|
|
|
|
 |
 |
 |
 |
 |
|
 |
 |
 |
 |
 |
 |
 |
 |
|
 |
 |
 |
 |
 |
|||||||||
|
||||||||||||
 |
 |
 |
 |
|||||||||
 |
| سوالف حريم مصممين دراعات , برابيس مكياج , تسريحات شعر , صالونات و هجولة اسواق ... ( للحريم فقط ) |
 |
|
|
أدوات الموضوع |
28-04-2007, 02:33 AM
|
رقم المشاركه : 1 |
|
من شيوخ الحاره
|
سوالف حريم - يوجد شاهي خادر ومنعنع في الداخل :) -
 هذا هو الشاهي عشان ما تقولون تسحب بنا  .. سواة حقين الساحة العربية عناوين طول قريح ولازم اكسسوار [ يوجد صورة ] .. كنه يحرج على بضاعة مزجاة . ..! بس برضو تسحّبت مرة على وجهي .. مرة واحد منهم جايب خبر عن اقتحام وكر دعارة من الهيئة وحاط يوجد صورة .. مير وأنقز  ... وأدور أدور عن الصورة وينها فيه .. مير وأطيح على شعار الهيئة .. يا مال الماغص .... ودي اني انفجر في أحد وقتها . . المووهيم يا الله حيهم .. مبطين عنكم يالقاطعين << هذا لي قالوا تغدى فيه قبل يتعشى بك ترا ما من موضوع فيذا .. اللهم اني شايلة لكم مجلس الجمعة معي .. قدكم جيتوا في بالي يوم ان درجة الهبال وصلت لمستوى حرج للغاية كان " العنوان الجانبي " للسالفة البقول لكم اياها . والا بلاش .. لأني حاسة ان انواع القصف جاي بالطريق .. وش هو له استعجل به .. الا ان كنت كمخة !!<< يقال لها تنفي الموهيم .. نص البنات كانوا متزوجات ونصهم موب ونص النص منحاااش من السالفة / وقسمة الله فوقنا جميع !الموهيم مرة ثانية وكنا نسولف ونهرج في كل شي وفي ولا شي . أول من بدا الموضوع : موضونا .. " نجلا " - يعني ترا انا ما لي دخل لا أحد يخش في عيني - .. الله يصلحها فقعت ضحكة على نكتة جايتها في الجوال..: اسمعوا اسمعووووووا : هاتي .. : يقول لك في " سعودية " .. جالسة مع زوجها ع البحر – كني بكم عرفتوها - .. وكانوا في لحظة تأمل صامت .. وهم في هاالحال قالت يا بو فلان : شايف البحر شو كبير ؟ قام سلهم الرجال ..يستنى الكمالة .. لي قالت : لو كان مرق وش بيكفيه من خبز ! : قديييييييييييييمة << جماعي .. بس هذا ما يمنع انا ضحكنا .. نحلل لها النكتة يا حياتي ..<< لازم حبتين نفاق سبحان الله في هالحريم يا بغضي لنا ههههههههههه المهم مسكت السالفة " أم هاشم " .. : عاد والله ان السبة هم والا الحرمة مسيكينة .. يعني لو هو معطيها عطته بس يا حيل الله .. تجيك البنت من بيت أهلها وهي شايلة أحلام ورومانسيات وأشياء حلوة .. ما تدري الا بهاللي كنه يقومها من النوم بطشت مويه .. وش تسوي مسيكينة الا ..يا شكوى إلى الله << عاد عليها اسلوب يغطك في الضحك غط ! كمّلت عليها " أم أثير " : إي والله انك صاااااادقة – من قلب يا حياتي - تصدقون بنات .. أجل مرة من المراريت طرت علي أغير في تركيب أثاث البيت .. وأروح أقلب الدنيا أنقل الجلسة ذي منا .. وأقلب السرير مناك وأبدل مكان الفازات بالأبجورات وكذا .. حتى اني قلت لأمي تدز شغالتها علي الصبح " بالسر " وهو في الدوام .. عشان تكمل "السربرااايز" << هي قالتها كذا مطيرة عيونها يعني معطيتك الصورة والصوت [ هههههههههههههههههههههههه يا حياتي ] .. والا يدخل من عقب الدوام ...................................... ويدور عيونه ........................وانا يقالكم مزهبة كلمات من نوع " تعبك راحة " و " أبد ما سوينا شي " .......................