|
|
|
|
 |
 |
 |
 |
 |
|
 |
 |
 |
 |
 |
 |
 |
 |
|
 |
08-04-2003, 12:01 PM
|
رقم المشاركه : 1 |
|
कंट्रोलर जनरल
|
المشكله وين؟؟؟
مسيكم بالخير  الموضوع عباره عن مشاكل مجتمع يشاهدها الواحد ويسمعها بستمرار ومن كثر ما يسمعها صارت الدعوه عادي عنده اليوم وانا راجع من الكليه واقف عن اشاره وبلحالي بالسياره وشمووس وغثى وألتفت الا والله باص بنات ابتدائي تقول مخبات شايب مليان شوي ويفيض  يعني انا بحكم السن يمكن اتحمل الحر ومرتاح لحالي بالسياره ومكيف ورغم كذا طاقتن تسبدي من الحر ... اجل وش نقول على هالضعوووف ؟؟؟يعني من أهم اسباب التحصيل العلمي الناجح توفير جو مُلائم لدراسه ؟؟!! وين الجووو ؟؟ ... بزران كل واحد سعبولته بخشة الثاني من الزحمه والمشكله بنات يعني لو عيال نقول حونشيه وحرفيين مايهم الا احسن لهم خلهم يغدوون رجال  .... مهووب هالبنيات والوحده غادي وجهها ازرق من الكتمه ...يعني ابي افهم ماعندنا فلوس عشان نوفر للمدارس باص او باصين زياده يخفف هالزحمه ؟؟؟ على الأقل لو بنقول إن الباصات الجديده مكلفه يكون فيها رسوم شهريه 10 ريال على كل طالبه واظن راح تسد قيمة الباص بمرور فتره وجيزه وبيكون هناك زياده لصيانة وبنزين الباص بس مسألة انك ترص لي فوق 60 بنت مدري كم وتحشرهم بهالحر وهالجوع ومهووب معقول ... والنقطه الثانيه  كنا مجتمعيين انا وكم واحد يوم الخميس وسواليف و حش وتنتيف المهم يوم هداا اللعب شوي وخذ كل واحد يسولف مع الي جنبه ألتفت على الي جنبي ياحبي له وقعت اسولف معه الرجال متخرج من الهندسه ومتعين بأحد هالدوائر الحكوميه ومسهل ربي عليه ....و بما اني خبير في مجال اللقافه قمت أسأله عن الوظيفه الي هو فيها وهل الي درسته في الهندسه 4 سنين استفدت منه ؟؟؟؟ فقالي لا والله وكل الي درسته نسيته ؟؟؟!!!! يعني مشكله مهيب سهله اذا انت تبي تدرس واحد من الأبتدائي الى ان ينتهي من الثانوي حوالي 13 سنه وبعدها 4 سنين جامعه ومصاريف وغثى وآآخرتها مايجني شي من الي درسه كله ؟؟؟ يعني أغلبنا يشيل ويحط هو وجدول الضرب وأكثرنا يسب ويلعن في أرخميدس وكثير منا مايدري عن جسم الأنسان شي الا الي هو يبيه ( وجه أستحى من ضحكة بعضكم ) .... وين المشكله ؟؟  هل هو الحشو بالمناهج الي يخلي الواحد يكتب العربي مشبٌك ( ذابحه مدرس الأنقليزي ) هل هو طريقة تدريس الدكاتره او الأساتذه بمختلف مجالات التعليم ؟؟؟ هل هو غباء الطالب السعودي؟؟؟ صح عندنا غباء ( وراكم تناظروني ؟؟<--- كنك داري عن نفسك ) ايه عندنا غباء بس برد على الي يدعون الغباء لمستوى الطالب السعودي بقصه اذكر قالها لنا واحد بثر واحسن شي اذكر ذاك اليوم قاله هالقصه يقول هالبثر : (الحتسي من راس الحاتسي يعني البثر هو الي يقول القصه ) كنت ادرس في جامعة البترول والمعادن في الشرقيه (عاشو اهل الشرقيه <--- اي <--- قبصه البثر ) المهم وكان فيه دكتور هندي توه جاي للجامعه المهم وبأول محاظره قام يعرف بنفسه (انت يالهندي ) ويقول انه درس ببريطانيا وأستراليا وبأمريكا وأنه من عادته اذا راح لأي دولة اول مايبدا مع الطلاب بأختبار تقديري لكل الطلاب يشوف فييه مدى ذكاء وفهم الطلاب المهم وزع علينا الأوراق وبدينا نحل أسئله عامه وفيه بعضها عن تخصصات عندنا بالكليه بعد ما انتهى الوقت وأخذ الأوراق جلس يصحح شوي وبغى ينهبل هالهندي يقول اوووه مااي قااد (يعني عمى يعميكم ) يقول انتو أعلى نسبة درجات في 90 فما فوق اما الأمريكيين ما تعدوو 50 % هم وبريطانيين ... اما الأسترالين فما تعدوا ال30% ( بقر ) ....