|
|
|
|
 |
 |
 |
 |
 |
|
 |
 |
 |
 |
 |
|
 |
 |
|
 |
16-11-2003, 03:02 PM
|
رقم المشاركه : 1 |
|
مسـيّر
|
زعلانة عليكم يالملتزمين
السلام عليكم أول شي أبعلمكم إني عضوة جديدة <<<شافتكم تمنعون مواضيع الترحيب وأبيكم ترحبون فيني ترحيب جامد أوي أوي <<<بلاها عيشتها هالترحيبات  أبدخل لكم بالموضوع علىىىى طوووول لأني مستعجله <<<تتهرب من المقدمة أصلا :b3 الملتزمين كلهم خير وبركه، شوفتهم تشرح النفس، وتخليك تحس إن الناس بخير. ما نشوف منهم إلا كل خير الله يجزاهم عنا خير الجزاء، يكفي محافظتهم على الصلاة وإعفائهم للحاهم ومشاركاتهم بالأعمال الخيرية والدعوية وأنشطتهم وووو بس إلا وصل الواحد منهم عند باب بيتهم انتهت مشاريعه الخيرية :l6 تقول حالف إنه مايكسب بأهله معروف :l6 أحسن واحد إلي ما تكون نفسه عليهم شينه :mad: ، هذا الحبيب :b1 بس مع ذلك تلقاه كاف خيره عن أهله  يعني كأن الجيران أولى بأهله منه ماعليه منهم بشي أبد، ماهو من نجاسة فيه لأ ظليمته شينه، لكنه أصلا ما عنده وقت لهم مشغول 24*24 طول وقته مع أصدقاءه وشلته، خلنا نقول إن ربع وقتهم بأعمال خيريه والباقي فلة حجاج ووناسه، طبعا وناسة لهم هم فقط لا غير  وإن فاض معاه وقت وشرف أهله بالبيت فهو مسنتر على النت ما شاء الله عليه، ماهو لقراءة مواضيع ثقافية ولا كتب دينية ولا نشر دعوة لأ، يكمل مشروع الطهبله حقه :b4 ولا يفكر إنه مرة بحياته يدق على بيت أهله بالغلط يسألهم إذا كانوا يبغونه يجيب معاه شي وهو راجع ولا لأ.. وإن اتصل فهو بيقولهم جهزوا القهوة أو جهزوا العشاء معي 10 من الشباب :a3 لا والمشكلة من يوم ما يكمل الواحد 17 سنه يبدا يصج أهله :زوجوني زوجوني :b1 ما كن الواحد منهم متزوج أصدقاه خلاص ، شلون هذا بيحس بمسئولية بيت الزوجيه أصلا :a7 البلا إن زوجته بيجيبها وبتصير زي وحدة من خواته، مرتزه بالبيت تنتظره يشرف، وبيسوي فيها حبيب ويقولها خل اوديك بيت أهلك كل يوم:l6 كنها متزوجه عشان تسير على أهلها بالاسبوع 7 مرات وهو بس يبي الفكه منها  فيا أيها الملتزم، متى تفكر بأهلك وتحس فيهم، متى تعيش معهم بالبيت، قصدي تعيش معهم فرحهم وحزنهم.. حس فيهم وشاركهم ولو بالبسيط إذا دخلت لك يوم على وجه الفجر وسحبتها نومه تذكر خواتك إلي طول اليوم بالبيت وتخيل (معليش ادري انها صعبه بس حاول انك تتخيل) إنك جلست زيهم، وش بيكون إحساسك؟!! :b2 وش بتخسر لو ركبت خواتك معك ساعة بالبيت ومشيتهم بأية مكان؟! وش بتخسر إذا دخلت لأهلك كل كم يوم بعشاء ولا بنوع حلويات جديد ولا بآيسكريمات تفرحهم فيها وأنت إلي ما شاء الله عليك مهنا أكرم منك على ربعك وما يمر اسبوع ماتعشيهم عشاء معتبر؟! وش بيفوتك لو فكرت بإجازة من الإجازات إنك تتنازل عن سفرة أو طلعة أصدقاءك للبر وقلت أبسافر بأهلي وآخذهم للشرقية وأمشيهم يومين (بنفس زينه لو سمحت) ثمن ألحقكم؟! وش كثر الأجر الي بتحصله لو قلت لأبوك خل مقاضي البيت علي يبه، أنت الله يديمك لنا تعبت بما فيه الكفاية جا دوري الحين، تخيل فرحة أبوك (أظن الآباء فقدوا الأمل بإن مثل هالشي يجيهم من عيالهم!!)  ؟!وش بيضرك إذا جلست يوم، يوم واحد بس عشان تدرس أختك ولا أخوك الصغار وتسمع لهم اختبار بكرا؟! وش بينقص منك لو إنك جلست بيوم مع أهلك غصب عليك (أصدقاك مشغولين عنك) ولا قعدت تأفف وتقول طفش .. ملل.. وحاولت إنك تحسسهم إنك بالعكس مبسوط بإنك جالس عند أهلك مو أية أحد..؟! أيها الملتزم، لا تنسى أن أهلك (والدين وأخوة وزوجة وأبناء) هم نعمة قد فضلك الله تعالى بها على كثير من خلقه تفضيلا كثيرا، فهّلا حمدت الله عليها.. وتذكر قول الرسول صلى الله عليه وسلم "خيركم خيركم لأهله وأنا خيركم لأهلي" وأن الأقربون أولى بالمعروف  ~~~~~~~~ أرجو إني ما أكون ثقلت عليكم وتقبلوها من أختكم المحبة لكم
آخر تعديل عاشقة الورد
في 03:33 PM.
