|
|
|
|
 |
 |
 |
 |
 |
|
 |
 |
 |
 |
 |
 |
 |
 |
|
 |
12-04-2003, 12:39 AM
|
رقم المشاركه : 1 |
|
مسـيّر
|
لاا تقوول يارمه
في يوم من الأيام الغابره المخمجه يوم كان كل واحد منسدح ماله في هذي الدنيا غير التفكير كيف يهرج قدام العرب وكيف يبتسم وكيف يصرف الهرجه اذا انزنق وعرفوو انه بكاش ...كان هناك وفي تلك الايام شخص(ن) يقال له غشييم اللي هو انا...<<متأكد:p الروااية مالكم ومال المقدمه اللي مالها سنع وترى مالها في القصه ولا شي القصه ياطويلين العمر والسلامه أني شخص مؤدب ذرب وعلومي أعرف انها ناكسه لكن مالي ومال المشاكل يعني امشي جنب الساس وأنا انسان حساس أحب البساس وأكل عصير الأنناس ولد عمي مسمه محماس ظربت واحد(ن) بالفاس ملعون خير طويل ومتينن وأقشر وريحته مثل ريحة شرراب طايح في سلة ثياب وصخه له شهور يوم ظهرته من السله بتحطه في الغساله تعثرت وطحت على خشتك وجاء الشراب تحت خشمك((قد صارت معك يالملعون حافظ القصه)).. كان السبب اني كنت معدي بسيارتي من جنب مدرسة بنات وبنشر الكفر علي ووقفت ونزلت العفريته وقمت أنزل الكفر الأستبنه المهم ودق جرس الصرفة في مدرسة البنات و أنا لسع مافكيت صواميل الكفر وقعدت أحاول فيها ودوس على مفك العجل برجلي قلت يمكن تزبط معاي وتنفك صاموله وحده على الأقل حتى لا يصير شكلي يفشل قدام اللي يمرون مع الشارع لكن مرضت تنفك معي ولا صاموله والا باللي جاي من وراي يقول سلامات يابو الشباب والتفت له واللياه واحد متين ومتعافي وطويل وثيابه وصخه وريحته مثل ماقلت لكم سابقاً خايسه؛؛ قلت له الله يسلمك لاأبد مغر الكفر مبنشر وأزريت أفك الصواميل قال وخر يارخمه طلع لسانه وصخ مثل خشته ,شكله شافني مااقدر أفك الصواميل قال هذا ضعيف خلني انغز عليه قلت في نفسي ماعليش ماعليش خله يفك الصومايل وبعدين نتفاهم معه((وش بتسوي يعني)) وفك الصواميل وقام يتلفت للبنات ويتغزل المتين الوصخ وانا مالتفت للبنات مسوي مستحي ..شوي قال لوحده من البنات يو انت يا نحيل ياسمراني عطني وجه ((شكله محشش الملعون ))كانت تلتفت له وحده من البنات بدويه شالت في يدها حصاه وقربت من السياره وتحذفه بها كان يوخر الملعون وتصفق في بودي سيارتي هنا ضربت معاي قلت للبنت يوم انك ماتقدرين تقنصين ليه تحذفين ((لا فيك خير أصلاً يالبقره تطيح في المتين الوصخ اللي قاعد يتميلح)) المهم قلت للمتين خلاص فكيت الصواميل مشكور وماقصرت "أبغى الفكه منه حتى لا تجي حصاه ثانيه في خشتي ولا تجي الهيئه وتمسكني معاه "قال لا والله قالت له الا والله خلاص يالوصخ طلعت على لساني غلط كان يقوم قال أيش قلت له عيش((هذي كنت أسمعها في مهاوشات المدرسه قديم)) قال هذي جزاتي قلت له مشكور((بعد أيش بعد ماخربتها ورحة تحت وطأت المتين أبو ريحه))قال لي هيا توكل ترى مابغى أوصخ يدي فيك أنا حسيت انها جات من الله قلت له طيب أبغى الفكه لاني عارف انها خسرانه لو تضاربت معه لكن أبو ريحه قال كيف كان يدفني على السياره قلت والله شكلها مهي منتهيه على خير لابد أكل الفرشه قلت خلني أكلها بأقل الخساير حتى لا أروح ضحيت تهور لساني الزفر... [color=indigo]المهم دخلت السياره وقفلت الباب والكفر لسى ماركبته قمت أبشغل السياره واللي المفتاح في شنطة السيارة الله من البلشه هو راح لشنطه وأخذ المفتاح وقال تبغى المفتاح تعال وأخذه يارمه كنت أغيب عن الوعي "يعني قمت أتحلم في اليقضه..يمديكم عليها  "...تذكرت مدرس اللغة العربيه واحد متين ولسانه زفر وعصبي ودايم يصكني كفوف من الغباء اللي راكبني معرف الفاعل من المفعول به ودايم يوم اتذكر هذا المدرس ودي أخذ لي قنابل وأحطها داير مادار على بطني وسوي عمليه انتحاريه فيه المهم فزيت بحصاه كاسر بها قزاز السياره أبو ريحه.. والتفت يميني ويساري وانا معصب وشوف لي فأس لأبوي تحت المقعده يقطع بها الشيير اللي في المزرعه ((بعدين اعلمكم بسالفه صارت علي في المزرعه مع هندي.."غلق سالفتك أول شي وبعدين تفلسف انت وجهك اللي مدري كيف صاير"))..[/COLOR]واللقط الفاس وأخرج من السياره كان يشرد ابوريحه من الذله لانه عارف المقوله اللي تقول السلاح مع الذروق يجرح قمت سويت فيها عنتر ولحقت أبو ريحه ألين رمى مفتاح السياره كنت اللقط المفتاح وصيح عليه وأقول له لاتقول يارمه يالوصخ ابو ريحه كان العرب اللي في الشارع يفكونها ضحك عرفوا ان ماعندي سالفه ... ونتهت القصه على كذا عارف بتقولون انك قلت في الأول أنك ضربته بالفأس هذا يطويلين العمر حتى أسوي اكشن في القصه <<<مسوي جاكي شان المهم مايستفاد من القصه انك تنتبه من لسانك لانه هو اللي يوديك في داهيه..[/ALIGN]
آخر تعديل غشيم
في 01:09 AM.