فتشوف الطالب السعودي ماهووب ناقص ذكاء بس ورااه اذا ظهر من الجامعه او المدرسه نسى كل شي؟؟ يعني لو تسألني من درسك الرياضيات في 5 ابتدائي اقولك عوض ابو عنزه الله يذكره بالخير كان ملعون الوالدين مستقعد لي عشاني زين بس لو تقول وش درسك ولا وش استفدت اقول الخلاا مالقيت الا انا بستفيد فياليت يكون النقاش في هذا المحورين ويكون لإيجاد حلوول ولي عنده زياده يرزح بها العذر والسموحه على الأطاله يعطيك العافيه [/ALIGN]
آخر تعديل عمر ابو راس
في 01:07 PM.
|
|
|
08-04-2003, 12:29 PM
|
رقم المشاركه : 2 |
|
مسطول يمون
|
وبالنسبه للنقطه الثانيه يخوي انت بحر ... وين كنتوا مجتمعين ... ومن هو الدلخ اللي كان جالس في الزاويه اما لنسبة الذكاء ... فالسعودي لا يعلا عليه هو صح انهم داجين بس في وقت الله الله يعجبونك  لي رجعه
|
|
|
|
08-04-2003, 12:57 PM
|
رقم المشاركه : 3 | |
|
مسـيّر
|
اقتباس:
ذكرتني بأحصائية سووها ان شباب امريكا مايعرفون وين تقع بريطانيا وأفغانستان وغيرها من الدول اللتي المفروض يكونون هم اكثر ناس عارفين بموقعها .. انهم مايدرون وين موقعها على خريطة العالم ماينلامون والله من قوة اللي بالي بالك بالنسبة للباصات فبصراحة انا مؤيد لعدم تشغيل المكيفات عشان ينحشرون البنات ويفتحون الشبابيك ويطلعون روسهم برا عشان يتهوون وهنا يجي دورك كشاب سعودي يقز اما بالنسبة لمشكلة الحشو انا اشهد بالله انك صادز يعني شوف ياحبة قلبي انا درست بالجامعة وحطونا ندرس في مبنى كلية العلوم (رغم ان تخصصنا بعيد كل البعد عن المبنى الخايس ذاك هو ودكاترته المعفنين لابارك الله فيهم من خذا الواحد شهادة الدكتوراه تقول ماخذ صك دخول للجنة مايكلمك الا مع اصبع رجله :mad: ) وتخيل كل المواد ولمدة ترمين كاملين (بس انا ماخذها في أربع اترام ) وبمعدل اربعين ساعة تقريبا درسناها ولا مادة او جزء من مادة يدخل في تخصصنا الاساسي  لعنبوا جدكم اجل وش تضيعون وقتنا له في دراسة خرابيط اذا مابتفيدنا ؟ لانها مع الاسف ضيعت الاخضر واليابس (وجه حاط اصبعة في خشمة تعبيرا عن عمق فلسفته )تخيل في الأخير ماان أعدت احصائية الطلاب اللي كانوا معي بعد نسبة الرسوب والطفش والقهر لقيتهم تقريبا انخفضوا للنص مابين فاصل ومحول وحاذف ترم (وهنا بدأت معاناة خوينا المتخلف حاذف )صدقني شعبنا رهيب (صفقني ) وفيه مخ بس المشكلة شف وش يستغلونه فيه اولا ماتلقى حد يروح لتخصص بناء على رغبته بل بحسب المتوفر او الاسهل شف خويانا اللي بالمتوسط اللي تشوف انهم كانوا مبدعين في أمور مثلا واحد يرسم او مبدع بالرياضيات او العلوم أو غيرها عمرك شفته داخل في تخصص في مجال هوايته ؟؟ ياشيخ شبوا في أعماركم أحسن <--- يقاله ماخذ جنسية بريطاوية ومريح مخه يعطيك العافية يابو راس عزفت على الوتر الحساس بس ماودك تقرب مني شوي قبرتني
آخر تعديل المتلحوس
في 01:02 PM.