|
|
16-11-2003, 03:24 PM
|
رقم المشاركه : 2 |
|
من شيوخ الحاره
|
وثانيا وش بلا خطك صغير تقولين خايفه تخلصين حبر المنتدى !!المشكله مهيب مقتصره على الملتزمين بس وبيني وبينك استغرب منك تخصيص الموضوع فقط عن الملتزمين !! يعني هالشيء ملاحظ بين اغلبية الشباب ,, اكثر الشباب همهم يروحون الاستراحه ويفلونها ويلعبون بلوت ولا يطلعون البر<<---- طراه ان العيد قرب وطلعات البر ما تحلى الا بالعيد واهله في الطقاق يطقهم الوالد موجود الله يحفظه وعندهم سواق وسياره ووش يبون اكثر من كذا ؟!! واذا دخل البيت جلس معهم خمس دقايق عن قولة ابوه ولا امه من زمان ماجلست معنا وثم يتصل على اخوياه ويطلع معهم !! وكثر الله خيره بعد جلس معهم خمس دقايق ما عمره سأل امه ولا اخته او اخوانه الصغار تبغون شيء قبل اطلع؟ اوصلكم مكان ولا قال لاهله اوديكم السوق هالمره بدل السواق .. طبعا كل هذا يعتمد على تربيته من الصغر ومن شب على شيء شاب عليه مثل مايقولون يعني من صغره مع اخوياه ومهيتينه بالشوارع او ما خلوه يتحمل المسؤوليه ويساعد ابوه في بعض الحمل ولما كبر يستغربون منه اذا طنشهم او تثاقل جلسته معهم !! يعطيك العافيه
آخر تعديل سمران
في 03:26 PM.
|
|
16-11-2003, 03:40 PM
|
رقم المشاركه : 3 |
|
مسـيّر
|
مرحبا أخوي سمران كلامك صحيح، لكني خصصت الملتزمين لأنهم من اسمهم ملتزمين ويدورون الخير وحريصين عليه، مع انهم ناسيين إنه موجود قدامهم بس عافين أنفسهم عنه!! مو كل الأهالي يخلون عيالهم بالشوارع، بالعكس الواحد مايصدق يبدا يشب شوي يصير يسعسع بالشوارع ولاحد يسألني وين كنت بعد  وش رايك بالخط الحين ينفع للشياب؟ [/ALIGN]
|
|
16-11-2003, 06:34 PM
|
رقم المشاركه : 4 |
|
توه ساكن
|
نورتي المساطيل ( <-- معزّب الغفله )بداية انا اتفق مع سمران ان المشكله مهي خاصه في الملتزمين بالذات لكن اللوم على الملتزمين اكبر لان البر بالاهل من الدين النقطه اللي ابوضحها ان مايشترط كل ملتزم بالدين يكون ذو خلق و من ذلك حديث الرسول عليه الصلاة و السلام ( اذا جائكم من ترضون دينه و خلقه ..... ) بمعنى قد يكون الدين موجود في الشخص لكن اخلاقه ما تنبغى بتراب ..! الاخلاق صحيح انها شي فطري بعض الاحيان لكن كثير منها شي مكتسب و مو معناة كونه ملتزم = خلوق هذي المعادله المفترضه لكنها مو بالضروره تكون دايم صحيحه ..! وووووووووووووو الله يخلي اخوي الصغير لاهلي :a6 موضوع جميل من وحي المعانه عوافي عاشقه
|
|
16-11-2003, 06:48 PM
|
رقم المشاركه : 5 |
|
من شيوخ الحاره
|
<=== رحب بنفسك أول تصدقي اني كنت حأبكي من الموضوع عاد ما في داعي أقول إنه هذه المشكلة موجودة في كثير من الفئات و أنا أشوف إنها أقل في الملتزمين من غيرهم .. أقلها الملتزمين ما يتأخروا برا كثير و اذا رجعوا ما تكون روايحهم شيش و دخان .. <=== ريحته طالعة من القهاوي على كلٍ .. ضروري جدا الإنسان يهتم بأهله و خصوصا أخواته .. لأنه و العهدة عالوالدة الله يخليها لينا أكثر ما يسعد الأخت إنه أخوها يهتم فيها .. و إنه الأخت أكثر ما تعتز به أخوها إن كان يقدرها و يعزها فأنا و من هدا المنبر .. منبر المساطيل .. أنادي نفسي و إياكم .. للاهتمام بالأخوات و الأهل و لازم نعرف إنه اذا احنا ما اهتمينا بهم من بيهتم بيهم و سلامووو عليكوووو .. أجل الواحد منهم من 17 و هو زوجوني ؟ ههههه ياريتني سويت زيهم
