|
|
|
|
 |
 |
 |
 |
 |
|
 |
 |
 |
 |
 |
 |
 |
 |
|
 |
 |
 |
 |
 |
|||||||||
|
||||||||||||
 |
 |
 |
 |
|||||||||
 |
| ارشيف التلفزيون قسم المقابلات والتغطيات الحصرية لتلفزيون المساطيل |
|
|
أدوات الموضوع |
10-08-2007, 10:30 PM
|
رقم المشاركه : 1 |
|
رئيس الأقسام الرياضية
|
تغطية حصريّه للأمسيه الشعريه الثامنه لمهرجان(الوجهه شرقيه) تقرير+صور
فرسان الامسيه
صالح السكيبي عبدالله البكر فيصل السواط الراعي الشريك : شركة الجميح الراعي الرسمي : إسطبلات المحمدية الناقل الفضائي : قناة المختلف الفضائية الرُعاة الإعلاميين : مجلة المختلف , صحيفة الرياضية , صحيفة زوايا شعبية البدايه مع السكيبي اما قصيد يشدك قبل تلقابه=شي يجدد جروحك ثم يداويها يقتاد حس الشعور ويفتح ابوابه=ويجر تنهيدته من صدر راعيها لا شفت حال القصيد وحال كتابه= قمت اتوجد على الساحه وماضيها احدن حضوره كأنه يشرح غيابه=واحد غيابه ترك فرصه لباغيها كل يقول الشعر عندي وانا اولابه=وانا اول القوم وآخرها وثانيها لا صار مالك قصيدن جزل واجابه=ترى نصيبك من صفوفه بتاليها واللي طموحه كسير وماعدا بابه= قله ترى نجمتك عافت مساريها واللي يقول القصيد اليوم متشابه=قله ترى البل تتبع صوت حاديها ثم بدا الشاعر عبدالله البكر اول قصايده وعلى غير العاده واصل بقصيده مهيب مدح في أحد ليلة ما تشبه البارحه مره=بدرها من شدة النور صحاني تسنها تمشي مع الريح مغتره=فوقها بدر وتحتها بدر ثاني ناعم يكتم مفاتنه في سره=تفضحه نسايم الليل لا جاني موت يا شمع الليالي من الحره=جاك من يضوي خفوقي ووجداني اقترب وبساط الورود بآجره=استرح مابين فلي وريحاني طالبك يا نور عيني ابا اتشره= كيف تترك صاحبك قبل امس وحداني جيت لمي والهوى طيّح الغره=يا هلا بالليل الاول مع الثاني و بدأ فيصل السواط قصايده بقصيده جديده لأهل الدمام قدرنا نصيد منها هالابيات سلام الله على بيض النوايا=يسوق الغيم من خلف الحنايا على الدمام واللي ساكنينه=مقدم من هل الطايف هداايا لو اني طايفي الاصل لكن=تبون الصدق دمامي السجايا يوصوني هلي عود علانا= ولا ينفع مع العاشق وصايا وانا وشلون ما اقدر مكانن=عطى حريتي واطلق يدايا وانا شاعر شعوري راس مالي=ما ادور من ورى شعري عطايا ولاني اعتبر شاعر قضيه=اقول الراي في بعض القضايا ولاهان السكيبي والتميمي= رجالن تتعب ظهور المطايا وحنا كلنا نفدى وطنا=عتيبه مع تميم مع الطنايا تجمعنا على عز ومحبه=تحت ظل الرعايه من زوايا وسلام ورحمة الله وبركاته=وفا واجلال واكرام وتحايا صالح حبيبي عادت اسراب الحمام وعادو الغياب=وانا من كثر ما شفت الوجيه اشتقت لاحبابي سنه مرت وانا اتبعها وعود الصادق الكذاب=وانا اخاف اندفن وسط الظنون وشوقي ترابي انا اخبره وفي لو غاب يرجع الاسباب=ولكن ليه هالمره