|
|
|
|
 |
 |
 |
 |
 |
|
 |
 |
 |
 |
 |
 |
 |
 |
|
 |
21-04-2003, 07:52 AM
|
رقم المشاركه : 1 |
|
مسـيّر
|
قصة زواج أخوكم ( فنيلة علاقي )
انا جامعي ووسيم ( كثر منها )  و الناس يدلعوني ويقولون لي محيميد… وانا اسمي الحقيقي عبدالرحمن… ماعلينا توظفت كيتب وقررت الوالده الله يخليها ويعافيها ويشفيها ان تدمر حياتي وتزوجني… و تم التعميم على الطلب وتم الاستنفار الين لقو ذيك البنت الي تقول للقمر قم ابقعد بمكانك … و شوقتني اميمتي من كثر الحتسي عنها … وتمت الخطبه وكلفني الزواج 200الف ريال…. تهون لعيون القمر… وفي ليلة العرس كنت مشتاق للقمر… يوم دخلوني عليها وفتشتها لقيت ذاك المهرج الي صابغ خشته (براطمه) بأحمر.. وذاك الوجه الي كل بقعه منه لها لون … وانا اكرها ضحكه وقلت لهم حلوه هالحركه …طيب وين مرتي .. ردت علي هي بكل رومانسيه وحب وقالت : ماشفتني…. ووقفت امي وقالت هذي هي مرتك ..و اصفريت ذاك اليوم من الفرحة (ايه هين)؟ …وكل الي في بالي ال200 الف الي طارت في الهوا…..يوم صحيت ناديت امي …وقلت لها هذي هي مرتي… قالت ايه ياوليدي هذي ازين وحده شفتها …ومن يومها وانا عارف ليش احنا اكثر رجال العالم اصابه بالسكر والضغط … ماعلينا المهم قالو لي لبسها الذهب وهي الي تمد ذيك اليد الشهبى الهبا اللي ذابحها المشق وانا البسها الغوايش… لا ... وزيدكم من الشعر بيت صبت يديها دم يمكن من المشق… وجت الطامه يوم قالو لبسها الرشرش المهم وقفت بمعجزه يوم جيت عند رقبتها … قلت هو أنا ماازنطها وافتك واعيش في السجن اريح وبعد تفكير لبستها الرشرش … وفرح القمل به وحولوا يلعبون عليه ….و صقيت اللطمه وقلت لها تراي قدامتس في السياره … ومن زينها متطوره يوم وصلت السياره وقفت تبيني اهج لها الباب … وانا الي انزل القزازه واقول لها ترا اما ركبتي سريت … وركبت وهي مستحيه وانا افكر هوأنا ما اصدم بالسياره من الجهه اللي لمها وافتك منها…. او اوقف جنب فتحة بياره واقول لها حولي …او افتح الباب واذبها وانا مسرع … وانا افكر مادريت الا وانا عند بابنا … وحولت وقلت لها الحقيني … وماامداني افتح باب البيت الا وهي واقفة قبالي … قلت لها ادخلي …. وهي داخله رقعت بالباب على يدها يعني مادريت وقالت آييي وصب دم منها … وانا اللي اركض واجيب قطن وامسح الدم اللي على الباب …. واشوى انه ماانعفط ….ورقينا للغرفة وانا اللي انسدح فوق السرير وانوم ذيك النومه …. ويوم قمت الين قضاي قدامي …. لا وتقول لي وراك نمت فبلش تراي لابسةً هالخشاشه علشانك …تعال شف دراريعي اللي انا مخيطه …. ورتني ذيك الخلاقين الي تقول كلفت 25الف ريال ….وانا افكر ان شاءالله اني من اهل الجنه لان البلاوي ماتنزل الا اللي يحبهم الله…. والحرمه مهيب تستحي وقفت قدامي وهي فاتحة ثمها…. قلت لها غطي هالبياره والا طلعت …. قالت وشفيك ماتبي تشوفني ماعجبتك شف براطمي وخدودي ووعيوني ….. وقعدت تسولف تقول وين بتوديني …. قلت لها لبيت اهلك … وحمقت وتغيير وجهها وقالت ليش …. ورحمتها وقلت علشان نسلم على اهلك … قبل نطس نسافر …..قالت بتعطي امي الفتاشه اليوم…. قلت وشي فتاشته مايكفي المصيبة اللي انا فيها …. رحت ودخلنا بيتهم وجت امها وعطيتها الفتاشه وفتشت وصارة من نفس الفصيله … و سالتها وين ابوتس قالت مرتفع عليه السكر ونايم قلت ماالومه …. وسلامتكم |
