|
|
|
|
 |
 |
 |
 |
 |
|
 |
 |
 |
 |
 |
|
 |
 |
|
 |
 |
 |
 |
 |
|||||||||
|
||||||||||||
 |
 |
 |
 |
|||||||||
 |
| شاليهات المساطيل منتدى شبابي , بر وكشتات وتصوير وسفريات وغر ضببه |
 |
|
|
أدوات الموضوع |
28-11-2006, 05:34 AM
|
رقم المشاركه : 1 |
|
من شيوخ الحارة
|
عطر الروح وتخاريف شقراوية
 مقدمة تتقاذفنا حمم التطور المؤثرة في سيكلوجية حياتنا فتنحوا بنا لميتافيزيقيا الحياة العصرانية ونحن نستلهم مكنونات حياتنا من الهيمنة الأنجلوسكسونية القديمة ... الزبدة أننا كنا في شقراء وجينا للرياض << من قال لك أكتبي مقدمة قدموك ضحية للعيد . المهم لا تزعل يا مايهاب .... بسرد لكم رحلتنا العتيدة إل ديار عشت فيها سنوات عمري الصغنونية ، ثم هاجرنا بسبة أختي للرياض وكل يوم يدعي أبوي على اليوم اللي طلع فيه من ديرته .. رؤوس أقلام .. شقراء >> وصف أطلق على ملاحة الديرة وشقار شعرها ..أقصد جبالها وترابها جعل التراب في وجه العدو  .جفر الطاحوس >> حي من أحياء شقراء القديمة عاشوا فيه والدي شهر العسل .  خبيزة >> حي كذلك يقال أن فيه خباز .. والوكاد أنه منقع ينبت فيه الخبيز .  الوشم >> ظاهرة انتشرت بين الشباب وهو عبارة عن صلخ الجلدة العلوية واستبدالها بصبغة حسب الموضة حتى تروع الناس .. ويطلق الوشم على محافظة عاصمتها شقراء وه  بس .تفاصيل الرحلة .. في يوم الجمعة تاريخ 11 / 11 / 2006 م الموافق / / 1427 ه << ما ادري كم نسيت وزرفت التاريخ من الصور .. ويقال عشان التاريخ الميلادي مميز <<< اطلعي برا .. توجهنا بعد صلاة الفجر وكنت سهرانة ذاك اليوم في الحارة أمزمز بيبسي في حدا العيران << جمع عاير وهو الزقاق باللهجة الحجازية الفصحى .  مالكم بالطويلة ونتجه لأقرب مطعم وأنا أزاعق أبي همهم . و ما قصر أخوي ويزرق ويجيب لنا كبدة حاشي مع فطاير سبانخ وبيتزا وجبن .. وبعد قلت له يجيب فول وعيا << من كبر التانكي  ..توجهنا عبر الدايري الشماليو قضبنا طريق شقراء وخبري به من كم سنة .. طبعا افراد الرحلة خمسة وهم مامي و أخوي وأخوي وأختي << مصالة ورب البيت .. تبعد شقراء عن الرياض 180 كم والأجواء كانت بديعة جدا .. وصلنا قرابة الساعة 7 ونص وحنا ما يردنا ألا بيتنا اللي بعناه وقد شهد أولى خطواتي << جعلك تعكرفين .. وهنا شعار دخول شقراء يالله من فضلك ..  يمين الشعار بيتزا هت وكودو اللي أشغلنا بها عضو .. ويسارها البنك المركزي << تبطين .. قعدنا نحور ونكور في الحارات ومنها شفنا الجامع الكبير ، وسوق حليوة << يا حبي له سوق الخضار والبعه .. و شفنا التطورات عقبنا .. مستشفى جديد غير كليات البنات وفرع جامعة الإمام محمد بن سعود كلية خدمة المجتمع .. و مراكز صحية .. وسوق الأندلس .. ومعهد حاسب ، وقاعة أفراح . . ...........الخ ..