|
|
|
|
 |
 |
 |
 |
 |
|
 |
 |
 |
 |
 |
|
 |
 |
|
 |
25-03-2003, 05:04 PM
|
رقم المشاركه : 1 |
|
مسـيّر
|
BaD KeyBoArD ------
وانا ادوركم ادوركم ادوركم .. واثركم هنا يالدشير :o <-- يبي يروح لسطل الحاير :p الله يلعن اباليسكم كلهم ابليس(ن) تلو الآخر .. لعنبوا شياطينكم وش ذا.. وحشتوني وحشة فنتاستكيّة ... الا على الطاري تصدقون عاد عندي ابليس حمار من جد.. كب العشا حقهم الاباليس .. يقول لي احنا عندنا عالم عايشين مثلكم ... وكل واحد عنده آدمي يضحك عليه... قلت: يعني انت اذا قلت شي تقول لنفسك "الله يقطع مشعلي" مثل يوم اقول انا "الله يقطع بليسي"... قال: بالزبط .. قلت : طيب كل تراب ،،، ماعلينا منه سافل حقير مايستاهل نسولف عنه "فيه أحد حاقد على ابليسه مثلي؟!!.. ياخي دايم يخليني اسوي اشياء مابي اسويها!!!.." ،، المهم ما أطول عليكم ثقالة دم.. إليكم الثالفة ... إحم السالفة : START يوم انها جاتني فترة الطفرة والمهايط والبذخ"امما البذخ؟!! احس اني صرت الوليد على هالكلمة".. قررت اني اشتري لاب توب جديد دي اس إلللل فل كامل مراتب جلد"ياشين اللي يتحمس بشغلة مايفهم فيها"...رحت لسوق الكومبيوتر .. واول ماطبيت السوق وألقى هذاك الهندي،، قلت هذا سوق الكومبيوتر؟!!.. قال: ايوه هدا ثوق.. يغبى ثيديات؟!!.. قلت: خير يبو؟!! وش قاعد تقول؟؟؟.. قال: يغبى ثيديات ثديق؟!!("والله انه حمار رسمي".. يقصد تبي سيديهات.. بس اثرم وحالته حالة.. وانا مافهمت عليه) المهم حلفت ما امشي من عنده الين اعرف وش يقصد.. واطفى السيارة واتكّي انا وياه .. هو يقول: يغبى ثيديااااااااااات ثديييييق؟.. وانا اقول :ايييييييييش؟!!.. والعالم تروح وتجي واحنا مكاننا والمحلات تسكر وتفتح واحنا مكاننا.. عجزت افهمه,, وعلى هالحالة أربعه ايام.. ويوم فتحوا الناس المحلات عقب اربعة ايام الا يشوفوني وانا زانط الهندي برقبته في الشارع وانا ابكي وهو يبكي!!..... ولافهمته الا بعدما طلع لي سي دي من جيبه"المشكلة السي دي بعد مكسور من طرفه.... قمت سألت السيدي وش اسمك يابابا؟!.. قال: ثي دي<<< والله ان بعض الهرج يقول لصاحبه: دعني،،،،،،، بعدين قلت له : لا ياصديق ابي لاب توب دي اس ال فل كامل مراتب جلد.. قال فيه موذود(ياخي هالسمللق لو تقول أبي كومبيوتر يبيض ويفقس زرافات خضراء قالوا موجود.. وبالملعنة يقنعونك).. المهم قلت يالله واروح للمحل حقهم الا فيه مصري.. قلت : إييييواااه والله اللي رحنا فيها!!.. بس قلت فبالي خلني ازيّن الاخلاق معه عشان تخف نصبته علي"والا النصبة جايه جايه".. وادخل المحل وابتسامة شاقتن وجهي شق لدرجة اني من كثر الابتسامة حسيت اني جوليا روبرتس وحسيت ان وجهي انقسم مثل كوريا وصار وجهي الشمالي من فمي وفوق,, ووجهي الجنوبي من الفم وتحت وهذا ملحط بعد.. لعب عليه وجهي الشمالي ولا خلى له الا السكسوكة(الله ياخذك ياوجهي الشمالي وراك تلعب على وجهي الجنوبي.. والله مالك داعي ياخي!!..)