غيابه حاسب حسابي تعبت اتصنع الضحكه واجامل ضحكة الشذاب=وصبري ما بقى به غير خيط ماسك اعصابي يا ثغر كنه الصبح الندي واليا حكا به ذاب=خوفي والشفايف كنها من بعض ترتابي احسب السالفه نظره واحسب ان الغرام اعجاب=الين ان صرت بغيابه اضيق بداخل ثيابي علامه صار يجززاني بتاليهاهجر وغياب=وانا اشفق عليه من الغياب ولوعة غيابي علامه ليه خلاني كذا ويا الحنين اصحاب=وخلا وحشة غيابه تصير من اصدق احبابي بعد ماعادت اسراب الحمام وعادو الغيّاب=بديت ادور بكل الوجيه اشباه لاحبابي الثانيه (فيديو) ثم بدأت الجلسه الثانيه للشاعر عبدالله البكر بقصيدتين اولهم ((ذعاذيع الشمال)) ذعاذيع الشمال بعز ليلي هزت الشباك ....................... تبي تطرد هواجيس الغياب وتقطع أحلامي برد صدري وانا أشهق من لقاك وأزفر بفرقاك ....................... ترا ماقسى من غياب الحبايب غير أوهامي وباقي القصيده موجود كمقطع ( فيديو) والثانيه يقول فيها ليت نار المحبه بالمحاني تشب=دام حزني نسيم وذكرياتي جمر وليت كل الخلايق لا تمادت تحب=كان شفت المسا ساجد سجود الشكر وليت نور المدينه ما درى واكتئب =وما طفى يوم قرب موعدك يالسفر داخل القلب بنت غارقه بالادب=ماتساوت مع باقي بنات البشر غابت من السما شمس وبدا ينكتب=عالصدر وش كثر حبيتها وش كثر طيبه ما تعرف ان المحبه تعب=ناعمه ما تعرف ان الغصن ينكسر تبتسم تضحك الدنيا بليا سبب=كنها ما بغت تلقى وسيعة صدر غيرت طعم هالدنيا بطعم العنب=صار كل الكلام الي تقوله عبر كن الايام طفله تستحق العتب=تركض ولا درت باللي وقف منقهر كل الاسما وكل ماسمى وما انكتب=زخرفه لاسمها الي جالس بوسط السطر كنت احبه واحب الما واحب السحب=وصرت احبه واحب اسمه واحب السهر لي متى والزمن قاسي وطبعه صعب=لي متى والفراق اقسى رفيقٍ حضر لي متى انتظر ريح التلاقي تهب =وتنقشع غيمة الفرقا وريح السفر ومن جديد عاد المرقابي بقصيدتين اولهم ((نقطة عبور)) (فيديو) والثانيه يقول فيها القهر خلف الحنايا حجم واحساس وكثافه=وتالبكا صوت الالم والضحك من شر البليه وتالقضيه حسب رايي في الزمان وفي اختلافه=واختلاف الراي في رايي لا يفسد للود قضيه ثم عاد السكيبي ليقدم ثالث وصلاته في الامسيه بقصيدتين الاولى بعنوان ((اهين الوقت وارجع واحشمه)) يقول فيها هذا ثمر قلبي تدلى قبل .. يأتي موسمه ......................... ...............مدي يدينك واجمعي فرقاك من عذق العتب أنا ثملت من الفراق اللي خذا وجهي سمه ......................... .....................شوفي ملامح غيبتك تقرا قبل لاتنكتب في وجهي الشاحب وفي آهات صدري ونسمه ......................... ................في ناضر عيون ٍ هميل الوجد منها ينسكب يا نور لحظات ٍ غدت من دون وجهك معتمه ......................... ...............