ياوي فنجال شربته ألحالي =فنجال ماله ثانياً بالفناجيل
فنجال من غالي يمده لغالي =وتهديه قبل أبديه سود مضاليل
مده علي وقال خذ يا حلالي =لا يا بعد من ينقل القال والقيل
واخذت فنجالي وريحت بالي =وثنيت رجلي عندهم للتعاليل
دار الحديث وكل شيء صفالي =وارهيت منهم بالوفاء والمحاصيل
قمنا على ما قال لاله ولا لي =إلا وعود بالليال المقابيل
والله علم عن مقبلات الليالي =هن يلحقن وإلا بعد يظهرن حيل

أتلى العهد في فؤادي يوم خليته=وقفيت وأعيوني الثنتين يبكنّه
شرحت وضعي على صدري وفليته=ولقيت صدري من الليّ صار له حنّه!
أسرف بي الوجد والطاروق شليته=وشعاير الصوت في صدري لها رنّه
مستاجعٍ من يدي والحال بريته=والوجعه المدميّه ماهي بمنكنّه
الله يسامح صبي عيني وراعيته=خلاني أبدّل السجّات فالونّه
مايلتفت لوّ تعمدتّه ولديته=الاّ على اللي تجيب الشبط .. فالكنّه
عفريةٍ حبّها العذري تقهويته=وكيّفت الأحساس من هيله ومن بنّه
كل مادعاني بعال الصوت لبيته=وأنقاد من غير لافضلٍ ولامنّه
أجيه واليا وصلته ماتعديته=جيّة رفيقٍ رفيقه مبطيٍ منّه
أسج في عالم أسلوبه وأتاكيته=وأقول من لاعشق مثله ياعنكنّه ؟
ماذاق ملح القبال .. الليّ تحاليته=ولا أغرته كلمةٍ معسولها جنّه
أمشاهده .. لا أنكسر خصره ورديته=وميّل بليلٍ حريره يعجبك فنّه
ينسيك طعم الحليب الليّ تغذيته=وتسج مع عالمٍ فالحب منجنّه
والحب لولا متاهاته وتنهيته=ماصوتوّ للقلوب وجات مستنّه
قلب الهواوي خضر .. والولف راعيته=ومن حبّها له تدكه رفق وأتحنّه
تصبح بشطّانه .. وتمسي بزاويته=وكل عرق ينبض خطا .. مسئولةٍ عنّه
أقفو بها الليّ شببهم ماترجيته=وأسلوم الأجواد مثل الفرض والسنّه
راحت سنه كامله لاجا .! ولا جيته=وحبّه على ظنيّ .. وحبيّ على ظنّه
أقفى وجرحه بقلبي ماتشاويته=وأقفيت .. والبعد جرحٍ ماأقدر أكنّه
مايوجع الرجل .. ويحرّك تناهيته=الاّ ليا من فقد له قطعةٍ منّه

لاتبين خلق ربي على الروس روس = انت من بينهم كنك معنق ظبي
احسب انك موقف وانت ظمن الجلوس = في رجاء الله ولاكن الحسود يهبي
انت مثل الحياء يوم احتموه العسوس = كلِ يقول هذا اللي يبون عربي
جيت حر اليدين ورحت فيك محبوس = وامتلكة المشاعر ياصلات النبي
شوفتك ماتكرر كنها حد موس = ان وقفت المصيبه وان مشيت اتعبي
ياعنود الجوازي مبعدات الرموس = اشهد انك سبيت العقل مني سبي
اه ياجوهره عندك تذوب النفوس = يعني بلهجت اهل الشرق طاح احطبي
لودعاء الامر حربِ مثل حرب البسوس = لجل ذا اليعربيه يفعل اليعربي
ردت الفعل لاصار الظمير محسوس = بكرين طالبن الثار من تغلبي
كيف لا دامني كلي رهين الهجوس = ياتقوم القيامه يايتم اطلبي