<<< والله يا انت ماثل بعد"ماصل"(انعديت).. المهم ماعلينا.. واسلم عالمصري قال : عليكم الثلام"اثاري البشكة كلهم رايحين فيها".. قلت: بالله أبي لاب توب جديد دي اس ال فل كامل مراتب جلد.. قال : بث(بص) يافندم احنا عندنا كل حاقة موقودة أثل احنا أحثن محل بالثرق الاوثط.. لأأأ الثرق الأوثط إيه يامحثن .. بالعالم كلوو!!!.."يرد على عمره"..... قلت: ورا ماتاكل تبن يامحثن وتشوف لي جهاز!!.... وأشوف لاب توب كومباك أسود رحت خرخر عنده قلت بكم ذا يابوبيضة.. قال : بثبعة الاف بث.. قلت : بث؟!!.. قال: بث.. قلت : بث بث بثثثثث؟!!..(استلمت والدينه!!)..واعطيه الفلوس وآخذ الجهاز للبيت.. ولو انه ماعجبني لونه أسود بس قلت عادي بعدين اغير له وجه"قلت لكم ياشين اللي يتحمس لشي مايفهم فيه"،،،،،،،، سويت له احتفال بالبيت وعزيمة وذبحت له وجبت محمد عبده يغني بعد"بيبتوا اللي جابوه الاتحاد مهوب اطلق منه" بعدما رحبنا فيه خير ترحيب حطيته بغرفتي وشغلته ثم ركبت الهيدفون... وجلست اطقطق عالكيبورد .. بس من الجفاسة أكتب باصبع وحدة .. واذا جيت ابي اضغط على حرف اقعد اناظر فيه مدة ثم ارفع يدي اليين ورا رقبتي ودووووف دااااف تقل ذابح أحد من اهلي،، وعلى هالحال .. بس انقهرت من الزر"حرف الكاف" حق الكيبورد اضغط عليه مايكتب.. محجّر.. احاول يمين يسار.. مررة معصلق،، وأقوم وأصنّه بكوعي!!!.. وابقّسه .. ماااش!!........ والله واعصّب"وياشيني لا عصّبت" وابعد عن الجهاز الييين لصقت بالجدار.. وارررركض الين عند الجهاز واطمممر وصلت السقف ثم نزلت عالكيبورد وارافس برجلي على حرف الكاف .. ثم نطيت مرة ثانية وتربّعت عالكيبورد .. وانا جالس عالكيبورد اناظر للشاشه وانا فاقن خشتي اباشوف انكتب الكاف والا لا؟!!.. بس قهرررر ما انضغط الله ابوه!!!،،، بعدت عن الجهاز ورحت أدور سكروب عشان أطلّع مهارتي في التخريب.. الا اشوف حرف الكاف طلع من الكيبورد ... ناظر لي نظرة من فوق لتحت ثم رفع خشمه وطلع من الغرفة ،، قلت : ارجع ياعبد السوء!!...تعال هنا ويفك الباب ويطلع ويسكر الباب وراه .. جيت أبالحقه واتعثر واطيح على وجهي ثم قمت وانا انادي: تعال تعال .... وافتح الباب واشوفه نازل من الدرج يتزحلق عالدرج .. واركض وراه واتزحلق وراه ،،، ولاخلى غرفة بالبيت الا دخلها وانا انواع الطردي وراه .. ويدخل المطبخ .. ويطلع عالمجلا واطلع وراه ونكسّر ابو الدنيا على أمي وهي تغسل الصحون .. عاد الوالدة الله يحفظها ويطول عمرها تدور الغلطة علي وتمسك المايكرويف وتلخني به .. بس هربت منه وألحق حرف الكاف والمايكرويف يلحقني من غرفة لغرفة تقل بجبهتي مغناطيس .. ويدخل حرف الكاف للمقلط وادخل وراه ويدخل المايكرويف وراي .. واحجّر له بالزاوية (ونسيت من المايكرويف) ويوم جيت بامسكه خلاص و طررررررررربق يصك المايكرويف براسي .. وطلع براسي ورم يشبه عظلة بوبباي عقب ماياكل قوطي سبانخ وقامت تلف العصافير فوق راسي بس هوّشت عليها وراحت(<<< يلحفون كل ثقافتك أفلام كرتون<< يحلفون لوما اتتلايط وتخليني اكمل!!..)