|
|
|
|
 |
 |
 |
 |
 |
|
 |
 |
 |
 |
 |
|
 |
 |
|
 |
17-12-2003, 05:15 PM
|
رقم المشاركه : 1 |
|
من شيوخ الحاره
|
خيط ... بيط ... ماعندنا إلا الخرابيط
يالله أن تصبحهم بالخير (في وقت الصباح) ويالله ان تمسيهم بالخير (في وقت المساء) . . الحقيقة أني أحب أن أعتذر عن فتره غيابي السابقة والتي يعلم الله أنها كانت تحت تهديد ظروف قاسية (طيب بلغ الشرطة ياخي حالة اختطاف  ) حيث أنني لم اشبك النت أبداً (حدها) .. اقول لاتصجنا ترى ماأحد درى عنك ولا أحد حتى سأل .... . في مكالمة هاتفية مع أحد اصدقائي قال هالحين انت وش فيك يابدوي .. قلت ليه عسى ماشر وش فيك .. قال ياخوي خربت .. الصراحة أنا كنت اظن الرجال شايفني وأنا ماادري لأن لي سنه منه وكانت لحيتي تصقع السرة والحين حاطها شكشوكة قصدي سكسوكة هذي اللي يحطونها الشباب اللي تسنها ميزان .. قال : ياخوي منول بدوي إذا كتب لايمكن لأي انسان يقدر يحصل عليه ثغرة والحين صار حتسيك كله ثغرات ... (طبعاً تحطمت نفسيتي أن أرى أمجادي تتكسر قدامي تسنها كاس ناطله أخوي الصغير على كيشان حمامنا .. معليش أعذروني على هالعبارة لأن بيتنا صبه ولا بعد تطورنا نحط سيراميك مثل البشرية في المجلس والمقلط .. يعني على قد حالنا ) قلت : يارجال وسع صدرك (عذرنا لادرينا أنا منتقدين  ) منول ياطويل العمر إذا مشيت في الشارع بجينز كل العالم تلفت عليك وتقول عمى وشو ذا الرجال اللي قاعدن يحقط .... (ماأقدر اقولها لأني استحي أو خايف من النقد) وكانوا الرجاجيل يلبسون ثياب فضفاضة واسعة .. أما هالحين الله يعين الدعوى صارت (حقط × حقط ) قلنا نواكب التطوور .. ووشو له نعيش على ثيابناالفضفاضة ... يبي يقول أنه لابس جنز وشعيراته تناثر على جبهته بالطبع أساليبنا ونمطيااات حياتنا بدأت تتغير فلا تستغرب إذا شفتني أمس مطوع واليوم مسكسك والله على حاال الدنيا.. يعني : نمشي ورا والوقت يمشي لقدام ** وحكم القدر فارض علينا ميوله ××× هالحين أمس نزلت الرواتب (فرحاااااان ومبسوط ) .. ابد بمجرد أن وقعت عيناي على ذاك الصراف الذهبي الذي بيبانه من قزاز ومير أخطم من قدام دينه بغت تصدمني من وراء .. وكل شئ الا الصدم من وراء  ... وأوقف ... وأنزل بالطبع كنت لابس جينز (ياشيخ فكنا انت وجنزك ) وحينما اصابعي تتلاعب بالأرقام والصراف يقول أدخل الرقم السري لكي تسحب بعض من النقود الذي يمشي الحال لفت انتباهي وجود إيصال .. شكل راعية اللي قبلي نساه في الصراف.. تحسبوني سويت مثل بعض الناس الأتيكيت وسحبت الأيصال وذبيته حفاظ على خصوصيات الآخرين تعرفوني عاد انسان أحب أساعد الناس ولانيب فضولي (Malgo0o0of بالأنقليزي) .. ومير اسحب الأيصال تعرفون كم كان الرصيد المتبقي ... كان كان .. والا خلوها مستورة الرجال اللي ذاك ايصالة بيستحي وبيقول أني فضيحة اعلم بأي شئ ووشو له نعلمكم بأرصدة الناس ..