|
|
|
|
|
08-04-2003, 01:43 PM
|
رقم المشاركه : 4 |
|
من شيوخ الحاره
|
انا بصراحة مانييب معلق على المشاكل الي ذكرتها .. بس الي محرق(ن) سلف مخي أنت وشلون خطرت عليك هالأفكار في هالحر والغثا وملعنة الخيّر .... بصراحة ... انا حاس انا لسا بخير >>>> توهم مستضيفينه في كلام نواعم ! عمر صدقني المشكلة ميب على مستوى حشرة بنات في باص ولا دكاترة تيوس ... لكن المشكلة اكبر ومحيطها اكبر ... وانتا حتعرف قصدي ياولدي ( كان في جدة امس ) شكرا لك يا عمر على موضوعك وعلى غيرتك ....مية مية ياكابتن |
|
|
|
08-04-2003, 05:35 PM
|
رقم المشاركه : 5 | |
|
مسطول يمون
|
حلوة والله نجيب كم باص زياده ياخي حنا ندور التوفير ونفكر نلغي تدريس البنات وانت تقول باص زيادهطيب يوم هالبنات همينك كان ضفيت نصهم ووديتهم بيوتهم:mad: 8 8 احد منسوبي التعليم اقتباس:
والروتين يذبحه والابداع ممنوع بس اهم شي انه ياخذ راتب اما الذكاء ذي مايبي لها شي وربي عندنا ذكااء مهب صاحي بس شفه بالترقيم ولا بتلكع علي الشرطه ولا علي ابوك لاجيت تسافر برا المشكله مهب بالذكاء او الغباء المشكله انك تدرس نظري 100% يعني حوسه اذكر كنا نطب مختبر الكيمياء محد يحبرش الاستاذ ويبلشه بالمختبر الا الكسالي عليهم اسئله مهب صاحيه يتلعثم بها الاستاذ اما الشطار تلقاهم ماتتعدي اسئلتهم الكتابلو كان فيه تميز للطلاب مهب علي مستوئ الدرجات علي مستوئ الذكاء كان لقيت الدلوخ هم المخترعين والفنانين مثلهم مثل نيوتن اذكر يومي ادرس معه كان غبي بشكل ولا يحل الواجبات واخر شي طلع عالم وانا باسط بالنت [/ALIGN]
|
|
|
|
|
08-04-2003, 08:04 PM
|
رقم المشاركه : 6 |
|
مشرفه
|
موضوع جامد و يستحق النقاش حتى لو كان شي غير مرئي بالعين المجرده << والله فنانه ولا ابله العربي خلينا نفصفص شوي  موضوعك مترابط انه يتكلم عن جزء حيوي وهو التعليم و فاعليته يعني بالاول وهو موضوع باص البنات قمة الماسي بهالباصات .. ومع كذا توسع الصدر <<== قايله لاهلها ابي باص خبري يومي صغيره كبر هالصعنونات كنت اصيح ابي مثل صديقاتي اركب معهم باص و مادريت ان السالفه بتطلع علي اكثر من سعر السوق يحشر ثمانين طالبه في باص يكفي لخمسين والبنات غصه واقفين عند الباب و تجيك دبه من ورا تبي تنزل و تدحدر الاول و التالي و اذا وقف بريك يووووووووووووووووووه وش اقول قليييييييل اذا قلت تنتثر اغراض هالبنات و تتصاقف جباههم واللي تطيح بحض الثانيه واللي عند رجولها والسواق مايهتم بهالاوادم اللي عنده تقول معه صناديق خضره واذا جاك نجس كل شوي يوقف بريك عشان يتدحدرون هالضعوف تقول غنم و ما يوصولون البيت الا نفسهم غامه عليهم و حايمه كبودهم و يتوحمون من زين العلوم ولا