من امثال داود حسين و غيره من تقليد اعمى لشخصيات عربيه ماتهمنا في شي اما البرامج الدينيه ... فللاسف الجميع مقصر و مقل فيها .. ماعدا شوي القناة الثالثه الرياضيه ارحم شوي بالتغطيه الدينيه و مثل ما قال اخوي داج .. الاصل هو الالتزام بالدين سواء برمضان او غيرها .. يعطيك الف عاااافيه يا سمران ما قصرت على طرحك لموضوع حيوي و مهم .. والف شكر لشاركتك المميزه في الاستراحة ..
آخر تعديل سنيوره
في 09:54 PM.
|
|
02-11-2003, 04:06 PM
|
رقم المشاركه : 3 |
|
من شيوخ الحاره
|
وودي اقول شي .. اذا بغينا نهرج عن الاصل الصحيح في مثل هالأمور فتراه من الخطاء تسمية ةتصنيف البرامج الى ديني وحواري وترفيهي ... الخ الأصل هو كون جميع البرماج دينية بمعنى انها تلتزم بحدود الدين و الشرع على جميع انواعها من الحواري وانتهاءا بالترفيهي .... ووجود عامل ( رمضان ) المفترض ان لا يٌحدث اي فرق في نوعية المطروح ... لكن المصيبة ادهي واقسى وأمر !!! أن رمضان على عكس ما كان يُفترض به أن يؤدي من دور تهذيبي للبرامج اعطى الضوء الأخضر لمزيد من " الاستخفاف " و " المرقعة "و قلة الدين قبل الحيا " .... في كثير من البرامج على جميع المنابر الفضائية .... وصدقوني ياربعي ان هذا مؤشر خطيييييييير جدا لنقلاب المفاهيم والقناعات .. وياساتر من الي جاااااي شكرا اخوي سمران على هالموضوع الهام وتكفى وصل لي سلام على خوشممك
|
|
03-11-2003, 02:10 AM
|
رقم المشاركه : 4 |
|
رسام الحارة
|
وعليكم السلام ورحمة الله وبركاته وكل عام وانت بخير ومبروك عليك الشهر المبارك ..اعاننا الله على صيامه وقيامه .. موضوع حلو مشكله حاصله وموجوده في كل سنه في كل رمضان :mad: بنسبه البرامج الدينيه فللاسف الوضع معاها كل ماله اسوء من قبل تجد البرامج الدينيه نادره على الشاشات العربيه واذا لقيتها تلقاها على قولتك قبل الاذان بربع ساعه بس ومدتها ربع ساعه واحيانن عشر دقائق بس :a9 ومن الامور المحزنه ايضاً تلقى بدايتها ونهايتها موسيقى احيانن :l6:l6 الله يعين كل هذا في شهر خير وشهر صيام وشهر دعاء ومغفره ورحمه بدل ماتكون معظم البرامج دينيه وذا منفعه للصائم ...تكون بهالوضع الله يعين. اما بنسبه البرامج الحواريه فاانا اقولك كلها مامنها فايده الا بس اثارة الفتن والمشاكل بين الناس واكثر القنوات الي قايمه بها قنوات وراه دعم يهودي ... وكلامك صحيح بعد ماتعبوا من سالفة الشيعه والسنه الحين طبوا في السعوديه والشعب السعودي والحكومه وغيرها من الامور فقط لاثارت المشاكل وعاد لاحوار ولا شي سب ولعن وصراخ تقول ضراير صايرين خخخخخخخخخ :a7 برامج المسابقات فهي مجموعة برامج غبيه وتقليديه وكلها موسيقى ومصخره حتى معظم اسالتهم غير مفيده كلها فنانين وفنانات وافلام وخرابيط من جد قلة حياء ...اقول مابقى الا يجيبوا سوبرستار في رمضان خخخخخخخخخخخخخخ لا فعلاً مافي اتكار وايجاد شي من انفسهم كل سرق ونهب وتقليد من الغر طيب قلدتوا حولوها الى الطابع الاسلامي بلاش تقليد الاعمى هذا ؟؟؟