لفاني حلم ياصعب تعبيره=وحيرني عسى في الامر خيره
سوآدٍ بالسماء والبرق قبله=ومن قو الهوى تسمع صفيره
طرالي شي وآحد قلت يمكن=سناشعرٍ يطالب بتحضيره
انا لي مزنتٍ لاقلت وينك=اشوف بعينها دهشه وحيره
بخليها تصب بكل وآدي=الين السيل يرعبك بهديره
وبخليها تفرع في شغايا=وأمشي كل سيلٍ مع محيره
وإذا رآحت لجا ولا لسلما=ارددها قبل مفرق سميره
مدآم ان جدنا حاتم سكنها=يحق لنا الفخر في كل ديره
إذا هالنور به شخص يغطه=فلا يقدر على شمس الظهيره
تسمع للشعر والخافي اعظم=وشوف الوسم تعرف من بعيره
انا ماني بابوزيد الهلالي=ولاكابرت مثل ابن المغيره
ابو زيد الجباري لوسمحتو=سفيرٍ من عرب شبه الجزيره
انا بلسان أخو مريم بجدد=وفانا مع محبتنا الكبيره
تحيه سيدي صباح الاحمدي=إلى شعب السعوديه واميره
من لسان الصباحي للفلاحي=تحيه ورد يزهى في عبيره
إذا في كل دوله له سفاره=فبلسان الشعر انا سفيره
انا ما يسمع الاصقه كلامي=ولا راعتلي العين الضريره
انا يفهم كلامي كل عاقل=ونقول الشعر لعقولٍ بصيره
إذا صار الشعرمافيه حكمه=فهاذي تعتبر حاجه خطيره
ابي لا متّ وشو الي يتخلد=إذا كانت لكل انسان سيره
بعد موتتك تلقى شي وآحد=ياذكر بالفخر ولا المعيره
وكل إنسان له طيحه وزله=ولابد الرجل يحكم ضميره
احد غض البصر خوفٍ من الله=واحد عينه على بيت القصيره
ترى الي به حياء يلقى وقاره=ومن مابه حياء يلقى تحقيره
احد يصبح غني في ذل نفسه=غني لكن معه نفسٍ فقيره
يعيش الآدمي ماهو محصل=سوى المكتوب له بأمره يديره
وترى الرجال لوكب الجماعه=غدى مثل المعلم بالكسيره
نعم لوغزلك راسه ضعيف=وش الرجال من دون العشيره
خلقنا الله من شعوب وقبايل=وكلٍ حافظٍ دلوه وبيره
وكل إنسان له حق يتفاخر=ولكن لا يهضم حقوق غيره
ترى لوتختلف فينا العوايد=بنا فزعه بنا شيمه وغيره
ولكن كل شيٍ وله وقته=زمان الجد الاول طار طيره
مثل فزعتنا أول فالبنادق=وزرق رماح وسيوفٍ شطيره
لكن اليوم صارت بالرسايل=تدز الرقم برساله قصيره
وأنا ماجيت اجرب فعل ربعي=لهم في مضرب الفزعات خيره
طنايا لو رضينا مارضينا=تصير الاوله مثل الاخيره
طنايا وأفخر بكل الطنايا=سوى في نجد ولا فالجزيره
وسبعة انعام في كل القبايل=وكلٍ يشرب الماء من غديره
واذا مني طلعت بوجهٍ أبيض=كسبت اصداء وجيهٍ سفيره

يضر الغير في مدحه وطرقه=يبيها مدح ثم صارت طلابه
يخوي امدح بلا ذكر الوقايع=ترى فعول العرب فيها تشابه
ومحد يخفاه علم من حديكم=بصلح الوقت والا في خرابه
تكلم فالكرم والجود يكفي=وعن الشيمه وساسك وانتسابه
يخوي المرجله ماهيب سهله=ولاهي هقوتن كل هقابه
قبايلنا شرف من فضل ربي=لها حشمه وتقدير ومهابه
تغرب في ديار اهل النجاسه=مع الكفار عمرك في نهابه
فما بالك الا شفت القبيلي=تحس اخوك لو مابوك جابه

