|
|
|
|
 |
 |
 |
 |
 |
|
 |
 |
 |
 |
 |
|
 |
 |
|
 |
14-10-2003, 08:40 AM
|
رقم المشاركه : 1 |
|
سعيدان المساطيل
|
سكره في حوش غنم...
ماتلاحظون ان هالغنم معي في كل موضوع  اكيد اغلبكم حس اني شاوي((الشاوي راعي الغنم)) بس خلوني اعلمك ليش الغنم احسن ناس <<< لاتعلمهم ولاتتعب عمرك كلن عارف(ن) السبب عشانك تيس يالهيس الله يذكر براهيم اخوي يوم يشري العنز العارضيه وما اصبح الصبح الا وهي فاطسه <<< الحمار منومها في غرفته يقول في الحوش شمس وحر <<< ياحيات امك ومسوي فيها طعس وثوب صوف في القيض اقول جعله مايطيح في النياق ثم نبلش صدق وشلون بيرقيهن للدور الثاني السقيم خلونا ندرعم في السكره ولامسولف(ن) في هالخكري <<< تسني قلبت على الرجال وهو والله مايعرف النت[ALIGN=CENTER]رؤس الاقلام:- 1 - غنمه...((عنز)) << قل قسم 2 - ابراهيم... ((اقذر اخواني )) <<< عشان تعرفون اني قالب من جد 3 - بلاك ...((ان حطيت قبلها (وش) طلعت وشفيك وان خليتها على ماهي عليه فهو سكار)) 4 - وش...((ان حطيت عقبها ( بلاك) طلع معناتها وشفيك وان خليتها على ماهي عليه طلعت صوت زبيرية واحد(ن) من هاللي يقرون حومت تسبده وسفها على خشتي ))5 - القصه ...((هي الخرابيط اللي تحت انزلو اقروها ))<<< تحسون انه محلوف(ن) علي اخليهن خمسه[/ALIGN][ALIGN=CENTER]طبعا" مثل بدايت اي منحرف كانت بداية حياتي ابتدت بمص عودان الكبريت الين يشرب سعابيلي ثم اشبه واحطه في خشتي على طول واطلع الدخان واتشقق مرت الايام ومااااش ماجاز لي الوضع احس ان الدخان اللي يطلع من اثمي شوي وانا ابي عجعجه قمت امص على عودين ثم ثلاثه ثم خمسه ثم على كرتون كامل الين ماصارو بزران الحاره يرنون الجرس يحسبون فيه حريقه شابه في حوشنا طبعا" ذاك الوقت البيبان حقت البيت مزلوجه علي انا واخواني مهوب خوف(ن) علينا لااااا من كثر شكاوي الحواري اللي حولنا وماكنت اقدر اشري دخان وماش مستريب(ن) منه <<< ولو حي(ن) قلبي بس ماهنا توجيه المهم واشوف قطفة زقاره منطوله في الحوش عقب العمال اللي مسوين لنا خيمه وافل باقيها ابشوف وش مصنوعة(ن) منه <<< ذكي عارف(ن) لو ابمزها قضت في شفطه بس اناظر للبعيد ويوم طليت والقها ورق ملفوف فيه عشب تسنه ورق عنب وقلت بس !! سهله وانا دعلج والله ان ماروجت للبقالات وكسرت سوق ماربولو فتراني كمخه<<< كسرت سوقهم او ماكسرته انت كمخه بدون تفكيرجيت للعنبه اللي ماعمرنا سقيناها من نزلنا <<< الله من النذاله اذا امطرت طمر وجاب الاستشوار ونشف حوظها والقط لي ورقه يابسه منها والفها في ورقه دفتر وقلت بسم الله واخذ مزه من قويها ولع نور تحت العريش كني شابك لمبه 100 شمعه في براطمي ونمت في مكاني مغمى علي وشب العريش وثوبي بس لحسن الحظ اني انقلبت على بطني وطفت ويقبس العريش ونخلة ابوي المسكانيه ((على فكره هذي اغلى من امي عنده مره قاعد اتتن تحت العريش وما انتبهو لي وابوي قاعد يلقح النخله بفحال وجت امي من بعيد يقال لك تجني مع اللخمه تبي تبعد الشبهه وعيونها متقلبه الظاهر ان فيها النوم وقالت بصوت خافت وهي لافه بوجهها هذا اللي انت جيد(ن) فيه وفي الغرفه ماعندك الا حكي ظهري )) المهم ويسحبوني من تحت الضيان وجهي