ثم اتجهنا مباشرة لأساس الرحلة ... بيوت الطين وشقراء القديمة . . هذا البيت رحمني ربي ما فنقست وأنا أصوره .. من شفته وأنا في السيارة وهو على الشارع وأنا اطير منها وعباتي وراي زي السوبرمان << وينك عبير ..وأتشعبط زي العنكبوت وأصور .. << معلمها دعلج ونكهة كيف تلقط الزاوية .  هذي أول مدرسة بنات في شقراء كلها والظاهر أن اللي درسن فيها موجهات الحين في الرئاسة . وتقع في جفرة الطاحوس والنعم .   هذا اول بيت شهد شهر العسل بين أبوي وأمي و لاحظوا الكم الهائل من التطورات تقريبا قبل 40 سنة .. الله يطول اعمارهم على طاعته بالمناسبة تراه قدام المدرسة . . بجوار المدرسة بيت مجدد ويرحم الله أهله ماش ما هنا له الهنيدي يسكن بدون شجر زينة وتوه مسقيها يالله من فضلك .  هذي عشة دجاج بيت أهلي عمرها 35 سنة .. ولاحظوا كيف العويدات لازالن راسيات ، والعشب نابت من حبيبات الزمن .   هذا الجيب اللي كانوا يطعسون به الشيبان اول مرهم بدركتل .. ولا يفوتكم لون العبند بغيت انقز وأركبه بس انحاشوا عني أهلي .لقيناه مسنتر في خبيزة .. .. وحنا طالعين من شقراء مرينا أستاد شقراء الدولي للمباريات العالمية عمره تقريبا 30 سنة ، وهذي لقطة سريعة له من وراء قزازة السيارة وهي تمشي .. << الله يهديك يا أبو سلمان  عاد اتجهنا خارج شقراء و رحنا نعبي بنزين .. عاد الدنيا خلا وما فيه أحد يوم جمعة وأنا أنزل لبقالة المحطة ، وأقش كل ما هب ودب حتى ولاعة شريتها ماأدري ليه .  وبعدين رحنا لأشيقر يمدحون مطل خققققققققققان فيها طبعا مرينا بأكبر معلم في طريقنا وهي ساحة المطار اللي بينشئ فيها << من 40 سنة والعقد موقع ..   دواجن الوشم لا انفلونزا طيور لا حمى بعارين لا دود نخيل .. طعم ولا ألذ .  وهذي صورة فطورنا الثاني الساعة 11 ( وينك يالمهوية )  والله وننكس للرياض .. بس اللي لفت نظري شيء غريب ، والظاهر أنه السبب في اختفاد دعلوج / دعلج / دعيلج المساطيل .. وهذي الصورة توضح السبب ..   وصلنا الرياض الساعة 2 الظهر .. وشغل حوتك حوتك .. وتقول راسي صميل عجوز بدوية له 6 أيام طاقته الشمس لما أخور .. يالله .. لا تبقون في خواطركم شيء ذبوا وشرشحوا .. وماجاكم في ذمة عباتي .. الكام بدقة 3.2 ميقا بيكسل ( جوال N73 ) << لا أحد يدف
آخر تعديل عطر الروح
في 10:46 AM.
|
|
|
28-11-2006, 06:03 AM
|
رقم المشاركه : 2 | ||
|
مسطول يمون
|
اقتباس:
وبعدين من جد هذي صور جوال ....ماشاء الله خيال إلاّ وشو جوالك بس شكل الرحلة تهبل ذكرتيني باثيثيا...مع إني ماقد طبيتها إلا مرة وحده بس هذا ما يمنع إني أشاركك مشاركه وجدانيه العالم جايعين وفاطسين وشوله عارضه هالخرابيط اللي تعبتني نفسياً.... اقتباس:
عطر الروح... من جد شكل الطلعه توسع الصدر على هالجو..... والصور خيال والله ودقيقه.... دمتِ بخير[/color]
آخر تعديل السيدة ملعقة
في 06:10 AM.