|
21-04-2003, 07:18 PM
|
رقم المشاركه : 2 |
|
من شيوخ الحاره
|
هه شف وحصلت !!... 200 الف ريال ..كان امداك تفتح فيها مشروع ولا تشتري لك حملة قضوم( امحق نصيحة )...وتبيعها وتحصل من وراها الي تبي ! بس المقرود مقرود >>>>>>متوهق وقاعد يضرب مقصات في البيت ما يدري وش يسوي ! .........................................(دقيقة صمت مؤازرة لك)............................................... ........... تسلم يا فنيلة على هالموضوع وارجع واقول معك نعم للفنيلة العلاقي ولا للفنيلة الكم >>>>> يبي يواسيك بالي هي به ! |
|
22-04-2003, 12:41 AM
|
رقم المشاركه : 3 |
|
مسـيّر
|
على طاري القظوم  فيه واحد راعي أبيض ( أبو ملف ) غش أمه وحط لها بالشاهي حبتين من الأبيض الأصلي حق أول . بعد ساعتين راح يدورها مالقاها  ويوم طلع بالشارع لقاها مدهرة وتكنس الشارع ولابسة لبس راع البلدية البرتقالي
|
|
22-04-2003, 02:32 AM
|
رقم المشاركه : 4 |
|
مسـيّر
|
على البركة الزواج الموفق بس احب انصحك انك تخليها تستخدم نيفيا حق الهلاليين عشان يروح المشق الي في يديها ^ ^ ^ ^ ^ ولكن لو انك مسافر لهالديار وماخذلك وحدة فشقة (يعني حلوة بقوة) بربع القيمه والباقي فتحت بة مشروع احسن لك ولكن تمشي الرياح بما لاتشتهي السفن مادري السفن تمشي بما لاتشتهي الرياح مادري كلهن يمشن بدون لايشتهن بعضهن ...........
آخر تعديل داج هاج
في 02:41 AM.
|
|
22-04-2003, 07:12 AM
|
رقم المشاركه : 5 |
|
مسـيّر
|
أقول أهم شي أني ماتعشيت أنا والمعزبة ذيك الليلة ( سليق )
|
|
22-04-2003, 01:39 PM
|
رقم المشاركه : 6 |
|
مسـيّر
|
امحق عدلا.... لكن السؤال اللي يسدح عمره يوم انكم طيستو للديره اللي تبون تسافرون لها وش صاااااااااار؟ |
|
22-04-2003, 08:23 PM
|
رقم المشاركه : 7 |
|
مسـيّر
|
نصيحتي أنك تهج عن أختها من هالحين لأن أختها ماتنجح إلا بأفلام الرعب وبالنسبة للسفر حجزت للمعذبة لسامطة في عز تفشي مرض حمى الوادي المتصدع قلت لها اسبقيني وتراني جاي على الرحلة اللي بعدها . وقبل ماأهج عنها قالوا أن الخطوط السعودية ألغوا الرحلة:mad: |
|
22-04-2003, 10:53 PM
|
رقم المشاركه : 8 |
|
من شيوخ الحارة
|
ياخي قسمن بالله انه مافي راسك تنسيم ... ودبشه وتحسب العالم كل ابوهم مثلك .. قسم بالله لا اقعد لك في حياتك ... اجل نويت تعرس هاااه .. تصدق يافنيله اني اغبط داج هاج لانه مشرف واكثر واحد بيتلذذ فيك ... شف يافنيله علاقي (( ياخي حتى يوزرك حرام فيك )) ... لو انك جاين المصاطيل تتميلح وترزز على حساب غيرك فاحب اقول لك ... والله يا انا ابنشب لك في حياتك ... موب معنى اني ما ارد يعني ما اقرى المواضيع ولا اتابع .. لكن بتاكد من مواضيعك كلها .. وبرجع اشوف وش وضعها ... العذر والسموحه اخوي (( داج هاج )) .. اني تكلمت في مكان المفروض اني ابين اللي عندي واطس وافاردز .. بس والله حايمتن تسبدي من ناس الله قاردك فيهم .. بس اللي ابي اقوله لك .. ان المؤمن مبتلى .. وانشالله تكفير ذنوب .. وشف وش انت مسوي .. هالموضوع يافنيله علاقي لأبو برغش وأسمه الاصلي (( زواج ابو برغش )) ... ونزل على خمس اجزاء بس انت مشالله عليك ما عندك وقت مصعّت ام الموضوع مرتن وحده .. والله يا انت حومت تسبدي من جد .. شف نصيحتي لك .. لا بغيت تنقل .. دور لك منتدى ثاني :mad: |