الله على عبقريه فكر الانساني=صمم لنا الجيب نسج من مخيلته
موديل هذي السنه تصنيع ياباني=ماودك الا توقع به ليا سقته
على مزاج بدوي من راس نصراني=مربوط من تحت حجانه كرفته
سلم مفاتحيه محمد على شاني=وانا على شان مشواري تسلمته
جاني على خوتي شفقن وعجلاني=وانا بنفس الشعور الذرب دونته
ماهيب خوة يا لدانه يالاداني=ولاتسمع الا مسجلهم ودندنته
ياثامر بن فلاح العود وصاني=على اختيار الزميل ان كان زاملته
حلة زحول الرجال شيوخ قحطاني=فعولهم صفحة التاريخ سجلته
وسلوم قحطان ما بدل بها ثاني=يكفيك تررحيبة الرجال وزهمته
ترحيبة عادتها من ورث جداني=ماهيب دل جديد ولا تعلمته
من لا عرف مجدهم مع مر الازماني=لا يزعج الناس بجوبته وباسئلته

حبيبي الحزن لا قلطتك عيوني=رتب كنب ضحكتي في مجلس اهدابي
مابعدك الا التعب واقصاك من دوني=ماقبلك الا ضعون الصبر بسبابي
والشمس ترقى السما وتهل بجفوني=قطرة عرق من جبين الشمس تندابي
حبيبي الحزن باسولف على ظنوني=مليت اسولف على غيري وانا مابي
الصبر مفتاح والضيقات صكوني=من وين اجيب الفرج مع صكتي بابي
ثيابي اول افصلها على متوني=ومتوني اليوم افصلها على ثيابي

يالله دخيلك كلهم صارو احباب =تب الزمن ماهو لها الناس تبه
انا ووانت وانت وانت في قلوبنا عتاب=لكن بعض ايامنا مستتبه
لا جيت تحسب ما لقيته بالاقراب=مجموع الاعدا اكثر من الاحبه
نخاف نفتح قلبنا ينفتح باب=خص القريب ودنا ما نسبه
والله يا بع المعارف فالاجناب=اخلص من قريب المعارف محبه
لو جيت تقطف من عناقيد الاعناب=لابد ترمي من من كم حبه
واللي يقول ان البحر سهل كذاب=ماظنه يعرفه زين لازم يطبه
واللي يدور مدحته عقب ماشاب=ماتنفعه لا صار مثل الجلبّه
ويطري علي شطرن بشرهات واعجاب=ياكليب شب النار يا كليب شبه

كسرت الحاجز بشعري وابا اذكر قصة الدانه=حكايه ما تداولها الحديث وقلت اداولها
على هالنوع من شسمك وكيف الحال يا فلانه=وكم عمرك وكيف اصلك وحتى كم مؤهلها

قفل حساب المحفظه بعد صفيت=معاد لي في سوق الأسهم تجاره
ياليتني في سوقها ماتعنيت=ما أخذت منها إلا الفلس والخساره
أمسيت فيها مغتني ليلة أمسيت=واصبحت ضيف الفقر نازل بداره
وش عاد يا سوق الهواميرخليت=من لؤلؤ البحار ولا محاره
كنت اتحلم اغتني وابتني بيت=والجيب ياقف في كراج العماره
واسلف المحتاج حسب الثوابيت=وافزع لابن عمي وضيفه وجاره
وفجأه على الواقع من الحلم فزيت=الله ولا حلمٍٍ كواني بناره
(من كثر ما من بعض الأحلام عانيت=خط اتصال الهاتف بلا حراره)!!
بالله عليكم ياهل الجاه والصيت=أحدٍ تجرع مثل هذا المراره
مرة سنه ما في الليالي تهنيت=مره يمين الدرب ومره يساره
في الليل اسامر منتديات وصيت=والسوق من بدري اتحرى اخباره
أقرا البلونجر كل ما اصبحت وأمسيت=واتبع الشارات شاره بشاره
مافيه عصر مع الجماعه تقهويت=ولافيه يومٍ نمت بأول نهاره
(ولا عاد عندي للمواعيد توقيت=إلا صلاة الفرض والإستخاره)
وعلى اجتهادي وكثر ما اقبلت واقفيت=عيت تفيد المعرفه والشطاره
((واصبحت من كثر الضغوطات كبريت=من يوم تشخطبه يولع شراره))
احيان يضرب ها المؤشر دناميت=ويصفق بالأحمر ويتبدل مساره
ولاعادتسمع غير وش بعت وابقيت=والناس واجد يقطعون الإشاره
ياطول ساعات الحزن والتناهيت=وياقصر ساعات الفرح والبشاره
رحنا ضحايا الحرب بين الطواغيت=كلٍ على الثاني يسند بغاره!!
والسوق كله اصبح بكف عفريت=الله يدمر من سعى في دماره