،، الموووهم ويركض حرف الكاف الين صار عند ابوي وأنا ألحقه ... وقفت انا شوية تروعت من ابوي بس تمالكت نفسي وقلت .. ماسكك ماسكك يالعبد.....الله لايعوق بشر.. ويطمر فوق كتف أبوي واطمر وراه ويحوس يحوس يحوس ويدخل في اذن ابوي وادخل وراه .. ويطلع من الاذن الثاني واطلع وراه.. طبعا ابوي يقرا الجريدة ولاطق لنا خبر"هماهم يقولون دخل الحكي من اذن وطلعه من الاذن الثاني؟!..ابوي سوا كذا ولا كأنه درا فينا"،، المهم ويطمر حرف الكاف ويروح جهة الباب وانا وراااااه ... بس يوم ناظرت لابوي الا اشوف عيونه احوللت.. اثاريني شطفت عينه وانا داخل!!!،،، ويطلع حرف الكاف واطرده بالحديقة شوي(حديقة طلّ والله..)... ويطلع من باب الحوش ويروح جهة مقهى الانترنت اللي جمبنا .. وأنا وراه مافيه الصدام بالصدام(الصدام بالصدام والا بوش بالبوش هاهاها<< انقلع يالماصل الله يلع... لاتخليني أكسب اثم ترا ابليس مايصدق الله يلعنك انت وياه<<- خربها)... ويدخل المقهى وأدخل وراه .. والا كل الاجهزة اللي فيه لاب توبات كومباك.. ويوم انهم شافوني تطايرت كل حروف الكيبوردات اللي هناك مثل الفشار... وصاروا مليونات الحروفات"أبي أحسسكم انهم كثير من قلب" ولاعرفت خويي منهم،، ويوم شفتهم كثار ويناظروني ويقربون مني وعيونهم تتطاير منها شرار.. قلت : العطّة العطّة.. واعض طرف نعالي "وانتم بالكرامة" وآخذ ثوبي بيدي(اصلا العكس بس الله من الذراقة).. وماتشوف الا غبرتي وانا طالع من المقهى .. وهم وراي .. وانا اهرب وهم وراي والقى عسكري علي دباب قدام المقهى واصفقه بكوع واركب الدباب وادعس ادعس ادعسس اليين حسيت اني فوتّتهم خلاص واناظر ورى اباشوف الا اشوفهم في السله حقت الصامولي اللي وراي بالدباب... وكل(ن) منهم فاقن خشته ويناظرون لي ويضحكون والله واطمر من الدباب واتشقلب عالزفلت شوي .. واقوم والا هم جايين من اخر الشارع يطردوني!!! المشكله عيال الكلب يضحكون!!! واراكض بالشارع بين السيارات .. ويجي باص ويكفخني الا انا بآخر الشارع واقوم وانفض ملابسي(اللي قهرني ان اللي يسوق الباص هو زر"باك سبيس" حق الكيبورد).. ويوم شفت السالفة كذا واصك بالصياااح .. واركض بأقوى ماعندي من حيل.. واطلع عالمطار قلت مالي الا اغادر السعودية .. واجيي للمطار واحجز على اول رحلة للخارج واطلع عليها مدري وين رايحة اصلا ... ويوم طرنا وصرنا بالسما قلت اباريّح شوي.. ونمت ..