وينك؟بدا هذا الحنين بجوف صدري يحتطب ياحب ٍ إجتاح الضلوع وفج قلبي وقسمه: ......................... ...........نصفين..وأزريت اجمع النصفين وغيابك سبب! حب ٍ بقى لو واقعه مره بحاليه.. صدمه ......................... .......عشق ٍ حيا رغم العطش في روض روحي معتشب ليت الغلا ذنب ٍ تجناه الخفوق ويندمه ......................... ................ وليت الصبر جرم ٍ اليا طاولت همي يرتكب! إلى متى وأنا اهين الوقت وأرجع واحشمه ......................... .......وأنا على رجم الوصال اشرف.. وأنادي.. وأرتقب ياأم العيون الفاترات الناجلات المغرمه ......................... ............يا من رموش عيونها تشكي سبب عكش الهدب يامبسم ٍ له ضحكة ٍ تنطق بشي ٍ تبهمه ......................... ........................ يانبرة ٍ لامن حكت كل المعاني تنقلب ياللي خذيتي خافقي قبل اعرفك واقدمة ......................... ..................... ياللي غيابك لحن ٍ تغنيبه أعواد القصب عودي على قلب ٍ طواه الهم والشوق هزمه ......................... .............قلب ٍ معك غنايمه ضاعت ولاادري وش كسب؟ أنا انتهيت وشوقي بصدري بدت له همهمه ......................... ...............جمر انتظاري سَمدت ناره وانا صرت الحطب حتى ثمر قلبي تدلى قبل ياتي موسمه ......................... .............هزي طرف جذعه تساقط لك من عذوقه عتب! ( فيديو) والثانيه ايضا في العتب يقول فيها طير ياللي نويت فراق يا طير=لايغّرك ولو يضحك زمانك كل عسر ٍ تصاحبه المياسير=وكل جرح ٍ يطيب بلا حنانك فارق ارحل عساه من اول الخير=شرهتك لا رجيت اقضب بنانك ما حسبتك من حساب المخاسير=(الخساره) وفا خفاق صانك سا قني لك شقا الحظ الردي مير:=لاانت كفوي ولاهذا مكانك: جيت يمي دلو واشواقي البير= كان هدّاج يشتاق لثمانك! غصب شلتك وصارت لك مقادير=عقب ماكنت انا خابر طمانك! كنت اظنك خطا سيد الغنادير=كان همي تثني خيزرانك!! كن عشرتك عشرة نافخ الكير=مسرج ٍ للجفا صهوة حصانك! واااااحسافة جميع احلى التعابير=يوم تنطق بها عظمة لسانك حسبي الله على ذيك النواوير=يوم فارق شذاها قحويانك!! المحبه عطا باأدق تعبير=ماحد ٍ غير (نكرانك) ادانك ما طلبتك جمال ولا مغاتير=دام طيبك نسى طيبك وخانك!! بس...خل المحاجر تذكر بخير= كل دمعة وفا(طاحت عشانك!) سؤال لصالح هل الامسيات المقتاربه تضعف من نتاج الشاعر الشعري؟؟ الظهر اذا كان اكثر من اللازم مهوب مضبوط والي يزيد عن حده ينقلب ضده وسؤالك يا ابو مدري وش يبي واقطع العلاقه البكر من جديد تلاحقني ذنوبي في طريق العمر= ولا اعرف السنين الي بتبقى لي يديني غارفه باشياء غير الحبر=وابا اكتب عل يبقى لي صدر خالي وانا عبد ضعيف احتاج يبكيكثر=هواجيس الغياب لصاحب غالي ولا اجمل من حنين القلب غير الصبر=يعيشني امل لو ما تهيا لي يخاصرن يالشتا وارجي بصيص الفجر= ابا اطرد وحدتي وابقى مع ظلالي بقى عندي قلم بيني وبينه شبر=وانا عم المسافه وقت يطرالي واهيجن بالزمان بالزمان الممتلي بالطهر=واسمع بصوتي المبحوح عذالي يخالفها الهوى وتطير خصلة شعر=تقل يدٍ تودعني على فالي واراقبها تراعي للسما والبدر= وعلى قدر الحزن كانت تحالالي وراحت ولليال المجهمات السمر= ورى ظروف كثيره مالها والي وش الارض اليباس الا حدود البحر=وش البحر الغزير الا صدر غالي الثانيه غزليه يقول في بدايتها بنت الخيال لاوجست بالليل ضيق تطيح يابن الحلال شاعر تعزواله بقيفان واوراقه مراكيض خيل ( فيديو) سؤال لعبدالله عبدالله تأثرت بأحد؟؟ لا انا لي خط سير ثابت يمثلني لحالي .. مانت عاقل تراك عبدالله البكر مانتب محمد البكر لا تضيع يا ابو  وانا تاثرت بقدوتي سعود البكر ومن جديد مع فيصل السواط بقصيدتين صفق لها الجمهور لين عض الارض الاوله منها موجوده ( فيديو) والثانيه الحلمنتيشيه يقول فيها قالوا علامَك قلتُ مدري مابيا=مجني عليّه والغرامُ الجانيا قابلتُ لي امرأةً جميلاً زولَها=خلّت من اقصى اقصاي شيئاً دانيا يازينَها زيناهُ في غسقِ الدجى=ماكنّها الا جايه امن اسبانيا عزالله اني رُحتُ فيها إنمّا=لااحدٍ يلومنّي على اللي جانيا ياعنكم انّي شفت لي شيٍ كذا=ثوّر على قلبي لهيب احزانيا آآيه من الحسن الطبيعي دوبها=صغيّره عشرٍ على ثمانيا أخذَت من الظبيِ الجفولِ جفولها=ومن الزرافةِ طولُها المتفانيا ومن النعامةِ ساقُها ودلالها=ومن الحمامةِ قلبها اللي حانيا ومن الدجاجةِ خيرها وعطاؤها=ومن الفراشةِ أجملُ الألوانيا ومن النجومِِ العالياتِ علوّها=ومن البحورِ الدرّ والمرجانيا ومن الجبالِ صلابةٌ في قلبها=ومن الحصى ما يُشعلُ النيرانيا ومن السحائبِ ما يسحّبني غصب=وأتبع جناح ملهّي الرعيانيا ومن الفواكه طعمُها وبريقُها=ومن الروائحِ ريحةُ الريحانيا ضحكَت فضجّ الكونُ منها عندها=ضحِكاً جميلاً رائعاً فتّانيا حتّى بقيتُ هناك وحدي دائخاً=وكأنني صاقع من الشمبانيا تمشي الهوينا في دلالٍ موجعٍ=والناسُ صرعى سبةُ البرفانيا لبسَت عباءة أختها الصغرى كذا=على شان يبدو التوتُ والرمّانيا ماتدري انّ القلبَ طيبُ أخضرٌ=كمنتخبنا في لقاء المانيا وبلا شعورٍ قد مشيتُ بسرعةٍ=مدري وش اللي ياعرب ودّانيا قالت نعم ماذا تبا رح من هُنا=فضلاً رجاءاً ياأخي ماادانيا قلت اسمعي ثكلتك أمّك يارنا=يا البندري ياماجده يارانيا إمّا احشمي نفسك وغطّي مابدا=ولا اتركي الموضوعَ للشيطانيا (فيديو) سؤال لفيصل هل لك تجارب في شعر المحاوره ؟؟ او هل لك النيه في الاجاه للمحاوره ؟؟ انا شاعر نظم منيب شاعر محاوره ولي تجربه فاشله مع محمد السناني وسحبت نفسي من اول ظهور السكيبي يعود ويتالق من جديد ابتعد عن دربه ورجلي تسير دروبه=كل ما انوي عنه نيه نيتي حرماني واعذابي كن شوفه طوّل بغيبويه=تعتقد يا قبي انه صاحبي ينساني لا نساني باعلن الزله واقول التوبه= بعدها خل اللذي من ضعت به يلقاني ياكبر ظلمه وتقصيره وجل ذنوبه=في عشير ما نساه ولا رضى له ثاني والله اني ما رجيت حقوقي المسلوبه=بس ليته ما يطول لا نوى هجراني كيف حتى اسمه على سمعي الا نادوبه=التفت كنه نطق بسمي واحسبه جاني لا ذكرته عيونه ورمشينه المجسوبه=ادري انه هو سبب جرح الغرام الثاني لعنبوه من الدلال ليا حكا باسلوبه=كن قلبي لا حكى ينطق بدال لساني ما برى حالي سواه وزاد فيه شحوبه=يوم طالت غيبته واسرف بي وخلاني كم لي اسهر غيبته واشتاق له واذوبه=لين ما بابن عظامي من هميل اجفاني وعاد في القصيده الثانيه وقال ما اقدر اكرهك لكن ما اقدر احبك= بين متناقضات الذات وش جابك لا خفق لك خفوق ولا تحدر بك=دمع عيني ولا جرحي تحدابك كيف انا محيرك صرت اتحيربك=الشعور اتجاهك صار متشابك ما اقدر اكتك غلاك ولا اقدر اجهر بك=بيني وبين نفسي ضعت باسبابك ارتوتني طيوفك قبل اصدر بك=ليت ما صابني في غيبتك صابك قلت ابا اسئل خفوقي واتعذر بك=والا انا خبار عروقي تطرى بك اشهد اني وصلتي ودلني دربك =واشهد اني دخلت من اوسع ابوابي ومن جديد عاد البكر في وصلته قبل الاخيره بقصيدتين اولهم يقول فيها ابا اكتب احس ان ما على خاطري بيبان=فضى يا سع افكار المحبين وافكاري وصبح مثل ضحكة حبيبي وهو زعلان=يشق الظلام ليا طرى للفرح طاري كان مبسمه لا بل ريقه وجوه زان=كرز شع من قطرة ندى في غصن ذاري كأني حلفت اسامحه بأي عذر كان= مع ان الحياه اقسى من اعذار مشواري انا وحدي اللي ادري ان الموادع حان=يبان الفراق بعين من يعجز يداري كأن المدامع تسقي قلوبنا هجران=لجل تورق اغصان العمر بآخر اشعاري قصيد اكتبه لعيون وهو سرحان= وانا اقراه ويشيق نفسي وافتح زراري قتلتالحنين الي بصدري اخاف يبان= ابا احفزظ قبال الناس لو ربع مقداري وصرت الحزين الي مابين اربعة جدران=كتب اغرب افكار المحبين وافكاري والثانيه يقول من ضمن ابياتها تنام الذكريات الموجعه في صدري الليله=وتصحى ذكريات الماضي الي راح واحبابي عسى باقي حبيبي يمسح الدمعه بمنديله=اخبره لا بكى يطري عليه شكثر سوابي على باب الرجا كنت انتظر رحمة مراسيله=الين الله رحمني من قساه وموّت اعصابي عطيته كل ما يطري عليه وزاد حبي له=الين اتساهل دروب الجفا واتساهل غيابي يقول ان الظروف الي بدت تآكل محاصيله=وانا اشوف لظروف الي حصلت له زادت اتعابي لقيته بعد ما صك القدر اخر مداهيله=ولا اطني غلطت بعشقي الي راح بعتابي ويرجع من جديد فيصل بقصيدتين اقرب للسحر منها للشعر اولهم يقول فيها أشرقت شمس الفراق وطارت العصفورة = وانهدم عش الغرام ولا قدرت المّه وانكسر جفني وهجّت دمعةٍ مكسوره = من ضحايا خلّي الوافي قليل الذمّه صادني بحبال عينه في نعيم الصورة = خمّني وانا احسبنّي من غباي أخمّه الله اكبر يازمانٍ مابقى من نوره = غير ما يبقى لبو ستين عام امن امّه يوم اعاين كثرة اشواكه وقلّ زهوره = مايجيني وامدحه ولا يجوز اذمّه لكنّ انّه قد طعنّي طعنةٍ منكوره = طعنة ابن العم الأقرب في ظهر بن عمّه والغدر بالذات شيٍّ يستحق الثورة = ولوّ كانت غايته غِيبه وشك ونمّه لنّ رب العالمين وخالق المعموره = حرّمه بكتابه الطاهر على خير امّه يعني انك يازماني لو قريت السورة = كان ما غوّيت خلٍ صرت شايل همّه الوليف اللي ربى سمعي على حنجوره = وادمنت عيني تهلّ دموعها في كمّه واحترف صدري طريقة إحتواء شعوره = واحترق دمّي عشان يذوق خفّة دمّه واعتمد قلبي غياب الهم عند حضوره = واشرّت كل البواصل باتجاهي يمّه ثوّر غبار العنا بالخطوة المغروره = لين غثرب مابقى لي من قراح الجّمه كنت اجاهد حزنه الطاغي عشان سروره = واتحرّى بسمة عيونه وضحكة فمّه لين خلّيت الفيافي كلّها ممطوره = وانْبتت عشبة طموحه في ركيب الهِمّه كم تذوّق من عسل قلبي براس اظفوره = ويوم جيت اشرب دوى روحي سقاني سمّه لين عكّر جويّ وماتت جميع طيوره = وانتحر حلمٍ رمى نفسه من اعلى قمّه واشرقت شمس الفراق وطارت العصفوره = وانهدم عش الغرام ولا قدرت المّه والثانيه جنقير حارس العماره يقول فيها راكب اللي كنها ضبيٍ على جال الرصيف = ماتسير الا على ثنيتين قدام وورى ان بغيت اوصف حلاها مالها عندي وصيف = لاركبها لاملوك ولا شيوخ ولا اومرى ما يطبّ التانكي فيها ربيع ولا خريف = ولا تشم الزيت والبنزين والما والغرى مالها لوحه ولا رادي ولا بودي نظيف = ولا لها مفتاح باب وباب وانوارٍ ترى إن مشت ماكنّها الا بنت نعمه في جنيف = جدّها زقزوق باشا امير شمل وله ذرى خفيّفه ونحيّفه وتشيل هاني مع شريف = وان ركبها ورع من ورعاننا يلقى الزرى كلّ ابوها اربع حدايد فوقها مقعد ظريف = دريْكسون ودعستين صغار والساري سرى سيكلٍ من صنع شعبٍ لايشوف ولا كفيف = ميد إن جابان واهل البيع واهل المشترى قُوم يا (جنقير) وادعس للخبر مدري القطيف = وان وصلت (سعيد) عطه العلم في شيٍ جرى وانت راع الأوله من عزوة السيف الرهيف = بنجلادش ماكلين الفلفل لرد البرى قول له (ياسعيد) يسعدْك الله ودمك خفيف = غير ماعندك صبر وقت الإيجار المُحترى انت ما تدري عن الشعب السعودي في عفيف = وفالمدينه والرياض وسامطه وام القرى ركبوا الطياره ام جناح نفّاث ورفيف = رحلةٍ يم الثرّيا خُصصت لاهل الثرى واثر فالطيّاره ارهاب ورهاين والمظيف = نحسبه معنا وهو معهم وهم ناس خشرى المهم انّ العرب راحوا وطي تحت الجريف = والفقير ازداد فقره والثري زوّد ثرى لين صرنا نشتغل ونسدد البنك المنيف = راعي البيضا على وضح النقا (ما لم ترى) إصبر