ثم يقول : الله من الفضاوة فيكم يالحريم [ هههههههههههههههههههههههههههههههههههههههههههه] << موسيقى خلفية يسمعونها أهل المزاحمية ثم كمّلت : بيني وبينكم انحشرت الدمعة مع الضحكة مع أنواع الأنواع ما عرفت وش أسوي دخلت الحمام عشان ألعنه على كيفي ههههههههههههههههههههههههههههه نفس المقطع الموسيقي كمّلت برضو : بس الشرهة مب عليه .. أنا الحمارة اللي صدقت برامج الأسرة .. ونصايح تفيدة وعطيات .. الله يعطيهم ما عطاني عشان يتوبون ! هههههههههههههه: لا وخذي عندك << هذي أنا : وحدة من خوياتي : اسلمي << هم : يعني من جد شي يفوّح القلب ! << حبيبتين ما بعد طحنت .. كانت- وجعل السامعين سالمين - أخت زوجها بتتزوج .. ولأن زواجها- انت يا اخت الرجال - كان بعد نفاس اختنا في الله .. فا انزنقت في في الوقت اللي بتروح فيه للسوق عشان تجيب للعروس هدية .. ومير ما تصير الا فرصة وحيدة قدامها وكانت في نفس اليوم معزومة .. فاتفقت ويا زوجها انها تتجهز للعزيمة وتمر السوق وهي في الطريق تاخذ لها الهدية من أطرف محل ذهب وتمشي .. وأوكي كان على هذا الإتفاق .. المهم وتتجهز حبيّبتي .. .. وكانت تمشي للسوق متحمّسة تبي تنجز عشان تلحق للعزيمة وعشان ما ينحاس الشعر والميك أب إلخ إلخ إلخ إلخ .. المهم .. كان فيه قطعة للشارع فاصلة .. فدرعمت وزوجها وراها – مب حركة مقصودة ترا - ... داعسة الخامس من زود الحرصة .... المهم – ولا لكم بطويلة - انها وزززززززززززز في نص الشارع ههههههه الشنطة طارت والكعب طار ياخي سبحان الله الحجاب نعمة هههههههههههههههه... الموهيم..وتهقون " يا حزركم " وش كان موقف البيه اللي كان وراها يمشي ؟ : وش كان ؟ << جماعي : وش كان ؟ << تشويق رومانسي : قووولي وش كان ؟ أبد .. مشى جنبها وتعداها وعيونه قدام .. وكمّل قطع الشارع كنه ما يعرفها هههههههههههههههههههه لا وتقول : ياني حقدت عليه وأنا أشوفه يتعداني وماشي ما كنه الا الهندي اللي يمشي جنبه .. قسم بالله رحمتني .. حتى انه جا في بالي أعكّر له [ هههههههههههههههههههههه ] : هههههههههههههههههههههههههههههههههههههههههههههههه << لا تبتلون هههههههههههههههههه مسكت " أم هاشم " الخيط : ههههههههههههههههه تصدقين يا موقفها انه مب بعيد عني .. هذا كنا طالعين مرة رايحين لأهلي .. المهم ما شين في أمان الله .. وما دريت الا هاللي تدربى قدامي ههههههههههه كَل الدرج كله .. وما شفت نفسي الا قاعدة ميتة ضححححك .. المسيكين تنثّر ما تقولين الا دخل خلاّط << عقليات نسوية .. المهم شوي الا تجيني نفخة تطق طبولها : وتضحكين بعد ؟ - هااو ؟!<< اهي - ..افرضي اني تكسرت والا انفتح راسي .. بعد بتضحكين ؟ - هااو هااو ؟ < يا حياتي هههه - هذا بدال ما القاك جاية تقولين عسى ما شر يا بو فلان؟ .. ارجعي بيتك ما فيه روحه اليوم .. – هااااو وراااااه ؟ < تقطر براءة وقسم - وطقها زعلة لي بكرة ههههههههههههههههههههههههههه.. يا شين اللي ما يعرف يصرف الموقف .. يقوم يزيده بياخه ! .. بس تبون الصدز اني رحمته مب على الطيحة الا على خبصة الموقف اللي ما دل درب النهاية.. لا خلاه يقابلني بوجه(ن) طلق ولا اللي قفّى عني ولا خلاني أذلف لأهلي :على الطاري << " مها " ..: انا يوم ملكت في أول مكالمة كنت من زود الحفز كاتبه وش بقول على ورقه لا أنسى حتى من الزود لو أوريكم الوقة ضحكتوا كلها ورود وقلوب على بالي أوتجراف " هههههههههههه " وحالتي حااااااالة !.. كنت حاسبة حساب مكالمة تعارف ومد وجزر .. ما دريت الاهاللي – عدّلت جلستها وفتلت شارب وهمي وفخّمت صوتها - لاخمني ب :شوفاااي ترا الفستان اللي طلعتي به علي ما أبي أشوفه مره ثانية ولا تفصلين مثله زين؟ !  ههههههههههههههههبنات تعرفون القزاز ؟ تعرفون لي جا معك رصّة صحون صين وفرطت منك طع طع طش طيش طعطع طشششش .. ما حلفتوني كني سامعتها تطلع من قلبي ! قلت اللي هذا أوّله ..لا ابو من يعرفك ههههههههههههههه : بنات ترا حتى انتوا فيكم حقكم أها بس << " منال " .. "أم هاشم" : أقووووول أها بس قولي خيرا أو اصمتي . أنا : لا هو مش تعميم يعني منال .. بعدين هو شي مرتبط ب... " أم هاشم " : أقول الفقيها انتِ الثانية.. أنا : سمي أم " أثير " : أخبر لكم أخو نسيبنا راح يدور مصرية على باله ان السعودية فيها خلل عاطفي .. المهم وتطيح عينه على وحدة قال بس هذي هي .. ومشاكل هو وأهله عشان يتزوجها .. يمكن خمس سنوات جلس خاطبها غصب عن أهله ومأجل الزواج لين يرضون بزعمه يرضيهم كذا .. المهم .. تخيلوا بنات خمس سنوات غرام يهد الحيل وربببببي ... قلنا ذا وش بيطلع لنا وشقة لها تمليك في مصر ومقدم وقدره ومؤخر وقدره وكل شهرين ثلاث رايح يربص عندها .. قعّدها من شغلها ومشّى لها ضعف الراتب .. وخمس سنين يا بنااااات ... يا بنات خمس سنين وهو على هالحالة وه بسس .. أقسم ان فاتورة تليفونه وصلت بعض الأحيان لعشر آلاف وأبد .. مصر وملزم .. وصار مضرب مثل في " الحب " .. وصار كلمتنا عند أزواجنا " شوفو الناس اللي تحب " .. " ما ودكم تتعلمون منه ؟ " إلخ إلخ ... و الله يسلمكم يا طويلات اللسان .. ويوافقون أهله في الأخير يوم ان الأنيميا عند الولد وصلت لدرجة تخوف .. المهم هم وافقوا منا واحنا حطينا يدينا على قلوبنا منا .. وش ذا اللي بيجيبها لنا ؟ عسى ما تصير " مي عز الدين " وربعها " عسى يفتح علينا باب بعد هالثاني .. قلبنا عليه فجأة وصار العدو اللدود – يا زينه وهو يعاني - يوم جابها وشفناها .. وكني بقلبي .. وأبخخخخخخ تو ما ارجهنيت .. وكني بقلوب الثانيات : باااااااااااااااااس ؟ هاااااااااااذي ؟! .. ههههههههههه أنا : يختي الحب ما يرتبط بالأشكال وش فيكم تمشون من جنب المفاهيم انتوووو أم أثير : أقول أها بسس اسمعي الباقي وانت ساكته - انا تهزأت يا قدعات - : المهم << " أم أثير " .. وسنة .. سنتين .. راحت السكرة وحضرت الفكرة .. وجانا خبر انه يدوّر ثانية سعودية قححح .. أثر " الحب " كان " عناد " أكثر منه " حب " .. قسم بالله بنااااااااات صرنا – هي وعديلاتها - عند أزواجنا هزوة .. كل ما جا طاريه التفت علي وقال : أجل حُب أجل .. يالمخفات هاااه ؟ مها : إيه .. ليتهم عن العنوة يجيبون شي صح أم " أثير" : أقول بلا هم انت الثانية بس .. الا عسى الله يطيحهم من ذا وأردى .. يا بنتي افهمي الشاهد من كلامي ترا ان السعودية ما عليها خلاف لو عِطيَت ريق .. والأجنبية لو هي تقطر ولقت اللي لقته السعودية ... قلبت سعودية - مب كنها تهزيئة - مها : آآهااا .. توقعت اننا وصلنا لمنعطف في السالفة .. أثرنا نكرف في الدايري نورة – فيلسوفتنا  – كانت جالسة تتابع من بعييييد زي اللي فاتحة مخوخنا تتصفحها وتبتسم .. تو تعليق بيطلع من حلقها .. الا سرقته المصفوقة " نجلا" : بنااااااااااااااااااااااااااااات ..ما قلت لكم وش صار أمس في السوق .! : هاتي [ موضوع جانبي ثاني غير عن الأول ] .. مب قايلته لكم المايك معكم ! [/align]
آخر تعديل عبير نجد
في 04:06 AM.