فيه تكييف في بعض الباصات يعني جهنم الحمرا ومهما تتكلم محدن سامع لك و كان هالضعوف مو عيالهم او بناتهم .. لازم يكون فيه جديه في الموضوع يا باصات سنعه تكفي و توفي و تريح ولا بلاها الموضوع الثاني وايضا في التعليم وهو مدى فائدة ما ندرسه في حياتنا العمليه مستقبلا هنا اقول فيه نقطه افتراق او نقول دوار ان كان هالخريج بيدخل في سلك تعليم فهذا بينفعه تخصصه اما اذا لا فهذا فورمااااااااااات على طول لكل اللي درسه للاسف ان بعض الوظائف تتطلب اشياء ماتدخل ولا تمت للعمل بصله والمشكله بيون خبره .. وهذا موضوع ثاني و بحر مالنا فيه لا ننقص السعودي و نقول غبي .. لا فيه ناس عباقره لكن وضعهم و محيطهم يخليهم يوجهون هالعبقريه في غير مكانها .. اقربها هكر بالنت ولا طالب مكتوب عليه ان يدرس تحت رحمه دكتور متعجرف ولا بنت تزوجت و جلست بالبيت ووجهت عبقريتها بالطبخ او الغسيل وحلول هالمشكله اهل متفهمين هيئة تدريس ذات كفائه و مافيه غرور او عجرفه ادارة تعليم تبحث عن الافضل لابناء المستقبل معهد لصقل المواهب الشابه واظن هالاشياء صعب توفيرها .. عااااادي طاح الحطب و الحياه حلوه اعذرني على الطواله و موضوع شيق
|
|
|
|
09-04-2003, 03:36 AM
|
رقم المشاركه : 7 |
|
بروفيسور زحف
|
النقطة الاولى وهي الباص : يعني المشوار اللي بين المدرسة والبيت هو اللي بيذبحهم وبعدين اذا هم كاسرين خاطرك وصلهم معكم مدام مكيفك شغال مع اني ركبت معك مرة وكان طافي ... النقطة الثانية : طبعا اللي قال ذا الكلام مهوب انا .. بس ما تشوف انك متحامل على الدولة كثير ( ابوك يا التوهيق ) وانا معك في النقطة الثانية ( في عنبر واحد ) وازيدك من الشعر بيت السعودين اللي هم حنا و يمكن انت معنا مع اني شاك في هذا الشي هم احسن شعب يستخدم مخه بس في الاشياء السلبية ... وعلى فكرة من هو الزين اللي في الموضوع |
|
|
|
09-04-2003, 05:27 PM
|
رقم المشاركه : 8 |
|
مراقـب عام
|
عمر في الصميم الموضوع حنا مشكلتنا الحين ان حنا نواجه مستوى نقدر نسميه عتاهه في التعليم .. يعني ادرس وبس ولا تسال والمشكلة ان الدعوه تحدي للطالب ... فيه احد الطلاب يقول لي ان دكتورهم يقول ان التصحيح من 90 اما 100 فمستحيل ان الطالب يصل 100% لان الطالب مستواه اقل ويقول دكتورهم مستحيل ان فيه طالب يتفوق على دكتوره مشكلة مدرسينا الحين يتأثرون بالبيئة المحيطة فيها ... اذكر عندنا مدرس في الابتدائي معه ددسن غمارة اسطباته برتقالية تفقع العين كنك تناظر الشمس عليه رشه تقول بزارين يلعبون في طين واللي جوا حاط لمبة حمراء ويولعها الظهر من زود العربجة والقهر انه يدرس دين وفيه مدرس عشان طالب ماحل الواجب قال صفقوني ان احد تعدى 5 من 8 وفعلا صار له اللي يبي ونص الفصل اصفار وان سألونا ابوانا عن الصفر وقلنا ان المدرس مهددنا قالوا لا المدرس مايهدد وانتم اللي ماذاكرتوا بالنسبة للباصات مالي خبرة فيها اذكر اخر باص شفته من 4 سنين لاكن اشوف باصات العيال اللي كلن مطلع راسه يويتز الله يصلح حالنا وغنوا معي ياليل ما اطولك :p |