ازرق ويمسكني ابوي مع عراقيبي ويلزخ بي في المسكانيه عشان تطفى الضو<<< اضرط مايشوف ولده اهم شي المسكانيه:l6 بعذر اميمتيالمهم طفت الضو ومابقى في راسي ووجهي شعره وذبني عند العتبه ريحتي حسحاس ((كني راس نعيمي في ضحيه )) ويطمر يجيب له واحد(ن) من حقين النخيل عشان يكشف على المسكانيه وانا اون واطحس على العتبه تسني قطو واطيه ذنبه دينا قلت في نفسي ان ماحريت تسبدك ياراعي المسكانيه مثل ماحريت وجهي فتراني منيب دعلج الغبنه ان الحوش كله نخل ومنوع بس ماسكه على هالمسكانيه واذا سئلنه وليش؟؟ قال باذرتها امي :l6 طيب وشدخل امنا فيك انت وامك <<< قلب على ابوه قمت واذب راسي في نقعه مويه في الشارع والغريب انها دافيه:l6 << مجاري يالدبشه بس وش نقول اللي تسويه الضو يحط وجهه في نقعه<<< كمل واللي يرحم امك وخل الامثال عنك طلعت وادور في الحاره ومن حاره في حاره واهوجس وشلون انتقم من هالابو اللي لاهي في المسكانيه وتارك(ن) عياله في الشوارع وماعمره دخل عليهم في الغرفه ولحفهم زين وحبهم على جبهاتهم <<< هذي المسلسلات ومايجي منها حتى من زود الغبنه ولعنة الخير اذا انقطعت المويه يعطينا جيكات الحمام ويخلينا نروح نعبي من حمامات المسجد عشان يسقي هالنخله :l6 ولا من الفهاوه رايح(ن) ينشد عن حق الصواعق بيركب عليها لاتضربها صعقه وتشب يالله لاتهبلنا على تالي اعمارنا <<< والله ياهو مدلعها المفروض ماناخذ منها تمر المفروض تحمل ببسبوسه <<<< قروي هذي قمه طموحه واغلى اكله عندهالمهم دقيت على واحد(ن) عربيد من ربع خالي المسجون وقلت له السالفه وقال ابوك ذااا مهوب عاقل(ن) الين تفصلونه عن هالنخله ترى اهلك وباقي اخوانك بتلقاهم على العتبه وياقرب انه بيركزها فوق اقرب له بيملى البانيو رمل ويحطها فيه انشدني عنه اعرف ابوك زين <<< صار ابوي قافطه هو وخالي مسوين عرق في سيفون حمام الملحق وطردهم وقال ابطلق اختك ان شفتك وهو اللي مسلم(ن) الرجال للقسم وعشان كذا حاقد على ابوي [/ALIGN][ALIGN=CENTER]قلت طيب والراي!! قال مالك الا تخليه يسكر وتخلي واحد(ن) من ربعك يخطب منه النخله ويبصم على العقد عشان مايقلب اذا فكت معه قلت طيب وشلون اخليه يسكر احط له سكر كثير؟؟ <<< قمه في البراءه حراام اضيع صراحهقال اسمع يا الكمخه ابوك بلّغ عنا انا وخالك ونسى يسحب السيفون رح بتلقى العرق((يعين التخمير)) الحين مستوي مره ومن الريحه ابوك بتنزلونه من فوق الانتل بيحس انه خضاري((يعني حمامه)) والله واطمر لبو ساره وشرحت له الموضوع وطق البشت وبخ طيب وركب معي ومن زود الفهاوه يقول دعلج بالله ناظرني على جنب شخصيه بالله !! <<< اللهم لك الحمد والشكر بغينا ابوي انجر هاللوح وقبل مايسكر بعد واقوم وادخل الحمام واغرف لي بكاس من السيفون واشربه عنز(ن) عندنا عشان يختلط مع حليبها ومايبين الطعمه لان ابوي يشرب من الضرع((الديد)) على طول ويوم شربت العنز وترتفع 18 كيلو وقامت تتئمل فينا انا وابو ساره وشفتها التحتيه تنتفض ودها تقول امبااااع بس ضاعت الحروف وتقوم وترفع يدينها وتوقف على رجليها وترتكي بكراع على الجدار والكراع الثاني على جبهتها وتناظر السماء دريت ان العنز فقدت وتنبطح على ظهرها وطلعت روحها لان