صز انكم بعد فضوليين .. وش يهمكم رصيده به . صدقوني لاهوب( 0.66) صدقوني مهوب كذا طيب مادامن رصيدك بذاالشكل وشو له تخسر البنك وأيصال وراء ايصال وبطاقة صراف .. طيب ياخوي مادام ماعندك رصيد وشو له تطلب كشف حساب مختصر وتشغلني وتشغل عيوني تدور كم رصيدك(أي ايصال رصيدة واجد ياخذه عشان يشخص به قدام خوياه )لا وازيدكم من الشعر بيت واحد من الشباب كل ماركبت سيارته مليانة كشوفات حساب من البنك يرسلون له والمشكلة غترته من ذيك البسام الأوله حتى بصمة سبعة ماشراها .. قلت ياولد خلني اسرق شيئاً من كشوفات حسابة واشوف رصيده قززززززمني اقوله سلفني .. ويومن سرقت واحد من كشوفاته والا مير الرصيد (0.88) طبعاً بالماينص أجل تبونه بالزايد .. كانت رسوم بطاقة الصراف ماسددها  والرجال كل مامر على البنك تلطم لا يعرفونه بين قوسين (خخخخخخخخخخخخخ)صززز ناس ماتستحي ماعندها دراهم لا والبنوك حقتنا متنحه تصرف ايصالات وكشوفات حساب علىالفاضي صزز ماعندهم دبره (اشغلوني بكشوفاتهم )××× فكونا من سيرة البنوك اللي تسد النفس لأن رصيدي واجد ولا ابي أعرف الاسهم خسرت والا ربحت .. ودي أنسى مشاكلي المالية تعالوا نشوف واحد من خوياي .. طق له كمبيوترواشتراك .. وسجل في هاك المنتدى وتعال طرح مواضيع .. ماهي أسباب العنوسة .. هل تتوقعون أننا نستطيع أن نقضي على البطالة بهذا التصرف ... لمذا الزوجة تخون زوجها .. وحوار ساخن في منتدى عدد اعضائة 130 عضو .. متأكد طبعاً أن ثلاثين اسماءه ... وواحد المشرف العام .. وخمسة أخوانه .. وثلاث بنات خواته .. وتسع طعش عيااال عمه ... والباقين من طقت بعض حقين الألعاب عندنا .. والرجال مقطع كيبورده ... أحب اسلم عليه واقول اعصابك حبيبي لاتعلمهم بحلول البطالة خل حقوقها محفوظه لك تراني شفت الناس مقتنعة بحتسيك وحليت مشاكل .. يابوي روح بع خضرة أصرف لك شئ تكد به على عمرك ولا كل يوم تقولي ممكن سلف خمسين ابشتري اشتراك نسما (أفرحي يانسما دعاية بالمجااان  )××× يتعب ويفتح موقع .. ومن الموقع يفتح منتدى .. ومن المنتدى يفتح شات .. ومن الشات صاد الذيب الشااات .. وراح وقت الناس معصيااات .. وهو جالس عند مرته يشرب شاهي وياكل كت كااات .. أقولك اصحى يانايم وبلاش صياااح وآهااات... وذب في البير حصااااة شفت أنت بتسمع صوت الماء والا ماهناااااش اصوااات :mad: ××× رسالة مغلفة أعترف دايم أن هذرتي واجد .. وأعترف أني من الداخل منحمس .. لكن .. تبقى لكن .. عنصر مهم في أي موضوع ... أشوف وشكووووووو بخير بدوي بكرتونه [/ALIGN]
آخر تعديل بدوي بكرتونه
في 11:39 AM.
