|
|
|
|
 |
 |
 |
 |
 |
|
 |
 |
 |
 |
 |
|
 |
 |
|
 |
21-11-2006, 03:05 PM
|
رقم المشاركه : 1 |
|
من شيوخ الحاره
|
:: باريس نجد ::
يسعدلي مساكم \ صباحكم بالمسرات .. جو القصيم هاليومين مايفوت ابد وخاصه جو عنيزه  طلعت للبر صبحية يوم الاحد واخذت لكم هالصور تأملوا بالله هالمناظر بلا الفلبين بلا نيله       هذا وقت المخيمات من جد   استراحة محارب ياني نشبة لها نشبه بغيت اصور اصبعها بس خفت اروح ملح تحتها << يستمع بأستغلال الفرص  وهذي باقي الصور واتوقع انها احلى من الي فوق ..  (1) المساطيل خيال هديه لنايف نجد وش رايكم بالتصوير اشتري كميره ولا ماعمري اعودها ؟ 
|
|
|
21-11-2006, 03:14 PM
|
رقم المشاركه : 2 |
|
العدوان الغاشم
|
توفيق الى حد كبير في المكان والزوايه <-- صور جراده حمرا واقلق امنا  الصوره الاولى هالمكان ترى ينفع مخيم يا ما يهاب .. مره منااااسب احجزه تكفى اما هالمطر حرّك نفوسنا منول نفسي في طرف خشمي وهالحين لو تصفقني ببريق شاهي ما قلت شي من زود الوناسه ..يا زين المطر والربيع والغيوم تهيّض  ما يهاب نروح نطعّس ؟ يا ملا العوافي وصوّر ما ورانا شي ترى اللي ادجّ منك صوروا مثبت يا بعدي والى المتحف بعد إكتمال الردود
|
|
|
|
21-11-2006, 03:35 PM
|
رقم المشاركه : 3 |
|
مصور محترف
|
.. بس ذا الاختبارات ماتخلي أحد ماطلعت غير مره وحده .. ومن عقبها سحبتني على خشتي الاختبارات مايهاب هيّضتنا حسبي الله على ابليسك اما صورة البعير خخخخ الحين يستهبل ذا ولا صادق  !!ان شالله ان ربي راضي علينا ... بهالامطار والجو الزين وتسلم يمينك مايهبشي .. زوياك في التصوير حلوه بس الدقه مهب ذاك الزود  سلام |
|
|
|
21-11-2006, 03:38 PM
|
رقم المشاركه : 4 |
|
عميد المشرفين
|
ماشاء الله والحمدلله على هالخير .. والله يابو حمد اني عندي كم صوره بس يوم شفت تصوريك وصورك هونت انزلها كفيت ووفيت انت ووجهك لكن انتظر ان شاء الله صور بحر القصيم قريباً .. يعطيك العافيه ياحلو وتصوير قوي |
|
|
|
21-11-2006, 04:04 PM
|
رقم المشاركه : 5 |
|
من شيوخ الحاره
|
... اللللله .. ياحلو البر والكشتات .. بس ياليت يحطون حمامات <-- وسواسيه ولازم كل خمس دقايق تتروش اذكر مره كشتنا اسبوع .. قسم بالله طلعت ريحتنا وع ... ايييه .. قسم بالله مايحلى الجو الا ايام الاختبارات !! .. نجي للصور .. عذااااب .. تعيشك الجو ..خبري بكشتات القصيم من 15 سنه يمكن .. وضيعنا بعد وهالناقه .. مسويه تضحك للكام .. .. بس خطيره حركه انها مفحجه من ورا ومن قدام عادي حركه حركه .. مايهاب .. وش نوع الكام . ؟ .. |
|
|
|
21-11-2006, 04:47 PM
|
رقم المشاركه : 6 |
|
مساهم في شهار
|
 اننننااااااااه وقسم بالله منظر يجنن اقول بس اجمعوا العزبه خل نطلع نكشت .. انا علي الفراوي<< تسمع بالعزبه يوم شفت الصور احس ان اصابعي تجمدت زياده من البرد .. امس طلعنا البر انواع الزحمه الظاهر ان كل الرياض طالعين زينا .. ياحياتي رحمتنا ماصدقنا يجينا مطر وجو زين ..الحمد لله ربي راضي علينا ..هههههههههههههه الله يرجك على صوره البعير ليتك اخذها من الجنب تطلع شي .. اشتري كاميرا وقتها الحين ترى ..
