|
|
|
|
 |
 |
 |
 |
 |
|
 |
 |
 |
 |
 |
|
 |
 |
|
 |
03-04-2003, 01:02 AM
|
رقم المشاركه : 1 |
|
مسـيّر
|
قدّر الله علي وصرت رئيس دولة ..!!
السلام عليكم .. صبحهم بالخير .. مسيهم بالخير <<--- شف اللي تجوز لك وخذها  إنطلق 7 7 7 وبعد عشرين عام على إنطلاقة الحرب .. 19/3/1983 م ( التاريخ الأقشر ) <<--- التقويم حقهم يبدأ بالعكس  <<--- مكتوب بالإنقليزي السالفة يا حبّاني .. إني دخلت غرفتي .. ونصيت سريري .. وإستلقيتُ على ظهري ونمت<<--- شكّاك  (( لاتلوموني عندي مكتب بالغرفة أبو خمسطعشر درج ( مراهق ) كل مالقيته إياها قام يصافق بدروجه ويعفس أم الأوراق اللي عليه حتى إن فيه قلم في زاوية المكتب قام يكتب لحاله وإذا قمت الصبح ألقى المكتب لازّن فالسرير <<--- صادن عن المكيف براااد  ( علينا )ومثل أي واحد نايم .. قمت أحّلم حلومن تحبها قلوبكم ( يازين قلبك أنت وإياه  ) .. حلمت إني أمشي فالشارع وكانت الديرة مظلمة الله العالم إن الدنيا ليل .. رفعت سروالي بشوف الساعة كم ؟ ( حاطن الساعة بساقه اللوح ) طلعت الساعة 2 الظهر والقمر طالع ... ماخشّت مخي ..!! قلت ياولد اللي يسأل مايتهوش شف لك أي واحد وإسأله الساعة كم ؟ يمكن ساعتك خربانه .. تكيت على الرصيف أحتري أحد يمر .. أحتري أحد يمر ماااش محد مر ( ولا حالي  ) .. وبعد قطرة من الزمن ( الله ينعل اللي درسك تعبير ياشيخ ) مر واحد .. مير الحقه وأهمس في إذنه " أنت ياهيه .. الساعة كم ؟؟ " قال لي 2 الظهر قلت طب ورى القمر طالع !! قال أي قمر هذي ياشمس يالسطل قلت لا قمر أصلاَ ذيك الخطوط اللي نرسمها حول الشمس في حصة الفنية وينها ؟؟ ( تفسير منطقي ) .. مير نتهاوش أنا أقول قمر وهو يقول شمس .. قلت لازم نخلي واحد يحكم بيننا ( ياعادل أنت <<- منيب عادل إسمي برحه :mad: ) قال خلاص أول واحد يمر نسأله .. تكينا على الرصيف .. عاد أنا فيني عادة لا صرت أنتظر شي أقرّط أظفاري .. قرطت الاظفر الاول وبديت فالثاني بس مااااش محد مر .. زهق خوينا قال ياولد كم باقي ويمر أحد عشان نسأله ؟ ( الله من زين السؤال بعد ) ... قلت له أبد كلها إظفرين ويمر أحد ( مازين من سؤاله إلا إجابتك ) قرطت أظفاري كلها وحليت بالأصابع ( متوحش ) بس ماااش ما أحد مر ! وماهي إلا لحظات ( يمديكم ع الأسلوب ) ومر واحد ( يحلفون إن إسمه بدري بن توك تجي ) مسكه خوينا وقال له هذيك شمس والا قمر ؟ ( ملعون حاط الشمس قبل علشان يقولها :mad: ) قلت لالا هذيك قمر والا شمس ؟؟ ( بعدددي يالذيب ) .. ناظر فينا نظرة إستحقار وتهكم ( قسم بالله مدري وش معناها بس أحس إن مكانها هنا مزبوووووط ) وقال : والله مدري هي شمس والا قمر أصلاَ منيب من هل الديرة <<-- شكله متغدي مع دعلج أمس لا مهوب شكله أكيد متغدي معه أصلا باااينه مايبيلها عيونه حمر راح ذاك الأحد اللي مر قبل شوي .. وخلاني مع خوينا لحالي .. قام يقول لي شمس وأقوله لا قمر .. حتى مردغني بعد ما مردغني .. قعدت لحالي أبكي .. وصارت دموعي تصبصب على الأرض .. وبينما هي تصبصب ظهر وميضٌ من الأرض  ( أروح أسلوب تشويق ) وماهي الا دقايق حتى إختفى الوميض .. تدرون وش طلع ؟؟؟ . . . . . . . . . طلع لي بسكوت " مارس " فكيت القرطاسة يوم جيت بآكل .. ناظر فيني بطني نظرة ورع دب يقزك وأنت تبلع وتحس إن خدوده تقول " تكفاك إقسم لي " .. حسيت إن بطني عنده علم .. قلت هااا وش عند الحلو؟ ( بطني وأمون عليه ) .. قال لي بصوت واطي ( وحقير ياسافل :mad: ) " برحه أنا مانيب مطمن ل هالمارس " قلت له آها بس مآكله مآكله .. بصراحه حسيت إنه مشتهي المارس ويبي يعيفني فيه عشان يأكله بطني وأعرفه بعد ما أكلت المارس .. وقع بصري على قرطاسته ( عسى ماتعوّر أحد ) فقزيت تاريخ الصلاحية نعم لقد سوف قزيته .. إنه منتهي قمت من الحلم مستعجلللل ومرتاااااع .. <<-- قبل ما يأخذ المارس مفعولة وقعدت أهوجس بالحلم ..!! ياربييه وش ذا الحلم اللي يروّع قررت إني لازم أقطع الشك بالسكين .. وأروح لأقرب مفسر أحلام ( أكثر من البقّالات هالأيام  ) ..رحت لشيخن سموه لي في ديرتن من الدير .. دخلت عليه .. وقلت له ياشيخ أنا حلمتت بكذا وكذا..!! عسى ماشر لايكون المكتب أبو خمسطعش درج عملها وأنا الحين حامل قال : لا لا تخاف .. تفسير حلمك يا بني إنك .. قطعت كلامه وقلت : طسسس بس منتب أبوي ولا أعرفك :mad:<<-- ياشين الدفاشة قال : إصمت ياخي خن أكمل كلامي .. تفسير حلمك وهو إنك بتصير رئيس دولة في شهر مارس هذا .. والحرب بتنتهي على يدك .. قلت : الشرهة مهيب عليك على اللي جاي يسألك :mad: رحت لبيتنا .. وقعدت أفكر بكلام الشيخ .. هو صدز بصير رئيس دولة .. يعني بيقولون لي ياطويل العمر؟؟ .. ومن يومها وأنا ما أفارق التلفزون .. حتى إن الريموت لصق بيدي من كثر ما أحوص بين القنوات وماهي إلا طقايز ... وطلع خبر عاجل بالجزيرة .. >> صدام حسين يتنحى عن الحكم والحكومة الأمريكية تُعين برحه بدل منه وإيقاف الحرب حتى إشعارآخر << ..  إكفشششش يالجزيرة الحومة = الحكومة * قمت أضحك هههههههههههههههههههههههه ! <<-- أهبل وأقول الله يقطع إبليسك يا التمساح الأطخم هالحين مالقيت غير هالكذبة !!؟ أكيد هذي كذبة إبريل مايخلي هباله هالثور <<-- يسمع بكذبة إبريل أشكي لكم بشتكي بشكي <<-- نغمة الجوال أناظر الرقم .. مكتوب " الأمم المتحدة " .. قمت أرتجففففف .. والجوال يتقلب بيدي إلين صار خبز أفغاني أرد والا ما أرد ؟؟ أرد والا ما أرد ( نتفت أباطي وأنا أقولها ) إلين وصلة إلى آخر شعرة بآباطي .. حزروا وش طلعت ؟؟. . . . . . . . . . . أرد برحه : من أنت ؟؟ الأمم المتحدة : نحن الأمم المتحدة نود أن نشعرك أنك أصبحت رئيساً لدولة العراق من بكرة تدوام ! ( مهوب آدمي اللي كلمني !! كلمني ذاك زي حق الاتصالات اللي يقول سددوا والا قطعنا عنكم الحرارة وخلينا البرد يذبحكم ) طوط .. طوط .. طوط قلت خلاص ياولد.. هذا قدر من ربك .. لا تعترض .. تزكرت ورح داوم !! جاء اليوم التالي .. <<-- قلطوه بالمجلس إلين أفضى له ( رئيس دولة محد قدي ) تروشت .. وتنظفت ( والله إن جلدي مستنكر الصابون بس ماعليه ) ولبست ثوب المناسبات ( تصدقون إني موقف طولي لعيون هالثوب <<--- انبسط ياابو ديزل ) ولبست الطاقية أم زري ذهبي فاقع ( على طاري فاقع عندي لغز وش هي الكلمة اللي اذا شلت حرف الألف منها تطلع فقع ) دورت لي فنيلة يمين يسار ياولد فنيلة ماااش فنايل عاد الشكوى لله بروح بدون فنيلة عبدالله بالخير مهوب أحسن مني تصدقون يالأجواد إن قارورة العطر نقزت من الطاولة وانتحرت تقول " لو إني دارية إن أخرتها بيبخوني على ذا الوصخ ما كمّلت دراستي وصرت فليت أصرف "إنتهت عملية الزكرته بنجاع منطقع النظير شغّلت الموتر .. وأقلعت للأمم المتحدة بوقع العقد ثم بعوّد للعراق أستلم المهمة  أووووه عاد .. يوم أقبلت على مقر الأمم المتحدة مبنن يهوّل القلب تسبيررر مرة ( بس مهوب مرة مرة يعني مرة شوي .. مهوب تقولون برحه يفقّش علينا ) .. وصلت لبوابة المقر .. إحتفوا بي وقدموا لي الورد والزهور ( والمعاريض ) .. والكيمرات مغير تقابس .. ياليتكم تشوفون المبنى بس .. أول ماتدخل خضار وزرع غير طبيعي ربيييييع ( حتى من كثر الخضار ودك تصير تيس ) وفالنص نافورة كنّها قلّة عمر أبورأس وولد الجن فارش له بساط على جبهة أبو راس وخذ سعابيل دخلت المبنى وأنا فاقن خشيشتي .. تصدقون عندهم غرفة ترقى وتحوّل ( أصنصير يالوح ) وفي كل زاوية كيمرة الظاهر إنهم يصورون طاش ماطاش ..وبينما أنا منبهر بالحركتات اللي عندهم جاني واحد عبد خشته خشة طرار بس الولد ساكبن عمره ( تصدقون وجهه زي لون جزمته كذا التطقيم والا بلاش ) قلت ياولد يمكن طرارينهم كشخات .. عطه ريال والا ريالين وخله يتوكل ! وأدخل يدي في مخباي وأطلع له ريال .. مير يأخذ الريال وينطله لي علي ( طرار ويتشرط :mad: ) .. وقال : I,m not طراراً <<-- نعم إنها الحقيقة لقد قالها بالحرف الواحد راراً قلت : ماعليه يا أخوك ماكنش أصدي قال : Are you Br7ah ?? قلت : الله الله !! قال : والله والله <<-- الملعون طلع يتابع طاش قلت : ها آمر وش تبي ؟؟ قال : إمش نوقع العقد علشان تباشر فالوظيفة الجديدة ..!! قلت : قدااااااام <<--- ضارن بالجريات ماله في العقود ( واللمبات ) رحنا .. ووقعنا العقد .. ودزّيت لأنقرة ( عاصمة العراق حالياً .. قام الخليفة برحه بنقل مقر الخلافة إليها عام 1985 م ) .. تم بحمد الله وسلامته الوصول إلى أنقرة ( إنقره أنت وش قالوا لك ديتس ) ..