:b2 اما تعليقك الاخير احب ان اقول اعلامنا سخيف جداً وجبان جداً ... في الامور الي فيها امريكا يكتفون بتعليق بسيط ويصمتون ولا حس ولا خبر لاكن جيدين في الكلام والفلسفه عن صدام والعراق والامور هذي ... حتى بعض الدول ماشاء الله الحرب انتهة لها سنوات وهم لسه بيعلقوا على العراق وصدام ويقولوا اخوان ؟؟؟:l6:l6 لاكن بوش الخنزير ومايسونه في العراق وفلسطين هو والسلقه شارون عادي محد تكلم :b2 الله يهدي الجميع لما فيه الخير سلام
|
|
03-11-2003, 09:53 PM
|
رقم المشاركه : 5 |
|
عميد المشرفين
|
اسف على التأخير
<<< لزقه شف يابعد حيي انا الحقيقه لازم اشيد بالقناة الاولى والقناة الارضيه مع ان ماعندي اريل بس منول يوم انا عند اهلي كنت اشوفها بعد المغرب القناة الاولى تعد برامج دينيه اكثر من رائعه واذكر فيه برنامج اسمه (دين ودنيا) يجي بعد الظهر كل يوم خميس برنامج اكثر من رائع يناقش الامور الدنيويه في اطار الدين بشكل ممتع وجميل ... ومازلت اتذكر حلقة الشعوذه والسحر وكيف ضربت ضربه بدول الخليج حتى ان قناة البحرين احضرت المشايخ وعرضت لهم برنامج عن فك السحر ... والقناه الرياضيه الارضيه اذكر كنت تجيب برامج حلوه عقب صلاة المغرب مره مع سعد البريك ومره عايض ومع غيرهم وتناقش مشاكل الشباب بكل بساطه ومن دون تكلف ....... انا والله رغم اني بعض الاحيان اقول هاذي قناة باالله ؟؟ بس مع ذلك اقدر الجهد المبذول في القناه الاولى خصوصاً البرامج الدينيه .... برضو قناة المجد اكثر من رائعه ... ولها فكر جديد وتحس انه متعوب عليه واللي قايمين عليه فاهمين وش يبغون الناس الف الف الف شكر ولانوفيك حقك ياسمران على هالاسلوب وهالفكره الحلوه
|
|
04-11-2003, 06:04 AM
|
رقم المشاركه : 6 |
|
कंट्रोलर जनरल
|
يارجال اطلق شي قناة سات سبعه المسيحيه <<<< على طاري انقلاب المفاهيم والقناعات والعقائد ... أخبر واحد من العيال مايتابع الا هالقناة المسيحيه وأقوله وراه يقول :ياخي مسلسلاتهم قصصها فاصخه <<<تفكير سعودي مليون بالميه صار الحين للأسف الشاب او الجحلوط السعودي يدور على الطماله وعلى المراجه معاد هوب حده اغاني ومسلسلات نرجع لمحور حديثنا صادوووو<<< اقول كل تراب بالنسبه للبرامج الدينيه من طبع الأنسان ملول ويحب التغيير وعموماً حنا يالسعوديين من يومنا بزران وحنا بين عائلات محافظه والأم بالمطبخ تصلح غداها والرادو على اذاعة القرآن والأبو تووه جاي من المسجد ويذكر الله والولد الصغير (الي هو انا وانا ضغير ) قاعد يذاكر كتاب التوحيد عليه بكره اختبار ... الي ابي اوصله ان السعودي عموماً يعرف اشياء كثيره او كثيره جدا عن دينه ولله الحمد وبيني وبينك محد قاعد عند برنامج ديني جايبين شيخ الظاهر ساحبينه من فراشه لكن التلفزيون السعودي يقوم بخطوات رائعه يشكر عليه من خلال برامج دينيه متجدده في الأسلوب والطرح والنقاش وحتى الديكور الي اخبر ديكور البرامج الدينيه متسلفينه من عفش فيلم الرساله القديم فالتجديد والتنويع في البرامج الدينيه يدعو شريحه أكبر من المجتمع الا متابعة الحلقه بالنسبه للقنوات الفضائيه الأخرى طبعاً قنوات علمانيه بحته وين تبيهم يجيبون برامج دينيه؟؟ لا ولا يجيبون الا الدكتور طارق السويدان ويجيبونالساعه 6 الفجر دارين ان محد حول التلفزيون ولا وقت الذروه تسمع بها اما المسابقات فهي محومتن تسبدي كل قناة رازين لهم فنان ماسكله مسابقه وانا مهووب غابني غير نور الشريف اجل ممثل طول وعرض وجايبينك تقدم ولا تعرف تقرا ؟؟ يارجال الله يرحم ايام مسابقة حروف هذا الإبتكار ولا بلاش يعطيك العافيه اخوي الغالي سمران موضوع رائع اشكرك ولاتعبت [/ALIGN]
|
|
04-11-2003, 06:08 AM
|
رقم المشاركه : 7 |
|
من شيوخ الحارة
|
 وربي قووووووووووووووووووووووي !! ما شاء الله عليك يا ولد الذينا .. تعليقي على موضوعك .. بالنسبة ل : ----------------------------------- البرامج الدينيه..!! ابدعت .. زوما خليت لنا الا حتات ... لكن يا قلبي .. هم يحطون لنا رؤوس اقلام .. وحنّا علينا الباقي .. وترا الاعلاميين في وزارة الاعلام .. يتعبون تعب ما يعلم به الا الله .. بالتوفيق بين الامور الدينية .. وغيرها ... والله يعينهم .. وتسلم على كلامك الكبير اللي قلته لي <<-- كل تراب نصاب ---------------------------------------- بقية المحاور .. ما اقدر اقول الا  عيني عليك بادرة .. ------------------------------- سمران .. اهنيك واسجل لك اعجابي .. يعطيك العوافي .. يالوافي .. يا مخلص يا جافي .. يا مولع يا طافي .. يا ماشي يا حافي ... يا مراعي يا صافي ... <<---- مشكلته : ماخذ في نفسه مقلب انه يسجع زين الف تحية لك .. من اعماق تسبدي .. تسلم لنا .. وتسلم للمساطيل .. وربي فخر وجود مثلك معنا [/ALIGN]
|
|
04-11-2003, 09:52 AM
|
رقم المشاركه : 8 |
|
من شيوخ الحاره
|
انا ولله الحمد مرتاح من التلفزيون هالسنه ماعندي دش عربي في الشقه ولا فكرت اركبه والحمدلله حسيت بالفرق بين رمضان هالسنه ورمضان العام الماضي .. سبحان صار رمضان بالنسبه لهم موسم ينزلون فيه تفاهاتهم وسخافاتهم ولا فكروا يراعون حرمة الشهر !! والله يعطيك العافيه على الرد داج هاج .. انا معك اخوي بالنسبه للتصنيف وانه خطأ لكن كتبت الموضوع حسب ماهم يصنفونه في القنوات شيء عجيب اللي يصير الان في القنوات العربيه واتجاهها نحو السخف وتطنيش البرامج المفيده ومنها ما تذكرنا بشهر الرحمه لكن صار اغاني وسخافات يستحي منها الشخص وياساتر من اللي جاي وبعدين مفروض تكلمني باحترام وتقول يا عمي  <<---- قام يتلمس خشمه يبي يشوف وش الغلط يعطيك العافيه وانا عمك خالدكم .. انت ملاحظ؟ ههههههههههههههههههههههه برنامج ديني وبدايته موسيقى !! اشوا انه تذكروا انه برنامج ديني وماحطوا بدايته اغنيه يغنيها مطرب <<---- مايقهرني الا المسلسلات اللي تعرض العصر والناس صيام وبدايتها اغنيه ونهايتها اغنيه بالنسبه للبرامج الحواريه يختارون مواضيع للاثاره وفي الحلقه يجيك المقدم ويزيد من العيار شوي عشان يشد انتباه المشاهد .. مافيه احترام لعقل المشاهد هههههههههههههههههههههههههههههه على طاري الحين بعض القنوات تسمي العمليات الاستشهاديه في فلسطين او الشيشان ب عمليات انتحاريه الله يوفقنا لما فيه الصلاح والله يعافيك على الرد المتسرب .. برد عليك وبروح اسوي سحوري ههههههههههههههه يازميل الغربه <<--- لزقه اكثر منك .. انا اتكلم عن نسبة البرامج الدينيه يعني انت جالس تقول برنامج واحد او اثنين يعني لو نحسبها بالنسبه لوقت العرض او عدد ساعات البث مايطلع شيء .. جزاهم الله خير مع انه ودنا لو تزيد نسبة البرامج الدينيه في رمضان خاصه وتكون بنفس اطار برنامج ( دين ودنيا ) وحقيقه شيء جميل وشغل جامد اللي يصير في قناة المجد بس برضو اليد الوحده ماتصفق ..شاكر لك ردك ويعطيك العافيه ودي ارد عليكم جميع لكن بروح اسوي السحور
|
|
07-11-2003, 12:49 PM
|
رقم المشاركه : 9 |
|
توه ساكن
|
بس انا احب اشوف سبيستون ماقصرتوا .. خضتوا كل المحاور .. و يعطيك العافيه سمران [/ALIGN]
|
|
07-11-2003, 04:10 PM
|
رقم المشاركه : 10 | |
|
من شيوخ الحاره |
) وراك جاحدها ..البرامج الدينيه .. اي برامج دينيه الله يخليك .. كلها اما مسابقات دينيه(في قناة غصب واحد بلحالها) والا فتاوى واجابات .. ابي اسئل سؤال واحد هل مافيه مقدمين محترفين للبرامج الدينيه وهل لازم مقدم اي برنامج ديني يكون شايب او ملتزم .. مهوب طعنا في الملتزمين لاسمح الله لكن اذا وجد ملتزم وقادر على التقديم اهلا وسهلا وان لم يوجد .. ليه ما يقدمها مقدمين محترفين مع متابعه واعداد من اصحاب الخبرة في المجال الديني (والله اللي ابابطي ما اعديت لي واحد ..) .. البرامج الدينيه لازم تكون جذابه وتطرق قضايا تحرك المشاهد حتى نتابعها اما فتاوى و ردود وش اتابعه ابي به .. الى احتجت شي رحت وسئلت والا ابحفظ كل اللي يقال يعني .. ؟؟ ... البرامج الدينيه تفتقد للمشاهدين لافتقادها مقومات البرنامج الناجح واهمها الفكرة و الاعداد والمقدم المحترف .. والا ذا الكشكول اللي يقدم مسابقة رمضان للكبار(العيدي) بالله وش يبي في ذا الدنياااااا ..ما باقي الا يسمون القناة الاولى باسمه ديك هالنخل :l6 ؟البرامج الحواريه.. !! منيب اتباعها .. تباعت مره برنامج الاتجاه المعاكس وقعدت اضحك الين بغى يغمى علي .. مسرحيه مهوب برنامج .. لكن والحق يقال وش نرجي من هالبرامج ... واستعين يجمله رائعه منك انت .. اقتباس:
برامج المسابقات.. !! هالبرامج مدري وش تبي .. ؟؟ بالله وش المتعه في متابعتها .. عجزت افهم .. ؟ ولكنها تتميز باعداد جيد ومقدمين رهيبين مع انها فاضيه من الداخل ... وممله في رايي الشخصي ممله مره << خلاص طيب صدقوا .. محاولة اعلامنا صد الهجمه الغربيه الشرسه على الاسلام بعد احداث 11 سبتمبر ..!! لازم تكون باللغه الاجنبيه وتتجه للغرب ... والا حنا دارين ان وش حليلنا .. والا مافيه فايده .. اما اللي بيجي يقنعنا حنا بانا رهيبين فهو غلطااان لانا داري .. بس نبي شي للغرب وبلغة الغرب .. نسيت نوع مهم جدا من البرامج .. البرامج الفنيه وذي اللي انا اتابعها والله وبدون اي نصب .. فيه براامج فنيه راائعه احسن البرامج اللي عندنا هي البرامج الفنيه .. مقدمين صح وطرح متوازن وجذاب .. واللي يتابع برامج عجوز العتبه هاله سرحان في روتانا بيخق معه خققانا مريعا .. طرحها رهيب بنت اللذينا وحيادي ... اضافة الى انها الاكثر امتاعا في مجالها ... وبالمناسبه(قريت رد سنيوره وذكرني بشي ..) المسلسلات الخليجيه ليه لازم كلها صيااااااااااح في صيااااااااااااااااح تشوفها تحس ان الدنيا منتهيه ومافيها شي زين .. يعني بالله ذي صورها نعكسها عن مجتمعنا الخليجي المشكله انا خطا لوها صح قلنا مااشي بس ذا البربسه ماتصير الا في كل 10 مليون مره او حاله فوشو له ذا التخلف ..؟ :l6 واحب اشيد بالسواريه اللي بدوا يدحدرون للمسلسلات التاريخيه فيها توثيق لتاريخنا وتاصيل للغة العربيه وفي نفس الوقت ممتعه ومخرجه صح .. موضوع شامل سمران يعطيك العافيه .... واعذرنا للتطويل .. [/ALIGN]
|
|
|
08-11-2003, 06:15 AM
|
رقم المشاركه : 11 | ||
|
من شيوخ الحاره
|
كلامك صحيح وترى موب انت الوحيد اللي يدور على الطماله <<--- ركب سالفة اللي يناظر قناة سات سبعه فيه صاروا بعض الشباب يصوم في النهار وفي الليل انواع التسدح والتبطح قدام قنوات المراجه والله انا عكسك ياخوك احس انه مهما عرفنا عن الدين يبيلنا نتثقف فيه اكثر وصدقني انا اتكلم بواقع والله العظيم ماندري وين الله حاطنا حتى في ابسط امور الدين .. ياشيخ لو تطلع وتمسك اي واحد بالشارع .. لا لا ليش بالشارع هنا في المنتدى وتسألهم عن اي سؤال بالدين تلقى ثلاث ارباعهم مخبصين انا ماقول شيء عن التطوير في برامج القناه الاولى لكن اقول ان نسبة البرامج الدينيه قليل جدا مقارنه بعدد ساعات البث وماتغطي حتى 2 بالميه من نسبة البرامج القنوات الثانيه يكفيك بس تعرف متى يعرضون البرامج الدينيه عشان تقول يجيب الله مطر يعطيك العافيه على ردك مغاط.. ياخي انت القوي اقتباس:
يعطيك الف عافيه على ردك فهودي.. شكرا على مرورك ويعطيك العافيه المنشكح.. ياخي ودي اخذ ردك واحطه مكان الموضوع بجد ابدعت كثير ياشيخ ما محوم تسبدي في رمضان الا المسلسلات والبرامج الفنيه لو الامر بيدي وقفتها في رمضان بس ما باليد حيله حنا محتاجين برامج فتاوي لكن مثل ماتقول لو فيه برامج لقضايا معاصره ويكون فيه تنوع في البرامج بين برامج افتاء وبرامج لقضايا معاصره وبرامج عن بعض امور الدين التي فيها شبهات على الناس اقتباس:
اما البرامج الفنيه كفيت ووفيت وبصراحه لي فتره طويله ماتابعتها وآخر مسلسل تابعته كامل كان الزير سالم يعطيك العافيه على ردك حبيب ألبي [/ALIGN]
|
||
|
09-11-2003, 10:25 PM
|
رقم المشاركه : 12 |
|
مشرفه
|
وتراها دزت لك صحن جريش على الخاص [/ALIGN] |