الكحول فجر مخها بهيمه وفقدت جاء ابوي واضرط مايشوف العنز وعيونه على المسكانيه وقام يشفط حليب من الديد ويناظر النخله ورافع(ن) العنز كنه بزر يتفخ تفيخه ويشرب يشرب الين ثقلت رجليه وبرك في محله وتروبع وقام يتمسك في الارض ويصارخ غطو الجمس وابعدو عن الجدران <<< يحسبه زلزال وشوي وثقل لسانه مره وقام يزبد ويناظر في جسم العنز من وفق لتحت ويتنهد درينا انه استوى ونجي ونتروبع قدامه وقلنا يالشيخ منحب شاربين قهوتك الا اذا وافقت على طلبنا قال قم وخر عن وجهي لا اعفطه لك يالكمخه <<< والله الراس ارتفع وعجز ينساني<<< بلى والله من الملح الزايد في خشتك خطبنا المسكانيه ومنا ومنا الين وافق بمهر 40 فسيل برحي ويكون العرس مختصر وتمت الموافقه وبصمناه [/ALIGN][ALIGN=CENTER]اصبحنا من باتسر وجاء ابوي مدرعم(ن) مع الدرج ناوي الحوش ويوم دخل ولااا النخله مغطات بعباه وغطوه وجنبها ابو ساره منسدح ويرفس ابوي ابو ساره مع جنبه وخذ يا ملاقط هذا يقول وش عندك في حوشي وذاك يقول يا قليل الحيا تنحنح قبل لاتدخل افرض ان المره فاتشه <<< صارت العله علتين ونفك بينهم ونطلع العقد ويقمط وجه ابوي ويلقى توقيعه على ان النخله زوجة ابو ساره على سنة الله ورسوله والحوش مأجر عليه 5 سنين ويطلع من الحوش يجر اذيال الهزيمه وانا رحت تحت العريش وفي مخباتي دستت كباريت وابو ساره ناشب(ن) في قلب النخله داخل(ن) شوك قلب النخله في خشته جاي(ن) الدبشه بيلقط شفتها واخر ماشفنا ابوي راقي مع الدرج بصروال سنه ويده في يد امي[/ALIGN][ALIGN=CENTER]مايستفاد 1- بعض الاهل الله يهديهم لاهين في امور(ن) ماتسوى ومهيتين عيالهم وهم في عز المراهقه ويحتاجون للتوجيه  يا انكم تربون صح او لاتجيبون بزران:mad:2- ابو ساره جته بنيه سماها نبوت سيف <<< انطم بس[/ALIGN] |
|
14-10-2003, 05:25 PM
|
رقم المشاركه : 2 | |
|
من شيوخ الحارة
|
هههههههههههههههههههههههههههههههههههههههههههه هههههههههههههههههههههههههههههههههههههههههههه منسسسسسسسسم نمره واستماره ... تصدق اني تحسفت على شي ... الموضوع هذا قريته وانا وضعي دمار .. يعني بدون مخمخه .. قسمن بالله حسيت بالفرق هالحين ... لكن ما اقول الا الكبير كبير .... قريت هالمقدمه وحكيت مخّي (( من جوّى )) ... يعني الشاوي هالحين هو اللي يسربت بالغنم <<< الله من زين التعبير ... بس سالفه زقايرك ابيك تنشد ابو راس عن زقاره الحبحر أم صوره ... هههههههههههههههههه بالله عليك عمرك شفت ناس يحنّون من زقاره .. تسنهم لاعطين سومطره (( طلعوا اللي براسي :p )) .... ههههههههههههه بس يوم قلت انك توّن تسنك قطو واطين ذنبها ذكّرتني باللي كان بيزرف الجوال وينحاش ههههههههههههه قدام سياره البلديه .... مالقى الا الدب يلحقه :l4 اقتباس:
هههههههههههههههههههههه مثل ما قال مغاط قريح مايصير هالشي الين تنفّك شخصيه ياسر عرفات ... ابدااااااع ... وراااائع .. يعطيك العافيه ياقلبي على هالزين ... وأعذرنا والله على القصور .. مميز ومبدع !! ولاتحرمنا هالزين .. اسمحلي امزع الموضوع لمنتدى المواضيع المتميزه بعد اكتمال الردود ... تحياتي لك .. حاذفكووووو[/ALIGN]
آخر تعديل حاذف ترم
في 08:19 PM.