|
|
18-12-2003, 05:09 AM
|
رقم المشاركه : 2 |
|
कंट्रोलर जनरल
|
بدوي انت كذا  <<<<يارجال خايف يقول شي وتشب فييه مثل البك بالنسبه للجنز والمشكله مهههيب في الجنز المشكله في عقولنا التنك  بزعمنا ان الجنز هو قمة المتطور والأزياء و العطور البارسيه هي قمة الموضه والحضاره وتركنا الثووب واللحيه لأنها صارت ماضي وشي من التراث مانشوفه الا بالجنادريه الا نص الي فيه مانعرفها تطورنا احس انه تطور حمير (الله يعزكم ) ماخذين من التطوره فضلاته وثانوياته ماخذينا الأساس وهي التقدم في مجال التعليم او المجال التقني او المجال الإكتروني يعني الى الحين فيه ناس عندكم تلفزيون ابو مفتاح (ياخي تراك شطحت بقوه ).............. ياخي ياحبي لمناظر إيصالات العالم بعض الأحيان من الفضوه لو ما ابي الصراف اروح اشوف الإيصالات المنطله الا على طاري الكشوف انا كان عندي حساب بأحد البنوك وسحبت علييه وألغو حسابي والى الحين تجيني كشوفات السيد فلان الفلاني بس مبسوط على كلمة السيد ...................... اخووي بدوي موضوع رائع ويستاهل الكثير من الوقفات بس الحين حوول مايقيم صلاة الفجر ابروح اغسل واصلي الله يتووب علينا يعطيك ألف عافيه اخوي الغالي بدوي [/ALIGN]
|
|
18-12-2003, 11:47 AM
|
رقم المشاركه : 3 |
|
من شيوخ الحاره
|
هلا بك ياخالي الصززز لا تاخذ بخاطره يابعد عمري أنت .. وانت عاد اي شئ اقوله تصدقه ( يقاله يجبر بخاطره )عمر ابو راس اسعدني مرورك وتعليقك وتقبل الله منا ومنك صلاتك وقيامك لا تنسى تدعي لنا <<== كتاتبها قبل الظهر تصدق عاد ياعمر .. أني من يوم أطرح موضوع وانا مير خشتي لا صقتن في الشاشة أنتظر ردك .. لأن ردك دائم يناقش في الصميم وانا يعجبني الانسان اللي مثل كذا .. عشان كذا أنت تعجبني ( طيب قل والله عاد :o ) تشرفت بردك .. وصدقني هو وسام التميز اللي افتخر به بدوي [/ALIGN] |
|
19-12-2003, 01:42 PM
|
رقم المشاركه : 4 |
|
مشرفه
|
لي رجعه تفصيليه
|
|
23-12-2003, 06:11 AM
|
رقم المشاركه : 5 |
|
من شيوخ الحاره
|
الشكر الجزيل لك معزبتنا الرائعة سنيورة على هالمجاملة اللطيفه <<== يقاله تواضع الحين ومنتظر عودتك على أحر من الجمر بدوي بكرتونه[/ALIGN] |
|
23-12-2003, 09:42 PM
|
رقم المشاركه : 6 | |
|
مشرفه
|
عرق اللقافه ماسك خط عندك ياخوي .. اجل وشله تلقط ايصالات العالم << هذي ماعندها ماعند جدتي .. حطت لها مره حصاله و من ثاني يوم شالختها بلا ايصالات بلا هم .. عاد تدري يا بو كرتون ان هالبنوك ماوراها الا الخرط الفاضي .. ماغير بعزقه اوراق بس اذا جيت لهم قلت ابي افتح حساب قالوا هات 5000 ريال .. طيب واللي عايش على (0.66) وش يسوي خلك على الحصاله احلى اما هالمتحمس بالمنتدى .. خله يوسع صدره و يسولف على كيفه و دام الكلام ببلاش والحبر عليهم عادي يبربر براحته اقتباس:
حياك الله دووووم ولا تقاطعنا نسخه للمتحف اذا كتمل الزوار [/ALIGN]
|
|
|
27-12-2003, 06:10 AM
|
رقم المشاركه : 7 |
|
من شيوخ الحاره
|
قلت بس غلطوا وحولوا فلوس الوليد لحسابي ,, على طول وأضغط صرف خمسة آلاف قال رصيدك لا يسمح وأطلب الرصيد .. تحطمت طلع الحقيقي الله يرزقنا من حلاله وأياكم .. قالوا آمين |
|
30-12-2003, 10:30 PM
|
رقم المشاركه : 8 | |
|
من شيوخ الحاره
|
سنيورة اقتباس:
سنيورة لي الشرف أن تعانق كلماتس صفحات موضوعي وشكراً على المتحف *********** ابو كشمات ماتنلام يمكن أنك منزل كشماتك بس ترى الرضى بالواقع كنز لا يفنى الله يرزقك ويرزقني معك بدوي بكرتونه [/ALIGN] |