|
|
|
|
21-11-2006, 04:50 PM
|
رقم المشاركه : 7 |
|
مسطول يمون
|
هاذي عنيزة ؟ طيب وين دوار الساعة << كل تبن ياشيخ والله منول زعلن علي عنيزة واهلها خاطب منهم وردوني بس عقب صورك شكلي بطقها صلح الين الحر عوافي وياجعلك تبحثر تحت هالناقه وتشرب لبينها ياقلبي
|
|
|
|
21-11-2006, 05:25 PM
|
رقم المشاركه : 8 |
|
مهندسة تطوير
|
. . . . ياااااااااااه....بصراحه صور تهيض الواحد... وووربي قلبي حن لديرتي... أما صورة الناقه..وريتها للوالد..وقالي : أخاف إنها ماخوذتن بالفحجا؟؟>> الفحجا ==؟؟ ب/ مايهاب إ ش ت ر أهديها هالأبيات: اشتقت لك يانجد من بد الاوطان واتخيلك يانجد فأحلى منامي يانجد انا أحبك وبالحيل ولهان ومن حبكم يانجد جيعان ضامي والله ماشبع منك لوقلت شبعان وشوفتك لي يانجد غاية مرامي مأنساك انا يانجد لوكان ماكان مادمت حي وشايلتني عظامي لو تهت بالغربة ودورات الازمان مأنساك انا يانجد منسى غرامي يانجد ماتنباع لو بأغلى الاثمان طيٌب وزادك طيب ، اهلك الكرامي ومن لامني في نجد ياناس غلطان ماشاف فيضانه ونبت الخزامي تفداك اهل لبنان مع جو لبنان وتفداك باريس وجزيرة ميامي وصلاة ربي عد هطٌال الامزان واعداد ماصلى المصلي وصامي س ل ا م ي |
|
|
|
21-11-2006, 05:31 PM
|
رقم المشاركه : 9 |
|
من شيوخ الحاره
|
اللله قسم بالله جتن الصيحه يوم شفت الصوور روووووووعه خلااص أبي البر جوو خبااااااااااااااااال وغيووم يووحش والبر لابد ينفع للدباب مايهاب لابغيت تطلع ثانيه اعزمن اويلاه البرذا وقت المخيمات والفله بس البعير مادري وشو ذا اللي واقف الحاله وراه مسوي برجلينه تسذا يعطيك العافيه وتصوير 
|
|
|
|
21-11-2006, 06:03 PM
|
رقم المشاركه : 10 |
|
راعية سوالف
|
الصدز البر مايفوت هاليومييين .. خاصه اذا كان مخيم مع دباب يالله الجنه <-- عز الله ماطلعتي منه ابدمشاء الله تصويرك دقيق ووواضضضح عاد نبي نطمع بصور ثانيه دامه تسذا تحياتي |
|
|
|
21-11-2006, 06:12 PM
|
رقم المشاركه : 11 |
|
راعية سوالف
|
    ومايحلا الا باضووو  ننتظر تعليقكم تحياتي[/align] |
|
|
|
21-11-2006, 07:35 PM
|
رقم المشاركه : 12 | |
|
من شيوخ الحاره
|
اقتباس:
ياحبي لك يا بو حمد تصوير ولا أروع .. وجو خيالي ماشاء الله.. الصدز إنكم تنحسدون عليه .. ازين ما بالصور إننا شفنا بر نظيف .. خالي من الدداسن والغبرات .. أهنيك يابو حمد على إختيار الأجواء .. مبدع
|
|
|
|
|
21-11-2006, 08:07 PM
|
رقم المشاركه : 13 |
|
من شيوخ الحاره
|
مايهاب صور بعدسه رائعه صراحة ودي اروح للقصيم احس الجو رهيب والجو فيها غير شكل << ليه وانتي جربتيه المهم صوره المساطيل روعه يااخي حسيت فيك انتمى للحارة انت رائع << خالية من المجاملة لاتبطي علينا فتك بعافية |
|
|
|
21-11-2006, 08:53 PM
|
رقم المشاركه : 14 |
|
|