يانزف عرقين الفؤاد من الوريد الى الوريد =.ياللي غلاك بصدري اكبر من غلا جماعتي
تدري وش اللي مبتليني بك وانا راسي عنيد؟ّ! =اني اليا شفتك اضيع وتنتهي لكاعتي
ياللي معيشني كذا مابين ايد .. وبين ايد =.ونا مبلا انتظر عفوك واناظر ساعتي
عذبتني اللة يثيبك لين تلقى ماتريد =.اخاف اسبك والعنك .. وانت تعرف شجاعتي
مهما تعذبني معك باقولك هل من مزيد =لني معك ياخي صراحة فاقد مناعتي
مايثني الرجل الشديد .. الا العشق لاجى شديد =.وانا انثنيت الحضرتك برضاي وبقناعتي
ياللي بعيني كل مامنك جديدً في جديد =.الا الجدايد من جديدك تبتغي شفاعتي
تبي الصراحة معك انا بالذات شخص مستفيد =(ياراس مال) (الا رصيد) (الا ثمين ابضاعتي)
ياحضرت العشق المباح الطاهر العف التليد =.ياممتلكني بالغلا ليتك تسير بطاعتي
ترى القطاعة بالمواصل مصدر الحزن الاكيد =.الا تقد القلب قد وتمتحن وداعتي
يعني ترفقبي قبل مصمل وفكك كل قيد =.واللة لا تاصل معي لذوقك قطاعتي

تصبري يا عين لو ضامك السهر = من طاري الفرقا ترى النفس ذابله
شوفي مقابيلك ترى مقفي الدهر =بعد ذهابه مستحيل الإياب له
يا عين شوفي حالتي قد لها شهر =مثل الذي يدعي ولا يستجاب له
سهران بلحاله وقدامه القهر =مقابله ,, لو كان ما هوب قابله
وجدي على الممشى بروضٍ من الزهر = ممطورٍ أمس ولا بعد جفّ وابله
لاركت عليه الشمس في حزّة الظهر = فاحت نواويره وغنّت بلابله
شعيبه الفايض تشوفه كما النهر = والعشب نبته ما تعلّت سنابله
لو فيه يمشي شايبٍ محني الظهر =ساعة زمن يمكن تعيد الشباب له
يا عين بعض النور بالعين لو جهر =عندي حضوره ما استوى والغياب له
يا حظ من هو فعله الطيب اشتهر = ويا حظ من هو طيب الحظ طاب له
وعزّي لمن فعله مع الناس ما ظهر = شجاع لكن جور الايام هابله

جعل السحاب اللي مزونه مراديف = اللي من المنشا ترادم قنوفه
يسقى فياضٍ مدهلٍ للمواليف = والموقع الي ذكرياته طروفه
لاغرد البلبل وجر الغطاريف = قلت آه يادنياً عليها حسوفه
اقزر الساعه بوجد وتحاسيف = والهم كني واحدٍ من ضيوفه
ميت ضما وانا متربع على السيف= رحلت غرامٍ كلبوها كلوفه
والمشرب اللي يذكرونه ولاشيف = سمعت به وازرت عيوني تشوفه
روابع الاجواد غزو ومناكيف = وعلومهم عقب الصحيح مخصوفه
شفت الحقيقه طيف رحت اعشق الطيف = عاشق ولي مبداء ونفسٍ عطوفه
عشقي على برهان مافيه تزييف = وانا ولد لكن بقعا نصوفه
عشقت روس النايفات المشاريف =واطيب ربوعي مانسيت معروفه
وعزمي قوي لو قصرن المصاريف=وعيني رهاويّه ونفسي عيوفه
والطيب في من لا يعرف المعاريف =خسارةٍ كبرى مهيب مخلوفه
ياذاك انا ماني قريّب محاريف=ادمح خطا الطيّب عليّه واطوفه
وان راحت الايام عج وعواصيف=والوقت قفّى واللحون معزوفه
كتمت سرّي بين عوج السراجيف=ويعوضني عقب مغزاي النكوفه
لاصار مافي يدي رمحٍ ولا سيف=مانيب صاير للذيابه علوفه
الجد يفخر بالبكار المشاعيف=وابوي تندا فالشدايد كفوفه
واللي عشقت اما يجي لي على الكيف=والا على ماقيل جعله ذلوفه
ريحانةٍ بين النخيل المهانيف=يومٍ على الساقي ويوم مخطوفه
أشب ناري واتكيّف من الكيف=وقصايدي مثل المهار معسوفه
واترك علوم مجمعين السواليف=اللي على طرد الكلام مهروفه
واحب رفقة من يذري عن الحيف=الطيّب اللي كل صعبٍ يحوفه
اغلى الذهب في سوق باريس وجنيف=واهني من هو ساعدنه ظروفه

يا شين بعد الرفيق ومسّة الحاجه=وفقدانك الحاجه الي كنت ذاخرها
هذا عهد عقب ما مستني الحاجه=ولانيب من يظهر الكلمه وينكرها