|
|
|
14-10-2003, 05:41 PM
|
رقم المشاركه : 3 | ||||
|
مشرفه
|
لي باك :a8 ------------------ ههههههههههههههههههههههههههههههههههههههههههه ههههههههههههههههههههههههههههههههههههههههه هههههههههههههههههههههههههههههههههههههههههه الله يقطع شرك يا دعلج كاني تشنجت وانا بالليبري على موضوعك ..ههههههههه كني واحد غامتينه و جالسين يدغدغونه .. و حول ما يحوق الاوضاع المستتبه قسم يا دعلج ان هالمسكانيه اللي عندكم عايشه فايف ستار .. ما تبون احد يجسرها ههههههههههههههه ودي اقدم عندكم على وظيفه مسكانيه هههههههههههههههههه والله فيها مميزات ولا مميزات شركة ناسا الامريكيه .. تقل راضعه مع ولد مدير امريكا << اجل مدير امريكا ياكمخه السعوديه اقتباس:
لا توجع قلبي .. البلا مهوب هالسالفه .. البلا لا كبو علي الماء .. و يقولون دعي شعرك يتنفس << ما تقرب للرد اقتباس:
ههههههههههههههههههههههههههههههههههههه اه من يرسل هالموضوع لبابا اقتباس:
اقتباس:
هههههههههههههههههههههههههههههههههههههههههههههههههه ههههههههههههههههههههههههههههههههههههههههههههه وش انت مسوي في بوساره يا دعلج .. قمت اشك في المسكانيه حقتكم .. انت متاكد ان بطاقة الاحوال مكتوب فيها نخله يعطيك العافيه يا دعلج ..موضوع ينافس منتدى المميزه .. عودتنا على ابداعاتك ولا جديد .. مميز حتى الثماله << مهوب منتدى مساطيل ... لا تبطي علينا يا كابتن [/ALIGN]
آخر تعديل سنيوره
في 08:58 PM.
|
||||
|
15-10-2003, 05:31 PM
|
رقم المشاركه : 4 |
|
من شيوخ الحاره |
ههههههههههههههههههههههههه هههههههههههههههههههههههههههههههههههههههههههه ههههههههههههههههههههههههههههههههههههه الله ياخذ عدوك ياشيخ(وعدو ابوك ) .. << ماطاوعه لسانه يقول ياخذك انت وابوك .. << ماطاوعك لسانك والا خايف يمحطك بكف الين تعقل .. اجل يحب النخله اكثر من امك ... هههههههههههههههههههههههههههههههه هههههههههههههههههههههههههههه اجل لو تشوف ابوي يحب مكينة الديزل اكثر من العائله كلها ... مع انها قد بغت تهفه بالهندل لولا ستر ربك .. وابوساره راقد جنب النخله .. هههههههههههههههههههههههههههههههههههههههههههه هههههههههههههههههههههههههههههههههه ياخوي انت وش تكتب به .. اذا شفتك مواضيعك هونت اني انزل شي ... و.. ولكمووووووووووووووووووووووووووووووووووووووو لابوساره والله اني من الناس اللي فقدتك في مواضيع دعلج .. وقايلن له هالشي بس مادريت انه يطيعني على طول ... دعلج ممكن موضوع اعبر به عمري عن قولة مشرف وماعنده مواضيع .. رهيب يادعلج ومن اروع من كتب في مجال العيارة كله .. يعطيك الف عافيه .. [/ALIGN]
|
|
22-10-2003, 03:25 PM
|
رقم المشاركه : 5 |
|
عقلية كروية فذّة
|
8 8 يحليلكم ياللي رديتوا كل ابو مذاهبكم مشرفين ماودكم تمحطونن معكم كمشرف راجع لك يا خالي يا بعدي |
|
16-11-2003, 04:28 PM
|
رقم المشاركه : 6 |
|
من شيوخ الحاره |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
