|
|
|
|
 |
 |
 |
 |
 |
|
 |
 |
 |
 |
 |
 |
 |
 |
|
 |
31-03-2003, 02:39 PM
|
رقم المشاركه : 1 |
|
من شيوخ الحاره
|
الشاطر يحكي
بحكي لكم معاناتي.. معاناة كل واحد عرف طريق النت والمنتديات.. ماسأه كل من فكر يتناقش ويبدي وجهة نظره.. سالفتي وللاسف تمثل واقع المنتديات العربيه.. قصتي مثل واحد شين وده يصير اطخم او تقول عنه بنت انت منى حياتي لو يدفع عمره الثمن !! مثل واحد رقم اخته بالغلط .. مثل الامريكان اللي راحوا يصيفون بالعراق بس قفطوهم الدوريات هناك متجاوزين السرعه ويبدلون الاشارات.. طبعا كلنا الى الحين نتذكر مباراة الثمانيه الاخيره ( فيه غيرها كثير).. سألوا ناصر الجوهر وش سبب الخساره؟؟ قال : البيت اللي عطوني موب ديلوكس !! قالوا له وش خطتك اللي لعبت فيها ب كأس العالم؟؟ قال : اخر واحد حارس !! وقت كأس العالم حاولت اسجل ب منتدى رياضي لما املكه من رؤيا كرويه خطيره وذوق تحليلي ابن كلب ( شباب عادي .. دايم ارسب بالتعبير) وبالفعل سجلت بمنتدى رياضي بعد عدة محاولات مستميته من جانبي تبؤات بالنجاح .. بعد المباراة الانفه الذكر نزلت موضوع واسهبت في الحديث عن الخساره وخطأ المدرب الفادح لما نسي ينزل ماجد عبدالله في الشوط الثاني ولو خلى صالح النعيمه يلقط الكور اصرف لنا منه .. بعد كأس العالم مسكت معي على تحليل المباريات وقلت يا ولد انت اثبت جدارتك بالتحليل والشتالي موب اطلق منك ليش ما تحلل الدوري السعودي للزكرت الداجه بدون وظايف ما وراها هم الا الكوره !! وجلست احلل لين جت مباراة الهلال والنصر .. مريت البقاله وشريت قلم ودفتر وانبطحت قدام التلفزيون على بطني ورجلي تتهاش مع بعضها ويدي تحاول تخترق النقاط التفتيشيه بخشمي وبديت اسجل بالدفتر واكتب .. فاول للنصر ماحسبه الحكم.. النصر غشاشين يلعبون زايد واحد.. الهلاليين فيهم جفاسه وكسروا بالنصراويين.. بلنتي واذا مانيب واهم تسلل طنشه الحكم .. النصر موب لم سنع راجعين كلبوهم دفاع .. نزلت موضوع التحليل وجلست قدام الموضوع وبعد دقايق امتلا الموضوع ردود بس كلها من نوعية ( الله..... امهم) .. ( الحكم ابن ال ....).. ( الحكم مرتشي).. ( يا مرتزق).. ( يا جمهور.... يا واطيين حنا عمانكم واسيادكم) قلت يا ولد انحش بعمرك وان النحشه نص الشجاعه كما قال عنتر ابن شداد او ثلاثه ارباعها كما قال قيس ابن المقفع.. طلعت من ذاك المنتدى باقل الاصابات وبيني وبينكم ماقدرت اخذ شماغي لانها طاحت بنص ساحة المعركه ووقتها ما كان فيه بوادر للهدنه بين الجيشين قصدي الجمهورين.. وبديت اتنقل من منتدى ل منتدى بحثا عن ذاتي حتى لقيت منتدى سياسي فحططت فيه الرحال وكانت الاوضاع بذاك المنتدى عاصفه .. سجلت بيوزر ناقد سياسي وطبعا من اسم اليوزر بتستشف اني انسان مثقف واعرف ان 1+1 = 2 واعرف ان حسني مبارك رئيس مصر وانور السادات ذبحوه المصريين لانه موب مصري اصلي يعني مصري تايواني.. جلست برهه من الزمن محاولا ومجاهدا اني اجيب فكرة منتازه ورحت اخذت لي اثنين بندول وقوطي باور هورس ودفيتها لاني سمعت واحد من الشباب يقول اذا وقفت الحال ومالقيت ابيض دف ثنتين بندول وباور هورس !!! بعد هات وخذ وجيب وود طرأ لي اكتب موضوع امدح فيه ابن لادن وبالفعل نزلت موضوع عن الفكره ذي وانا متوقع اني بكسر سوق كتاب ذاك المنتدى واني بسحب من تحتهم السماط.. وتسمرت قدام الجهاز منتظر ردود من نوعيه ( فينك من زمان يا كاتبنا الكبير).. لكن تفاجأت لما شفت الردود واحد يقولي ( يا تكفيري يا منحط !!) ويجيء واحد ثاني ويرد على الاول ويقول ( يا علماني يا حقير !! ).. عاد انا رديت عليهم وقلت وش معنى هالمصطلحات؟؟ بس محد عبرني.. وبعد فتره نادى الاول اخوياه بالماسنجر عشان يفزعون له ويردون كلبوهم ردة رجل واحد ( على وزن كمخة رجل واحد) .. ويطمر الثاني ويجيب ربعه ويردون ردة رجل واحد ( مثل الاولين) وينقلب الموضوع مابين ( يا رجعي يا متخلف ) وبين ( يا فاسق يا علماني ) لما شفت الوضع كذا قلت ياحبيبي مالك الا العطه قبل لا يجيك مصطلح من هالمصطلحات ثم كيف اقابل اخوياي وانا علماني مدري تكفيري.. يعني كيف تمشي بالشارع وانت واحد من هالاثنين .. ماتجيك حكه بخشمك اساسها ضربة الشمس؟!! هذا بعض المنتديات غير منتديات التميلح ومنتديات اطلب فتوى واخذ عشر مجانا !! [/ALIGN] |
|
31-03-2003, 04:28 PM
|
رقم المشاركه : 2 |
|
ينشد به الظهر
|
|
|
01-04-2003, 08:17 AM
|
رقم المشاركه : 3 |
|
कंट्रोलर जनरल
|
يا حبي لك ياسمران انت ومواضيعك الأكه
هههههههههههههههههههههههههههههههههه ساد من قالك تدخل السياسه  ولا انت وجهك سياسيه؟؟ وجهك حارس في مسابح سلطانه ويخب ياسمران الطراديه :p بالنسبه للمنتديات فما احد تشتت وألعن خامسه مثلي  كنت داخل(ن) منتدى مدري وش اسمه كله تميلح واشعار وثقالة دم المهم كنت داخل بأسم مخيييييس اذكر انه ( العاشق الباشق ) مدري ايش ومسوي رومانسي ومسوي كازنوفا الرياض ووخر عني قسم بالله مافيه مجلة ما قريتها مسوي دلوع مافيه مقال ما قريته حتى ولو كان (كيف تنظفين مواعينك بعد بربسة بزارينك ) وغدا وجهي تقول كيويه من دهانات التبيض وغدييت وش ملحي هاك الأيام تقول جوافه مسود راسها وانواع النصب وكل كتاباتي هالك الأيام ازرفها من مجلة العربيه القديمه عشان ما والله احد يعرفها ورغم كذا ولا ابن امه عطاني وجه ثمن رحت للسياسه وجاني ابو ولعن خامسي قال الحين ولد عمك محسن بغى يحبسونه عشانه زارف نعال هندي المسجد وانت جالسن تكتب بالسياسه المهم وتوالا التشتت في أزقات وشوارع النت ودخلت منتدى رياضي بس ماش ما جازولي حطين صورة سامي يوم كان صغير والله يضيق الصدر قلت والله اهم ماعلي كرامتي ( وانت وش دخلك ؟؟ ) ....فللأسف كثير من منتدياتنا تسير خلف اعتقادات معينه او خلف رأي معين ونسى ان هناك رأي آآخر وجانب آآخر للكلمه والرأي  يعطيك العافيه سمران موضوع مميز مثل راعييه .. اشكرك لأنك تجسد المعنى الحقيقي للمنتدى العام في مواضيعك الهادفه وذات النقاش الراقي سلمت ولا تبعت [/ALIGN]
آخر تعديل عمر ابو راس
في 08:22 AM.
|
|
01-04-2003, 08:44 AM
|
رقم المشاركه : 4 |
|
مراقـب عام
|
كاتب كبير ياسمران صراحه اسلوب اكثر اكثر من رائع بس اللي شدني كلمة " منتديات التميلح " وياكثرها وياكثر اللي يترززون في المنتديات شوفوني احسن واحد مشكلتي في هالوقت يخوني التعبير لاني في صدمه عاطفيه بسبب قطوة حارتنا اللي واطيها بزر بسيكله وسحب على خشتها جلنطات الين طلعت مصرانها مع خشمها لاكن انشالله لي رجعه بعد مايرجع التعبير ويعتد`ر لي بعد الخيانه ( ترى كيبوردي مافيها حرف الدال اللي فوقه نقطه) ويعطيك العافيه سمران وصدقني الموضوع تجاوز حدود التميز[/ALIGN]
آخر تعديل مخترش الجحور
في 08:46 AM.
