|
|
|
|
 |
 |
 |
 |
 |
|
 |
 |
 |
 |
 |
 |
 |
 |
|
 |
 |
 |
 |
 |
|||||||||
|
||||||||||||
 |
 |
 |
 |
|||||||||
 |
| سوالف حريم مصممين دراعات , برابيس مكياج , تسريحات شعر , صالونات و هجولة اسواق ... ( للحريم فقط ) |
 |
|
|
أدوات الموضوع |
10-06-2007, 02:21 AM
|
رقم المشاركه : 1 |
|
توه ساكن
|
( الطلاعه )يعني بالانجليزي out << الصدز ترجمته
الصدز مبطي ما كتبت شين لا بذا ولا بذاك << عاد تراهم متشفقين يتحرونك  الصدز قلت ابستغل فترة غياب المراهقين والمراهقات وابجي استشيركم بشكل موضوع خابرن العجز يبلشن بالاختبارات وين يروحن ويحطن حيلهن بذا هو الصدز اني منب متابع بالحيل بس ولو يجي من << ياشين اخلص نبي شوركم همن نبي حل لهالمعضله العضال << للأميات المعضله مشكله يعني  عادات وتقاليد بعض الزوجات و(وليس الكل ) أعيش حياة هنيئه يالله لك الحمد والشكر مليئه بالوناسه والفخامه والرومنسيه الزوجيه يالله لا تغير علينا وقد اقدمت على هذه الفعله(الزواج ) قبل ثلاث سنوات ولم ارزق بطفل حتى الان ولكن انه بطريقه باذن واحد أحد فرد صمد لا ثاني له احد والفرحه لا تكاد تسع خشتي صار كل وجهي افم ( فم ) << تراه مترجمه 00 طبعا من كثر الوناسه والتبسم متشققه خشتي بس جالسن اتحرى هالوريث يجي وفي حزة غفله وبحكم الجهل بأمور مابعد الزواج وماقبل الحمل وبعده واذا ببعلتي ( تراه مرتي ) تتختل في مشيتها مقرتبتا مني وانا كلي احساس ان فيه شيء صاير قلتله هلا بأم صالح << طبعا ابعلمه ماعنتس وعن هالاسم لا تقعدين باتسر تخطمين علي باسامي حروف جر نبلش بالبزر نبدى لا بغينا نناديه كود نضبط لنا جمله مفيده 00 الماريه ومالكم بالطويله قالت وش ولمت لي ( طلاعه ) !!! طبعا طلبت منه تعيد هالكلمه ثلاث مرات لانه اول مره تمر على جهاز التفكير حقي الخاص بتعاملي مع هالبشر << قل مخي ولا يكثر قالت لي وش طلاعتي بعد الترجمه والتوضيح وضرب الامثله اتضح ان الطلاعه اللي تتكلم عنه يعني بعد ما تطلع من الاربعين وجايبتن لك بزر وش تطلعن من بيت اهلي بوه لابد هدية عليه القيمه مهبولتن انتي والا صادزه والا تبين تذليننا بهالبزر لا ابوه لابو تسل000 ( طبعا انا ) الهدف من هالموضوع وغيره من المواضيع المشابهه سؤال للاخوات الاعزاء وللاخوان اللي مثلهن طبعا مثلهن اعزاء مهب حريم (طيب اكتبه وريحنا) هل مثل هالامور الوجائهيه غير الحتميه ومواكبة عصر ساذج تعتبر امور حتميه ومفروغ منها ؟ هل لكل مناسبه حتى لو كانت لاول مره مقابل ؟ او كما تشاؤن سموها ؟ انا اعرف ان هالامور يكون الانسان فيها فطروي يعني بالفطره ومن اختياره وليست اجباريه او الزاميه او بلشه ان صح التعبير 00 طبعا البعض يبي يقول وش هالخروف والبعض يبي ياقف بصف زوجتي والبعض الاخر يهش ذبان 00 على قدر ما يقال لم اشتكي هنا ماذا افعل هل البي رغبتها ام لا حتى لو كانت تمزح يوم قلبت عليه طبعا صار مزح انا ابغى حل هل مثل هذه الامور ينبغي ان تكون في حياتنا  دمتم بريشتي خاطن هاللي تقرونه  مانلاه يابعدي انتم |
|
|
15-06-2007, 01:58 AM
|
رقم المشاركه : 2 |
|
مسطوله مميزه
|
الطلاعه ع قولتك .... شي حلو يقدمه الزوج لزوجته بعد ماتطلع من النفاس كهديه دليل الشوق بعد فراق 40 يوم ورمز للحب والشكر لها بعد الله اللي جابت له بيبي زي القمر  ... وتعبت وطلق وولاده وآالام يعني قلة أدب ووقاحه اذا ماجاب لها طلاعه عقب ..حتى الأسم المفروض أم البيبي هي اللي تختاره مو الأب ... يعني حملته 9 اشهر وولدته وارضعته وسهرت عليه الليالي .. عيب يجي الزوج بالآخر وياخذها بارده مبرده وهو اللي يسمي الطفل .. غبنه ..