الله لا يوالف لك على قلبك وليف = لين يقرا من كتب صفحه ومن يكتب قرى حظّنا نمشي وحنّا من رصيف اليا رصيف = تمشي العالم على قدام ونعوّد ورى ( فيديو القصيده) واختتم السكيبي والبكر قصائده بقصيدتين بتشوفونها ان شاء الله (( مقاطع فيديو)) لعيود فيصل في مسك الختام بقصيده على لسان عاطل عن العمل اربع سنين وخمسه شهور وثلاث ايام طيش اعيش وسط المجتمع مدري وشنهي خانتي اسعى ورى فرصة عمل لكنّ يالايام ويش حدّك على تطنيشي وعذابي وإهانتي فالصبح من بعد السهر أفطر على تونه وعيش وفالليل اعدّ نجوم همي في سما ديّانتي مدري وش اسوي ووين اروح مدري كيف اعيش وانا ماعندي غير ثوبي في دروف خزانتي مارحت ادوّر لي وظيفه غير قالوا معليش باقي على الطول المناسب لك ثنينه سانتي يعني ثنينه سانتي فالطول بتهزّ الك جيش ولا تبا تنقّص على مرّ السنين أمانتي شهادتي شابت وانا على وشَك والوضع شيش وابا اتزوّج واتذّرى في ذرى حصانتي بطير فالدنيا ولكن كيف اطير بدون ريش نتّف جناحي وقتي وضاعت كذا مكانتي ياليتني لاعب كره ياناس مثل احمد خريش في كل قول الفين والف ريال فالبلانتي ماكان هذا حالي المزري ولا باقول ليش واكثر ما افكّر فيه كيف ابحترف في نانتي ارزاق والدنيا حظوظ نعيش ولاّ مانعيش ورزقي على ضمانة الله ماهي بضمانتي يالله ياربي وظيفه لو تجي فبو عريش ولاّ تزوّدني على طولي ثنينه سانتي والقصيده موجوده مقطع ( فيديو ) ب\ برايفتات عبدالله البكر كان لازم يحطون له كرسيين واحد يجلس عليه وواحد يحط عليه رجلينه وكان لازم يبعدون المسرح 5 متر ورى نعنبو بليسه يوم جا يتمغط كمخ اثنين من الجمهور برجلينه  الامسيه كانت فوق الخياليه وللأسف كان الحضور الجماهيري هالمره متوسط الشكر موصول للاستاذ حسين العبدالوهاب وفهد الوايلي وبشير اللويش وخالد الشوق ومشقاص وتحيّه خاصه لفيصل السواط وللشاعر مشعان البراق لامنه تصفح ذا الموضوع  نترككم مع الصور ومقاطع الفيديو                      صالح السكيبي 1 صالح السكيبي 2 صالح السكيبي 3 فيصل السواط 1 فيصل السواط 2 فيصل السواط 3 فيصل السواط 4 عبدالله البكر 1 عبدالله البكر 2 عبدالله البكر 3 اعذرونا على الخطا ان حصل والتقصير والتأخير حارة المساطيل تريلة شوق... مشقاص |
|
11-08-2007, 07:07 AM
|
رقم المشاركه : 2 |
|
قضبناه الباب
|
تحياتي لجميع شعراء هذه الأمسية الجميله .. عبدالله البكر / الله يبيض وجهك ، شاعر كبير و جميل وسيقانك طوال ..صالح السكيبي / ياعمي رووووح الله يرزقك الجنه ، وربي انسان ذايب شعر !! ، وكراعينك تهبل  فيصل السواط / الله لا يضرك يا شيخ !! بس تكفى كثر من الحلمنتيشيات <-- يلعن ام الحاله مدري وشلون كتبتها و والله يا انت طويل مره مره ابو عبدالعزيز
|
|
11-08-2007, 10:03 AM
|
رقم المشاركه : 3 |
|
مسطول يمون