|
|
|
28-04-2007, 02:46 AM
|
رقم المشاركه : 2 |
|
راعي محل
|
هههههههههههههههههههههههههههههههههههههههههههههههههه هههههههه هههههههههههههههههههههههههههههههههههههههههههههههههه ههههههههههه المفروض يرروح الشله ياشييييييييخه وربي ام اثير فلللللللللللللله اتوقع لي رجعه للموضع لان وقت ماعندي ..! عبير تعالي كل يوم سوالف حريم وعطينا سوالف ام اثير ههههههههههههههههههه |
|
|
|
28-04-2007, 02:53 AM
|
رقم المشاركه : 3 |
|
رئيسة الاقسام الاسريه والاجتماعيه
|
. لبى أم أثير .. يختي علميها تسجل معنا << حومتي تسبودنا ترى  يالله حيها .. ما بغيتي يا مال الشسمه الموضوع مثبت باصابعي + شوشة مسمس لي باك .. بس الحين ابروح اخمد ما عاد اشوف شي يالله حيّ الغوالي
|
|
|
|
28-04-2007, 03:16 AM
|
رقم المشاركه : 4 | |||
|
من شيوخ الحارة
|
اقتباس:
 اقتباس:
ذكرتيني بموقف فريش عندي خاله مطفوقه مرررره شفتي منى شداد ابد نفس الحركات ونفس الضحكه والطفاقه والجسم وكل طلعاتها للسوق اغلبها معي ومن النوع اللي عادي يصدم بيبان القزاز ويطيح كل مره زي السلام عليكم لدرجة اني مليت من الضحك عليها وقدر علي ربي اروح معها قبل كم يوم وفي جيان نحوس انا وياها في البيجامات تعدتني شوي وقالت يالله ماخلصتي جيت بلتفت عليها والف واوطى بيجامه طايحه وازلق وادخل بوسط البيجامات المعلقه ...اول شي سويته رفعت راسي بشوف شافتني والا ..لقيتها متمسكه بعمود وشوي وتطيح في الارض من الضحك تحسين انها بردت قلبها فيني عن كلللل طيحاتها خخخخخخخخخخ مدري وش دخل ذي بسالفتك بس هماها سوالف حريم اقتباس:
ذكرتيني قبل مده قريت رسالة مع ا ني مااحب الرسايل طقة السعودي فيه والسعوديه فيها ... يقول اذا بغيتي انيق خوذي لبناني واذا بغيتي سفرات خوذي كويتي وووووو بالاخير اذا بغيتي الأجر خوذي سعودي سوالف توسع الصدر خاصه للي مبطي مااجتمع مع احد مثلي بس رجاءً قدري ضيوفك و حطي قهوه مره ثانيه انتي تدرين انك قاعده تخلين بأحد شروط الضيافة النجدية ؟<<<مشتهيه قهوه
آخر تعديل ماهمني
في 03:20 AM.