واول مافتحت عيوني الا اشوف كللل المقاعد فللل وكلهم حروف كيبوردات.. ياويلي ويلاااه وش السواة واطلب المضيفة .. تدرون من طلعت؟!!: رقم تسعة اللي بالكيبورد!!!.. يوم شفت كذا وانا اللي اخذ سترة النجاة واكسر الباب واطمرر ولا قدامي الا البحر .. واجي افك سترة النجاة ابي تفتح الا اسمع الضحك والقهقهه.. واناظر الا حرف الميم والطاء ماسكين في الحبل ويقولون محناب فاكينه لك .. امممم النذالة!! وافك سترة النجاة مني واطمر من غيرها واطب في البحر ،، ويئست من حياتي .. قلت باموت غريق ،، الا اشوف من بعيد سفينة وعليها علم القراصنة!!... قلت قراصنة قراصنة اهم شي احد ينقذني وبس!! ويقربون منني ثم نزل قارب وجاني يبي ينقذني .. يوم قررب مني واشوف اشكالهم الا كلهم حروف كيبورد،، واشوف القرصان"مهوب جريش؟!<<< لحد يضحك ياعيال على هالسامج.. خلوكم معي"..... المهم يجيني الرئيس القرصان الاعرج حقهم الا هو زر"البرنت سكرين" ويرمي علي حبل وهو يضحك .. شفته والاا ماشفته وانا اللي اديور واهرب منه وعينك ماتوشف الا النور..... واسبح اسبح اسبح وهم يطردون وراي بالقارب وبالسفينة... الييين وصلت جزيرة فيها أشجار وغابات وادخل فيها وركض الين حسيت اني ضيعتهم خلاص .. قلت اباشوف لي شي اكله.. متتت جوع ،، واطلع فوق شجرة ويوم طلعت فوق الشجرة واشوف ثمرة بعيد شوي واطممر واخذها وانا مغمض وافتح فمي اباكلها الا اسمع الضحكة... ويوم فتحت عيوني الا هالثمرة هي"كنترول".. وارميها من يدي واهررررررب ... بس من شدة الروعة والخبصة صكيت براسي في الشجرة وتطيح حروف وااااجد منها كلها "كنترول" ويضحكوننن!!..وكلها ثواني الا كل هالجزيرة مليانه منهم.. كل حروف الكيبوردات اللي بالعالم هناك.. ومحاصريني من كل الجهات .. ويقربون مني شوي شوي .. ويضحكون!!.. أسقط في يدي .. وتوقعت نهايتي قربت .. وجعلت أصرخ وأهدد وأتوعد بس ماش ماهم شايفين توهم احد.. ويقربون مني شوي شوي من كل الجهات .. يوم شفت كذا وانا اللي اقعد عالارض واطقها بكوة ... وابكيييييييييي وابكيييييييي!!!،،،، ويجوني أزرار ال(ألت) وال(شفت) ويمسكوني من يديني ويودوني لقاعة محاكمة.. وبدأت محاكمتي وحطوني مجرم حرب وارهابي وعميل ومقرم وشرير وكل حاجه مهيب زينة.. (كل هذا عشان ضغطت الكيبورد بقوة!!).. المهم ويجي القاضي حقهم اللي هو ال(إنتر).. وعليه باروكة شعر مثل حقة شكسبير اللي بكتاب الانقليزي.. ويحكم علي بالقتل تشويتا!!.. وأقعد اصيح : انا برئئئئئئ برئ برئ هاهاهاهاااااءءء(بكوة مو ضحك)... شوي الا كلهم يناظرون فوق ونسمع صوت قوىىى .. وناظرت انا فوق الا اشوف هيلوبكتر(لحد يناظرني.. والله مافيه كلمة معقدتني بحياتي كثر هالكلمة عجزت اعرفها)... هيلوكابتر جاي من بعييييييد .. واسمع واحد منه ينادي : يامثعل يامثعل .. امثك الحبل امثك الحبل(امسك الحبل).. ويوم قربوا واشوفهم الا محسن راعي المحل والهندي خويّه.. ويرمون علي حبل .. واتمسك فيه واطلع لهم .. أحلى مافي الموضوع ان اللي يسوق الهيلوكبتر هو زر الهروب (Esc)... يوم وصلتهم فوق واقعد أبوسهم واحضنهم مبسوط اني طلعت حي .. قاموا تحمدوا ربي وقال لي محسن المصري : دي مشكلة بنعاني منها كتير أوي الناث يكثّروا كيبورداتهم ومايرحموهاش وهيّ بتنتئم منهم ،، قلت : اهاا يعني هذي السالفه بس؟!!.. قال : آآه واحنا بننقز الناس فترة الضمان بث.. قلت بث؟!! .. قال : بث .. واناظر للهندي الا هو يضحك مستااااانس!!... قلت وين الثي دي؟!!.. قال نثيته بالثيارة ... قلت : إيييييييييييييش!! .. ويطقها بكوة ويقول : نثيته بالثيارة .. واطمر في رقبته واخنقه اخنقه اخنقه.. والى يومكم على هالحال ... والحين قاعد اكتب الموضوع بيد وماسك رقبة الهندي باليد الثانية .. شوي اكتب وشوي اناظر له واقول : ايييييش؟!!.. وهو يقول : نثيته بالثيارة ... وكلنا طاقينها بكوة ونصيح!!!...... THE END (((( علي نصبات بعد!!!!!... مدري وش تبي)))) - ---------- مايصتفاد ------------- أولا : بشويش على كيبورداتكم .. واحفظوا كرت الضمان عشان لو حقدوا الحروف وبيحاكمونكم .. ينقذونكم المحل بوجب الضمان(ودكم أنطم؟؟!!).. ثانيا : لاتشتري لاب توب "كومباك" الا والعصا معهووو !!!!... ثالثا : يقول الشاعر : فعلا في مواقف كثيرة لاتجد أمامك حلا الا انك" تصيح"،،،(مقولة شكسبيرية<<-كذاب شكسبيري).. كككككككككككككككككككككككككككككككككككككككككك < -- - شف التعبان"حرف الكاف" يبي يخرب الموضوع علي الحين!!!!.. ككككككككككككككككككككك ككك ككككككككككككككككككك أقول .. مع الثلامة بث ((ضغطت على أيقونة "اضف الموضوع" قبل تنحاس الدنيا!!!))..[/ALIGN] |
|
|
25-03-2003, 05:22 PM
|
رقم المشاركه : 2 |
|
مشروع محاور
|
|
|
|
|
25-03-2003, 05:34 PM
|
رقم المشاركه : 3 |
|
مسطول يمون
|
هههههههههههههههههههههههههههههههههههههههه ههههههههههههههههههههههههههههههههههههههههههاااااي الله ريجك ياشيخ والله انك خبل صراحه ههههههههههه ومحثن زاحف اوي اوي اوي قعدت اتخيل شكلك انت والهندي اربع ايام وهو يشرح لك ثدييات هههههههههههههههههااااااااااااي والله خبل يامشعل اما الكيبورد ههههههه وحرف الكاف مسوي زحمه حتى القراصنه بعد ههههه لا وفي الشجره بعد الله يلعن شكلك ياشيخ هههههههههههه اما بيبتو جايبه حركات ههههههههههه تصدق تصدق نثيته بالثياره ذي يبيلها موضوع لحالها قولوها ياعيال عشر مرات والله فله ههههههههههه يعطيك العافيه يامشعل واحس انك مابطحت ذا الموضوع الا علشان تعلمنا انك شريت كيبورد خخخخ تسلم موضوع مميز وبنتظار جديدك ياوحش |
|
|
|
25-03-2003, 06:59 PM
|
رقم المشاركه : 4 |
|
مشرف التطوير
|
|
|
|
|
26-03-2003, 01:13 AM
|
رقم المشاركه : 5 |
|
مشرفه
|
ههههههههههههههههههههههههههههههههههههههه ههههههههههههههههههههههههههههههههههههه الله يرجك يا مثعل .. تثدق احثك مثرع وانت تكتب .. بس يا حرف الكاف عله .. يعني وش له هالحركات كلها .. المفروض تصفقه بالماوس على جبهته الين يدري ان الله حق  وانا اقول وش فيه كيبوردي هاليومين مسوي مظاهرات  اثاري يبي يحتج على المعامله السيئهابشر بسعدك يا كيبوردي العزيز تسلم يا مشعل على الموضوع الكافخ اللي كله مراكض في مراكض مميز مايحتاج
آخر تعديل سنيوره
في 07:19 PM.