|
||
|
|
|
28-11-2006, 06:29 AM
|
رقم المشاركه : 3 |
|
من شيوخ الحاره
|
صبحها بالخيييير
. يا ربيه .. لين ألحين فيه ناس يكتبون بالمتفرّق ... !!! ألحين عرفت سبب تخلفنا << مب عاقلة بنت جنيف  << تدوّر حلاو البقر ههههههههههه .. الا صدق وينه ؟ والله الصورة معبّرة .. قد الباب كنه مزروع هو الثاني ما ينعرف من وين طلع هذي عاد " مُلجمة " من جددد .. صراحة مسككككتة تستاهل عنوتها  والله نوكيا بطل اللي طلع هالصور .. ما شا الله عيني على حقك باردة نهايتوووه .. الحمد لله ع السلامة .. يا الله حيّها والله جبتي الفكرة في بالي أنا بعد .. مير قد اللي عندنا أهجس شوي يا الله انك أرحم . . .[/align] |
|
|
|
28-11-2006, 06:39 AM
|
رقم المشاركه : 4 |
|
راعي محل
|
والله ماهي عادتي اقرأ بس بصراحة اعجبتني السالفة قصدي الرحلة بس تعالي ياعطر هالحين الصور اللي للبيوت من صدق كان بيتكم هذا؟ امممممممم يعنى شقراء!!!! نسمع عنها ولاشفنها بس مدري حولها مقناص؟ عطر الحين هذي سالفتك كلها صارت بيوم واحد؟ وبالعيد لايكون تعيدون هناك؟ واختك هي السبب في خروجكم من شقراء؟ كيف يعني؟<<< الاخ محقق؟ الله تعليقي على ماكتبتي من رحلة ماعندي تعليق سوا الضحك وعشت الجو مع السالفة ايه هذا اللي نبيه البساطة والحقيقة في ايام زمان لكن لاتعليق <<< مالقيت شي اعلق فيه لان الصور شدتني لماضي طفولتي بعد لمن ضحكت واستمتعت بالرحلة يعطيك العافية اختي |
|
|
|
28-11-2006, 07:24 AM
|
رقم المشاركه : 5 | ||
|
من شيوخ الحاره
|
اقتباس:
 :::  امووووت انا على التشويق والاستقبال .. الا ورا حرف الالف كنّه L ..؟ تهقون حركه ؟ :: اقتباس:
::  ههههههاي تخيلت الشكل وانتي متعنقطه بحدا هالعواميد زي سبايدر مان  <-- يا الحولا تقول سوبر مان قسم بالله كنّه من آثار الحرب ع لبنان .. ::  الاماكن كلها مشتاقه لك اموت انا على حركات سالي والمداخن الحمر اجل باب ازرق !! فاهمين الكشخه غلط ولاتفوتكم النجفه اللي تطل من فوق ::  نبتة الباب عطر هذا باب والا بس منظر ؟ في احد يدخل معه ..؟ كنه اصبع كت كات موقّف :: اما العشّه !! ذكرتيني ب بابا .. مودينا القصيم وحاره قديييمه يقول بوريكم بيتنا .. <-- نفوسهم بخشومهم قلنا طيب من باب البرّ وقعدنا حول الساعتين ندور في حاره ظلمه وفاتته صلاه العشا وهو يدور يدور .. ومابقى رجال ولا امام مسجد ماسأله ... في الاخيييييير .. قال هذا بيتنااااااااا .. ويكبّس بالسياره ومانشوف الا ارض فاضيه !!  قسم بالله رمل !! يقول هدّوه !! طيب وشوله تجيبنا !!  .. ويقعد يتأملك بالارض لمده نص ساعه وكل اللي بالسياره ينتظرونه يخلص من الصلاه الروحيه :: قسم بالله كنّه اكلنا !! خاصه ذا الصحن المدور حق المكسرات ::  عشان كذا تهقين متزاعل مع سدير <-- تراها فاهمه سدير غلط :: عطوره (عطر الن )صور تزنن للشياب .. ودقتهم ماكأنها من جوال ..تسلم لنا هالعباه  وسوري ع الخطمات ::[/align] |