|
|
|
09-04-2003, 08:16 PM
|
رقم المشاركه : 9 |
|
ينشد به الظهر
|
مسوي انا جايب شي جديد بس 0000 خلاص سو جمعيه انت بالمنتدى عشان ونشتري باص للبنات اوكيه ههههههههههههههههه يعطيك العافيه |
|
|
|
10-04-2003, 12:21 PM
|
رقم المشاركه : 10 |
|
توه ساكن
|
وسالفة انه فيه اذكياء سعوديين اهووو فيييه ونص بس ما يطلع هالذكاء بالدراسه يطلع بالبلوت والكيررم اذا قلنا بيتحدون بعض بالدرسه مثل خلق الله لا يتحدون من يرقم الحلوه ام شنطه جنز<خبره :p يعطيك العافييييييه عمر |
|
|
|
12-04-2003, 01:50 AM
|
رقم المشاركه : 11 |
|
حطه على يمناك
|
<-------------------------------- مطرود مطرود الله لايعوق بشر موضوعك في البلعوم ويوجع وصادق بكل ماقلته وخاصه توبيس البنات لاني شفتهن المسيكينات والله كنهم فروخ دجاجه مصكوك عليهن في كرتون وماخفس لهن ويلهثن من الحر<-------------- ماودك يشرح ابد ومن جد ماقصرت يالغالي على هالموضوع الملم بكل شي وانا معك وودك لو يمددون صحراوي في الباصات ارخص واوفر ولايهلكون البنيات
|
|
|
|
13-04-2003, 07:06 PM
|
رقم المشاركه : 12 |
|
توه ساكن
|
8 8 8 8 8 محقاااااااااااان هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههه قويه ياعمر ياعزيزي الا ترى ان في موضوعك مبالغه شوي يعني كيف نقط برسوم والحكومه ماتقصر وثانيا من قالك اذا واحد درس الجامعه وخذ البكالريوس وهندسه بعد وتجي تقولي انه نسى كل شي هاذا اجحاف ياعمر وتحطيم لكل الدارسين ثالثا وانا اخوك اننا في السعوديه طابختنا الشمس يعني ماعلينا خوف نساء ورجال واطفال واخيرا الذكاء والغباء والنسيان قدرات بشريه لاتتحكم فيها الجنسيه او العرق نصيحه: الايام هي المدرسه الحقيقيه ولانجعل اتكالنا في العلم على جهة الدراسه العاديه وارجو استقبال راي بكل روح رياضيه يابو راس
|
|
|
|
13-04-2003, 08:29 PM
|
رقم المشاركه : 13 |
|
مشرفه
|
يصطه صحيح ان الايام هي المدرسه الحقيقيه لكن ما تشوف ان اللي ندرسه بجامعاتنا شي واللي نستخدمه بالحياه العامه شي ثاني انا عني تخصصي بوادي .. والعالم بوادي ثاني اما بالنسبه لباص البنات .. مايحس بالنار الا واطيها .. احيانا تصل درجة الحراره داخل الباص فوق المعقول .. ليه .. بدون تعليق هذا غير السواقين اللي ماعندهم ماعند جدتي في السواقه بس عادي الحياه حلوه .. وطاح الحطب
|
|
|