|
|
|
|
26-03-2003, 04:55 PM
|
رقم المشاركه : 6 |
|
عميد المشرفين
|
[ALIGN=CENTER] <---- يبي يخوفك انا مادريت ان الشفت والالت بذا الدرجه من الخبث واللعانه اول شي المفروض انك ماتضغط على حرف الكاف بهذه الرعونه والقسوه ياخي ترضى احد يضغط عليك كذا ثاني شي خيالك وسيع الله يعطيك العافيه على هيك خيال [/ALIGN]
|
|
|
|
27-03-2003, 12:57 AM
|
رقم المشاركه : 7 |
|
توه ساكن
|
هلا والله با احلى مشعل انورت واسفرت واستهلت وامطرت ياخي من زمان عنك وين الناس <<<<<من متى المعرفه موزوع رايق جدا <<<<<<لاة ياشيخه المهم بسئلك وش تنصحني فيه بما ان لك خبرة في الاب توب كومباك عند خالتي واستعملته وماعجبني وش احسن منه ؟؟؟؟؟؟؟ ترا والله احكي جد واللي عندة خبرة يسدحها فيذا ..... <<<منتب عاقله تظربين عصفورين بحجر تردين على الموضوع وتنشدين وش الزين بعد ...... >>>>>>مالي دخل هو الي جاب الطاري !!!!!! |
|
|
|
27-03-2003, 04:39 PM
|
رقم المشاركه : 8 |
|
محاور سنع
|
خخخخخخخخخخخخخخخ خخخخخخخخخخخخخخخخخ زحف زحف زحف وخيال محشش منتب صاحي يامشعل :p
|
|
|
|
29-03-2003, 08:30 PM
|
رقم المشاركه : 9 |
|
ينشد به الظهر
|
على العموم يعطيك العافيه |
|
|
|
29-03-2003, 08:30 PM
|
رقم المشاركه : 10 |
|
مسـيّر
|
عاد تصدق فتحت الوورد وضغطت على الكاف الين طلعت مصراينه,, مابقى الا الكاف يتميلح,, والله لو انه الحاء  ,,الله يخرررررشك خشيت جو مع المحاكمة وكل شوي اطمروانا هاج (ن) كشرتي ودي اعاونك من الحماس ويأشر لي الانتر ( مثل قولة انثبر بس) والله يا احلى مشعل اني حبيتك ,, خيالك اوسع من ثوب واحد(ن) يرقص خبيتي ويدووووور,,<<<< وبندحرق التماثي على أقدع ناث بالمثاطيل |
|
|
|
30-03-2003, 01:36 AM
|
رقم المشاركه : 11 |
|
راعي محل
|
ياناث والله انه مثطل ورايح فيها ها الولد <<< انبسط ياشايب السبيت مانيب مقتبس شي اخاف اظلم الحروف ويزعل علي حرف بعدين يجيني زيك <<<<< متأثر بقوه مع الفلم المثري  تسلم حووووووووبي على الموضوع واعذرني لاني ما اقتبست شي لان الموضوع بكبره يصلح اقتباس ولاتهون المقدمه الله يقطع مشعل ابليسك . سلامووووووووووووون |
|
|
|
03-10-2003, 02:48 PM
|
رقم المشاركه : 12 |
|
مسـيّر
|
والله سووري يالربع كان ودي أرد عليكم بوقته وما أرفع الموضوع.. بس كنت مضيع الباسوورد... ولي باك ان شاء الله قريب <--- عزّ الله تعذرت يالكذاب !!
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