|
|
|
|
15-06-2007, 02:44 AM
|
رقم المشاركه : 3 |
|
من شيوخ الحارة
|
. أوب شارهه عليك لأنك سعودي .. وش يعرفك بالرومنسيه ! أجل تتعب بالولاده و تجيبلك ولد يحمل أسمك وتستكثر عليها هديه :| .. ! أتكلم على الناس الي تقدر تجيب ليش ما تجيب :P .. ؟ الرسول صلى الله عليه وسلم قال :" تهادوا تحابوا " أنا مع الهدايا في جميع المناسبات وأشوفها ضرورية .. طلاعه نزاله الي هوو ياخي أذا نقدر نفرحهم ونشكرهم بطرق ثانيه ليش نستكثر عليهم : ).. أنت ماتحب زوجتك والا لو تحبها كان ما فكرت تسأل :P ! أصلاً تصرف طبيعي وبديهي تجيب لهاا هديه :| الله يصبرها عليك شكلك تسمع بالرومنسيه . .
آخر تعديل Ms.NaTuReD
في 02:51 AM.
|
|
|
|
15-06-2007, 04:44 AM
|
رقم المشاركه : 4 |
|
توه ساكن
|
jorry ياحبيلتس وانتي جالستن تعرفين لي معنى الطلاعه كنتس مدرسة بمحو الاميه والطبه هنديات تراي منب كمخه داري وش السبب وليه ووش المناسبه انا كلامي ليه بحياتنا كل مناسبه ردة الفعل حقته هديه ومجاكر وفشخره نعرف نهدي ونعرف للمناسبات بس الليس ماتعرفينه ليش تكون عادة بتقولين لي هي كل يوم بتجيب لك بزر ابقولتس لا بس هي اهدتن بزر اروح احاسبها كني احاسب عن قطعة قماش شريتها لها ليه هي تهدين اليوم وانا اهدي بكرى يعني مو لازم مناسبه بمناسبه ( وجه يصيح ) ويقول يارب وصل الموضوع بوضوح والدليل على كلامي كلمة (غبنه) اللي باخر ردك كنها مهديتن لي طقم الماس وانا يوم جت لها مناسبه ما اهديتها شيء ( هنا الغبنه ) << مثل لا تقيسين عليه سنكيو على ردك NaTuReD أوب شارهه عليك لأنك سعودي .. وش يعرفك بالرومنسيه ! ما يذبحنا الا هالكلمه لا طق عود بحصاته قالت سعودي هاللبنانيه ( غزو فكري ) الرومنسيه يا مطمزيل مهب تسذا الهدايا في جميع المناسبات جدا خطأ (علل ) << بحكم هاليومين اختبارات لنفرض اننا معرسينن لنا عشرين سنه وكل مناسبه هديه وجت سنه نكبه او تاخرت او نسيت الموعد راح تقوم القيامه وتبدأ ذوبان المشاعر وايه نساني ولاعاد يبين ولاهوب مثل منول وماعمره اهدان ابد << الجحده ما تبيش عند اللبنانيات ان كان الحب هدايا نسكن حريمنا بتغليفه من القهر راجعي حساباتك واقري ردي على اللي فوقتس يمكن تعرفين وش انا ابي وعلى شانتس جيتي لموضوعي وبهالمناسبه ابهديتس هالكلمتين شكرا جزيلا
آخر تعديل ][ماش ماهناش][
في 04:47 AM.
|
|
|
|
15-06-2007, 06:07 AM
|
رقم المشاركه : 5 |
|
مسطوله مميزه
|
انا قلت انها مو عادات وتقاليد ومو مجبور الزوج يجيبها والمفروض الزوجه مو هي اللي تطلب الطلاعه من زوجها المتنح .. بس (ذوقا) منه انه يهديها مو عشان برستيج وفشخره .. لا بس عشان هي بعدت عنه كم يوم يحسسها بس انو انتي وحشتيني مره  .. يحسسها كمان انو حس بتعبها وآالامها  وبعدين زوجتك نفسها بطلاعه .. ياخي جب لها خلها تنبسط حتى لو ما اقتنعت انت ... يعني وقفت على هديه ..