|
|
01-01-2004, 10:26 AM
|
رقم المشاركه : 9 |
|
من شيوخ الحاره
|
نبدأ بسم الله .. حنا وللاسف اقولها نفكر ان التطور لما تعرف تأكل بالشوكه والسكين ولا تقولك كلمتين رومانصيتين او مثل العسل ولا التطور بلبس الجينز او سلع استهلاكيه !! .. بيني وبينك صحيح انه شيء يضحك السن وبنفس الوقت يدمع العين انك تشوف بعض الناس تربط التطور والتمدن بلبس الجينز او تحقط الثوب بزعمك تساير الموضه !! ( عمر ترى ذاك اليوم ثوبك محقط ) .. بس المشكله الاكبر في عقول داجه هاجه ( مع احترامي لاستاذي داج هاج ) صارت تشوف ان الدين برضوه تخلف وضد التطور !! وصدقني موجودين هالاشكال عسى الله يهديها ولا يبيدها نعنبوهم قلنا لهم تطوروا ماعندنا مشكله وحنا بعد نبغى نتطور .. بس انهم يشوفون الدين هو سبب التخلف وهم يعتبرون اكبر المتخلفين بالدين ولا بدونه !! طيب دامهم يرون ان الدين سبب التخلف ويبغون نتطور ونكون شعب منتج لا استهلاكي وهذا شيء ممتاز لكن مقصدهم بالامر خبيث .. ليش مايبدون بانفسهم ويورونا صناعاتهم واكتشافاتهم ؟! ( صحيح اني شطحت عن فكرة الموضوع بس شيء بالقلب لازم يطلع )<<----- ثاني مره ... على طاري البنوك والايصالات ! محاتسيك مره ركب مع ناس يقالهم عيال نعمه وحنا ماشين بالطريق تذكرت اني مطفر ولازم اسحب من الصراف .. قلت لهم وقفوا شوي اسحب فلوس ! وبالفعل وقفوا عند اقرب صراف ودخلت بسحب وشفت ايصال صاحبه نسى يأخذه معه .. وبما اني مثلك انسان فضولي وملقوف في الشغلات هذي سحبت الايصال وحطيته بالجيب وسحبت الفلوس ورجعت .. يوم ركبت السياره طلعت الايصال وناظرت الحساب وشهقت شهقه وواحد منهم نط علي يقولي تشهد .. قلت تدرون كم الحساب في ذا الايصال؟ قالوا : نعنبوك وش يدرينا !! .. قلت : واحد وثلاثين الف وعليها !! ناظروا فيني بطرف عين وقالوا بصوت واحد " بس ؟!! " .. اللي بغيت اقوله انك لو كنت مع ناس كاش ودخلت الصراف ولقيت قدامك وصل لو فيه ملايين لا تعلمهم عشان مايطيحون وجهك مثل ما صار لي اما سالفة الشات اللي صادت الذيب مدري الذيب اللي صاد الشات والله شيء يبط التسبد والواحد مايدري وش يقول وبصراحه هالموضوع من زمان برأسي افتح له موضوع كامل ونتكلم فيه بس الكسل والعجز يحدني دونه ! شف يالغالي الحين ماعاد يعرف من اللي يصيد الثاني .. وانا بنفسي وقفت على قصص كثيره فيها البنت تدور الولد ... طيب وش السبب؟ طال عمرك عندنا البنات يعيشون بفراغ عاطفي كبير ولذلك تجدها ارض خصبه لتكوين علاقه مع اي شاب حتى لو كانت تعرف ان غرضه دنيء !! تبغى تسمع كلام حلو ورومانسي يرضي غرورها .. او مالاقت اهتمام من اهلها واخوانها بها وبمشاكلها ف تصير تبحث عن شخص اخر تبث له همومها وهو يسمع اما ب حسن نيه او بسوءها او يرضي غرورها ويشبع لها هالغريزه !! بعد فتره يجدون انفسهم متعلقين ببعضهم .. وبعدين؟ الذيب يصيد الشاه او العكس اما الشباب اللي يدخلون الشات ويقولون قصدنا نلقى نقاشات جاده او نتعرف على شباب .. اقولها له بالفم المليان ( انت كذااااااب ) واللي اشوفه ان الامر ماتوقف على الشات .. بدأ يتعداه الى المنتديات وطبعا المنتدى واساليب التشبيك فيه تختلف كليا عن الشات .. وما حنا عن ذلك بغشيمين ردي صار اطول من الموضوع واحس انك منتب فاهم منه شيء .. [/ALIGN]
|
|
02-01-2004, 10:20 PM
|
رقم المشاركه : 10 |
|
مشرفه
|
[/ALIGN]
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