|
|
|
11-08-2007, 10:30 AM
|
رقم المشاركه : 4 |
|
من ربع الأسره
|
قهر كنت بالشرقية و خاطري أروح لها وما رحت :s قلت لأهلي طلعوني .. قالوا وين تبين ؟ مشوار عن المدن .. قلت طيب بحضر أمسية .. قالوا وينها فيه ومتى وقتها؟ .. قلت مدري وما فيه نت عشان أدري  .. وما أدري أصلاً فيه قسم للبنات ولا لأ  قالوا بععععععد ؛؛ أجل إنثبري وزين إن أخذنا لك فرتين بالخبر ورجعناك :s ما قصرت يا أبو عبدالعزيز ولا يهون مشقاص بتغطيتكم والله يعطيكم ألف عافية تقول أبد كني بالمنصة أو الصف الأول وأطمس لا يجيني شي لا مد البكر رجيلاته |
|
12-08-2007, 11:56 PM
|
رقم المشاركه : 5 |
|
إعلامي المساطيل
|
يعجبك الشاعر اذا كان بوه حوله  ابو عبدالعزيز مجرم ابداع عيني عليك بارده يا ان خالد الشوق يبيله خمس برامج علشان يرجع له الأضواء اللي انت سحبتها ماشاء الله عليك وربي مبدع |
|
13-08-2007, 02:35 AM
|
رقم المشاركه : 6 |
|
العدوان الغاشم
|
^ ^  لا تخلوني احلف انه جاي الأمسيه وهو مفرّك من الدوام .. اعرف وجه لا فرك من دوامه ومديره يدق وكل ما رد يقول جاي جاي ثلث ساعه وانا عندكم ك شعر .. ما اعرف الشعر الا اذا صارت كونداليزا رايس تعرف ترق مرقوق .. او ان شفتوا هيفا وهبي عرفت تغيّر زيت شيول وتوزن أذرعته وهالحدث منقول لايف على قناة إل بي سي ذيك الساعه قولوا نكهه يعرف الشعر واوزانه وبحوره .. اتكلم عن هالشخص ك اخلاق وذرابه زودن على انه شاعر متمّكن .. والله انه يسوي ديره كامله بطيبته وتعامله .. من النوع اللي لا جلست معه وبغى يقوم ويروح ودك تستأذنه وتعضّ خشمه لين تدمّع عيونه  يا ربيه وراني قمت افضفض في مكان عام ألف شكر يا تريله على هالتغطيه .. والله اني قايله من زمان .. انك احد الأسباب لقلة الحضور .. نعنبو شيطانك على هالتغطيه ونقرا القصايد نشوف التصوير واللقطات كننا حاظرين في الصف الأول وحنا قدّام شاشه .. عيني عليك نص استوى وكثّر زيت فرامل بدون شطه عبدالله البكر .. صالح السكيبي .. فيصل السواط .. أبدعتوا وبيّض الله وجيهكم .. ولا يهون تريله نجم التغطيات .. وكل الطاقم اللي يساعدونه .. ألف شكر لهم
|
|
13-08-2007, 03:03 AM
|
رقم المشاركه : 7 |
|
مشرف جدار المواهب
|
والله شغل ممتاز 100% مايختلف فيه أثنين و تغطية أكثر من رائعة و ش أعد ووش أخلي من تنسيق الى صور الى فيديو و أنت ماشي في النهاية أقولك بيض الله وجهك ياتوتو تحياتي 
|
|
16-08-2007, 04:15 PM
|
رقم المشاركه : 8 |
|
قائد الكتيبة
|
بس مقاطع الفيديو الروابط مضبوطه ... ولا من عندي ..؟ |
|
18-08-2007, 10:40 AM
|
رقم المشاركه : 9 |
|
إنتقل الى رحمة الله
|
يعطيك العافية يا ابو عزوز وتحية منّي لملح الأمسية هذي .. فيصل العتيبي |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