أول مادخلت أنقره مريت لي مطعم شورما يمدحونه هناك ومير أبلع إلين مليت الحفيرة ( والدوادمي وشقراء ) .. ويوم شبعت قلت " الحمد لله " ( لا شيخ ) .. وبعدين سألت معلّم الشورما عن مكان القصر الرياسي ووصفه لي .. وقفت لي تاكسي وخليته يوصلني هناك ( اللي يبي تواضع سلف لا يستحي ) .. وما أمداني أدخل القصر الا هاك الصاروخ لا قطن طاقيتي الزري .. تليت الصاروخ بيدي الا مكتوب عليه رسالة ( إنظر الشكل )  صاروخ توماهوك( دفني وأطيح بي إتش ) من النوع اللي يطيح بالغلط  قلت إيه بالله تبطي يابويش ( تصغير إستفهامي ) .. أجل النص بالنص يالتسلب وأزهم على التمساح الأطخم .. وأقوله " ألوو أبو أطخم تعرف رقم 905 ؟؟ " قال لا والله يا أخوك وش قالوا لك الإستعلامات إزهم على الإستعلامات وإسألهم .. دقيت على الإستعلامات وأخذت رقم 905 ( مشوها والله ما أتعودها ) وأزهم على 905 وأسألهم عن رقم بوش ومير يعطوني إياه .. وأرسله له رسالة ( الله من القعط بعد ) مكتوب فيها : (( من عمك برحه إلى بويش الصغير .. بترول والله ماتذوقه يالهيس ( يحسبه أكل اللوح ) .. والا ماتوصله بكروز .. واصله باللي أنت خابر .. )) <<-- كان ودي أكمل وأشرشحه بس قهر الجوال مايكفي الا 70 حرف وبعد ماقرأ بوش الرسالة .. عصّب وقام يهايط على الهواء مباشرة .. ويقول (( برحه تسانك ماتبي الحرب فعطني البترول والا فاردز عن الديرة خلال 48 طقيزة )) .. عاد أنا ياجماعة الخير خفت أرجع لحالة الفقر اللي كنت فيها .. وأخلي العز عشان بترول .. إلعن أم البترول اللي يفرق بيننا ياشيخ وأرسل لبوش رسالتن ثانية كتبتُ فيها : (( بوش وش رأيك أمد لك سلك من البترول ( وين دش يبو الشباب ) وتصير صقيقي ولحدن يتعرض أحد )) وما أمدا الجوال يقول تم إرسال الرسالة .. الا بوش طالعن في التلفزون .. ويقول (( نحن نرحب بالإقتراح الذي طرحه مستر برحه .. بس لو يمد لنا سلكين .. ونصير Love بعض )) <<-- المترجم له أسبوع مواصل وأرسل له رسالتن ثالثه كتبتُ فيها : (( مهوب سلكين .. بمد لك أربعه .. إجحدها )) وما أمداني أكمل الرسالة .. الا الباب يطق .. أفتح الباب الا هذا بوش ومعه عامل .. يقول يالله سوو درب للسطح بنمد السلوك ودرب .. درب .. الشكوى لله وماهي إلا طقايز .. االا السلوك ( والمواظبة ) ممدة وخالصة .. ومير أقهوي بوش وعامله .. وأعزمه على العشاء .. وألزم عليه .. مااااش عيّا يقول بيروح يجرب البترول صافي والا لا وتصاحبنا أنا وبوش .. وإنتهت الحرب .. وصار الحلم علم مايستفاد من الموضوع : 1- بوش رقمه مميز .2- لا تقطع الإتصال رأس مالها سطرين . <<-- مساهم بالإتصالات 3- لاتحط لك مكتب بوسط الغرفة . س : في ظل الظروف الراهنة تكثر الإشاعات والتنبؤات بخصوص الحرب وماذا سيحصل بعدها , وش رأيك في اللي يطلعون هالهروج ؟؟ <<-- نبي ذب عفيف لا بذيء ولا مقذع آه ..!! اللي عنده شكوى أو إقتراح .. يسير علي في الحاير.. السويت الرابع عشر .. المهم لاتجي تطوطح يدينك .. جب أي شي لو بيتزا يعتمد,, برحBr7aHه  [/ALIGN][RAM]http://www.mohammed-abdu.com/ra/allahalbadee.ram[/RAM] - اللي ماتطلع له الصور يحاول يطلعها بالطرق المشروعة دولياً وشكراً
آخر تعديل برحه
في 05:31 PM.