بالريشه الفنان يرسم بمعنى=كما يرسم الشاعر معاني قصايده
ولكن تسرق نظرة العين مني=صوره لكاين حي بالعاين كايده
صوره خلقها الله وسخر لها النظر=كم صخر الرحمن للريم قايده
والصوره الاخرى لها بحر ثاني=بحر العيون اللي لمدري وشو صايده
لك الله ذاك الشخص ماهو طبيعي=او انه يشيل الورد بقصى قصايده

يالساعد المكسور وش فايدة ليد=دام الحمل لا ثقل قل المساعد
تعرف بنفسك تلاقي بها سيد=ماعرفه سيد ولا له قواعد
شفني مليت بك المسارح اناشيد=لين امتلت مني صدور المقاعد
وانا اخاف ابكيك ثم تمسح الايد=مكانك الي وسط الاهداب قاعد
لاتنتظرني في طريق الموواعيد=ماادام مابه شوف مابه تواعد

في ممرات الخيال امر واخذني=لشي ينتظرني هناك ما اخذته
ملى صدر السمى مني ورذرذني =على غيم لجرد الشعر رذرذته

جيت ابارك له بفرحة عيده بميلاده=باول المدري ووشو يامحمد لا تستعجل دوختني 
شوف من خيم على قلبي ودق اوتاده=دقت اوتاد بدويٍ جاز له مرباعه
لا يدور كبرياه ويستريح عناده= لو ابو زيد الهلالي يستفيد ذراعه
لو تركز في كثير وفي بطل طرواده=تعرف القلب المعنى وتعرف الخداعه
جل من مد الحلا ووزعه لارباعه=الحلا ربع البشر وانته ثلاث ارباعه
يامغيض الورد نظرة وجنتك وراده=لا يموت الورد قولو وعلمو زراعه

الغضى جمره سراجي والجليس الشاذليه=واتونس وحشتي وامسي على حالي لحالي
وليلة البارح تبدل كل حال كان فيه=ليلة البارح صراحه غير عن كل الليالي
ليلة ماهي كما باقي الليالي السمرديه=والله اعلم فالليالي السرمديه وش جرالي
انته اخر دعوتن مقبلوتن من والديه=وانته اول من رميت اله لعمامه والعقالي
صرخة دويتها يوم امس والشمس حيه=يا عذابي يا وجودي يا مدري وشو يا بري حالي