|
|
17-11-2003, 12:30 PM
|
رقم المشاركه : 6 | |
|
مسـيّر
|
مرحبا بيره قلتها بنفسك، الملتزم هو الي عليه الشرهه، بس شلون يصير ملتزم إذا ما إلتزم بأخلاقيات المسلم، مع العلم إن ديننا هّذب الأخلاق.. كيف ناخذ من ديننا الي نبغا ونترك الباقي؟!! حتى لو كان شي فطري، فالمفروض يحاول يجاهد نفسه أيام الجاهلية كانت فيه أخلاقيات جدا سيئة وتوارثوها عبر الأجيال والقبائل، وبعد ما جاهم الإسلام اتبعوا كل حذافيره، مع العلم إننا ولدنا على الإسلام، يعني التغيير راح يكون اسهل علينا عموما الله يخلي أخوك الصغير لأهلك، وليتك تفكر تاخذ عنه بعض المرات :a7 شكرا لمشاركتك مرحبا المجد ما أشوف إن الملتزمين أقل طلعات من غيرهم، إلا بالعكس :a3 ترا يعتبرون البيت فندق، وآآآآآخر من يعلم بأحداث البيت هم (أحداث )والله يهديه ويفتح على قلبك ويفكك من البلوى إلي عندك اقتباس:
يا حبيلها أمك، والله إنها صادقه بس المشكلة ما تفهمون، أو بالأصح مايهمكم إن خواتكم فرحوا أو لا شاكره لك مناشدتك ومشاركتك [/ALIGN]
|
|
|
17-11-2003, 08:49 PM
|
رقم المشاركه : 7 | |
|
من شيوخ الحارة
|
:l6 <<< مالقيت ورده حطيت ذي ... وان شاء الله تقوم بالواجب ... بدايتن نورّتي المساطيل والدنيا كلّها ... والالوان الليلكيه حلوه (( يعني شوفوني أعرف ليلكي )) .... والشي الثاني @@ .. سالفه الملتزمين .. وجحدتهم لأهلهم مدري أهل بيتهم !! قبل ما ابدى بالكلام أصابع يدّك مو مثل بعض ... ويمكن هالكلام اللي تقولينه تنطبق على فئه معينه لكن ما تقدرين تحكمين على الجميع بالشي هذا ... وماتقدرين تعممين الكلام !! هذا من ناحيه ... الناحيه الثانيه ... اقتباس:
ماادري ليش .. احس ناقص بس تحطين أسم عشان يكمل السيناريو ... أحس انتس تتكلمين عن شخصيه معينه براستس .. او فئه معينه !! انا ما انكر ياعاشقه بكلامي هذا ولا ادافع .. بس اللي اعرفه اني ما اقدر أحكم على جماعه .. او ناس ... او فئه معينه .. بتصرفات شخص واحد ... ولي تعقيب على الموضوع ان الله عطانا عمر [/ALIGN]
|
|
|
17-11-2003, 09:55 PM
|
رقم المشاركه : 8 |
|
من شيوخ الحاره
|
هذا ما على كل شخص أن يضعه أمام عينيه كلما خرج من منزله... |
|
19-11-2003, 02:05 AM
|
رقم المشاركه : 9 | |
|
محاور سنع
|
ياالله ياربي إنك تحييها موضوع في الصميم ويصورالوضع بكل بساطه وهدوء بسسسسسسس ليش عصبتي:mad: في النهايه .الحل بسيط وصعب في نفس الوقت <<< فلفسه زايده :p البيئه اللي حنا نعيش فيها هي اللي خلتنا تسذا :a4 لكن الله يعين اقتباس:
لي رجعه للباقي من الموضوع 000انشاء العزيز 000 |
|
|
04-01-2005, 12:10 AM
|
رقم المشاركه : 10 |
|
مسـيّر
|
ولا المقاضي الله يخلي الوالد بس امين عموما الموضوع هاذا والله مو على الملتزمين بس عموم الشباب الصالح والطالح والله يمشيك فى الشرقيه انشالله قادر ياكريم |
|
04-01-2005, 01:11 AM
|
رقم المشاركه : 11 |
|
من شيوخ الحارة
|
8 8 بدري الله يحييك  لا أوصيك المواضيع الموجوده هالحين رد عليها عام 2007 اللهم لك الحمد ،، هالحين مواضيعن وش زينها ساحبن عليها وجاي ترفع ذا الموضوع ياخي مدري وش أقول ،، بس عشنا وشفنا 
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