|
|
|
|
15-06-2007, 01:48 PM
|
رقم المشاركه : 6 |
|
مشرفة الأسرة
|
 <<طاحوا به الضعيف بصراحه السعوديين عندهم 80 في الميه عادات غلط عقب الولاده يعني لا تقدير ولا شي خصوصا لا صارت المره جايبه له بنت ينعفس وجهه ولا طق خبر هالمسكينه اللي انكرفت اخبر سالفه انه وحده جابت بنت ورجله دخل عليها وسأل النرس بنت ولا ولد ؟ يوم قالت بنت وهو اللي يصك الباب ويطلع ولا حتى تحمد لمرته بالسلامه !! عموما اشوفه شي واجب واقل شي يقدمه الزوج لمرته اجل تتعب وهو مرتاح .. لعلمكم سووا اختبار في بريطانيا وغزوا ابره فيها 10 بالميه من الام الولاده عموما الرجال اغمى عليه ماعلينا من ذا كله جب لها هديه 
|
|
|
|
15-06-2007, 02:19 PM
|
رقم المشاركه : 7 | |
|
شاعرة مبدعة
|
اقتباس:
والمفروض يا أخ ماش ماهناش إنها تجي من قلب ياخي مرتك لها طالعة من حالة موت (ولادة) وموب عندك اربعين يوم ورجعت لبيتك ب بيبي وش رايك ماتحس انها بجاحة ماتجيب لها هدية؟؟ ماش ياماش السعوديين صورة طبق الأصل من بعض أرجع واقول بغض النظر عن سالفة الطلاعة ومسماها .. ذوقاً لو دخل شخص قريب منك للمستشفى .. أكيد راح تجيب له هدية بالسلامة .. فزوجتك من باب أولى عشان سلامتها وعشان ها النونو اللي جابته وعشان الهدية تقرّب قلب الزوجين .. والله الله بالهدية اللي توسع صدرها . . |
|
|
|
|
18-06-2007, 04:46 PM
|
رقم المشاركه : 8 |
|
توه ساكن
|
مسفهله الصدز اني بلشت بكم انا بوادي وانتم بوادي عموما ترى امي تسلم عليكم بالحيل وتقول ان تسان ماجايكم احد باتسر العصر ولا نتب رايحينن لشيء ترانا نبي نجيكم وشاكر لكم دخولكم لموضوعي صدز حريم لا جازلهن فهمن وش المقصد واذا ما صلح لهن ابلش عاد مانلاه
|
|
|
|
18-06-2007, 04:55 PM
|
رقم المشاركه : 9 |
|
مدير السوق السودا
|
قال ايش اعطيها هديه ؟! وشكرا |
|
|
|
18-06-2007, 05:07 PM
|
رقم المشاركه : 10 | ||
|
مشرفة الأسرة
|
اقتباس:
على فكره ترى المقصد مفهوم ولا مانع من اختلاف وجهات النظر شكلك انسان باله موب طويل ابد ولا ضحية لسان مسفهله السليط <<طالعه منها اقتباس:
|
||
|
|
|
19-06-2007, 01:13 AM
|
رقم المشاركه : 11 |
|
توه ساكن
|
شكل مزتك خل والا تمر سكري مكنوز << اعرف هالمسكات مالهن حل دمرتنا ياخوي وش وجهة هالنظر وشكرا على ردك وعفوا على شكرك اللي بردك  << يحب يجاري السكرانين*المستبده* شكلك انسان باله موب طويل ابد زين اللي ما خليتين كافر وجت على تسذا ياحبكن لتلزيق التهم والحكم السريع ممكن نتكي انا واياتس بهالربعه واشرح لتس وجهة نظري عشان تبنين عليه وجهة نظرتس لا امعر شعرتس << طراه السجع انا ماعندي مشكلة بالهديه << يقول لين اللحين حلو لكن مشكلتي الاساسيه ليه العاده حتى لو انه جايبتن لي بزر بتذلنا بوه يعني الطلاعه كانت موضوعي لكن قياسي على كل الاشياء والمناسبات الثانيه الهديه فرحه فجأه مهب فرحه منتظره << يمكن مختس يهنق هنا بس افرقي شعرتس وياضح هرجي او فكي التوكات* اللي براستس يلين بدال منتب ماعطتن شعرتس بهن منشفاتن مختس انا ابهديها مافيه خلاف لكن ليه المجاكر لو الهديه لغرض انه هديه منب مخالف لكن الهديه عشان تماضر ورقيه وهيلة وسحيله ينقهرن هنا الهرج داري بتقولين لي عاد هذا تفكير زوجتك وش اسويلك ابقولك لا والله مهب تفكيره ياعل يومي قبل يومه << سعودي على فكره لكن اكثر الحريم هذا هدفهن وانت الضحيه ( الخروف) هذا والسلام عليكم |
|
|
|
19-06-2007, 02:16 AM
|
رقم المشاركه : 12 |
|
مسطوله مميزه
|
يا الله حتى الهديه الصغنونه شاحين بها انت وياه
|
|
|
|
19-06-2007, 12:48 PM
|
رقم المشاركه : 13 |
|
خبيرة ميك أب
|