|
|
|
03-04-2003, 02:15 AM
|
رقم المشاركه : 2 |
|
مسطول يمون
|
خخخخخخخخخخخخخخخخخخخخخخخخخخخخخخخخخخخخخخخخخ برضو خخخخخخخخخخخخخخخخخخخخخخخخخخخخخخخخخخخخخخخخخخخخخ كبي بيست :p منت بعاقل ... لا والله تعقب تصير ريس :p:p مميز مميز مميز الله البادي ثم مجد ابلادي طيب تحطني ولي عهد
|
|
|
|
03-04-2003, 02:26 PM
|
رقم المشاركه : 3 |
|
الله يرحمها , الله يغفر لها
|
^ ^ ^ يقولك صار رئيس دوله مو بملك يعني بتصير نائب الرئيس مو بولي العهد ههههههههههههههههههههههههههههههه قدر عليك وصرت رئيس السطله خخخخخخخخخخخخخخخخخخخخخ تنسيم من رأس ابد مابه مخ والله انك تيس <== ماسكتها عليك من اول ههههههههههههههههههههههه ------- إكفشششش يالجزيرة الحومة = الحكومة ---------------------- يان تلفزيون الكويت بيفرح بالغلطه ذي..... وده فيها من زمان خخخخخخخخخخخخخخ بس صدق عاد هي متعمده ولا طلعت غلط ومشيتها علي الجزيره كخخخخخخخخخخخخخ === جاء اليوم التالي .. <<-- قلطوه بالمجلس إلين أفضى له ( رئيس دولة محد قدي ) ----- هههههههه الله يرجك انت وعلومك ========== مايستفاد من الموضوع : 1- بوش رقمه مميز . ---- قل قسم ؟؟ ============ 2- لا تقطع الإتصال رأس مالها سطرين . <<-- مساهم بالإتصالات ------- الخلا...... 3- لاتحط لك مكتب بوسط الغرفة . ------- بعلقه بالسقف بعد قصتك ===================== وش رأيك في اللي يطلعون هالهروج ؟؟ <<-- نبي ذب عفيف لا بذيء ولا مقذع ====== والله كنت بكتب الي بخاطري كله بس تذكرت ان جهازي متعاون وممكن يعلم علي فقلت اسكت احسن ===================== اللي عنده شكوى أو إقتراح .. يسير علي في الحاير.. السويت الرابع عشر .. المهم لاتجي تطوطح يدينك .. جب أي شي لو بيتزا === ابشر بجيبلك برسيم ========== والله موضوع مميز ويتناسب مع الاوضاع الراهنه ويمط بحلامنا في نهايه الحرب زي مغاط بيد ورع بصف سادس ابتدائي ( يعني يطلع فوق وبعدين ينزل ويقرصنا قرص ) انقلع <==== ما تعرف تقول باي
آخر تعديل بنت بقوطي مدعوس
في 03:28 PM.