||
|
|
|
28-11-2006, 09:00 AM
|
رقم المشاركه : 6 |
|
مسطول يمون
|
 شقراء اذكر اني طبيته وانا صغير ايام ما كان طريق القصيم الرياض يمر مع شقراء والصراحه ما اذكره . لكن يلزمنا نشقر عليه بعد هالصور الكمره حقت N73 مهبوله ماشاءالله تقل كمره ديجتال. لكن سؤال سمعت انه فيه عنصريه بينكم انتم واهل اشيقر هل صحيح اللي سمعته والا اشاعه مغرضه تسلم ادينك على هالموضوع
|
|
|
|
28-11-2006, 09:06 AM
|
رقم المشاركه : 7 |
|
من شيوخ الحاره
|
لا اشاعه .. يحتكون ببريده وعنيزه بس <-- احد موكلتس تردين (لاحظوا حطيت بريده قبل ) سوري عطوره  <-- تلهيك [/align]
|
|
|
|
28-11-2006, 11:45 AM
|
رقم المشاركه : 8 |
|
مصور محترف
|
اهل شقرا ع العين والراس مانقدر نقول عنهم شي <<< بلا يبي يتفقع وجهك قبل تنطقين  تصويرك حلو والله .. اكثر شي اعجبني لوحة البيطريه ههههههههههههههههههههههههه |
|
|
|
28-11-2006, 05:49 PM
|
رقم المشاركه : 9 | |||
|
من شيوخ الحارة
|
كود:
لا بعدين مين يرد على مواضيعي<===ياشين المصاله بس اقتباس:
اقتباس:
.. وهلا بديرة الجن اقتباس:
شرفتيني والله ملعقة هانم وما يمنع رحلتك الجاية لاثيثيا وشقراء ، وهالمرة أنتي الملاس في العزبة مو أنا
|
|||
|
|
|
28-11-2006, 05:50 PM
|
رقم المشاركه : 10 | ||||
|
من شيوخ الحارة
|
اقتباس:
اقتباس:
اقتباس:
.. وهلا بديرة الجن اقتباس:
شرفتيني والله ملعقة هانم وما يمنع رحلتك الجاية لاثيثيا وشقراء ، وهالمرة أنتي الملاس في العزبة مو أنا
آخر تعديل عطر الروح
في 05:53 PM.
|
||||
|
|
|
28-11-2006, 06:58 PM
|
رقم المشاركه : 11 |
|
من أهل المجلس
|
.. انا بحياتي .. ما جيت لا قصيم ولا شقراء .. ولا بطيخ بس يا حظكم دياركم .. قريبه من عندكم كلها ميتين كيلو وأنتو طابين بها ! مير حنا الي ديرانا .. لازم نصقع حرٌَوت الي الف .. شمالا ً طبعا ً مو جنوبا ً .. ولا ودَّي نصور لكم المعالم .. يالقهر ,,بس الله يطول ب عمر أبوتس وأمتس .. إن شاءالله يابو سعد بس صور خيال .. تصدقين الي عجبني مدخل شقراء .. موب مدخل عرعر يكتوبن ( أهلا ً وسهلا ً قبل عرعر ب خمس كيلو على الغزالي لل الساعات ب بخاخ هههههههههههه بس كله ُ كووم .. وجيب التطيعس كوم ٍ ثاني مسوي حركات .. أجل كانو يطعسون عليه أنا ملاحظ على اللون ( الأًصفر ) تصوير ولا أروع نصيحه من عندي أشتري كاميرا تطلع بطله
|
|
|
|
28-11-2006, 07:15 PM
|
رقم المشاركه : 12 |
|
عقلية كروية فذّة
|