الفرعنه/ والتاج/ والكرسي / ونشوة الافتخار=تبقى لنا .. حتى لو انك .. في مقااام السلطنه
والدلعنه/ والغي/والرقه / وخدين الحماااار=تبقى لك انت وبس... وأتفرعن علينا .. دلعنه
ياول كرز لون المحبه .. وآخر الوااان الصفااار=يالباهي اللي أحمره ... يغلب صفار السوسنه
غنجك:.. تقول انه .. مثل طار(ن) ضرب له .. دف طار=وصوتك:..مثل ريشة (عبادي) لا طرب .. للدندنه
ومشيك:.. تثني يا يمين احيان .. واحيا(ن) يسار=وانا مثل .. عباد شمس(ن) .. من يساره لأيمنه
كرهتني (محيد حمد) .. لدندن ب(راح النهار)=وحببتني (فيروز) .. لامن موّلت عالميجنه
عاقل/ تعلّق في طرف غيك .. وصابه انهيار=وشلون .. من تتقن معاه .. الغي فن / وحرفنه
تعال:.. شفني في غيابك ..انتصاري .. انتصار=قصدي:.. بغيابك.. انتصار / انكسار / وملعنه
تعال:.. لا لا تحطّني مابين ..غار ..وبين نار=تعال:.. يكفي هالدلع .. ماني بنقاص .. ولدنه
لو بشطبك .. يمدي شطبتك من زمان.. الاندثااااار=بس اشطبك .. يعني :شطبت من الزمن (100)ة سنه
من اختصار الحكي.. لين الصمت .. شفني باختصار=اصبحت حاله .. ممكنه ما حالة الا.. ممكنه
المستحيل: انّك تلاقي شخص .. يعشق الانتحار=والمشكله : ان انتحااااري فيك .. صرت استهونه

الجيب والقرناس وخوة هل الطيب = تسوى مجالست الحضر فالمدينه
ماسبّهم واعرف انا مابهم عيب = بس الهوى ياهل الهوى حد لينه
عزبه وخيمه والصحاري مضاريب = والتيس من قبل الضحى صالخينه
ومعلقينه من كراعه على الجيب = والبن الاشقر تونا حامسينه
شبّت حطب ماهي بشبة عياسيب = ارطا وعرفج يمنّا حاطبينه
واليا سنت شب الجروم اللواهيب = قام المقهوي قّرب الماء بدينه
ركّب دلال مجلدات المقاظيب = بغداد من سوق الحفر جالبينه
بيضن تلالا يطعمن المشاريب = تبعد عن انفوس العباد الغبينه
واليا احتمى ماهن يشيل المراكيب = يحط كيفن بالنجر طاحنينه
فنجال ونص وردهن يمه قريب = وجاب البريج وسكره في بطينه
وحطه على صفه هذيك المهاذيب = والبن فاح وركده في سكينه
وجاب الدلال الي يعرف المواجيب=ثنتين غير الي بهن عاملينه
مجنون كيف ورتب الامر ترتيب = حط البهاروريح هيله يازينه
ثم زلهن لين استوى باخر السيب = وحطه بناره ربنا لاتهينه
وقال اقدعوا تمر حلو توّه امجيب = اخلاص من دار الحسا محظرينه
ثم صب فنجاله ومابه عذاريب = والله على الفنجال تسلم يمينه
مجربن ماهوب يحتاج تجريب = اي والله انا كلنا مجربينه
مافيه ظيف وكل ابونا معازيب = والشاي خدر والورق حاكرينه
وعقب السوالف والقهاوي مطاليب = كل يناظر للمواتر بعينه
نبي نهيّف فوق روس المراقيب= وانفّرع القرناس لاجل السمينه
اليا خطفها خطفتن بالمخاليب = تبري النفوس الضيقات الحزينه
واليا انتهى المقناص جبنا مكاسيب = والحر الاشقر عقبها مبرقعينه
ونمشي ونلقا يمّنا فطر شيب = ومفرود يطرد من ورى امه تنينه
وسط النفود ولانمر الشخانيب = نخاف من ظرب الحصى فالمكينه
ووساع صدر ونطقنا بالتراحيب = واعقولنا هي العقول الرزينه
ياليت لي دورن بغوج الاطانيب = وانسى حضارات الخراب وسنينه
اخير من طرد البنات الرعابيب = واحدن تسمّع من عذابه ونينه
ممشاي صح وخوتي للاشانيب = رجل يصد اعن المراجل ياشينه
العود لازرق ينحرق فالجمر حرق=ويغنيك ريحه لو يعود رماده
خل الغنا ياللي تهيجن على الطرق=ان كان ما الفكره حديثة ولاده
الطيب كايد والعرب بينها فرق=والعرف واسع والتجارب شهاده
وان كان صبرك غيمتن شقها برق=الصبر في بعض المواقف بلاده
ذكراك فيما تعمله ظاهر ودرق =العمر الاخر لا نطقت الشهاده