|
|
01-04-2003, 01:08 PM
|
رقم المشاركه : 5 |
|
توه ساكن
|
ينطيك العافييه وعوافي سمران موضوع متميز بشهادة الملتوي
|
|
01-04-2003, 10:28 PM
|
رقم المشاركه : 6 |
|
توه ساكن
|
ايييييييييييييييييييييييييه والله يا هالموضوع هيضني وبيخليني ابق بالماضي كله وأكب العشا انا اذكر انه جاني يوم من الايام حسيت ان مخي سياسي وكله اوراق وملفات , مع انك لو تفتح دميجتي لقيت المخيخ لابس انقل وجالس يدقدق كورة على طريق الرقبة السريع وخشيت على الساحات العربية بيوزر ( توني متعشي ) وبعد فترة مليت وقلت لواحد من العيال اني ابترك الساحة وقال لي عطني يوزرك ..قلت له بكم ..قال اعشيك بهارديز ..قلت له تموبكذا ..اسدلت الستار عن حياتي السياسية بوجبة هارديز [/ALIGN]
|
|
02-04-2003, 05:17 PM
|
رقم المشاركه : 7 |
|
مشرفه
|
موضوع من العيار الثقيييييل
ذكرتني يا سمران بماسي هالمنتديات و الشلليه اللي فيها و التعصب ضد اي عضو جديد  << افهم يا شاطربس مع هذا ذكرتني بمنتدى قريب لي << يا بنت رتبي ردك جيت فرحانه عقب ما دريت انه مسوي منتدى و احط رحالي عندهم باسم ( الكوع المظلم ) << تسمع بالرومانسيه ثاني يوم لقيتهم حاذفيني انا و كوعي هالمظلم بالشارع و يقول لي السيكيورتي سجلي من جديد << هقوتي الركبه المظلمه تمشي وسجلنا و بدينا بمشوار الزحف و كل يوم يحذفون رد او موضوع مايعجبه هالادمي :mad: قلت احول على الرومانسيه و اكتب شعر و نفس الشي حتى توقيعي ماسلم قال لي غيريه و يوم قلت ليه قال يشوفونك عيال المنتدى و يعرفونك مدري مكتوب على جبهتي قريبة المراقب ومن يومها قلت الشرهه على اللي يسجل عندكم يقال دعم داخلي تسلم يا سمران و تستاهل المميزه |
|
03-04-2003, 05:58 AM
|
رقم المشاركه : 8 |
|
توه ساكن
|
هههههههههههههههههههههههههههههه الله يرج راسك ياشيخ |
|
04-04-2003, 05:12 AM
|
رقم المشاركه : 9 |
|
توه ساكن
|
ذاكره من التاريخ..
الشاهد في الامر ... اني قريت لي كتاب عن العلمانيه... المقصود أن ابو الشباب اللي هو انا قلت لازم اعلمهم اني فاهم واعلمهم بعد اني اعرف وش معنى العلمانيه... المهم بعد قراءه مستميته للكتاب <<< تعرف فاضي وناشب في ذا المنتديات.. قلت لازم الخص ما قرأته في موضوع ...<-- قالوله راعي خبره في الحياه أنا نزلت الموضوع ولا مانزلته ... نط في حلقي واحد كان اسمه ثائر رومنسي وكان تحت اسمه دكتور فلسفه ... <-- دووس ياخنفوس والهوا ضدك بيني وبينك حسيت اني كبير وصابتني العظمه ... جلسة يومين ما اكلم أحد بعد هذا الغرور قلت لازم اشيك على الموضوع واشوف وش صار ... انا دخلت ولا مادخلت ..... كانوا عيالة الايه ناوين فيني نيه .. ويستعملون معي خطة (استدرج اللوح ) المهم رديت عليهم وكلي ثقه ... وكان هذي أخر علم لي بالرد .. بس ياهم سحبو فيني تسحيب بن حرام مرغو كرامتي بالارض ... أخر شلوته جاتني اذكرها ... او بالاحرا اخر سؤال .... كان يتكلم عن الانثلوجيه الفلسفيه في الفكر العلماني... وكانوا يطالبوني ان اتحدث عن هذا المحور .. المهم ما اطول عليك يالحبيب ... الدعوه اني انحشت وخليتهم.. وبعد فتره دريت انهم يشتتون فكر الكاتب بذا العبارات ... وهذ احد حيلهم... وقتها عرفت واكتسبت خبره وليومك هذا وانا ناوي ارجع لهم بس اللي انا ابي اوصله هي نقطه مهم وهو هدفك اذا مخاب ظني في طرح الموضوع هذا من وجهة نظري الشخصيه... معرفة الشخص ودرايه فيما يكتب ... وعدم الخوض في مايعنيه.. والناحيه الاهم هي ثقافة الشخص... وقراءته وهي اهم شيء في خوض اي غمار ثقافي .. او نقاش دائر... تنقصه المعرفه .. لن .. أكثر بالحديث .. واترك الحديث للبقيه تحياتي.. عبودي لا لا بقيه ... آآآآه يابوعواد وينك..