|
|||
|
|
|
28-04-2007, 03:20 AM
|
رقم المشاركه : 5 |
|
بيكاسو الحاره
|
عبير وربي ماتوقعت لك هالجانب في شخصيتك جنان ضحكتيني وخصوصا ام اثيرررر لي عووووده ياغاليه |
|
|
|
28-04-2007, 05:00 AM
|
رقم المشاركه : 6 | |||||
|
من شيوخ الحارة
|
اقتباس:
اقتباس:
 اقتباس:
 صارت معي مره من المراريت ، درعمت أختي وسوت لها حركة زي هذي وانا اللي ما تشوفين الا غباري ، والثانية كنا طالعين من زواج واختي الصغيرة تمشي قدامنا وشعرها طويل وتجي الثانية وتدرعم من عتبة الصالة وبدال ما تطيح معطت شعر اختي لما صرخت قدام الرجال عند البوابة <<<< من ارشيف عام 1417 ه، وبرضوا درعمت للسيارة <<<< ما هنا خاتمة اقتباس:
اقتباس:
 موضوع ولا اروع وليت تسدحين الباقي ظنتي هو الحلا كله ، وسلمي على أم أثير
|
|||||
|
|
|
28-04-2007, 01:35 PM
|
رقم المشاركه : 7 | ||||
|
من شيوخ الحاره
|
اقتباس:
يختي قسمن لوني عنده كان تحلطمت وصحت اقتباس:
انا اخبر كنت امشي مع سديكتي .. والاخت خبره طياح .. وكانت صاعده الدرجه .. الاخت تحسب قضى الدرج .. وتجيتس مجاوبه على البلاط .. انا ما ضحكت بس اللهم سحبت عليها وهجيت .. يوم دخلت الصف والقاها مغلدمه وطاحت فيني هواش .. البلا اني اكثر وحده بالعالم تطيح .. ومن يومي بزر وانا اطيح .. عجزت اكرب روحي .. بس الحمدالله ماقد ضحكت على احد طايح .. اسحب عليه ايه بس اضحك لا اقتباس:
قسسمن كننا نعرفه .. بس حنا غير سالفه الثوب .. قاله : عباتتس ذي تغيرينه + وشعرتس ان قصيتيه ياويلتس قسسمن مسكيييييييينه ---- اقتباس:
عبير .. قسمن كنت متضايقه اليوم والعنز حااظره وكللش لكن عقب موضوعتس .. انوااااع الفللله وانواع الونااااسه وسعتي صدري الله يوسع عليييتس خششششششششششمتس >< هيهو & مسمس ان لقيتو بلاوي او اغلاط بردي .. عدّلوهن
آخر تعديل كنت بذاك..
في 01:37 PM.
|
||||
|
|
|
28-04-2007, 06:58 PM
|
رقم المشاركه : 8 |
|
من شيوخ الحاره
|
الله يرجتس ماقد تحمست مع موضوع وابي اكمله الا هذا تسني قاعدتن معكم  اهم شي ام هاشم وطيحه رجله اجل وراه ماسميتي علي من زود الفشيله مب عارف يحتسي على الطاري انا ماتجوز لي الا رسايل الجوال اللي اختاري رقم وشوفي وش يصير معتس برجلتس قسم ياأختب واصدق عمري بيصير تسذا  لا واذا طلع اختياري شين يضيق صدري وانواع الهواش بغير الرقم وحده اعرفه تقول جان يوم ودي اتسنع الرجلي واكشخ له تقول كشخت ولبست وياكافي عند روحي  يوم دخل وتنقز وتبسم وتهلي بوه وحالته حاله قال منب فاضي تراي خلي سواق اهلتس يوديتس للي تبين يحسبه بتطلع الشي تقول من زود القهر تركته وطلعت صدز  ماينفع بهم شي ذولا عبير  يعطيتس العافيه على هالموضوع اللي يفتح النفس احبتس
|
|
|
|
28-04-2007, 07:18 PM
|
رقم المشاركه : 9 | |
|
مسطول يمون
|
هههههههههههههههههههههههههههههههههههههه يا شين سوالفكم يالحريم << ليه عشانها حش فيكم ؟ اقتباس:
عبير يعطيك العافيه انتي وام اثير والباقيات وبسكم حش
|
|
|
|
|
28-04-2007, 10:03 PM
|
رقم المشاركه : 10 | |
|
توه ساكن
|
اقتباس:
 لعنبو ابليس ابليستس قصم ماهوب بس عيوني اللي تقطر دموع .........حتى خشمي عيونه دمعت
|
|
|
|
|
29-04-2007, 12:13 AM
|
رقم المشاركه : 11 |