|
|
|
12-04-2003, 01:07 AM
|
رقم المشاركه : 2 |
|
الله يرحمها , الله يغفر لها
|
<=== يا حبها للعناد خخخخخخخخخخخخخخخخخخخخخخخخخخ لي رجعه للموضوع بس اقراه |
|
|
|
13-04-2003, 03:31 PM
|
رقم المشاركه : 3 |
|
ينشد به الظهر
|
^ ^ كلامات متناسقه جميله <--------------- وش رايك فيني المهم يعطيك العافيه على الموضوع الحلو  بس مره ثانيه عط البنات وجه اوكيه :p 
|
|
|
|
17-04-2003, 01:23 AM
|
رقم المشاركه : 4 |
|
مسـيّر
|
============== ياشيخ روقناا اسم على مسمى <<مثلك غشيم يابن الحلال البنات ماينعطون وجه مثلها مثل اللي بسطل مدعوس
|
|
|
|
17-04-2003, 03:01 PM
|
رقم المشاركه : 5 |
|
مسـيّر
|
|
|
|
|
19-04-2003, 05:06 PM
|
رقم المشاركه : 6 |
|
من شيوخ الحاره
|
هالبنات ذولي وانا اخوك ماينعطون وجه ! على ماقال واحد من الي ردوا ... ما يطبون بشي الا ويحوقونه حوق ! موضوع منتاز ياخوك ... وتكفى ننتظر غيره ! وتراك وعدتني >>>>> يبي يحرجك قدام الأعضاء تسلم يا خوك |
|
|
|
25-04-2003, 08:56 PM
|
رقم المشاركه : 7 |
|
توه ساكن
|
الله يقطع شياطينك والمهم مايستفاد من القصه انك تنتبه من لسانك لانه هو اللي يوديك في داهيه.. |
|
|
|
27-04-2003, 10:03 AM
|
رقم المشاركه : 8 |
|
العدوان الغاشم
|
يا حظك بس يبنشر عليك كفر وكن ما صار شي ... انا اذا بنشر كفر يهاوشني ابوي يقول انت ما تحافظ على كفراتك هههههههههههههههههه  <---- هو وابوه عليهم قل صح عاد من زين حظي انا وخشتي ما تجيني المصايب الا اذا بغيت اروح اجيب اختي من الكليه .. يعني موب بنات مدرسه وبس ...الا بنات(ن) حول عرس وبراقع ومخصّر .. آخر مره رحت آخذ اختي ولبقت عند باب الكليه لزوم القزقزه ويخرّ الاديتر ويصب كل الما اللي فيه .. واللي وراي سادّ علي بموتره ورايح يصوّت ينادي بنته ومن زين الطبايع الفرّاش يزاعق بالمكرفون يقالك يعلمني ان الاديتر يصب ... فشييييييله قسم بالله بدايه موفقه وحياك ربي وانا اخوك وننتظر جديدك ...  لا خلا ولا عدم [/ALIGN]
|
|
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
أخترنا لك
|
||||
| الموضوع | كاتب الموضوع | المنتدى | مشاركات | آخر مشاركة |
| ياويلي من الحريم!!! | ودي انتـحر بس خايفه امـوت | قراشيع الحارة | 5 | 02-01-2006 06:45 AM |
| " سكـلر ،، بطل المـسرح " | سكلر | شلة الحارة | 24 | 30-05-2005 08:44 PM |
| " سكـلر ،، بطل المـسرح " | سكلر | متحف الحارة | 21 | 25-05-2005 12:41 AM |