آخر تعديل عويد صرار
في 05:17 AM.
|
|
05-04-2003, 10:15 PM
|
رقم المشاركه : 10 |
|
محاور سنع
|
خخخخخخخخخخخخخخخ خخخخخخخخخخخخخخ شكلك داخلن في منتديات لابو شكيب وطقتهم ترى ماعندهم الا الدجه :p
|
|
07-04-2003, 11:12 AM
|
رقم المشاركه : 11 | |
|
من شيوخ الحاره
|
في البدايه يا اعزائي احب اقولكم ان الموضوع من وحي الخيال ( مايمديك مخترش ) ولكنها تمثل الواقع المشاهد على الساحات الرياضيه والساحات السياسيه ..روقنا.. حجزك اوكي بس فاتتك الرحله :p عمر ابو راس.. هههههههههههههههههههههههههههههههههههههههههههه ايها العاشق الباشق لقد قلت الصحيح عن منتديات التميلح ولكن انتظر موضوعي القادم  اقتباس:
ويعطيك الف عافيه على ردك المميز مخترش الجحور.. يااكي حرام عليك تقول لنا قصص تعور القلب <-- جلس يومين ما يأكل ولا ينام من القصه الوحشيه اللي قلتها :p وننتظر عودتك مع عودة التعبير اللي خانك.. الملتوي.. قلت المنتديات ولا لقيت الا منتدى سيارات؟؟ يعني لا جيتوا تتحارشون .. واحد يجيء يقول وخر يابو سياره مدردعه والثاني يقول تكفى ياللي سياراته بي ام دبليو  .. الا على فكره شهادتك ذي تنفع اقدم بها على فراش؟؟ دقها والحقها.. ياااخي انت مخ اقتصادي .. متعود على البيع والشراء.. يااخي سجل بمنتدى اقتصادي خل الناس تستفيد من خبراتك خخخخخخخخخخخخخخخخخخخ طيب ليش ما عزمتني معكم على العشاء ليش؟؟ <--- همه بطنه تعبت ولي رجعه مع ردودكم
|
|
|
07-04-2003, 11:56 AM
|
رقم المشاركه : 12 |
|
مسـيّر
|
مين أنور السادات ؟ خخخخخخخخخخخخخخخخخخخخخخ مووضوع بالصميم يابوسمرة بدّعت فأجدت (وخروا بس ) بس تصدق اني اول مادخلت المنتديات زيك بالضبط يعني بديت في منتدى رياضي الين طردوني يوم غثيتهم وبعدين سجلت في منتدى كويتي اخبر اني سجلت عشانهم سبوا بن باز وطردوني يوم سويت قوي وبعدها انت تعرف القصة خخخخخخخخخخخخخخخخخخخخخخخ بس تصدق موضوعك يثبت نظرية ان الشعوب رعاع ؟ (لاحد يسألني وش معنى ذا الجملة وطيت جبهته لاني ماادري )تستاهل التميز وعلى فكرة ترا لك سويت كامل في الهذاك [/ALIGN]
|
|
07-04-2003, 01:23 PM
|
رقم المشاركه : 13 |
|
مسطول يمون
|
سمران يادب جب دفتري وقلمي :mad:<------- بيكمل شخبطه الدوري طيب سوال يوم تدخل منتدي سياسي كان معك محرم موضوع روووعه خاصه السياسي جاز لي لاني عشته وشفته واستنشقت هواه العذب علي ضفاف النهر الخالد مميز يادب [/ALIGN] |
|
07-04-2003, 02:00 PM
|
رقم المشاركه : 14 |
|
من شيوخ الحاره
|
ولو ناراً نفخت بها اضائت ...... ولكن انت تنفخ في رمادِ عزيزي سمران ... قد سمعت بسالفة ( عنز البدو الي طاحت في مريس !! ) .... هذولي ربعنا صدقني !! اول ماجاهم النت ... طاحوا لك في صور السكس والأفلام ... ويوووووووووم شبعوا .. طاحوا في السياسة والبروكسيات ... ويووووووووم حسو ان الدعوة فيها قفطة ومسيار على الحاير .... رجعوا على بعضهم في المنتديات كل يستعرض قدراته الكلاميه على لوحة المفاتيح ! لكن مع ذلك ارجع واقول ( إن بني عمك فيهم رماح ) ... لا تخلوا الساحة من رواد للفكر والطرح الراقي والنقاش الواعي ... ودق علي وانا اعلمك وينهم !! موضوع هام وكلامك تمام .. يابو همام
|