|
22-04-2003, 11:53 PM
|
رقم المشاركه : 9 |
|
مسـيّر
|
ياحليلك مع أنك تغلط وتقول عني دبشه ( يعني حيوان ) لكن للبقية أحترام عندي . قل لبوبرغشك مدري أبودغشك أذا عندكم صك على المواضيع عطوني صوره لاتنسى تشرب ( تمبرا ) قبل تنام ياحليلك
|
|
23-04-2003, 12:33 AM
|
رقم المشاركه : 10 |
|
من شيوخ الحاره
|
بصراحة الي ماعنده ثقة في نفسه انه يكتب ترى ابسط ابجديات الذوق انه يقعد يناظر ولا يقعد يترزز بمواضيع من صنع غيره ! شف يا فنيلة .. انا والله ماكنت ادري ان الموضوع مزروف الين رحت شفته بنفسي ! .. بصراحة ياخي مدري وش انت غاسلن وجهك فيه !؟؟؟ حتى المرق موب باين على وجهك لأن مالك وجه اصلا! تدري وش انا مغبون عليه مغبون على الرسالة الي ارسلتها لك .. وعلى بالي ان براسك شي ! وفرحت فيك لكن للأسف ! يا شباب ترى جايين هنا في هالمنتدى نوسع صدورنا ونستانس بس برضه نحافظ على ابسط الحقوق الفكرية .. يعني انا متأكد ان ابو برغش ولا غيره ما يهمه انك تزرف منه ولا لأنه واثق من عطائه ومن قدرته ! لكن بلاك بمثل فنيله الي جايين يترززون بمواضيع غيرهم ... لاااااا ومن شين الطبايع يردوون ! على العموم يا فنيلة هالموضوع منتهي مواضيعك كلها راح تُرسل لمكانها اللآئق بها .. وانت تعرف زين ادامك تعرف وشلون تزرف ... ! وبالنسبة ليوزرك .. رح ينشاف له حل انشاء الله واخيرا اقدم اعتذاري لكل عضو في هذا المنتدى .. وكل قاريء ولا انسى اقدم شكري للأخ حاذف ترم الي يفضح مثل هالنوعيات ! وارجو من أي عضو يحس أن فيه موضوع مسروق من هنا ولا من هنا ... يعلمنا ويعطينا اللينك حق الموضوع ! ودمتم اخوكم داج هاج |
|
23-04-2003, 12:45 AM
|
رقم المشاركه : 11 |
|
مسـيّر
|
وتراني جاي أضيع وقت عندكم بس طز فيكم وفي موقعكم ياسملق |
|
23-04-2003, 12:49 AM
|
رقم المشاركه : 12 |
|
من شيوخ الحاره
|
 وهذا يكفينا .... ويدل عليك وعلى معدنك
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
أخترنا لك
|
||||
| الموضوع | كاتب الموضوع | المنتدى | مشاركات | آخر مشاركة |
| ( جاذبية الحب و الشهوة و الشذوذ و الرجل والمرأة ) | ابو عمر القرشي | دكة الحوار | 40 | 25-03-2007 09:26 PM |
| ( جاذبية الحب و الشهوة و الشذوذ و الرجل والمرأة ) | ابو عمر القرشي | متحف الحارة | 37 | 14-03-2007 10:39 AM |
| ღஜ¤ّ,¸¸,ّ¤الـــزواج من الاقاربღஜ¤ّ,¸¸,ّ¤وزواج الصغيره قبل الكبيره | Crazy But Funny | دكة الحوار | 6 | 05-02-2007 12:32 AM |
| زواج المسيار والفرند ؟؟ وش قصتهم ؟؟ ادخل وعبر .. مع الاتصالات ! ! | LoNeLy jUkEr | دكة الحوار | 23 | 18-06-2006 12:05 PM |