|
|
|
|
03-04-2003, 09:52 PM
|
رقم المشاركه : 4 |
|
توه ساكن
|
|
|
|
|
04-04-2003, 01:46 AM
|
رقم المشاركه : 5 | |
|
من شيوخ الحاره
|
هههههههههههههههههههههه الله يرجك يابرحة يالخبل اقتباس:
ننتضر جديدك يالحومة [/ALIGN] |
|
|
|
|
04-04-2003, 04:30 AM
|
رقم المشاركه : 6 |
|
حطه على يمناك
|
ههههههههههههههههههههههههههههههه هههههههههههههههههههههههههههههه منتب عاقل يابرحه يالارهابي يالحكومهطيب وشرايك توظفني عندك؟؟؟ <----------------------- وده بمكان الصحاف
|
|
|
|
04-04-2003, 02:39 PM
|
رقم المشاركه : 7 |
|
من شيوخ الحارة
|
قسم بالله ما امل لو قريت ذا الموضوع الف مرره .. هههههههههههه ياخي منتب صاحي .. ويلوموني لو طبعته وزعته على الاشارات اكسب اجر اللي صايدزتن صدورهم والله شهادتي فيك مجروحه يابعدي .. ولو بقول من هنا الين تمحط الموضوع الجاي مميز ما كفتك .. <<<<< راضع مع مصري
|
|
|
|
04-04-2003, 03:03 PM
|
رقم المشاركه : 8 |
|
راعي محل
|
هههههههههههههههههههههه هههههههههههههههههه هههههههههههه هههههههه هههه هه الصراااااااااااااااااااااحه الموضوووووووووووع مو صاااااااااحي الله لا تحرمنا من مواضيعك بايوووووووووووووو
|
|
|
|
04-04-2003, 03:07 PM
|
رقم المشاركه : 9 | ||
|
سعيدان المساطيل
|
هههههههههههههههههههههههههههههههههههههههه الله يرجك يابرحه [/ALIGN]اقتباس:
الله يرجكاقتباس:
في الصميم سيدي <<<< بحكم الوظيفه الجديدهتسلم حبيبي برحه على هالموضوع وننتظر ابداعاتك على جمر[/ALIGN]
آخر تعديل دعلج
في 03:12 PM.
|
||
|
|
|
04-04-2003, 03:48 PM
|
رقم المشاركه : 10 |
|
مشرفه
|
ههههههههههههههههههههههههههههههههههههههههههه ههههههههههههههههههههههههههههههههههههههههه يا طويل العمر والله ان الموضوع عاجبني قبل ما تضيفه عندنا و اصلا انا قلبي دليلي اعرف انهم بيحطونك رئيس دوله خابره يعرفون من يحطون بس تكفى يا برحه طلبتك لا تردني هذا اللي اسمه سلفيد مدري وشو ما احبه ياليت ولا عليك امر تصفقه كم كف على الطاير و تنزحه عن مكانه ولو تحط بداله واحد من المساطيل مو شين << تبي توهقك<< متعشيه مع اسيل المصريه اقول دامك حاجز لك قرنه بالحاير خلينا نخربها مره وحده ونحط التشكيل الرئاسي للدوله << تبي تعدم اليوزر برحه ==> رئيس دوله محقان ==> نائب الرئيس وهذا دايم مكروف رشاش ==> وزيرالصحه بس مهوب كل يوم يداوم بنت بقوطي مدعوس ==> قائدة الفيلق الاول بعد لفة الدوار التمساح الاطخم ==> صاحب مؤسسه اطمر تجد سنيوره ==> مدرسة عربي في مدرسة زيد بن حارثه المتسرب ==> صاحب مشغل لتضبيط الحواجب النافشه <<< انثبري يالماصله قبل ما تجيك حصى تخليك تمشين على رجل و نص
|
|
|
|
06-04-2003, 03:01 PM
|
رقم المشاركه : 11 |
|
عميد المشرفين
|
هههههههههههههههههههه كفو والله اعجبتني يوم قلت لبوش يابويش ايه علمه ان العرب قويين << ايه هين هالشخصيه اللي تقمصتها هي الشخصيه اللي تبي تحكم العراق بعد الحرب <<< محلل سياسي الله يعطيك العافيه على هالموضوع الروعه رغم انه طويل نسخه للمميزه [/ALIGN]
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
